Finweek - Afrikaans 2/4/2021

die bakermat van kapitalisme – as ’n mens nou kyk waar die eerste aandele destyds uitgereik is – het die koronavirus-pandemie ingespan om ’n nuwe vorm van ekonomie op die proef te begin stel. Ek lees dat Amsterdam, en ook ander plekke in Nederland, begin het om die sogenaamde “doughnut”-ekonomiese model in werking te stel. Dié idee wat sy ontstaan aan die Britse ekonoom Kate Raworth te danke het, behels dat die mensdom sy basiese behoeftes binne die perke wat deur die planeet gestel word, nakom. Dié basiese behoeftes van die mens sluit in ’n dak oor die kop, kos in die maag, toegang tot gesondheidsorg en onderwys, ’n politieke stem en nog ’n paar ander. Hierdie behoeftes moet dus aan voldoen word binne onder meer ’n stabiele klimaat, geil…

die wêreld van finansies is nie dieselfde as wat dit ’n paar jaar gelede was nie. Hoewel The Wolf of Wall Street ’n suksesvolle handelaar in die 20ste eeu beskryf, lyk dinge vandag anders. Rekenaarwetenskaplikes in sweetpakbroeke – by name kwantitatiewe ontleders – ontwerp en stel ingewikkelde wiskundige en statistiese modelle in werking wat sekuriteite doeltreffender prys, risiko verminder en winste genereer. Een van hierdie nuwe statistiese toepassings is masjienleer. In ’n artikel in die Review of Financial Studies verlede jaar gebruikShihao Gu, Bryan Kelly en Dacheng Xiu die Sharpe-verhouding, ’n maatstaf vir die risiko-aangepaste opbrengs van ’n finansiële portefeulje, om die voordele van masjienleer aan te toon: “ ’n Portefeuljestrategie wat die S&P500 met neurale netwerkvoorspellings reguleer, geniet ’n geannualiseerde Sharpeverhouding met nuwe data van 0,77 teenoor die 0,51…

“Ek sal julle op die plek afdank.” – Amerika se president, Joe Biden, se termyn as staatshoof het afgeskop met ’n streng waarskuwing aan ’n duisend presidensiële aanstellings. Biden het op ’n videokonferensie gesê dat hy hulle sonderversuim sal afdankas hy hoordat hulle “minagting” in hul profesionele optrede teenoor mense toon. Hy het sy administrasie afgeskop met omvattende opdragte aangaande immigrasie (en verskeie onversetlike immigrasiebeleidsmaatreëls van die voormalige president, DonaldTrump, omvergewerp), Covid-19 (’n vereiste om maskers te dra en sosiale afstand in federale geboue te handhaaf), rassegeregtigheid en klimaatsverandering (heraansluiting by die Parys-klimaatsooreenkomste). “ONS MEEN VERDERE VERSLAPPING IS MOONTLIK.” – Mamello Matikinca-Ngwenya, hoofekonoom by FNB, het gesê hoewel die Suid-Afrikaanse Reserwebank (SARB) besluit het om die repokoers onveranderd op 3,5% te laat, daar plek is vir verdere verslapping omdat die…

DIE GOEIE Santam het aangekondig dat hy gaan begin om eise vir sake-onderbrekingsdekking te verwerk. Dit is vir handelspolisse wat deur die inperking weens die koronavirus sedert April 2020 geraak is, bykomend tot dié van sy gasvryheidsen ontspanningsafdeling. Dit sal 4 000 handelskliënte dek wat eise ingestel het, het Santam gesê. Suid-Afrikaanse versekeraars het geweier om eise te oorweeg van maatskappye wat gesluit moes word weens die inperking en beweer dat dié eise nie deur hul polisse gedek word nie. ’n Hof het in Desember ’n appèl deur die versekeraar Guardrisk, omvergewerp en só ander versekeraars verplig om sekere eise te begin verwerk. DIE SLEGTE Suid-Afrikaanse Brouerye (SAB), ’n afdeling van Anheuser-Busch InBev (AB InBev), het 550 tydelike werkers se kontrakte met onmiddellike inwerkingtreding onbepaald opgeskort weens die jongste verbod…

david Brown se verbintenis met die mynbousektor in Zimbabwe dateer uit sy ses jaar as uitvoerende hoof van Impala Platinum (Implats), wat in 2012 geëindig het. In dié tyd het hy met die destydse president, Robert Mugabe, vergader om ’n dispuut tussen die regering en Implats oor sekere mineraleregte te beëindig. Brown is nou terug in die land as nie-uitvoerende voorsitter van Great Dyke Investments (GDI), ’n maatskappy wat deur private Russiese belange gesteun word, wat hoop om $550 miljoen in te samel vir ’n platinumgroepmetaalmyn (PGM-myn), Darwendale. Sy gewone werk is egter by ’n ander onderneming, ’n opkomende goudmyn met die indrukwekkende naam, Kuvimba Mining House, wat die ondersteuning van Zimbabwiese president Emmerson Mnangagwa geniet. Mnangagwa hoop dat maatskappye soos Kuvimba weer lewe kan blaas in die land se…

dit is kenmerkend van Chris Griffith, aangewese uitvoerende hoof van Gold Fields, dat hy sy pligte by die maatskappy aanvaardie dag nadat sy “tuinmaakverlof” van twaalf maande einde Maart verstryk. Toe Gold Fields verlede jaar die naderende vertrek van Nick Holland aangekondig het – die uitvoerende hoof van 13 jaar bereik die verpligte aftree-ouderdom van 63 vanjaar – was die plan vir ’n “oorhandigingsperiode” van moontlik tot ses maande. Nou het Holland egter ingestem om vroeërte vertrek. Daar is blykbaar geen beswaar daarteen nie; dit is net tipies van Griffith dat hy onmiddellik sy eie idees op Gold Fields wil afdruk – hoewel Holland al byna twee dekades lank uitvoerende pligte daar gehad het. Griffith was tot verlede jaar agt jaar lank uitvoerende hoof van Anglo American Platinum (Amplats), en…