Innholdsfortegnelse for January/February 2016 i Weg! Ry & Sleep

As jy soos ek in die jare tagtig op hoërskool was, het jy seker ook die reeks Back to the Future-flieks in ’n bioskoop of dalk op ’n Vrydagaand by iemand se huis op ’n “videopartytjie” gaan kyk. Maar het jy geweet daai “toekoms” in Back to the Future II , die een met die vlieënde skaatsplanke, Jaws 19 en die snaakse klere, was veronderstel om 2015 te wees. Kyk weer mooi: Michael J. Fox land op 21 Oktober 2015 in die toekoms. Met ander woorde dis al maande gelede. Jip, 2015 is al geskiedenis. Back to the Future se voorspellings het toe ook nie die kol getref nie. Ons kry byvoorbeeld nie ons koerante en tydskrifte…

As ’n mens die vraag vra hoekom kamp ons, begin dit by my ouers. Hulle het my van jongs af leer kamp. Ek en my broer was só behendig ons kon van ’n jeugdige ouderdom af self die kamp inrig. Julinda, my vrou, was een van daardie mense wat niks wou weet van weke in ’n tent kamp nie. Nou, ná 12 jaar se ernstige kamp, is sy die dryfveer agter elke kamp. Ons hou van afgeleë plekke met nie meer as 5-10 staanplekke nie. Ons verkies staanplekke sonder krag, TV en selfoonontvangs, want ons is selfversorgend. Ons het onder meer sonpanele, batterye en ’n bosstort wat saamry. Vir ons gaan dit oor die wegbreek, ontlaai, ontspan en die geleentheid om iets anders te doen. Dis die kans om ’n…

Ons almal het eens op ’n tyd vir die eerste keer ’n wa gehaak. Ons Facebook-vriende deel die beste raad wat hulle ontvang het toe hulle begin sleep het. Retha Möller van Zyl Gaan stort eers nádat jy jou kamp afgeslaan het. Magriet Burger Moenie haastig wees nie. Jy het jou slaapplek op jou rug. Marietjie Ackermann Visagie Die beste raad is om so min en so lig as moontlik te pak. Craig Clement Tobias Pak die tent en ander swaar goed op die wiele. Sean Hess Moenie jaag as jy sleep nie. Sleep teen 100 km/h en niks vinniger as dit nie. Dewald Hattingh Moenie teen ‘n afdraande vinniger ry nie. Hou jou spoed bestendig. Donnagene Nel Jacobs Wees rustig wanneer jy sleep. Laat die vinnige ouens maar verbyjaag;…

St. Lucia, geleë in die iSimangalisovleilandpark van 3 320 km 2  , lyk deesdae ’n bietjie soos die Kanariese Eilande, met vakansieblyplekke, winkels, restaurante en toerisme- en safarikantore wat langs mekaar ingeryg staan. En die hoofstraat, McKenziestraat, wemel van die buitelandse toeriste, vakansiegangers en diepseehengelaars. Net 30 km noord van dié toeristedorp lê Kaap Vidal – daardie rustige boskampplek by die see wat ’n jaarlikse instelling onder party kampeerders geword het. Die stywe kamptariewe hier het gemaak dat baie van die gereelde kampeerders eerder ander staanplek gaan soek het. Tog bly Kaap Vidal lekker – dis as jy dit kan bekostig of bereid is om R520 of meer te betaal om vir ’n nag hier te kamp. By St. Lucia is egter ook goedkoper kampplekke – soos die Sugar…

Die Isuzu KB-bakkies dra al sedert 1981 vrag in Suid-Afrika. Die huidige reeks is die sesde geslag, en bestaan uit nie minder nie as 18 modelle (21 as jy die drie “Serengeti Editions” byreken, maar hulle is bloot variante van die KB300 D-TEQ met bykomende chroomafwerking). Nege van hulle het die KB250 D-TEQ onder die kap en in September het Isuzu aangekondig hy het dié enjin nou heelwat meer oemf gegee. Die nuwe 250 D-TEQ-enjin het nou 320 Nm wringkrag (40 Nm meer as voorheen) en jy kan net meer as 2 ton haak. Dis meer as genoeg om van die swaarste woonwaens op die mark te sleep. Haak hom, Blokkies! Die sleepstang bout agter aan die onderstel vas met drie boute aan weerskante en lyk bykans een met die…

