Finweek - Afrikaans 11/05/2021

die laaste paar maande het al die gesprekke op die markte oor die Amerikaanse Federale Reserweraad (Fed) se reaksie op stygende inflasie gegaan. Die Fed het aangedui dat hy van deesmaand sal begin om sy bateaankope (effekteaankope) op die ope mark te beperk om die geldvoorraad te verminder, met moontlike rentekoersverhogings aanstaande jaar. Die rede hiervoor: hardnekkige inflasie. Plaaslik het die petrolprys in party gebiede in Suid-Afrika begin van deesmaand tot bo R20 per liter gestyg. Die prys van diesel, ’n belangrike nywerheidsbrandstof, is nie ver agter nie. Dit het reeds uit September se verbruikersprysinflasiedata geblykdat brandstofprysstygings die afgelope jaar ’n sleutelaandrywer van plaaslike verbruikerspryse was. Die probleem met brandstofprysverhogings is dat dit na die hele aanvoerketting van goedere en dienste deursyfer, veral by ondernemings wat op vervoer staatmaak om…

in 2002 het ’n 31-jarigeSuid-Afrikaanse immigrant in Amerika ’n maatskappy gestig wat die gang van menslike ontwikkeling sou verander. SpaceX het binne twee dekades die eerste private maatskappy geword wat ’n ruimtetuig na die Internasionale Ruimtestasie gestuur het (in 2012); vir die eerste keer ’n wentelvuurpyl vertikaal kon laat opstyg en met vertikale aandrywing kon laat land het (in 2015); die eerste een wat ’n wentelvuurpyl weer gebruik het (in 2017); en die eerste maatskappy wat ruimtevaarders na die Internasionale Ruimtestasie gestuur het (in 2020). SpaceX het in Januarie verlede jaar ook die grootste satellietkonstellasie, Starlink, gelanseer om kommersiële internetdienste te lewer. Al is Elon Musk ’n enigma, het baie mense sy visie begin deel en beskou hulle die ruimte nou as die nuwe ontwikkelingsterrein. Jeff Bezos se Blue Origin…

“EK PRAAT VAN MAANDE.” – Rob McEwen, stigter en voormalige uitvoerende hoof van Goldcorp, wat saamgesmelt het met Newmont Mining, die wêreld se grootste goudprodusent, het tydens ’n Bloomberg-onderhoud gesê beleggers sal agterkom internasionale inflasiedruk is minder kortstondig en intenser as sentrale banke en verbruikersprysindekse aandui. Hy sê wanneer dit besef word, sal die aantreklikheid van goud se inflasiebeskerming pryse waarskynlik tot $3 000 per ons stuur, van $1 800 tans. “Dis gewoonlik onmiddellik en gewelddadig wanneer dit wel gebeur. Daarom het ek volle vertroue dat goud binne maande, nie jare nie, $3 000 per ons sal bereik,” sê McEwen. “Tyd vir bateaankoopvermindering.” – Jerome Powell, die Federale Reserweraad (Fed) se voorsitter, het tydens ’n virtuele konferensie wat deur die Suid-Afrikaanse Reserwebank (SARB) en die Bank vir Internasionale Verrekeninge aangebied is,…

orion Lee Herman is die stigter en uitvoerende hoof van LiquidGold, ’n maatskappy met ’n missie om die omgewing te help red deur menslike urine te herwin en opnuut aan te wend. “Ek was by ’n persoonlike keerpunt in my loopbaan as ’n bedryfsielkundige en wou iets nuuts aanpak. Ek wou aanvanklik iets doen wat ’n nalatenskap vir my familie sou skep, maar dit het intussen iets veel groters geword. My passie is om gemeenskappe te help en die omgewing te red,” sê Herman. Sy navorsing oor maatskaplike entrepreneurskap en omgewingskwessies het uitgelig dat Suid-Afrika ’n land met waterskaarste is en veral arm en plattelandse gemeenskappe benodig sanitasieoplossings. “Ek het in dié verband die potensiaal in waterlose urinale gesien, maar dit het my toe daartoe gelei om die hele kringekonomie…

outh32, een van die laer aangeslaan de mynmaatskappye in die JSE se kategorie vir gediversifiseerde mynbou, waarin BHP, Anglo American en Glencore ook val, lyk of hy 2021 as ’n herskepte maatskappy sal afsluit. In die afgelope18 maande het South32 sy SA termiese steenkoolmyne verkoop (aan die plaaslike maatskappySeriti Resources) en sy aandeel in sy Mosambiekse aluminiumonder neming Mozal tot 63,7% verhoog nadat hy sy voorkoopreg uitgeoefen het teen ’n koste van $250 miljoen, wat met kontant gefinansier sal word. Dit is beduidende ontwikkelings, maar die beduidendste verandering aan South32 se voorkoms onderGraham Kerr, uitvoerende hoof, is Oktober se verkryging van ’n 45%-aandeel in Sierra Gorda, ’n werkende kopermyn in Chili. Nie alleen verwater die transaksie die groep se blootstelling aan SA nie – wat ontleders as ’n positiewe verandering…

die ontslag, in Oktober, van Brian Gilbertson uit Australië se Jupiter Mines, kan belangrike gevolge virSuid-Afrika se mangaanbedryf inhou terwyl die maatskappy die bestuur daarvan oorhandig aan sy grootste aandeelhouer, Ntsimbintle Holdings. Dit is belangrik, want Ntsimbintle Holdings word 74% beheer deur Safika Resources, ’n spruit van Saki Macozoma se nywerheidsryk. Macozoma, ’n voormalige gevangene op Robbeneiland saam met wyle president Nelson Mandela, was nog altyd sku vir die kalklig, hoewel hy in 2019 op die punt was om Ntsimbintle Mining in Johannesburg te noteer. Hy het die transaksie op die nippertjie gekanselleer. Markredes, wat gedeeltelik verband gehou het met China se wisselvalligheid, is aangevoer vir die onttrekking van die notering. Dit is jammer dat daar nie daarmee voortgegaan is nie, veral weens die wipwaentjierit wat mangaanpryse ervaar het. Tans…