Finweek - Afrikaans 4/23/2021

Plaaslike regering is veronderstel om die hartklop van dienslewering aan individue en ondernemings te wees. Dit is die eerste kontakpunt virSuid-Afrika se inwoners met die ander party van hul sosiale kontrak. Dit is egter ’n frustrerende ondervinding om met munisipale amptenare – meermale kaders en familielede van die regerende party – sake te doen. Neem byvoorbeeld die wanfunksionele munisipaliteite in Noordwes, die Vrystaat, Mpumalanga, die Noord-Kaap, die Oos-Kaap en Limpopo, en ’n mens kan verstaan dat die party wat sy kant tot die sosiale kontrak bring, deur vir dienste en belasting te betaal, keelvol is. Om sout in hierdie wonde van hopeloosheid te vryf, werp die ouditeur-generaal jaar op jaar op jaar lig op die wanadministrasie wat in munisipaliteite afspeel. Daar was ’n tyd wat ’n mens gedink het dat…

hank Bessembinder, sakeprofessor aan Arizona State University, het in 2018 ’n artikel in Journal of Financial Economics gepubliseer met die taamlik onsinnige titel: “Vaar aandele beter as skatkiswissels?” Dit lyk onsinnig, want van 1926 tot 2016 het sowat 25 300 maatskappye op Amerikaanse aandelebeurse genoteer en $35 000 miljard se netto welvaart viraandeelhouers geskep – dus $35 000 miljard meeras wat beleggers met Amerikaanse skatkiswissels sou verdien het. Die vangplek is egter dat al die netto welvaart deurdie1 092 bespresterende maatskappye – of 4% van die maatskappye – geskep is. Die orige 96% van genoteerde maatskappye het dus “saam in hul leeftyd dollarstygings gegenereer wat ooreenstem met die styging in eenmaand-skatkiswissels”. ’n Mens kan uit dié navorsing aflei dat dit noodsaaklik is om die regte aandele te kies. Dis egter…

ek is nie ’n waarsêer nie, maar ek kan die verskillende benaderings duidelik sien wat swart sakegroepe volg in die saak van rassisme-aantygings teen Eskom se uitvoerende hoof, André de Ruyter, wat onder druk is om te bedank ná skaars twee jaar in sy pos by die sukkelende Eskom. Die Black Management Forum (BMF) is aan die hoof van die groep wat die skorsing van De Ruyter aanbeveel nadat hy blykbaar klagtes van rassisme en magsmisbruik ontvang het van werknemers van die kragopwekker en sy verskaffers. Vreemd genoeg het die ander twee sterk groepe, die Black Business Council (BBC) en die National African Federated Chamber of Commerce and Industry (Nafcoc), min om te sê oor die saak. Met hul draadsittery sal hulle nie vyande kry nie, maar hul benadering van…

“30 DAE OM VRYWIL-LIG TE BEDANK OF GESKORS TE WORD.”– President Cyril Ramaphosa het aangekondig die ANC-leiers en -lede wat aangekla word van korrupsie en verkeerde optrede, insluitend die sekretaris-generaal Ace Magashule, 30 dae het om vrywillig te bedank of geskors te word kragtens reël 25.7 van die ANC-grondwet. Ramaphosa het die aankondiging ná ’n laataandsitting van die uitvoerende komitee gemaak. Dit beteken dat Magashule, wat op korrupsieklagte teregstaan, teen einde April moet opsy staan. “Ons is op ’n plek waar die ekonomie vinniger sal groei.”—Die voorsitter van die Federale Reserweraad, Jerome Powell, sê die wêreld se grootste ekonomie (Amerika) is op ’n keerpunt, met produksie en groei in werksgeleenthede wat in die komende maande gaan verbeter as die Covid-19-pandemie terugsak. Powell het aan CBS se 60 Minutes gesê “ons…

DIE GOEIE Die Reserwebank sê in sy kwartaalverslag SA het invloei van buitelandse direkte beleggings (FDI) in verlede jaar se vierde kwartaal van R16 miljard gehad teenoor uitvloei van R12,2 miljard in die derde kwartaal. Die bank sê die invloei in die jongste kwartaal is vanweë nie-residensiële moedermaatskappye wat ekwiteitsbeleggings verhoog en geld aan plaaslike filiale geleen het. Reuters sê die land se invloei van FDI was R51,1 miljard vir 2020, laer as invloei van R74 miljard in 2019. Portefeuljebeleggings, wat ’n rekord van handel in effekte en aandele toon, het ’n invloei van R24,1 miljard in die Oktober-Desember-kwartaal gehad, vergeleke met uitvloei van R39,5 miljard in die vorige een. DIE SLEGTE Op 8 April 2021 is wêreldwye bevestigde Covid-19-gevalle as 134 miljoen aangemeld, met 2,9 miljoen sterftes en 108 miljoen mense…

en manier hoe die diamantbedryf die beperkings op internasionale reise baasgeraak het, was om ongeslypte stene deur middel van aanlyn veilings te verkoop, gedeeltelik aangehelp deur die gemeganiseerde manier waarop diamante nou gewaardeer kan word. Dit is egter nie ’n opsie vir smaragde en robyne nie – die gekleurde edelstene wat deur die JSEgenoteerde Gemfields gemyn en bemark word; ’n maatskappy wat die afgelope 12 maande nouliks, met ’n strop om sy nek, oorleef het. Die maatskappy het ’n netto verlies van R1,4 miljard vir die 12 maande geëindig Desember aangekondig. Vergeleke met die vorige jaar se wins van R556 miljoen, is dit ’n ommeswaai jaar-tot-jaar van ongeveer R2 miljard. Die vertoning steun die uitvoerende hoof, Sean Gilbertson, se opmerking in ’n vroeëre handelsverklaring dat die maatskappy ’n aaklige jaar…