LIGGEROOKTE SNOEK MET BRUINBROOD EN ROSYNTJIEKONFYT Vanl lraat Jy’t al stories gehoor oor al die truuks met snoekbraai, maar dis eintlik maklik en vinnig om ’n snoek in ’n ketelbraai te rook. Jy benodig (genoeg vir 6) • 1 eetlepel (15 ml) sout• 1 teelepel (5 ml) varsgemaalde peper• 2 eetlepels (30 ml) geel mosterdsaad• 2 eetlepels (30 ml) paprika• 1 teelepel (5 ml) rissievlokkies• 2 knoffelhuisies, fyngedruk• 2 lourierblare, fyngesnipper• 2 eetlepels (30 ml) droë origanum• ¼ koppie (60 ml) olyfolie• 1 heel snoek (of gebruik 6 porsies van 350 g elk) Só maak jy 1 Menl die sout en peper met die kruie en speserye, en meng dit by die olyfolie in. Vryf die snoek daarmee in en sit dit in ’n vlak foeliebak. 2 Maak vuur met braaibrikette teen die rand van jou ketelbraai se kolebak. Sit…

Isu-sjoe- 2011 ISUZU KB300 LX (handrat) Hy kan nie vir ’n beter sleepvoertuig vra as sy Isuzu nie, sê Thinus Mulder van Tarkastad. Hoekom is jy so tevrede met die Isuzu? Ek het my 1993-model Sprite Swift agt maande lank met ’n Chevrolet Cruze 1.8 LS gesleep, en glo my, dit was nie ’n plesier nie. Hy het my 18 L/100 km gegee en veral swaargekry as daar dwarswinde was. Wat krag betref, was hy hopeloos. Ek het toe van hom ontslae geraak en vir my die Isuzu aangeskaf. Gaan dit nou beter? Sommer baie. Ek sleep nou al twee jaar met hom – hy ry gerieflik en sukkel nie met die wa as ek sleep nie. Die Isuzu se krag is ongelooflik. In die bergwêreld waar ek bly, hou…

“Ek en my vrou, Liesel, het onlangs vir ’n naweek-wegbreek by die Tamboti-Vreugde-woonwapark in die Dinokeng-reservaat gaan kamp. Dit was ons eerste keer en ek was nuuskierig om te sien hoe dit daar lyk. Ek is bly om te sê ons was baie beïndruk met die oord – ons sal sommer gou weer daar gaan inloer. Hoe lyk die woonwapark? Die park is groot, en hoewel dit nogal leeg was toe ons daar gekamp het, dink ek daar kan digby 100 mense hier kamp. Die kampplek is tussen die bosveldbome op gras uitgelê en daar staan krane en kragbokse die wêreld vol. Die staanplekke is nie afgebaken nie; dus kan jy vir jou ’n lekker plekkie uitkies wanneer jy daar aankom. Daar is bome wat koelte gee, maar nie al…

Powrtouch – ’n slim skuif In 2004 het die onderneminl Somill – in Villiers in die Vrystaat – die alleenrel lekry om die Britse Powrtouch-woonwaskuiwer in Suid-Afrika te versprei. Leon Theron van Somill vertel: “Ons het eerste ’n woonwaskuiwer plaaslik bemark – dit het alles begin toe ek in Maart 2004 Engeland toe is om vir my ’n skuiwer vir my Jurgens Exclusive te gaan koop. “Ek het Powrwheel se besonderhede op die internet gekry en met hulle ’n afspraak gemaak. By my aankoms in Engeland het Powrwheel se eienaars volledige inligting gehad oor al die woonwaparke en die getal woonwaens in Suid-Afrika. Hulle het gevra of ek nie die Powrtouch in Suid-Afrika wil bemark nie en ek het die alleenreg vir die verspreiding bekom.” In Oktober 2004 het die…

