Innholdsfortegnelse for Dec 2025/Jan 2026 i Weg! Ry & Sleep

Wolwehok is ’n nuwe kampplek op die Mineral Springs-wynplaas van 150 ha buite die Paarl waar die eienaars, Pieter en Helene Beyers, met sitrus en olywe boer. Die kampterrein is langs die oewer van die Wildeperdejachtrivier wat naby die plaas in die Limietbergreservaat ontspring en by Paarl deel word van die Bergrivier. Altesame 8 van die 10 staanplekke is langs mekaar en die ander 2 oorkant hulle en langs die badkamergebou. Pieter-hulle het buffelsgras op die staanplekke aangeplant en lae paaltjies dui aan watter staanplek is waar. Hier is losstaande braaidromme vir almal – onthou net jou eie rooster. Die badkamergebou is die naaste aan die middelste staanplekke en bestaan uit drie ruim gesinsbadkamers. Elkeen het ’n oop stort, wasbak, spieël en toilet, en ’n gasgeiser sorg vir die warm…

GLAD SOOS SEEP Honda se jongste elektriese voertuie word die 0-reeks genoem en die kruisnuts wat jy hier sien, is die Honda Series 0 α, of dan 0 Alpha. Die voertuig op die skou was egter ’n prototipe en daar gaan waarskynlik kosmetiese veranderinge wees voordat vervaardiging in 2027 begin. Die 0 α sal aanvanklik slegs in Japan en Indië verkoop word (hy word in Indië gebou), maar is moontlik vir ander markte bestem. Honda beoog om teen 2040 uitsluitlik elektriese voertuie te bou. Die res van die wêreld sal moet inhaal of agterbly. ’N GHRÊND BUSSIE Die Nissan Elgrand sal van middel 2026 af te koop wees in Asië, Australië en Europa. Dié stasiewa word aangedryf deur ’n 1,5 ℓ-petrolenjin wat ondersteun word deur ’n elektriese motor wat al…

IMAGINE Imagine het sy reeks met twee nuwe waens uitgebrei: Die ComfortVan-modelle is ’n variant ryker terwyl die GravaVan ’n uitvloeisel is van die bestaande CruiserVan-waens. Die nuwe 2.0 ComfortVan het ’n soliede bed pleks van die uitslaanbed in die reeks se ander modelle. Hiervoor is die romp met 50 cm verleng, en hoewel die bed in die prototipe dwars staan, is die plan dat die bed reguit in die lengte van die wa staan met bedkassies aan weerskante. Die deel wat in die bestaande modelle uitslaan vir die tweede bed óf ’n klerekas is in die 2.0 met ’n uitglykapsule vervang wat 48 cm ver uit die romp gly. Die neuskas is danksy die langer romp nou twee keer groter: 100 cm diep, 110 cm breed en 70 cm…

“Met ’n bietjie geluk sien jy op dieselfde dag sommer ’n olifant in die bos, ’n lepelaar langs ’n meer én ’n seeskilpad op die strand.” Min bewareas kan spog met ’n dierelys wat landbewoners soos olifante, buffels en kameelperde, maar ook unieke seelewe soos mantas, walvishaaie en seeskilpaaie insluit. En dan praat ons nie eens van die voëllewe nie... het jy al ’n kleinswartvlerkkiewiet op jou voëllys? Dít en nog meer kry jy in die Maputo- nasionale park, net ’n hanetree anderkant die Kosibaai-grenspos. Dis juis die ligging van die park waaraan sy besonderse versameling spesies te danke is. Die suidelike grens van dié park van 1 728 km2 is net 40 km van die Suid-Afrikaanse grens af terwyl die noordelike grens teen Maputobaai lê. Die westelike grens loop…

