Weg! Ry & Sleep January/February 2016

As jy soos ek in die jare tagtig op hoërskool was, het jy seker ook die reeks Back to the Future-flieks in ’n bioskoop of dalk op ’n Vrydagaand by iemand se huis op ’n “videopartytjie” gaan kyk. Maar het jy geweet daai “toekoms” in Back to the Future II , die een met die vlieënde skaatsplanke, Jaws 19 en die snaakse klere, was veronderstel om 2015 te wees. Kyk weer mooi: Michael J. Fox land op 21 Oktober 2015 in die toekoms. Met ander woorde dis al maande gelede. Jip, 2015 is al geskiedenis. Back to the Future se voorspellings het toe ook nie die kol getref nie. Ons kry byvoorbeeld nie ons koerante en tydskrifte…

Ek kamp al etlike jare. Eers het ek dit op eie houtjie aangedurf, en in ’n stadium het ek vir my ’n 2 l-Isuzu gekoop waarmee ek jare lank ’n Sprite Sprint gesleep het. Later is ons getroud en ons koop op die ou einde ’n Jurgens Penta Gold. Dit was ’n vakansiehuis op wiele. Maar aftrede staan nader en ons besluit om die wa te verkoop en ’n regte vakansiehuis te koop. Die woonwahandelaar, hoeka Pieter Crous wat help met julle sleeptoetse, sê vir ons ons sal wel weer ’n woonwa koop. ’n Paar jaar daarna koop ons toe ’n tent, toe ’n kampwaentjie... en so ’n maand gelede weer ’n woonwa. Twee weke daarna gaan ons vir die naweek weg met die woonwa en kan nie wag vir…

Ek verwys na die Bieliebrief in die Oktober 2015-uitgawe: In die brief, wat oom Piet en tant Sannie Hartzenberg skryf, noem hulle van hulle kleinkinders wat hulle van Howick af saamgeneem het om in hulle Jurgens-woonwa te kamp. Ek en oom Piet se dogter, Danette, was saam op hoërskool en vyf jaar in dieselfde klas. Hulle het so ’n paar huise van ons af gewoon in die Pretoriase Moot. Ek ken daardie wa goed, want ek en Danette moes een aand noodgedwonge die battery “leen” sonder dat oom Piet-hulle daarvan weet. Ek het ’n klaspartytjie by ons huis gehou en ons het skielik ’n strobe light vir die aand nodig gekry. Danette het ’n oplossing gehad om krag by die lig te kry: die woonwa se…

Nadat ons vanoggend ons WegSleep gekry het – voordat Pikkie, ons baster-yorkie, hom kon “lees” – wil ek ook my bydrae lewer. Ons kamp al amper 30 jaar, eers met ’n tent, maar die laaste 17 jaar met ’n woonwa. Ek glo kampeerders word só gebore. Ons kamp graag, want jy voel nader aan die natuur. By die meeste kampplekke is ook gawe mense, want hulle geniet uit die aard van die saak ook die buitelug. Dis ook ’n plek waar jy heelwat vriende maak, party sommer vir lank; ander is bloot vakansiekennisse. Dis heerlik om deur die kampplek te stap met die reuk van braaivure in die lug en die meegaande geure van lekker kos. Én dan is daar nog die geur van regte moerkoffie wat staan…

Graag simpatiseer ek met Frieda Meyer wie se man, Gert, in Junie 2015 by Scottburgh in die woonwapark oorlede is. Ek weet nou hoe groot Frieda se hartseer moet wees. Ek en my man, Johnny (regs), het ons huis in Centurion verhuur en tussen November 2013 en April 2015 ons land met ons Skipper-wa deurkruis. Ons het wonderlike vriende gemaak op hierdie lang reis, te veel om op te noem, en dis húlle liefde en ondersteuning wat my deur hierdie moeilike tyd dra. Ons toer het die Rietvleidam naby Ventersdorp ingesluit asook die Forever-oord op Plettenbergbaai. Ons het ook vyf weke by goeie vriende, Chris en Marietjie Nell, in Kaapstad gekuier en van daar af is ons na Leentjiesklip in Langebaan en toe na die Bulshoekdam buite Clanwilliam. Ons is…

Ons is ’n klomp rolbalspelers van die Oakdale-rolbalklub wat naweke reg oor die Kaap rondreis om aan kompetisies deel te neem. Die eerste naweek van Oktober verlede jaar is ons toe Moorreesburg toe om te gaan speel. Ons het by ’n vriend op die kleinhoewe Toringkop by Koringberg, net anderkant Moorreesburg, oorgebly. Ek het dié ou woonwa in iemand se tuin in die hoofstraat sien staan en hierdie foto’s daarvan geneem. Soos ek verstaan, behoort hy aan ene Jan Nel. Die woonwa het inderdaad aan Jan behoort, maar hy vertel hy het dit onlangs verkoop. Hy sê hy is nie doodseker van die wa se oorsprong nie, maar hy weet hier in die jare sestig het die woonwa aan mense in Sutherland behoort. Die laaste lisensieskyf het in die jare…