Finweek - Afrikaans 7/09/2021

in hierdie week se voorbladartikel, kyk finweek-joernalis Timothy Rangongo na die mark vir dagga. Waarom, mag jy tereg vra, sou ons op ’n daggastorie besluit het? Die antwoord is eenvoudig: Dit hou potensieel reuse-voordele vir die Suid-Afrikaanse ekonomie in. Volgens KPMG is die wêreldwye mark vir CBD (’n chemiese komponent binne dagga) rondom $8,2 miljard werd. Sou SA, met sy geskikte klimaat, hierdie mark wil voorsien, kan dit tot wesenlike ekonomiese voordele en armoedeverligting lei. Groot dele van die voormalige tuislande, veral in die Oos-Kaap en KwaZulu-Natal, is uiters geskik vir die verbouing van dagga. Danksy die hoë waarde van die produk, rondom $4 700 per kilogram (R65 800 per kilogram), behoort kleinboere ook wesenlike finansiële voordeel hieruit te trek. SA het reeds ’n goed-gereguleerde medisyneraamwerk waarbinne die verbouing kan…

en van die groot eksistensiële vrae van ons tyd is seer sekerlik: Sal kunsmatige intelligensie (KI) my plek by die werk oorneem? Die goeie nuus vir diegene wat saans daaroor wakker lê, is dat dit (nog) nie gebeur nie. Vier van die wêreld se vooraanstaande ekonome, Daron Acemoglu, David Autor, Jonathan Hazell en Pascual Restrepo, het onlangs ’n NBER-navorsingsdokument gepubliseer wat vra of die robotte reeds oorneem. Om dit te beantwoord, wys hulle eers dat daar tussen 2010 en 2018 ’n vinnige toename in vakatures met betrekking tot KI was. Dit is goeie nuus vir diegene wat met die robotte kan praat, dit wil sê die programmeerders. Hulle klassifiseerdan die mate waarin maatskappye in hul steekproef “aan kunsmatige intelligensie blootgestel is”. Die eerste interessante resultaat is dat die “blootgestelde” ondernemings…

“TERUGSLAE KON VERMY GEWEES HET.” – Trevor Manuel, voormalige minister van finansies, het gesê die regering se reaksie op die pandemie was onvolmaak en dat sommige terugslae vermy kon gewees het, terwyl ander buite sy beheer was. Manuel het die Sentrum vir Ontwikkeling en Onderneming se webinaar toegespreek, waar die tema “SA en die volgende vyf jaar: Hoe los ons ons politieke en ekonomiese krisisse op?” was. Hy het dit benadruk dat die besluite oor die volgende vyf jaar fundamenteel belangrik is. Oor kwessies wat die pandemie blootgelê het, soos onbeheersde korrupsie, sê Manuel dit het Suid-Afrika ’n swak staat gemaak. “DOELBEWUS.” – Strive Masiyiwa, miljardêr in telekommunikasie uit Kenia, het tydens ’n virtuele spitsberaad oorentstofgelykheid en billike verspreiding gesê die tekort aan Covid-19-entstofdosisse in Afrika is die gevolg van doelbewuste…

DIE GOEIE Die 16 lede van die Suider-Afrikaanse Ontwikkelingsgemeenskap (SAOG) het die ontplooiing van troepe in Mosambiek goedgekeur om dié land te help om ’n rebellie deur ’n groep met bande aan die Islamitiese Staat, wat die stabiliteit in die streek bedreig, te beveg. Die SAOG het die ontplooiing van sy gereedheidsmag goedgekeur om “Mosambiek te help om terrorisme te bekamp,” het Stergomena Lawrence Tax, die SAOG se uitvoerende sekretaris, van die SAOG gesê. Die soldate is deel van ’n streeksverdedigingsooreen-koms wat militêre ingryping toelaat om die verspreiding van konflik te voorkom. Die gevegte het reeds sowat 800 000 mense verplaas en Total se aardgasprojek van $20 miljard stopgesit. DIE SLEGTE Die tempo van mense met leningswan-betalings het in die eerste kwartaal toegeneem, volgens Experian South Africa se verbruikerswanbetalingsindeks. Die indeks het…

millenniërs in duur stede soos New York, Londen en Hongkong het die gedagte van huisdeelopsies gemoderniseer om ’n nuwe tendens bekend as deelwoon (“co-living”) te skep, wat deftige, volledig gemeubileerde, hotelgrootte woonruimtes met gedeelde geriewe skep. Tydens ’n besoek aan Amsterdam het Hein Ehlers, uitvoerende hoof van Devmark Property Group, ’n klompie deelwoonruimtes besoek en besluit om in Suid-Afrika ’n soortgelyke ontwikkeling te begin. “Ehlers het besef dit is ’n oplossing wat huisvesting nie slegs bekostigbaarder maak om te koop of te huur nie, maar ook aan millenniërs se sin vir gemeenskap bevredig. Dit is iets wat nou selfs groter voorrang geniet vanweë die isolasie wat weens die Covid-19-inperkings is,” sê Dejane Steyl, bemarkingshoof van Devmark Property Group. Die naam YUCO, die Engelse akroniem vir “your urban co-living space”, is…

south32, ’n gediversifiseerde mynboumaatskappy is op die JSE genoteer en het sy hoofkantoor in Australië; die kommoditeitsprysopwinding verbonde aan mynbouaandele baat die maatskappy gewoonlik nie veel nie. Dit is waarskynlik te wyte aan die feit dat hy nie beskik oor die minerale en metale, naamlik ystererts en koper, wat die opskudding in die mynboubedryf veroorsaak het nie. In plaas daarvan produseer South32 dinge soos aluminium en metallurgiese steenkool en tot onlangs nog die ongewilde termiese steenkool. Hy ontgin egter ook nikkel en sink in onderskeidelik Colombia en Australië. Die aandeel se gewildheid kan egter binnekort ’n opswaai beleef as Graham Kerr, uitvoerende hoof van South32, reg is dat daar rede vir ’n verbetering in die aluminiumprys is. Daar was ’n groot vraag na aluminium, maar terselfdertyd ’n ewe groot aanbod,…