Dis sommer vroeg al duidelik dat Ronel Geldenhuys, wat aan die stuur staan van Drie Provinsies-4x4-avonture, weet wat sy doen. Sy beantwoord jou boodskap dadelik met ’n string PDF-dokumente wat die reëls en regulasies, bepalings en voorwaardes en belangrike notas uiteensit. Ronel hou jou selfs op die hoogte van die weer en temperature op Volksrust, waar die plaas geleë is. Die betaalroete, op die plaas Waterval, is skaars drie uur se ry uit Johannesburg en bo-op Langkrans, 2 253 m bo seespieël. Die afdraai na Waterval lê langs die R534-streekpad by S27.36795 E29.74512 – ’n padpredikant lees: “Waterval Staproete & 3 Provinsies 4x4”. Volg ’n grondpad van 5 km – dit kan self ’n uitdaging wees as dit swaar gereën het – verby landerye en veekrale tot by Ronel en…

Die algemeenste bed in woonwaens is dubbelbedgrootte, en in sommige gevalle word dit vervang met twee enkelbeddens. Die vraag is of ’n dubbelbed in die een wa net so groot is as in ’n ander vervaardiger s’n. Teoreties is die antwoord ja, maar vervaardigers werk nie uit een handleiding nie en pas eerder bedgroottes aan by spesifieke modelle. Ons vergelyk ’n paar woonwabeddens met mekaar. Min of meer dieselfde Waar kom bedgroottes vandaan? Dit blyk die Amerikaners was die eerstes wat die groottes van beddens gestandaardiseer het, hoewel ’n dubbelbed in Amerika nie noodwendig dieselfde grootte is as een in Europa óf hier in Suid-Afrika nie. In sentimeter (die Amerikaners gebruik die imperiale stelsel en meet dus in duim) is ’n dubbelbed in Amerika 190,5 x 137 cm, terwyl die…

Die internasionale voertuigreus Stellantis het in Oktober aangekondig die vervaarding van die jongste Jeep Compass het begin. Hy word in Melfi, Italië, gebou en sal in 60 lande verkoop word, waaronder Suid-Afrika. Die Compass is ’n topverkoper vir Stellantis en meer as 2,5 miljoen van hulle is al wêreldwyd verkoop. Amerika gaan steeds sy eie weergawe van die nuwe Compass bou (om die Trump-administrasie se tariewe vry te spring), maar die res van die wêreld kry die een uit Italië. Pres. Donald Trump het verklaar hy is gekant teen groen energie en verkies steenkoolkragopwekkers bo hernubare bronne. Daarom is dit ironies dat ’n Jeep – een van Amerika se mees ikoniese rygoed – in ’n aanleg gebou word wat sonpanele, windturbines en biogasse gebruik. Daar sal drie weergawes wees: volledig…

Die Jetour T2-sportnuts is in Oktober vanjaar in Kaapstad bekend gestel. Jetour, ’n dogtermaatskappy van die Chinese voertuigreus Chery, het in 2024 op eie bodem begin sake doen en die T2 is sy vierde voertuig in Suid-Afrika. Die T2 het drie weergawes: ’n voorwielaangedrewe Aspire (R569 900) en twee vierwielaangedrewe modelle (sonder laestrek) genaamd Xplora en Odyssey wat onderskeidelik R639 900 en R679 900 kos. Die Aspire word aangedryf deur ’n 1,5 ℓ-turbodiesel wat 125 kW en 270 Nm opwek terwyl die Xplora en Odyssey ’n 2 ℓ-turbodiesel kry wat 180 kW en 375 Nm uitskop. Jetour was bra skraps met spesifikasies op die bekendstelling en sy mediavrystellings sê ook nie veel nie, maar ons het dieper gaan krap en ontdek dat die F4J20-enjin in die Xplora en Odyssey in…

