Finweek - Afrikaans 3/18/2021

suid-Afrika se BBP-syfers is uitgereik ten tyde van die skryf hiervan. Op die oog af lyk dit nie sleg nie, met die uitbreiding van die ekonomie op ’n geannualiseerde 6,3% kwartaal-tot-kwartaal (’n syfer wat gebruik is om die beweging tussen kwartale na die volle jaar te ekstrapoleer) gedurende die laaste drie maande verlede jaar. Dit kan vergelyk word met ’n styging van 67,3% in die derde kwartaal verlede jaar ná die verwoestende inkrimping van 51,7% in die tweede kwartaal van verlede jaar tydens die inperking. In die volle jaar van 2020 het die ekonomie met 7% gekrimp, vergeleke met ’n skamele styging van 0,2% in 2019. In reële terme (of gegrond op 2010-pryse), het die BBP verlede jaar R2 930 miljard beloop. In 2016 was die BBP, volgens Statistieke SA,…

as deer een ding is wat Covid-19 gedoen het, dan was dit om die digitale omwenteling te lei. Suid-Afrikaanse maatskappye wat in finansiële tegnologie (finteg) spesialiseer, het gedy. Mama Money, ’n toepassing (toep) wat internasionale geldoorplasings vergemaklik, het in Februarie ’n toename in die volume van transaksies in 2020 van meer as 500% aangekondig. “Die pandemie het steen-en-sement-instellings aangepor om nuwe kanale en markte te ondersoek wat voorheen nie ’n prioriteit was nie, veral as dit kom by die voorsiening van finansiële dienste vir ondervoorsiene gemeenskappe,” sê die stigter, Mathieu Coquillon. Waar dit nie kon nie, het finteg-beginnermaatskappye soos Mama Money die leemte gevul. “Die grootste uitwerking waaroor ons opgewonde is, is hoe finteg die lewens van gemarginaliseerde en ondervoorsiene gemeenskappe sal verander om opwaartse mobiliteit te bewerkstellig. Koste en…

daar bestaan nie meer enige twyfel dat Suid-Afrika (SA) se arbeidsmark gebuk gaan onder ’n chroniese tekort aan kritieke vaardighede wat enige vooruitsigte smoor dat ons land tot ’n vinniggroeiende middelinkomste-ekonomie kan ontwikkel nie. SA is ook die tuiste van waarskynlik die wêreld se militantste arbeidsmag, wat beleggers en kapitaliste altyd bekommer. Net die hardnekkigste kapitalis hou dit hier uit. Die ander vertrek om beter beleggingsopbrengste elders te soek, waar arbeid rustiger en goedkoper is. Die skaarste aan kritieke vaardighede en ons stakingsbehepte arbeidsmag word dikwels deur beleggers en finansiële kenners uitgewys as van die grootste bydraers tot SA se swak ekonomiese groei. Die regering het sedert die ineenstorting van die Amerikaanse huismark in 2008, wat die wêreldekonomie in ’n resessie gedompel het, nog geen beleidsmiddel gevind vir ons probleme…

“Ek kan nie sonder resultate oorleef nie.” — Ngozi Okonjo-Iweala, die wêreldhandelsorganisasie (WHO) se nuwe direkteur-generaal, het op 1 Maart, haar eerste dag in die pos, aan CNN se Richard Quest gesê die hoofsaak is dat sy nie sonder resultate kan werk nie. Die ekonoom en voormalige minister van finansies van Nigerië het geskiedenis gemaak as die eerste vrou en inwoner van Afrika in die amp. Pascal Lamy, voormalige WHO-hoof, sê Okonjo-lweala bring status, ervaring, ’n netwerk en ’n temperament om dinge gedoen te kry. Die sleutel tot haar sukses is haar vermoë om in ’n “Amerika-EU-China-driehoek” te werk. “DIT WYS HOE VERWIKKELD HIERDIE BEDROG IS.” – Christo Wiese, voormalige voorsitter van Steinhoff, sê die nasionale vervolgingsgesag (NVG) moenie gekritiseer word vir die stadige pas van sy ondersoek na die…

DIE GOEIE SA se Inligtingsreguleerder het gesê Facebook (die eienaar van WhatsApp) mag nie enige kontakinligting wat hy van WhatsApp-gebruikers in SA insamel, met sy ander filiale deel sonder om eers toestemming van die reguleerder te kry nie. In Januarie het WhatsApp gebruikers in kennis gestel dat hy ’n nuwe privaatheidsbeleid voorberei, waarkragtens hy data, insluitende ligging en telefoonnommers, met Facebook en sy ander eenhede kan deel. Die veranderinge is wêreldwyd skerp bekyk. Turkye se mededingingsraad het ondersoek ingestel, en ’n regsgeding is in Indië aanhangig gemaak. Die reguleerder het gesê sy besluit is kragtens artikel 57 van die Wet op die Beskerming van Persoonlike Inligting. DIE SLEGTE Statistieke SA het aangekondig die land se uitgebreide werkloosheidsyfer, wat ontmoedigde werksoekers en diegene met ander redes om nie te soek nie,…

Suid-Afrika (SA) was verantwoordelik vir 55% van Anglo American se verdienste vir die volle 2020, ’n ontwikkeling wat herinner aan die dae toe die groep se hoofkantoor in Johannesburg die moederskip van ’n sakeryk was. Destyds was die groep in die SA ekonomie verstrengel met belange in sektore so uiteenlopend as ingenieurswese, drank en die media Die rede vir die onlangse verskil in verdienstebydrae – gewoonlik verdien Anglo ongeveer 30% tot 40% uit sy SA sake – was die stewige prysprestasie (en kostebeheer) van Anglo American Platinum (Amplats) en Kumba Iron Ore. Hulle is afsonderlik genoteerde maatskappye wat steeds die uitgebreide aard van die groep se vorige struktuur weerspieël. Daardie struktuur was verlede maand egter in ontleders se visier ná die uitvoerende hoof, Mark Cutifani, se kommentaar tydens die aanbieding…