Weg! Ry & Sleep June/July 2025

Elke dan en wan gebeur iets onverwags waarvan die tydsberekening amper té volmaak is om dit aan blote toeval toe te skryf. Iets soos dít wat vroeër vanjaar by die Woonwaskou in Midrand met my gebeur het. Ek het my die Saterdagmiddag vir ’n rukkie van Ry & Sleep se stalletjie verskoon om ’n draai deur al die uitstallers te stap om te kyk of daar dalk ’n ou bekende is om te groet, ons vindingryke vervaardigers se nuwe produkte onder oë te kry en sommer net my vinger op die pols van ons bedryf te hou. Ek was nie spesifiek op soek na iets of iemand nie, maar so in die rondslenter het ek met Lea Erasmus van Ultimate Routes by hulle stalletjie aan die gesels geraak nadat sy…

Vars vleis én ’n nuwe pad Ons het in Maart saam met vier ander gesinne ’n week lank in Botswana gekamp en ek deel graag met my medereisigers twee dinge. Omdat ons bewus was van die regulasies rakende vleis wat oor die grens gevat word, het ons besluit om ons vleis vooraf te bestel en anderkant die grens op te pik. Ons het dit by die moderne nuwe Spar by die Palapye Junction-winkelsentrum bestel. Dis ’n groot, spoggerige winkel met alles op die rak wat jy hier plaaslik sou verwag én ’n raakvat slaghuis. Die mense van die Palapye-hotel, waar ons vantevore al tuisgegaan het, het ons na dié Spar en sy slaghuis verwys, en ons het al ons vleis en kruideniersware vooraf per e-pos bestel waarop ons dit op…

BUNDU LODGE Bundu Lodge is ’n nuwe woonwavervaardiger in die Paarl wat kom spog het met twee boswoonwaens: Die Rhino 2 en Elephant 4. Die mense aan die stuur van Bundu Lodge, Ebbie Lambrechts (ontwerp) en Jacques Calitz (vervaardiging), sê in die mededingende boswoonwamarksegment soek kampeerders ’n wa sonder seilpanele wat maklik opslaan en ’n binnebadkamer en -eetplek het én geriewe om selfonderhoudend te wees. Daarom is Bundu Lodge se modelle sonkraggereed en toegerus met ’n waterstelsel en geiser. Die waens se romp en onderstel bestaan uit vlekvrye staal, terwyl die deur en opwipdak van aluminium is. Met die eerste oogopslag is die twee modelle eenders, maar die Elephant het twee beddens en die Rhino een. Eersgenoemde se tweede bed skuif op ’n glyraam uit die romp by die neuskas.…

Kampplekke in die Noord-Kaap is maar yl gesaai, en daarom is dit goeie nuus om te hoor van ’n nuwe kampplek by Vanderkloof wat in Desember oopgemaak het. Die Vanderkloof Damwal-woonwapark lê teen die Oranjerivier en jy kry jou staan langs die waters van die Vanderkloofdam, oorkant die hoogste damwal in die land. Die eienaar, Gerrit Crous, wat ook die Monte Crous-hotel op die dorp besit, sê Vanderkloof is deesdae ’n vakansiebestemming en hy het ’n behoefte vir ’n kampplek raakgesien. Daarom het hy die lappie grond van 2,5 ha in ’n netjiese woonwapark omskep. Die water is skoon en bied puik hengelgeleentheid. Hier is 25 staanplekke op gras met geriewe soos ’n kragpunt, kraan en ’n geboude braaiplek met ’n rooster. Gerrit vertel hy het die gras van Gauteng…

Die GX is gegrond op die Toyota Land Cruiser Prado en is sedert April vanjaar in Suid-Afrika te koop. Die GX is die vyfde toevoeging tot Lexus se X-reeks voertuie wat grondpad kan ry; die ander is die kompakte UX, die middelgrootte NX, die slanke RX en die volgrootte LX, wat skouers skuur met die groot Toyota Land Cruiser 300. Die GX is beskikbaar in drie afwerkingsvlakke: die Overtrail (R1 766 000), die Overtrail Bi-Tone met ’n swart dak (R1 776 200), en die SE-vlagskipmodel (R1 829 000) met ’n sterker fokus op weelde as veldryvermoë. Wat het ons hier? Soos ons reeds genoem het, is die GX gegrond op die Prado, maar pleks van ’n 2,8 ℓ-dieselenjin en ’n agtgangratkas kry Lexus se weergawe ’n fris 3,5 ℓ-V6 met…

Die eerste ding wat mense gewoonlik wil weet as jy hulle vertel jy is op pad om by Laingsburg te kamp is: Wáár? Dié beskeie dorp lê in die hartjie van die Groot-Karoo – dorre wêreld – en die enigste rede hoekom ’n mens jou normaalweg hier sal bevind, is omdat jy met die N1 langs êrens anders heen op pad is. Dis egter ’n heel aangename verrassing om te besef dat jy ook jou wa vir ’n paar dae hier kan staanmaak by twee kampplekke. En dis die soort plekke waarvan jy jou vriende sommer vinnig gaan vertel. Die Buffelsrivier-kampterrein is op die plaas Opzoek, 9 km buite die dorp. ’n Mens ry al teen die walle van die Buffelsrivier se droë loop noord tot jy by die kampplek…