Die Falcon River-reservaat lê halfpad tussen Kaapstad en Mosselbaai – van albei kante af ry jy sowat twee uur tot hier. Naby genoeg dus vir Wes-Kapenaars om vinnig koers te kies vir ’n vreedsame kampnaweek in hierdie mooi deel van die land. As jy van elders af kom en jou Kaapse vakansie sluit ’n besoek aan die Moederstad én Tuinroete in, is dit ’n gawe keuse om vir ’n nag of drie oor te staan, want die reservaat se hek sit reg langs die N2. Jy draai sowat 300 m voor jy van Kaapstad se kant af die Breërivier oorsteek, links by Falcon se hek in. Die stukkie grond van 25 ha behoort aan Izak en Ilse-Belle Louw en 900 m daarvan grens aan die rivier. Ilse-Belle behartig die besprekings,…

Die Bull Run het vanjaar maar net wéér gewys dat dié samekoms sy gelyke in Suid-Afrika nie ken nie. Oor die laaste naweek van die kort skoolvakansie het Vanwyksvlei ouder gewoonte uit sy nate gebars toe meer as 600 deelnemers, toeskouers en baanbeamptes met hulle ou rygoed opgedaag het om te spog, te speel en te kuier soos net Bull Runners kan. Soos gewoonlik het die spanne nie teleurgestel met hulle kleurryke temas, kreatiewe kostuums en onblusbare gees nie. En elke keer as jy dink “nou het ek alles gesien”, kom die volgende span en verras jou opnuut. Met die aankoms die Donderdag is elke voertuig fyn deurgegaan om seker te maak hulle voldoen aan die reëls – ouer as 1985 en nie meer werd as R50 000 nie. Daarna…

Teen R700 000 is die XL die goedkoopste 4x4-model in die Ford Ranger-reeks. Ons klim in dié beskeie kalant, die enigste 4x4-lid van die familie met ’n handrat en enkelturbo, en kyk hoe vaar hy met ’n wa op die haak. Met 405 Nm wringkrag het dié intreemodel genoeg sleepspiere, en dan trek sy tarragewig boonop die skaal op 2 220 kg, wat op papier beteken jy mag van die swaarste waens in die land haak. Ons besluit om so te maak en haak Infanta se nuutste, ’n Enkulu 4, met ’n brutovoertuigmassa van 2 100 kg. Sleep is in die gene Al die Ranger-dubbelkajuitmodelle het ’n sleepvermoë van 3 500 kg en die sleephaak is standaard, hoewel die XL se stangbol uitgesluit is. Die stang word deur Brink vervaardig…

Kampplekke rondom Bela-Bela is gesog, veral in die omgewing van die Waterberg, noord van die dorp. Modubu-lodge sluit nou aan by hierdie groep bestemmings. Dit is skaars 10 minute se ry uit die dorp en teerpad tot by die hek. Die lodge is geleë in dieselfde doodloopstraat as die ATKV-aftreeoord Klein-Kariba Negester. Hier is dus nie deurverkeer nie, wat grootliks bydra tot die rustigheid. Leon en Maria Prinsloo en hulle vriende Tom en Marietjie Brown het die lappie Bosveld van 23 ha in 2024 gekoop toe hier drie selfsorgchalets was. Hulle sê hulle wou van die begin af kampgeriewe op die grond ontwikkel, en die eerste van drie fases is nou afgehandel met 12 staanplekke tussen inheemse bome. Elke staanplek is genoem na een van die Waterberg se bekendste boomsoorte,…

DIE TOEKOMS Die Lexus LS is ’n bussie wat lyk na iets uit ’n wetenskapfiksiefliek. Die opvallendste eienskap buitelangs is die vier kleinerige agterwiele en die twee groter voorwiele. Waarom? Want Lexus kan. Die letters LS in die naam staan vir “Luxury Space” – en die binneruim is inderdaad luuks. Daar’s tradisionele Japannese bamboes oral waar jy kyk en die vier sitplekke lyk gemaklik verby. Die stuurwiel en instrumentepaneel kan na links of regs skuif sodat jy die LS in enige land kan bestuur, maar die uiteindelike mikpunt is om heeltemal ontslae te raak van ’n bestuurder en eerder kunsmatige intelligensie in te span. DIE KAT KOM WEER Die Mitsubishi Elevance is ’n elektriese sportnutsvoertuig in sy konsepfase. Nugter weet of Mitsubishi-motors hom gaan bou, want die maatskappy sukkel die…

