Finweek - Afrikaans 1/21/2021

so sit ek gedurende die eerste week van hierdie jaar een oggend vroeg met ’n koffie, sigaret en my twee brakke en bedink die wêreld. ’n Mens vind dit altyd goed om vroegoggend oor die wêreld en haar dinge te dink terwyl die dag nog vol hoop is. My selfoon lui en ek sien dis ’n 010-nommer en ek skrik: Is daar dan moeilikheid met iemand? Die stem aan die ander kant van die lyn is vriendelik en in Engels. Dit was nog te vroeg vir my brein om ander tale aan te durf, maar ’n mens gee jou beste Noord-Kaapse Brits uit ordentlikheid uit. Ná die tweede sin, skakel die stem oor na Afrikaans (weliswaar ’n beter aksent as myne daardie tyd van die oggend). “Weet meneer dat meneer…

geskiedkundiges is goeie toekomsvoorspellers. En nie omdat hulle nuwe insig in die toekoms het nie, maar omdat hul tydshorison slim is. Eerder as om oor die volgende paar maande te bespiegel, verkies hulle om die verre toekoms te voorspel. Dit gee hulle meer vryheid en minder kans vir foute. En dít is omdat mense geneig is om verandering op kort termyn te oorskat, maar verandering op die lang termyn te onderskat. Laat ekdus die geskiedkundige se metodiektoepas en nie voorspel waar ons aan die einde van vanjaar sal wees nie, maar eerder hoe die wêreld van 2030 kan lyk. Wat kan oor tien jaar gebeur? Eerstens ruimtevaart. SpaceX sal in 2030 die grootste maatskappy ter wêreld wees, tesame met Amazon se ruimte-filiaal. ’n Permanente kolonie sal op Mars gevestig wees.…

die ANC se bewind van 26 jaar word nou bedreig, maar die gevaar kom nie van sy politieke vyande af nie. Die bedreiging is die gevolg van snelle verstedeliking en dié gedugte mededinger het reeds ’n sterk boodskap aan die regerende party gestuurtoe hy tydens 2016 se munisipale verkiesings die beheer oor drie metropole verloor het. Oral in Suid-Afrika verlaat duisende arm, werklose mense hul dorpe om groener weivelde in die groot stede te soek. Hierdie migrante verlaat hul dorpe as sterk ondersteuners van die ANC, net om na informele nedersettings met swak omstandighede te verhuis. Dis daar waar wrewelrigheid teenoor hul geliefde organisasie aangewakker word. In hul dorpe het dié migrante nooit teen swak dienslewering betoog nie ondanks die onvervulde beloftes van ekonomiese ontwikkeling op die platteland wat politici…

die sukses wat uit die as van 2020 verrys het, is mensekapitaal. Noudat daar bewys is dat dit moontlik is om tuis te werk, sal dit vir maatskappye moeilik wees om sake te laat terugkeer na hoe dit voor die pandemie was. Vanjaar sal miljoene maatskappye alles van fisieke kantore tot digitale infrastruktuur begin verander, en dit het wye implikasies vir die ekonomie en ons kultuur. Dit voel of die term OMB (omgewing, maatskaplik en bestuur) eers onlangs vashouplek in die beleggingsgemeenskap gekry het. Die tendens het egter gou tot ’n volwaardige verandering in die samelewing ontwikkel. Beleggers het verlede jaar $27,7 miljard in beursverhandelde fondse (ETF’s) in Amerikaanse markte belê en dit lyk of dié momentum eenvoudig toeneem. China, die land met die grootste bevolking, het reeds, met die…

“ONS HET DIE REKENING PERMANENT OPGESKORT.” —Twitter het aangekondig dat hy Donald Trump se rekening permanent van sy platform verwyder het en gesê die risiko bestaan dat die Amerikaanse president dit kan gebruik om verdere geweld aan te hits nadat sy ondersteuners Capitol Hill bestorm het. “Twitter was ’n politieke instrument wat hom gehelp het om verkies te word en ’n digitale houwitser wat hy lief was om af te vuur,” het The New York Times verlede jaar geskryf in ’n artikel oor hoeTrump die presidentskap met twiets hervorm het. Ander aanlyn platforms watTrump se rekeninge heeltemal verwyder of beperk het, sluit onder andere Reddit, Facebook, Instagram, Snapchat en TikTok in. “Baie van dié dinge is onbekostigbaar.” – Dr. Azzar Jammine, Econometrix-direkteur enhoofekonoom, in reaksie op president Cyril Ramaphosa se…

DIE GOEIE Die graderingsagentskap, Fitch, het die nasionale, langtermyngraderings van die land se vyf grootste banke volgens bates (Standard Bank, Absa, Investec, Nedbank en FirstRand) tot “AA+ (zaf)” vanaf “AA (zaf)” verhoog en het ’n verbetering in kredietwaardigheid daarvoor aangevoer. Fitch het gesê die banke het beduidende ruimte om die heersende druk op die bedryfsomgewing in Suid-Afrika die hoof te bied. Fitch het die banke vroeër, aan die begin van die inperkingstyd in Maart 2020, tot “BB” afgegradeer en gesê hy verwag ’n negatiewe uitwerking van die koronavirusuitbraak op banke se bedryfsomgewing en belangrike finansiële maatstawwe. DIE SLEGTE Die Kaapse hooggeregshof het ’n voorlopige likwidasiebevel teen die Bitcoin-handelsmaatskappy, Mirror Trading International (MTI) bekragtig. Die maatskappy se stigter en uitvoerende hoof, Johann Steynberg, het na bewering in Desember verdwyn, terwyl hy…