Finweek - Afrikaans 10/08/2021

in my e-posse voordat ek dié rubriek geskryf het, het een (van die baie) persverklarings wat vir my aandag gewag het oor die “aanbreek van ’n kontantlose toekoms” gegaan. Ek het baie voorbehoude oor dié utopie waar geld oorgedra word deur horlosies, kaarte, tikke en so aan. Luister asseblief eers hoekom. In dié uitgawe se Kollektiewe Insig verduidelik kenners die talle fasette van skuld. ’n Artikel wat nie ingedien is nie en ’n onderwerp wat verlede jaar op ’n advieskomiteevergadering van Kollektiewe Insig geopper is, gaan oor mense se eenvoudige sielkundige idee van sien en raak is glo. ’n Komiteelid het genoem dat mense nie kontak met hul geld het nie omdat dit so maklik is om vir goed en dienste te betaal. Die idee is eenvoudig: As jy nie sien…

the Index Card is ’n gewilde boek oor persoonlike finansies wat oorspronklik in 2017 gepubliseer is. Die uitgangspunt is eenvoudig: Koop ’n indeksfonds – soos die FTSE/JSE top-40-indeks – eerder as om batebestuurders se gelde te betaal wat op lang termyn selde beter as die mark vaar. Ek vra Nico Katzke, hoof vir portefeuljeoplossings van Satrix, hoekom ons nie almal The Index Card se raad moet volg en passiewe pleks van aktiewe belegging moet kies nie. “Die debat word dikwels uitgedruk – na my mening verkeerdelik – as óf aktief óf passief. In werklikheid het albei ’n plek. Aktiewe bestuurders het ’n belangrike prysontdekkingsrol en steeds die vermoë om beteras indekse te vaar. Indeksvolgfondse, wat dikwels passiewe fondse genoem word, bied aan beleggers ’n laekoste-alternatief terwyl hulle indekse volg wat…

“HULLE MOES VROEËR BETROKKE GERAAK HET.” – Tshifhiwa Tshivhengwa, uitvoerende hoof van die Toerismesakeraad van Suid-Afrika, het die SA regering gekritiseer omdat hy nie vinnig opgetree het oor die Verenigde Koninkryk se besluit om SA op sy rooi lys vir reisigers te hou nie. Die Verenigde Koninkryk het gesê hy gaan SA op die rooi lys hou weens kommeroordie Beta-variant van die koronavirus. Tshivhengwa het aan Business Times gesê dat die hoë kommissie onmiddellik onderhandelinge met die betrokke regeringsdepartemente in die Verenigde Koninkryk moes begin het en ’n gekoördineerde SA reaksie moes gereël het. As dit van die begin af gedoen is, sou SA nie uitgesluit gewees het weens die Britse “oningeligte vrese” nie, het hy gesê. “China… Sal nie nuwe steenkoolkragprojekte oorsee bou nie.” – China se president, Xi…

stel jou voor jou volgende werksonderhoud is met kunsmatige intelligensie (KI). Dit is ’n virtuele vergadering en die rekenaar-gegenereerde persoon op jou skerm lyk lewensgetrou. Hy toon die emosies en gesigsuitdrukkings wat jy van ’n regte persoon verwag. Jy voel gemaklik omdat hy empatie uitdruk en selfs vir jou grappies lag. As hy maar net geweet het jy maak grappies as jy senuweeagtig is. Dalk weet hy. Tydens die onderhoud word ’n groot aantal datapunte ontleed. Gesigsherkenningstegnologie ondersoek jou mikro-uitdrukkings om moontlike tekens van oneerlikheid te bepaal. Die algoritmes op die agtergrond bepaal ’n basislyn vir jou gedrag – soos ’n poligraaf – om te sien hoe angs en spanning jou gedrag beïnvloed. Selfs jou stem word vir tekens van spanning of valsheid ontleed. Intussen vergelyk masjienleermodelle jou geskiktheid en…

toe Exxaro Resources laas ’n verandering in strategie aangekondig het, het die mark sy aandele gestraf omdat hy min besonderhede verskaf het. Dit was in 2018 toe Mxolisi Mgojo, uitvoerende hoof, aangekondig het hulle gaan oor na voedsel-en watersekuriteit – ’n groot verandering vireen van SA se grootste steenkoolprodusente. Die maatskappy het later verduidelik dat die strategie slegs deur beskeie beleggings gesteun sal word. Mgojo het later aan finweek gesê dat aankondigings oor strategie eers bekend gemaak sal word as dit volledig uitgewerk is. Dit was op 20 September. Tydens ’n “kapitaalmarkte”-voorlegging (waar die media nie toegelaat is nie), het Exxaro se aangewese uitvoerende hoof, Nombasa Tsengwa, gesê die groep gaan verkrygings in bauxiet, mangaan en koper teiken, wat moontlik beleggings sal behels wat die belegging-tot-kapitaalverhouding sal verhoog. Exxaro was…

die regering is tjoepstil oor’n voorgestelde uitvoerheffing op chroomerts sedert die idee verlede jaar in Oktober geopper is. Volgens voorstanders van die heffing, sal dit voordeligervirdie plaaslike ferrochroomsektor wees – wat sukkel om geld te maak weens Eskom se belemmerende, inflasiekloppende energietariefverhogings – as chroomerts duurdervirChinese ferrochroomprodusente gemaak word. Die chroomertsbedryf het, deur middel van ChromeSA, met mening teruggekap. Hy het eers die voorstel as “ongehoord” beskryf, maar kon nie daarin slaag om ’n vrystelling van die Mededingingskommissie te kry wat hom in staat sou stel om alternatiewe vir die uitvoerbelasting te bespreek nie. Alle oë is egter nou gerig op die land se mediumtermyn-begrotingsraamwerk, wat die pas aangestelde minister van finansies, Enoch Godongwana, op 4 November ter tafel gaan lê. Daar word gehoop dat Godongwana meer duidelikheid sal gee,…