“Indien jy vertroud is met Riekie se roete, kan jy op jou eie gaan speel, maar as dit jou eerste keer is, moet jy wag totdat die res van die groep nuwelinge opdaag.” Hartenbos is in 1933 deur die Suid-Afrikaanse Spoorweë en Hawens (vandag Transnet) gevestig as ’n vakansieoord vir sy werknemers van ’n laer rang. Die Afrikaanse Taal- en Kultuurvereniging (ATKV) het die oord van sy begindae af bestuur, en hoewel toegang aanvanklik beperk was tot Afrikaners, staan Hartenbos se deure deesdae oop vir almal. Buiten om onder jou stoeptent te ontspan en jou medekampeerders onderweg na die ablusieblok te groet, kan jy ook hengel en in die see gaan swem. Hartenbos is inderdaad een van 44 Blouvlagstrande in Suid-Afrika en dit beteken die water is onbesoedel, die strand…

Khwai is ’n gewilde bestemming halfpad tussen die Okavangodelta en Chobe, en reisigers bly gewoonlik minstens drie nagte hier om die uitstekende natuurlewe en ongerepte wilderniskampplekke te ervaar. Soos Peter Rau sê: “Khwai was nog altyd ons spesiale plek. Volgende keer bly ons vir 14 dae en slaan Moremi heeltemal oor.” Is die somermaande ’n goeie tyd om te kom wildkyk? Wilde diere is meer verspreid in die somer omdat daar dan oorgenoeg water in die omliggende veld is. Tog, soos die Ultimate Routes-kliënt en bosveldliefhebber Heinrich Richter dit stel: “Dit maak elke dier wat jy sien, soveel meer lonend.” Dit klink soos ’n fees vir die sintuie... In die groen seisoen lééf die wêreld behoorlik, en dis oral merkbaar – selfs die voëls pronk met die flitsende vere van…

Mobi Lodge bou voort op sy Continentalmodel se sukses met die Quattro, wat spog met ’n dubbelas, ’n allemintige koningsgrootte bed wat uit die romp gly, ’n ekstra dubbelbed (wat in ’n sitkamer opslaan) en ’n groter en modieuse badkamer met ’n storthokkie. Die wa het ’n dubbelraamonderstel en sy romp is van ’n homogene veselglas met ’n 25 mm-heuningkoeklaag tussen die wande. Jy het ’n bielie van ’n sleepvoertuig nodig om die Quattro te sleep, want sy brutovoertuigmassa trek die skaal op 2 250 kg. (Hierdie gewig stem ooreen met ander dubbelas-boswoonwaens soos die Conqueror UEV-25 (2 200 kg), BorderX Expedtion (2 000-2 200 kg) en Nayela se Sahara (2 230 kg). Ons klim in die nuwe wa en neem hom onder vier oë. Badkamer toe! Mobi Lodge se…

My pa het nie aan kamp geglo nie en daarom het ek op skool maar saam met my maats se ouers gaan kamp. Ek het ook een slag saam met my vriend ’n fietstoer van Boksburg na Badplaas onderneem met R20 in my Poskantoorspaarboekie. Op universiteit het ek wel gereeld gaan kamp, maar dit was hoofsaaklik om vir ’n verandering op ’n nuwe plek te kan sit en bier drink. Wanneer ek en my maters gaan stap het, het ons altyd gesorg dat ons in oornaghutte bly, want niemand was bereid om ’n tent saam te dra nie. In my dienspligjare was die weermag se idee van kamp eintlik ’n afskrikmiddel omdat ons, gewoonlik op ’n Saterdag, daardie 4x4- of 4x6-tente moes opslaan terwyl die res van die eenheid rus.…