Finweek - Afrikaans 8/20/2021

in hierdie uitgawe van finweek kyk ons medewerkers na die nasleep en koste van die mislukte opstand in Julie in KwaZulu-Natal en dele van Gauteng. Die verlies van menselewens was onnodig. Die skade aan eiendom word voorlopig op miljarde rand geskat. En die swaar verlies aan sentiment – met betrekking tot plaaslike gemeenskappe en sake, asook beleggers wat geraak is – is onkwantifiseerbaar. In reaksie hierop, het president Cyril Ramaphosa streng opgetree: Hy het sy minister van verdediging in die pad gesteek en het die minister wat verantwoordelik was vir die insameling van intelligensie na ’n minderwaardiger portefeulje verskuif. Hy het die ministerie van staatsveiligheid (’n oorblyfsel wat die veroordeelde voormalige president Jacob Zuma geskep het) afgeskaf en het die verantwoordelikheid vir intelligensiedienste na sy eie kantoor verskuif. In die…

dit het my nog altyd opgeval dat een van die gewildste definisies van wat Homo Sapiens van ander soogdiere skei, ons vermoë is om abstrakte kuns te skep. Meer as 70 000 jaar gelede het strandbewoners by Blombos aan die suidkus ’n “kruisluikpatroon met okerkryt op ’n geslypte silkreetskilfer geteken”. Kortliks, hulle het kuns geskep. Volgens die Blombos-kunswerk blyk dit dat dié mans en vroue al die kenmerke van bewussyn en gedrag, wat ons vandag met onsself assosieer, gehad het voordat hulle Afrika verlaat het om die wêreld te bevolk. Van toe tot nou, is kuns se doel om lig te werp op die wêreld om ons. Maar wanneer die wêreld deur ’n verskriklike pandemie getref word, verdof dié lig. Covid-19 het tentoonstellings en galerye gesluit en die vraag aan…

die SA Kommunistiese Party (SAKP) het onlangs sy eeufees in SA gevier. Die afgelope 100 jaar ná sy stigting op 1 Augustus 1921 in Kaapstad het die kommunisme se bydrae tot SA se politiek ontwikkel. Sy bydrae gedaal en gestyg, wat baie politieke kenners laat wonder of kommunisme steeds ’n plek het in ’n moderne ekonomie soos ons s’n met hoë inkomsteongelykheid en werkloosheid. Met verloop van tyd het die SAKP meer ’n bevrydings-as ’n kommunistiese beweging soos dié van Lenin in Rusland of Mao in China geword. Die party het basies wit oorheersing meer beveg as om kommunisme te probeer vestig, en het hy lid geword van die drieparty-alliansie met die ANC en Cosatu. Nadat apartheid in 1994 beëindig is, het die drieparty-alliansie, onder leiding van die ANC, die…

“ONS KAN ONS JONG MENSE NIE TOT ’N SIKLUS VAN AFHANKLIKHEID VERDOEM NIE.” – Suid-Afrika se nuwe minister van finansies, Enoch Godongwana, het in ’n onderhoud met Sunday Times sy afkeuring van die basiese inkomstetoelaag uitgespreek en gesê hy sou verkies het dat die geld aangewend moet word om werkgeleenthede vir jong, werklose, swart mense te skep. Hy het verder gesê dat hy liewer in die jeug wil belê en dat die huidige toelae nie fundamentele kwessies aanraak wat die oorsake van die jeugwerkloosheid veroorsaak nie. Godongwana het gesê hy wil ’n fiskale raamwerk bou wat die ontwikkelingsbehoeftes van die ekonomie sal aanpak. “Ek glo nie meer dat Suid-Afrika ’n land van geleentheid is nie.” – Sygnia se uitvoerende voorsitter, Magda Wierzycka, het tydens ’n webinaar wat deur die Brenthurst…

PPI KLIM 7,7% In Junie het produsente-inflasie jaar-tot-jaar tot 7,7% gestyg van ’n reeds hoë 7,4% op ’n jaargrondslag in Mei, volgens Statistieke SA. Die uitkoms was in teenstelling met die Bloombergkonsensusmening van ’n verlaging tot 7,3% jaar-tot-jaar, wat die algemene siening weerspreek dat produsente-inflasie in Mei ’n hoogtepunt bereik het. Op ’n maand-tot-maand-grondslag het produsente-inflasie van 0,4% in Mei tot 0,8% gestyg. Thanda Sithole, ekonoom by FNB, het gesê dié produsente-inflasie verhoog hul voorspelling vir vanjaar van 5,3% tot 5,7%. “Ons is bekommerd oor die volgehoue verhoogde voedsel-en petroleumverwante produkprysinflasie, wat opwaartse druk op oorkoepelende produsente-inflasie uitoefen.” PMI DAAL 43,5 punte Die Absa-koopbestuurdersindeks (PMI) het in Julie gedaal. Die bank sê dit dui aan dat die produksieherstel in die vervaardigingsektor veral aan die begin van die derde kwartaal teruggesak…

die werksplek lyk vandag aansienlik anders as wat dit voor Covid-19 gelyk het en vandag herbesin ondernemings oor hul toekoms en of hul werksplek weer na die omstandighede vóór Covid-19 Die een tendens wat hulle wel vanjaar by werksplekke sien, is ’n hernieude fokus op mense, vertel Candice Neumann, ’n konsultant van die onderneming 21st Century. “As 2020 ons een ding geleer het, is dit dat die ondernemings wat nie verander nie deur dié wat kan, agtergelaat word. Dit is veral van toepassing op kwessies wat werknemers raak.” En eintlik is dit niks nuut nie, want reeds in die 1930’s, het die navorsers Elton Mayo en Mary Parker Follett genoem dat die menslike natuur soos verhoudinge ’n groot motiverende faktor in die werksplek is. Ben Eubanks, die hoofnavorser by Lighthouse…