Weg! Ry & Sleep Aug/Sept 2025

Terwyl ons aan die werk was met hierdie uitgawe, het Deon Boshoff en Mic van Zyl se bydraes my opnuut herinner aan daardie oomblikke op reis wanneer ek op my gelukkigste is. Dis gewoonlik vroegoggend as ek eerste wakker is en met ’n sterk beker koffie in my hand besef hoe ek dít wat ek waarneem, amper vir die eerste keer sien. Nee, meer as sien... ek kan dit vóél. Op ’n plek soos die Sederberg is dit wanneer die sandsteenkranse stadig begin opvlam in kleure van rooi en goud soos die son sy kop uitsteek. In die Kruger is dit dalk die geluid van ’n voël se gefladder in die mopaniebome terwyl die sonbesies begin keel skoonmaak, en in die KwaZulu-Natalse Suidkus is dit die mis wat oor die…

Ons is die gelukkiges wat drie nagte se verblyf by die Kalahari Lifestyle-lodge losgeslaan het in NC Famous Lodges se kompetisie in Ry & Sleep se Oktober-November 2024-uitgawe. By ons aankoms is ons vriendelik verwelkom, nogal met braaibroodjies, koffie, tee en beskuit. ’n Mens voel sommer deel van die familie. Ons is ook verras met hoe netjies die kampplek is. Dit is goed toegerus met alles wat nodig is in die kombuis, selfs verskillende souse in die yskas. Hier is ook ’n televisie, DStv én wifi. Die badkamer het ’n binne- en buitestort – laasgenoemde is ’n wenner. Jy kamp op groen gras en kry ook ’n binne- en buitebraaiplek. Boonop is hier alles wat nodig is om ’n vuur aan te steek – alles mooi geseël in ’n sak.…

Die Bushriverlodge naby Hoedspruit het ’n nuwe kampplek: Die lodge lê 25 km buite die dorp teen die Olifantsrivier, en volgens Anthony van Aswegen, wat saam met sy vrou, Lisa, aan die stuur van sake is, vra mense al lank vir ’n kampplek hier. Hoewel dit ’n boskamp is, is die laaste 1,2 km grondpad tot hier mooi genoeg sodat jy met ’n gewone voertuig en padwa kan kom kuier. Hier is krag en water; dus hoef jy nie heeltemal selfversorgend te wees nie. Die onomheinde kampplek is tussen die lodge en rivier, ongeveer 150 m van die oewer af. Hier is vier staanplekke waarvan twee effens meer afgeleë en privaat is. Anthony sê hulle is besig om nog drie staanplekke in te rig. Jy kamp op ’n skoongemaakte kol…

Die gaping tussen ’n klein traandruppelwa en ’n deursnee-padwa is groot. Eersgenoemde is eintlik maar net ’n bed-op-wiele, terwyl ’n konvensionele wa aansienlik meer leefruimte het. ’n Mens sou dink dit sal moeilik wees om ’n goue middeweg tussen die twee te vind, maar die wa-vervaardiger Road-Tripper se Free Spirit-model bewys die teendeel. Road-Tripper spesialiseer sedert sy ontstaan in 2016 in traandruppelwaens en het reeds meer as 200 eenhede van die hand gesit. Chris, wat voorheen ’n lugvaartingenieur was, sê hy het ’n vurige geesdrif vir klein waens soos dié, maar sy onderneming het byna toevallig die lig gesien. Hy was saam met sy seun en ’n vriend op pad Namibië toe en het vir elkeen van hulle ’n klein wa vir die toer gebou. Die waens het die koppe…

Kotie vertel hy het aan die voet van die Swartbergpas naby Die Hel grootgeword, in ’n gesin wat gaande was oor kamp. Later was hy ’n ambagsman met ’n voorliefde vir ’n staalbout. Hy was betrokke by die bou van ’n hele rits kitskosrestaurante reg oor die vasteland voor hy onlangs besluit het om sy hand aan ’n woonwa te waag. Die grootste uitdaging was om sy gedagtes gestalte te gee, en hy het die een ná die ander tekenaar probeer. Die wa moes lyk soos g’n ander nie. Uiteindelik bou Kotie toe die stamvader van die Rooivalk met ’n klomp plankies, en die tekenaar De Wet Oosthuizen gee dit lyf op papier. Tweedewêreldoorlog-masjinerie lê Kotie na aan die hart, en die gedagte is steeds om ’n unieke boswa te…

Die twee groot voordele van ’n wa wat net 750 kg weeg, is dat jy nie ’n swaar sleepvoertuig nodig het nie en die wa met jou gewone rybewys kan sleep. Dié soort waens is dus veral vir nuwe slepers ’n gewilde keuse. Die kuns lê nie regtig in die ligte brutovoertuigmassa (BVM) nie, maar eerder die wa se dravermoë nadat dit toegerus is. Dis ’n fyn balans en ’n som wat nie maklik klop nie. Bos toe! Die SRNT (kort vir Serenity) is ’n boswoonwa, wat beteken hy moet sterker as ’n pad- of grondpadwa wees. Dit het natuurlik ekstra gewig tot gevolg. Saam met die standaardremme (Nóg gewig! – Red.) het die Serenity – as jy appels met appels vergelyk – omtrent geen mededingers nie. Daar is nie…