Weg! Ry & Sleep Dec 2025/Jan 2026

Hierdie laaste klompie weke van die jaar laat my altyd voel asof die lewe teen ’n skrikwekkende tempo voortstorm. Daar is net soveel dinge te doen, ’n magdom mense te sien en een saktyd te veel om te oorleef voordat jy kan asem skep en die Out of Office op jou e-posse aansit. Maar wanneer dit uiteindelik gebeur en jy vir ’n oomblik kan stilstaan, lê ’n heerlike paar dae (of weke vir die gelukkiges) se vakansie voor waar jy kan fokus op dinge wat saak maak... familie en vriende. Die Desembervakansie het nog altyd vir my ’n diep waarde. Toe ek ’n kind in die huis was, was hierdie familietyd en dan het ons saam met oupas, oumas, ooms, tannies, nefies en niggies gekuier. Ek is versot op die…

Ná 10 jaar se kamp in ’n boswa besluit ek en my man, Nantes, om weer ’n daktent aan te skaf. Ons is albei ouer as 60 en besluit op BunduTec se BunduTop wat elektries oopmaak. Ons maak ’n wenslys van plekke wat ons nog wil sien en beleef, en begin planne maak. Binne weke is die daktent gereed en ons plek op ’n begeleide toer bespreek. Oor die volgende drie weke lê 7 100 km voor... Zimbabwe, hier kom ons! Ons pak die Fortuner, wat toegerus is met ’n yskas en rakstelsel. Die rugsakke wat ons laas in 2010 in Griekeland gebruik het, pas op die agtersitplek. Ná die gerief van ’n boswa is dit nogal ’n aanpassing om al jou toergeriewe in ’n voertuig te pak. Die eerste…

Kampplekke rondom Bela-Bela is gesog, veral in die omgewing van die Waterberg, noord van die dorp. Modubu-lodge sluit nou aan by hierdie groep bestemmings. Dit is skaars 10 minute se ry uit die dorp en teerpad tot by die hek. Die lodge is geleë in dieselfde doodloopstraat as die ATKV-aftreeoord Klein-Kariba Negester. Hier is dus nie deurverkeer nie, wat grootliks bydra tot die rustigheid. Leon en Maria Prinsloo en hulle vriende Tom en Marietjie Brown het die lappie Bosveld van 23 ha in 2024 gekoop toe hier drie selfsorgchalets was. Hulle sê hulle wou van die begin af kampgeriewe op die grond ontwikkel, en die eerste van drie fases is nou afgehandel met 12 staanplekke tussen inheemse bome. Elke staanplek is genoem na een van die Waterberg se bekendste boomsoorte,…

Wolwehok is ’n nuwe kampplek op die Mineral Springs-wynplaas van 150 ha buite die Paarl waar die eienaars, Pieter en Helene Beyers, met sitrus en olywe boer. Die kampterrein is langs die oewer van die Wildeperdejachtrivier wat naby die plaas in die Limietbergreservaat ontspring en by Paarl deel word van die Bergrivier. Altesame 8 van die 10 staanplekke is langs mekaar en die ander 2 oorkant hulle en langs die badkamergebou. Pieter-hulle het buffelsgras op die staanplekke aangeplant en lae paaltjies dui aan watter staanplek is waar. Hier is losstaande braaidromme vir almal – onthou net jou eie rooster. Die badkamergebou is die naaste aan die middelste staanplekke en bestaan uit drie ruim gesinsbadkamers. Elkeen het ’n oop stort, wasbak, spieël en toilet, en ’n gasgeiser sorg vir die warm…

Saggies op 80 is ’n nuwe “private” kampplek op ’n plaas tussen Vredenburg, Velddrif, Hopefield, Langebaan en Saldanha. Hier is plek vir tot 30 mense, maar slegs een bespreking word aanvaar – die hele kampplek is dus joune, of jy met jou tweemantent kom kamp of al jou kampvriende saamnooi. Die plaas van 64 ha lê ongeveer 5 km buite Vredenburg en behoort aan Dewald en Jandra Kraftt. Die naam, verduidelik Jandra, het niks te make met ouderdom nie: “Dis ’n sêding uit die oudae: Wanneer ’n klomp mense musiek oor ’n draadloos luister en iemand in die geselskap wil iets sê, dan sou iemand gou sê: ‘Sit die musiek saggies op 80.’ “Ons is kuiermense en het aanvanklik die plek vir ons en ons vriende ingerig. Die lapa was…

DIE TOEKOMS Die Lexus LS is ’n bussie wat lyk na iets uit ’n wetenskapfiksiefliek. Die opvallendste eienskap buitelangs is die vier kleinerige agterwiele en die twee groter voorwiele. Waarom? Want Lexus kan. Die letters LS in die naam staan vir “Luxury Space” – en die binneruim is inderdaad luuks. Daar’s tradisionele Japannese bamboes oral waar jy kyk en die vier sitplekke lyk gemaklik verby. Die stuurwiel en instrumentepaneel kan na links of regs skuif sodat jy die LS in enige land kan bestuur, maar die uiteindelike mikpunt is om heeltemal ontslae te raak van ’n bestuurder en eerder kunsmatige intelligensie in te span. DIE KAT KOM WEER Die Mitsubishi Elevance is ’n elektriese sportnutsvoertuig in sy konsepfase. Nugter weet of Mitsubishi-motors hom gaan bou, want die maatskappy sukkel die…