Weg! Ry & Sleep Apr/May 2025

Gereelde lesers van ons tydskrif sal sommer dadelik opmerk dat Mic van Zyl se rubriek in hierdie uitgawe nie op sy gebruiklike plek is nie. Mic is baie lank al deel van ons redaksionele familie en het al meer as ’n honderd 4x4- en veldryrubrieke vir Ry & Sleep en ons voorgangertydskrif WegRy geskryf. Hy is ’n goeie mens met ’n vurige passie vir die buitelewe en sy beroep. Laasgenoemde twee loop toevallig hand aan hand, want hy is per slot van sake ’n direkteur van Ironman 4x4, een van die grootste en gewildste handelsname in die bedryf. Dit is ’n absolute plesier om saam met Mic te werk en ek het net die hoogste agting vir sy etiek, sy eerlike en ordentlike manier van dinge doen, en sy aansteeklike…

Ek het ’n jaar gelede vertel hoe ’n groep van ons al 15 jaar of wat elke Desember saam by Tietiesbaai kamp. Ons slaan kamp op en die kampvriende kom en gaan soos hulle tyd het om by ons aan te sluit. Met ons terugkeer van die Weskus af in 2023 ontmoet ek vir Willie Dreyer. Hy kamp ook, maar was tot in daardie stadium nie deel van ons tradisionele kampvakansie nie. Ek vertel vir Willie van ons jaarlikse uittog en vra: “Kom jy of bly jy?” Die kort weergawe van die storie is dat Willie ál 28 dae met ons kon uithou... en die twee van ons is nou al ’n jaar lank in ’n verhouding. Ons het weer al ons gebruiklike instellings – soos al die seekos wat…

Plaaslike woonwa- en 4x4toebehorevervaardigers was weer op hulle stukke by die jaarlikse Woonwaskou by die Gallagher-landgoed in Midrand. Die meeste vervaardigers gebruik die skou as ’n platform om hulle nuutste modelle bekend te stel, en dit was gaaf om ’n hele klompie nuwe gesigte te sien. Vanjaar het meer as 30 woonwavervaardigers hulle produkte kom uitstal, en ons sluit 29 van hulle in op die volgende blaaie. Ons span ook dié slag die net wyer as net woonwaens en sluit allerlei toerusting en 4x4-bykomstighede in, ’n goeie manier om die skou se mondigwording te vier. OKTO Okto is bekend vir sy padwoonwaens én sy immergewilde Gravellor-grondpadwoonwaens. Die vervaardiger, wat ’n bietjie meer as ses jaar lank al waens bou, het nou uitgebrei en die Wasp, ’n liggewig boswoonwa vir 2…

Dit is warm buite – 44 ºC, sê die bakkie se meter – en lugspieëlings dans rusteloos op die horison terwyl die sonbesies senuagtig saamsing. Wat soek jy hier op grondpaaie wat motorbande vir brekfis opvreet en ’n plek waar water kosbaarder is as goud? Ry saam met ons en leer hoe die Visagie-, Pieterse- en Shephard-familie plus ’n dosyn ander op 55 plase ’n bestaan gemaak het voordat die eiendomme saamgevoeg is tot een nasionale park sodat die natuur vir ons nageslag bewaar kan word. Vertrek uit Ceres, ’n raps minder as twee uur se ry van Kaapstad af. Maak vol jou brandstoftenk en volg die geteerde R46-streekpad oor die Theronsbergpas, gevolg deur die Hottentotskloofpas. Die R46 swenk mettertyd skerp regs, maar ons hou reguitaan met die R355-grondpad wat…

Dis ’n grootpad met vele gedaantes: Die 666 km lange N7 tussen Kaapstad en Vioolsdrif vat jou nie net na die hartland van die mooiste blomme in die land nie, maar jy het ook toegang tot die ganse Weskus. Verder is dit ’n alternatiewe roete tussen die Kaap en die noorde van die land én dit klop soos ’n lewensaar tussen plaaslike kampeerders en Namibië. Kamp onder die sterre al teen die Oranjerivier af is nou vir ons amper ’n werklikheid – ’n beplande vakansie wat nie vinnig genoeg kan aanbreek nie. Maar die gedagte is nie om binne ’n dag van die Moederstad af Vioolsdrif toe te ry nie. Die rubberbootjies kan ’n dag of wat wag, want ons gaan kamp-kamp daar aankom. Citrusdal is skaars 200 km van…

Met ’n allemintige sewe kampterreine, vier damme propvol blinklywe en meer as genoeg aktiwiteite om die hele gesin besig te hou is Zelpy ’n kampbestemming soos min ander. Wanneer jy met jou aankoms hier, 8 km buite Magaliesburg, aanklop, wag die vriendelike Tricia Swanepoel jou by die ontvangskantoor in om die formaliteite af te handel. Mense wat al voorheen hier was (Die oord het tot ’n paar jaar gelede nog as Eastco Magalies bekend gestaan. – Red.), het ’n gewoonte om hulle staanplek te kies wanneer hulle bespreek. As dit jou eerste besoek is, hoor Tricia eers waarmee jy kamp en hoe naby jy aan die viswaters wil wees voor sy ’n staanplek aan jou toeken. Wanneer jy later jou kamp opgeslaan het en ’n entjie deur die oord gaan…