“Ek en my vrou, Elmarie, is ywerige kampeerders wat op ons gelukkigste is as ons die pad kan vat. Ons het baie lank met ons tent oor die weg gekom en dit baie geniet, maar ons het altyd geweet ons sal graag eendag ’n vorm van woonwa agterop ’n bakkie wil hê. Dit maak die lewe darem net baie makliker. Omdat ons sulke kampentoesiaste is, woon ons gereeld buiteleweskoue by – daar het ons rondgestap en idees ‘geleen’ vir ons droomwa. Ons het gekyk na dít waarvan ons hou en nie hou nie, en alles wat ons gemeen het sou werk, in gedagte gehou. In 2011 het ons op ’n dag besluit die tyd is ryp en ek is na ’n maatskappy toe wat aluminium kan sweis om die kas…

Ek kamp al etlike jare. Eers het ek dit op eie houtjie aangedurf, en in ’n stadium het ek vir my ’n 2 l-Isuzu gekoop waarmee ek jare lank ’n Sprite Sprint gesleep het. Later is ons getroud en ons koop op die ou einde ’n Jurgens Penta Gold. Dit was ’n vakansiehuis op wiele. Maar aftrede staan nader en ons besluit om die wa te verkoop en ’n regte vakansiehuis te koop. Die woonwahandelaar, hoeka Pieter Crous wat help met julle sleeptoetse, sê vir ons ons sal wel weer ’n woonwa koop. ’n Paar jaar daarna koop ons toe ’n tent, toe ’n kampwaentjie... en so ’n maand gelede weer ’n woonwa. Twee weke daarna gaan ons vir die naweek weg met die woonwa en kan nie wag vir…

Ek wil graag twee kampplekke in Namibië en Botswana aanbeveel. Die Shametu River-lodge is in die Caprivi en nog in aanbou, maar jy kan al daar kamp. Dit is teenaan die Kavangorivier en elke staanplek het sy eie kombuis en eie ablusiegeriewe met krag en ’n donkie vir warm water. Die staanplekke het lieflike groen gras en jy kry die eerste aand hout en handdoeke. As jy langer as ’n week oorbly, kry jy weer ’n keer skoon handdoeke. Shametu is 5 km van Divundu af waar jy brandstof kan kry, en daar is ook ’n winkel met die nodigste. Die Mahanguwildtuin is 15 minute se ry weg, en hier kan jy troppe swartwitpense asook bastergemsbokke en tsessebes sien. Verder oos in die Caprivi is die Muchenje-kampplek aan die Botswanakant.…

Soms wanneer ’n mens ’n afgeleë dorpie binnery, wonder jy waarom iemand besluit het om juis daar te kom bly en ’n dorp te stig. Jy soek vergeefs na ’n rivier om landerye te besproei, of selfs ’n mynhoop waar iemand rykdom uit die aarde sou kon grawe. Die noordelike deel van die Weskus het ’n hand vol sulke plekke. Dorpe teen dié stuk kus is yl gesaai en kampplek nóg skaarser. Tussen Hondeklipbaai en Alexanderbaai, uitgestrek oor ’n kuslyn van 200km – een vol diamante en skeepswrakke – lê Koingnaas, Noup, Kleinsee en Port Nolloth. Met tussenin twee munisipale kampplekke waar jy jou wa kan kom staanmaak. Dié streek staan nie verniet bekend as die Diamantkus nie. Hoewel dit eintlik die Noord-Kaap se kopermyne is wat die aanvanklike dryfkrag…

Skaars 30 km van waar Oom Paul op Kerkplein staan, langs ’n sytakstroompie van die Krokodilrivier, lê ’n klein stukkie inheemse bos vasgedruk en weggesteek teen ’n hoë krans. Aan die oostekant is die torings van die Pelindabakernkragstasie en wes vloei die Krokodilrivier tot in die Hartbeespoortdam. Bo-op die krans is die huis van Gustav Preller, groot koerantman en vegter vir Afrikaans – dis hier waar nog ’n groot Afrikaner, Eugène Marais, sy laaste dae deurgebring het. En onder, langs die stroom, lê die Bobbejaanskloof-woonwapark. Staan weg! Die afdraaipad van die R104 af verklap geensins dat hier ’n kampterrein is nie. Trouens, as jy nie weet presies waar Bobbejaanskloof is nie, is die kanse skraal dat jy dit ooit per toeval sal ontdek. As jou GPS jou dus beduie om…

