Finweek - Afrikaans 7/23/2021

die storie van vernietiging en vernuwing is so oud soos die mensdom. In die Noorse mitologie staan dit as Ragnarök bekend. Dit is die oomblik wat al die ys- en vuurreuse (kom ons verwys na hulle as die skobbejakke) saamstaan teen die gode (die goeie ouens) en kop-teen-kop gaan in die grootste geveg ooit. Die uiteinde van Ragnarök is dat die wêreld onder water is. Wanneer die water terugtrek, is daar net twee mense oor wat die wêreld weer bevolk. Hierdie verval en vernuwing sien ’n mens ook in die Bybelse verhaal van Noag waar die hele planeet onder water is en deur ’n hand vol verkosenes herbevolk word – met die doel van minder sondigheid. As ’n mens vanuit die mitologie na die geskiedenis oorgaan, is daar legio voorbeelde…

as jy ’n vinnige Google-soektog doen, sal jy uitvind dat wyn een van die oudste bedrywe op aarde is. ’n Span argeoloë het in 2017 bewyse van wynproduksie byna 8 000 jaar gelede in Tbilisi, Georgië, gekry. Om dit in perspektief te plaas: Dis amper 2 000 jaar voordat mense perde mak gemaak het, 2 600 jaar voordat ons skryfkuns uitgevind het en 3 300 jaar voordat ons die eerste piramide gebou het. Daarby gebruik Georgiese wynmakers vandag grootliks dieselfde gereedskap en metodes as hul voorouers agt millennia gelede. Hein Koegelenberg is die uitvoerende hoof van La Motte Wynlandgoed, waar die Franse Hugenoot Gabriël du Toit in 1752 die eerste wingerd aangeplant het. Ek vra Koegelenberg hoekom ons wyn met tydloosheid assosieer. “Baie van die romantiek van wyn hou met…

die strukturele hervormings wat president Cyril Ramaphosa tans instel, is ’n sterk aanduiding dat hy die oorhand oor linksgesinde populiste begin kry in die stryd om beheer van die formulering van ekonomiese beleid binne die regerende ANC. Nadat Ramaphosa die leierskap van die ANC in Desember 2017 oorgeneem het, het hy ’n klomp beloftes gemaak om die grootste probleme in ons land aan te pak – ernstige korrupsie, swak ekonomie en stygende werkloosheid. Vir ’n ruk het hy klei getrap en toe opgehou om sy beloftes uit te voer, tot die teleurstelling van baie Suid-Afrikaners wat in sy boodskap van “vernuwing”, “eenheid” en ’n “nuwe begin” geglo het. Die teleurstelling het ook uitgebrei na die beleggingsgemeenskap, wat geduld verloor het oor die stadige tempo van beleidshervorming wat nodig is om…

“POGINGS OM DIE GUPTAS TERUG TE BRING, VERSTERK.” – Hermione Cronjé, hoof van die nasionale vervolgingsgesag se ondersoekdirektoraat, sê Interpol het rooi kennisgewings uitgereik vir twee Gupta-broers in verband met beweerde korrupsie. Kennisgewings is uitgereik vir Atul en Rajesh Gupta, hul vroue en vier ander mense. Volgens Interpol is ’n rooi kennisgewing ’n waarskuwing vir alle lidlande van Interpol dat ’n individu ’n voortvlugtende is. Hoewel ’n rooi kennisgewing nie gelykstaande is met ’n internasionale arrestasiebevel nie, kan dit gebruik word om uitleweringsversoeke te ondersteun. Die Verenigde Arabiese Emirate het vanjaar ’n uitleweringsverdrag met Suid-Afrika bekragtig. “Die wêreld is gereed om die wêreldwye wedloop na die onderpunt vir korporatiewe belasting te beëindig.” – Amerika se sekretaris van die tesourie, Janet Yellen, het tydens ’n onlangse vergadering van die ministers van…

met meer as 60 eiendomsagentskappe wat oral in die land om alleenmandate meeding, is dit vir nuwe agentskappe haas onmoontlik om aan die luukse kant van die eiendomsmark ’n voet in die deur te kry. Om dié probleem te bowe te kom, het Julia Finnis-Bedford, eienaar van Amazing Spaces, ’n maatskappy wat in die opspoor van verfilmingsplekke spesialiseer, en Andrew Dewey, besturende direkteur van ’n nasionale eiendomsdienstemaatskappy, kragte saamgesnoer. Amazing Spaces se produk- en dienstereeks is tot ’n beleggingsafdeling vir leefstyleiendomme uitgebrei en staan as Amazing Spaces Lifestyle Investments bekend. Om vir Amazing Spaces Lifestyle Investments se portefeulje te kwalifiseer, hoef eiendomme nie noodwendig duur of luuks te wees nie, maar wel uniek om die nuwe kooptendens ná die pandemie te vergestalt. Dewey verduidelik dat mense weens die inperkingsmaatreëls noodwendig…

op 61 is Alberto Calderon, AngloGold Ashanti se nuwe uitvoerende hoof, bykans dieselfde ouderdom as die 62-jarige Nick Holland wat by Gold Fields moes uittree om aan die maatskappy se verpligte aftree-ouderdom te voldoen. Calderon was egter nie in ’n gemoedstemming om af te tree nie. “Ek het met van my vriende gepraat en het besef dat ek nie ’n nie-uitvoerende direkteur wou wees nie. Dit sou sieldodend wees. Ek wou besig wees en wou sien wat opduik,” het hy in ’n onderhoud met finweek gesê kort na die aankondiging van sy aanstelling, wat op 1 September in werking tree. “Toe duik dié werk op,” het hy van AngloGold gesê. “ ’n Vriend het my gevra waarom ek nie daarna kyk nie.” En dit is skynbaar hoe party topbestuursposplasings begin…