Weg! Ry & Sleep Feb/Mar 2025

Die boek Woonwa- en kampvuurreseppe deur Joey Mostert staan al sedert my aanstelling as redakteur op my boekrak. Dit is ’n soort erfstuk wat deur elkeen van my voorgangers gelos is vir die een wat die stoel by hom oorneem. Die boek is 50 jaar gelede gepubliseer en Joey dra hom op aan die Suid-Afrikaanse Woonwavereniging wat haar gevra het om dit saam te stel. Laat ek eerstens erken ek het nog nie ’n enkele een van die “reseppe” probeer maak nie. Dalk is ek net te lugtig of onavontuurlik van aard om geregte te probeer soos die “hoender en knoffelpolonie” of “vleis-en-lensiebroodjie” (wat kóúd voorgesit word!). Tog tel ek elke nou en dan die boek op en lees dan weer die eerste hoofstuk, “Beplanning en wenke vir ’n woonwavakansie”,…

Dié kampterrein, sowat 3 km buite Nieuwoudtville in die Noord-Kaap, is geleë naby die Oorlogskloof-reservaat en het ontstaan as gevolg van die Covid-19-pandemie. Die eienaar, Johan Spangenberg, en sy vrou, Antoinette, het in 2021 hulle eerste kampgaste ontvang. Die naam sinspeel natuurlik op die Star Wars-flieks, maar verwys terselfdertyd na die sterre en heerlikste plaaswors wat jy hier kan geniet. Die kampplek is op ’n unieke stukkie landskap op die plaas Buffelsvley van 900 ha – in dié oopte is jy is ver weg van enige stadsliggies en geraas. Dis net jy en die natuur. Starwors het drie luukse kampplekke, elkeen met sy eie private badkamer in die vorm van ’n klein klipkop. Die staanplekke is genoem na karakters in die flieks: Darth Vader, Yoda en Jar Jar Binks, en…

Bergkoninkryk buite Modimolle het nou ook ’n kampplek ingerig. Die nuwe eienaars, Joop en Sulita de Kock, het die plaas aan die begin van 2023 gekoop en die kampplek in Oktober 2024 oopgemaak. Joop en Sulita is ervare kampeerders en nou het hulle droom van hulle eie kampplek uiteindelik ’n werklikheid geword. Bergkoninkryk is deel van die plaas Kloof en Dal. Sulita vertel gaste het vroeg al navraag gedoen oor alternatiewe verblyf soos kampplek. Vandag is hier vier private staanplekke: Vaalboom, Sekelbos, Wildesering en Raasblaar. Die groepie staanplekke is bymekaar, en afhangend van waar jy jou staan kry, kamp jy op gras en die koelte wissel. Jy kan jou vlekryestaalbraaiplek (met ’n rooster) skuif tot waar jy hom wil hê. Jou kragpunt is ’n blou woonwaprop en jou badkamer het…

Lethabo-lodge, 10 km buite Modimolle, het sy keuses vir kampeerders nou uitgebrei van een tot twee kampterreine. Volgens Conrad Meyer, die lodge se eienaar, het die boskamp met sy 5 staanplekke en gemeenskaplike ablusiegeriewe in 2023 die lig gesien. Elke staanplek het ’n plaveiblad met ’n afdak. Nou is daar ’n tweede kampterrein ingerig wat hy Waterhole gedoop het. Hier is 7 staanplekke, elk met ’n bok se naam: Impala, Kudu, Nyala, Wildebees, Bosbok, Rietbok en Tsessebe. Danksy al die bome in die nuwe kamp is ’n afdak nie nodig oor jou staanplek nie. Jy kry jou staan op ’n plaveiblad van 6 x 9 m waarvan die een kant ’n afskorting langs ’n vuurput het. Jy het ’n kraan op jou staanplek plus ’n braaier en kragpunt. Lethabo-lodge se…

Die Wes-Kaapse tak van Conqueror is onlangs aangewys as die gunstelingonderneming van Die Burger se lesers in die afdeling vir kamp- en/of sleepwaens. Jòvan Pienaar is die eienaar en uitvoerende hoof van Conqueror Wes-Kaap en het die ondermening in 2023 gekoop. Hy sê hy is ’n entrepreneur met ’n meestersgraad in die regte en belange in vele ondernemings, maar hy’t die korporatiewe regswêreld vir nou vaarwel geroep om sy passie na te jaag. Voorheen het hy Conqueror-waens as stokperdjie gerestoureer, maar die gogga het gebyt en dit het gelei tot dié voltydse verandering. Hy sê waar daar voorheen 5-6 waens op die vertoonvloer naby Paarl was, staan daar nou 35-40, waarvan 40% nuwe modelle is. Kontak 🖱 info@conquerorwc.co.za 🖱 conquerorwc.co.za ✆ 082 470 6699…

Mense tussen 25-39 jaar is in 41% van alle noodlottige ongelukke betrokke, en volgens statistieke is dit die ouderdomsgroep met die meeste sterftes op ons paaie. Volgens ’n meningpeiling onder Suid-Arikaanse motoriste het bestuurders tussen 18 en 24 die meeste vertroue in hulle vernuf agter die stuur, maar 52% van hulle dra glad nie ’n sitplekgordel nie of net soms. Wat die ouderdomsgroep 25-39 betref, gordel 75% van hulle wel vas op die langpad, maar 29% van hulle gespe los sodra hulle naby die huis is. ’n Kommerwekkende 40% van dié ouderdomsgroep sê hulle dra ’n gordel slegs omdat dit volgens wet vereis word. Dit wil lyk asof groepsdruk bydra tot hierdie probleem; altesame 14% van alle Suid-Afrikaners, en die meeste in die twee ouderdomsgroepe hiernaas, glo dis cool om…