Nóg ’n kampplek vir Brits Met rondom 30 kampplekke in die nabye omgewing is die Brits-distrik waarskynlik een van die streke in die land met die meeste kampplekke per vierkante kilometer, maar daar is altyd plek vir nog een. Sowat 60 km buite die dorp, in Thabazimbi se rigting met die R511, is die heel nuutste toevoeging. Catheleen Beyer en haar man, Neels, bestuur geruime tyd al luukse chalets by die Thabaledi-wildslodge, maar Catheleen sê hulle het nou die punt bereik waar hulle ook meer gesinne na dié deel van die wêreld wil lok. Die eienaars van Thabaledi het dus besluit om ’n verdere deel as staanplekke vir kampeerders te ontwikkel. Hulle het die natuurlike plantegroei in ag geneem en die staanplekke rondom bestaande bome uitgelê. Elk van die 32…

Elke jaar het die Gereformeerde gemeente Hartbeespoortdam ’n Afrika-bostoer vir 4x4-entoesiaste wat liewer is vir grondpad as vir teerpad. In Julie het die Briele van Brits hulle Jurgens Xplorer aan hulle Toyota Land Cruiser Prado gehaak en saam gesleep Mosambiek toe. Op dié toer van Hartbeespoort se bosbedopperdes, soos ’n hulle hulleself noem, het 29 mans, vroue en kinders in 10 voertuie die agterpaaie gevat en in twee weke amper 3 500 km gery. Hier teen die einde van die toer het die wiele vir die Briele afgekom. Eers het hulle Prado halt geroep en toe het hulle boswoonwa se onderstel die gees gegee. Dit was ’n gespook om uit dié penaries te kom, maar, sê hulle, dis deel van die goeie herinneringe. Adrien vertel. Kyk noord My man, Hennie,…

Lede van die WegSleep-forum het onlangs by die Bosveld-Oasewoonwapark naby Brits laer getrek vir ’n naweek van feestelikhede. Die organiseerder van die saamtrek, John Cooper, sê digby 100 mense het saam kom kamp en dit was lekker om ’n klomp ou gesigte weer te sien en nuwe mense te leer ken. John is vol lof vir Bosveld-Oase en sê oud en jonk het dit gate uit geniet – daar is behóórlik gekuier. Hy is reeds besig om volgende jaar se saamtrek te beplan.…

Ek verwys na die Bieliebrief in die Oktober 2015-uitgawe: In die brief, wat oom Piet en tant Sannie Hartzenberg skryf, noem hulle van hulle kleinkinders wat hulle van Howick af saamgeneem het om in hulle Jurgens-woonwa te kamp. Ek en oom Piet se dogter, Danette, was saam op hoërskool en vyf jaar in dieselfde klas. Hulle het so ’n paar huise van ons af gewoon in die Pretoriase Moot. Ek ken daardie wa goed, want ek en Danette moes een aand noodgedwonge die battery “leen” sonder dat oom Piet-hulle daarvan weet. Ek het ’n klaspartytjie by ons huis gehou en ons het skielik ’n strobe light vir die aand nodig gekry. Danette het ’n oplossing gehad om krag by die lig te kry: die woonwa se…

