Finweek - Afrikaans 3/4/2021

in onstuimige ekonomiese tye moet klein en middelslagondernemings gewoonlik bontstaan om die boeke te laat klop. Dit verg soms moeilike besluite soos om sekere voorraad bo ander te prioritiseer, voordele vir personeel in te katrol en in die aakligste gevalle selfs werknemers af te lê. In ’n onderneming wat vir mense omgee, sowel klante as personeel, is laasgenoemde opsie gewoonlik die allerlaaste uitweg wat die sakeman of -vrou neem. Maar soms is dit onafwendbaar om jou mense, selfs dié wat vir jare lojaal teenoor jou en jou onderneming was, af te lê. Dit het geweldige emosionele en reputasie-gevolge vir albei partye. Te midde van hierdie dreinerende omstandighede, moet die sake-eienaar boonop sy waarde-vir-geld-aanbieding van dienste of produkte opskerp om die klante wat oor is, te behou. Talle sake-eienaars moes verlede…

Vroeg in Februarie vanjaar is die resultate van ’n nuwe inentingproefstudie aangekondig. Hoewel slegs enkele Suid-Afrikaanse media dié nuus vrygestel het, kan die implikasies vir SA se toekoms meer ingrypend as enige Covid-19-nuus wees. Dit is omdat die resultate van die eerste fase van die entstof ’n deurbraak getoon het in die vervaardiging van seldsame immuunselle wat nodig is om een van die dodelikste pandemies in Suider-Afrika te voorkom, een wat die subkontinent al byna drie dekades lank verwoes het, naamlik MIV/vigs. Statistieke SA skat ongeveer ’n kwart van alle jaarlikse sterftes in SA (ongeveer 125 000) word aan vigs toegeskryf. ’n MIV-entstof sal die lewens van miljoene Suid-Afrikaners verbeter; lewensverwagting verhoog; private en openbare gesondheidsorguitgawes verminder en inkomste en lewensgehalte verhoog. Dié goeie nuus behoort in hoofopskrifte aangekondig te…

“DIE LANGTERMYNSTRATEGIE IS DAT DIE SAAK SO LANK SAL VOORTSLEEP DAT… HY VIR GEEN POLITIEKE POS SAL KAN STAAN NIE.” − Ace Magashule, sekretaris-generaal van die ANC, is glo gefrustreerd oor mikrobestuur deur president Cyril Ramaphosa, berig City Press. Luidens die publikasie het die konflik na vore gekom toe Magashule in sy sluitingsopsomming van die nasionale uitvoerende komitee se onlangse virtuele vergadering gepleit het dat hy nie “bestuur” word nie. Daar is na bewering aan die vooraand van Magashule se hofverskyning in Bloemfontein aan ’n topvlakkoukus van sy ondersteuners gesê die korttermyn-strategie van dié wat hom wil laat uittree, is om hom te keer om enige rol in die voorbereiding op die komende plaaslike verkiesings te speel, terwyl die langtermyn-plan is om hom in hofsake vas te sluit. “[DAAR IS]…

DIE GOEIE KPMG het aangekondig dat hy nie meer nie-ouditverwante dienste aan SA genoteerde maatskappye sal lewer nie en hoop om die vertroue in sy plaaslike bedrywighede te herstel. KPMG verduur sedert 2017 kritiek weens sy werk vir ’n maatskappy in besit van die Gupta-familie, wat glo hul bande met oudpresident Jacob Zuma misbruik het, en weens die ineenstorting van VBS Mutual Bank. ’n Aantal maatskappye, waaronder Barclays Africa en Sibanye-Stillwater, asook die regering het opgehou om KPMG te gebruik. Die maatskappy sê hy het vrywillig aangebied om nie-ouditverwante dienste te staak om persepsies van belangebotsing te voorkom. DIE SLEGTE Die departement van omgewingsake, bosbou en vissery het aangekondig dat hy Sasol ondersoek om te bepaal of die petrochemiese maatskappy se bedrywighede in Secunda die oorsaak van ’n swaelreuk in…

toe Tiang Moabelo sien hoe sy medestudente aan die Universiteit van Kaapstad sukkel om hul besittings te trek, het hy LoadALot in Februarie 2016 begin. Sedertdien het die maatskappy gegroei en bied nou ’n hele pakket verhuisingsoplossings in Kaapstad en Johannesburg aan, ook aan nie-studente. Moabelo het die maatskappy met letterlik niks begin nie, buiten ’n volslae vasbeslotenheid en die drang om ’n suksesvolle entrepreneur te wees. “Ek het ’n gewillige vennoot gevind deur op Main Road in Rondebosch lukraak bakkies te stop. Ons het op ’n prys ooreengekom en ek het 30%-kommissie by die prys gevoeg wat ek ’n student sou vra wat óf op my Facebook-advertensies óf op mondelingse verwysings gereageer het,” sê Moabelo. Die onderneming was skaars op dreef toe die bestuurder een oggend nie opdaag vir…

KOOP NOU BY WWW.NETWERK24.COM WWW.ZINIO.COM WWW.MAGZTER.COM DIE AFTREEEFFEKTETRUSTS WAT DIE RES OORTREF Daar is in elke bedryf wenners en verloorders. finweek ontleed die beste presteerders in drie kategorieë effektetrusts wat die beste geskik is om aftreespaargeld oor een en vyf jaar in te parkeer. ZINIO MAGZTER ENGELSE GEDRUKTE UITGAWE SUBSKRIPSIE-OPSIES*: 7 UITGAWES (3 MAANDE) = R226,80 13 UITGAWES (6 MAANDE) = R374,40 25 UITGAWES (1 JAAR) = R675,00 Die aanbod is geldig tot 31 Maart 2021. *INSLUITEND ALLE POS- OF AFLEWERINGSKOSTES. Slegs in SA. TEL: O87 353 1305 SUBS@FINWEEK.CO.ZA…