Wenwenk ’n Bietjie privaatheid Privaatheid is soms ’n luukse wanneer ’n mens kamp. Ons kamp veral in droë gebiede in ons daktent en gazebo, en dan is privaatheid maar aan die skraps kant. Met ’n onlangse besoek aan die Kgalagadi se Nossob-kampterrein was ons weer in dié bootjie en ek het besef ek sal ’n plan moet maak. Ek kon nog nooit vat kry aan die “telefoonhokkie”-tente wat kampwinkels vir dié doeleindes verkoop nie en het toe besluit om my eie meerdoelige vertrekkie te bou wat goedkoop en lig is en klein opvou. Ek het vir my ’n hoepel gaan koop, sy las oopgetrek en hom binne-in met ’n stuk rubbertuinslang versterk. Voor ek hom weer geheg het, het ek tien gordynringe ingeryg en toe stukkies tou op drie punte…

Jy ken waarskynlik die gevoel: Jy is uiteindelik met vakansie en besig om rustig te raak ná ’n woeste jaar, dan besluit iets aan jou wa of tent om die gees te gee. Dit is onafwendbaar; as dit nié die geval was nie, sou daar nie so baie herstelondernemings en -produkte op die mark gewees het nie. Kampeerders is egter nie mense wat hulle laat afskrik deur ’n bietjie teëspoed nie, en hulle weet jy hoef nie noodwendig ’n plaas se prys te betaal om jou kampgoed reg te maak nie. Jy kan baie goed sommer self regsien. Jy moet net weet wat is beskikbaar en waar moet jy dit gaan soek. Met dié produkte doen jy dit sommer self, net soos Suzelle. TENT- EN GRONDSEILOGIES Kyk my in die…

Dis weer tyd vir WegSleep se Sleepakademie waar ons voornemende slepers touwys maak in die dinge wat hulle moet weet om ’n EB-rybewys te bekom. Ervare slepers kan ook ’n paar lesse kom leer oor die fyner kunsies van haak en sleep. Vanjaar span ons kragte saam met Campworld om hierdie slypskool aan te bied by ATKV Goudini-spa. Die akademie sluit twee aande se kampverblyf by dié oord in. Op die Saterdag sal Fanie Marx van SAWA, wat ook die tweejaarlikse sleepkompetisie van die Federasie van Woonwa- en-kampeerklubs organiseer, deelnemers teoretiese en praktiese opleiding gee en na afloop van die kursus steek ons die vure aan vir ’n lekker braai. BESPREEK SOMMER NOU, WANT PLEK IS BEPERK! Waar en wanneer? ATKV Goudini-spa: 5-7 Februarie 2016 Wat kos dit? R1500 per…

Hengelgerei Ou klikbek Net soos die slingertelefoon plek gemaak het vir die slimfoon, maak die poliesman aan die lyn deesdae plek vir elektroniese en digitale visverklikkers. Vroeër het jy net hier en daar hengelaars gesien wat bytalarms gebruik, maar deesdae is visstaanders met alarms ’n algemene gesig langs die land se hengelwaters. Henry de Beer, bestuurder van die gereiwinkel Henkor in Pretoria en self ’n kranige hengelaar, sê visverklikkers het vinnig veld gewen. “Dít is deesdae die manier om seker te maak die vis kom nie weg nie.” Die alarms, wat jy voor op jou visstokstaander koppel, lyk almal min of meer dieselfde: ’n swart alarmboksie met ’n V waarin jou stok se voorkant rus. Die meeste van die alarms het ’n rollertjie waarop die lyn rus – dié aktiveer…

Die Minelab Go-Find 40 is lig, het ’n waterdigte spoel, vou klein op en is maklik om te gebr ik. Jy kan hom selfs saam met jou sl mfoon inspan! Gaan kyk by minelab.co.za vir mee besonderhede oor dié skatsoeker. Dis maklik om te wen! Soek net die skêr, h lssno braaitang op die pren Mouton langsaan. Stuur vir ons jou naa die ruitverwysing van kies waar dit versteek 35404. (SMS’e kos R1,50 elk.) • DIE REËLS Jy kan soveel SMS’e stuur as wat • jy wil. Inskrywings vir hierdie uitgawe se • skatte sluit op 23 Februarie 2016. Sedert November het twee gelukkige lesers elkeen ’n metaalverklikker gewen. In hierdie uitgawe van Weg-Sleep versteek ons drie ander skatte op die prent sodat jy ook ’n kans het • om…