Innholdsfortegnelse for 1/21/2021 i Finweek - Afrikaans

so sit ek gedurende die eerste week van hierdie jaar een oggend vroeg met ’n koffie, sigaret en my twee brakke en bedink die wêreld. ’n Mens vind dit altyd goed om vroegoggend oor die wêreld en haar dinge te dink terwyl die dag nog vol hoop is. My selfoon lui en ek sien dis ’n 010-nommer en ek skrik: Is daar dan moeilikheid met iemand? Die stem aan die ander kant van die lyn is vriendelik en in Engels. Dit was nog te vroeg vir my brein om ander tale aan te durf, maar ’n mens gee jou beste Noord-Kaapse Brits uit ordentlikheid uit. Ná die tweede sin, skakel die stem oor na Afrikaans (weliswaar ’n beter aksent as myne daardie tyd van die oggend). “Weet meneer dat meneer…

die sukses wat uit die as van 2020 verrys het, is mensekapitaal. Noudat daar bewys is dat dit moontlik is om tuis te werk, sal dit vir maatskappye moeilik wees om sake te laat terugkeer na hoe dit voor die pandemie was. Vanjaar sal miljoene maatskappye alles van fisieke kantore tot digitale infrastruktuur begin verander, en dit het wye implikasies vir die ekonomie en ons kultuur. Dit voel of die term OMB (omgewing, maatskaplik en bestuur) eers onlangs vashouplek in die beleggingsgemeenskap gekry het. Die tendens het egter gou tot ’n volwaardige verandering in die samelewing ontwikkel. Beleggers het verlede jaar $27,7 miljard in beursverhandelde fondse (ETF’s) in Amerikaanse markte belê en dit lyk of dié momentum eenvoudig toeneem. China, die land met die grootste bevolking, het reeds, met die…

goud is ’n metaal vir rampspoed. Dit beteken wanneer die lewe die mensdom druk, verbeter die goudprys. Dit blyk ’n eeue oue feit te wees van goud se reputasie as ’n bêreplek van waarde – ’n welbekende eienskap wat dit byvoorbeeld logies maak om Krugerrande te besit. Die pandemie is gevolglik nogal goed vir die metaal. In Augustus het die goudprys tot bokant $2 000 per ons gestyg en na verwagting sal dit weer vanjaar gebeur, moontlik met die hulp van hernude stimulus sodra president Joe Biden die leisels in Amerika oorneem. HoeCovid-19 die goudprys op ’n meerdirekte nywerheidswyse aanhelp, is egter minder bekend. Volgens Sprott Asset Management, ’n Kanadese maatskappy en legendariese goudbul, speel die gebruik van edelmetale in mediese instrumente, wat sowat 3% tot 5% van die algehele…

wat maak ’n maatskappy mededingend? Grootdata, vernuwende bemarking, gebruiksgemaklike toepassings en die laagste pryse is als belangrike elemente, maar die enkele grootste mededingende voordeel wat jou maatskappy het, is sy mense en die kollektiewe kultuur wat hulle tot stand bring. Hoekom is kultuur so belangrik? Maklik, dis die een ding wat jou as ’n maatskappy werklik laat uitstaan. Dit is wat jou mense soggens met ’n lied in die hart laat opstaan, vernuwing omarm en verhoudinge met jou klante bou. Nog belangriker, dit bevorder werklike maatskappywaarde. Ons beraam dat die skep van ’n positiewe maatskappykultuur by King Price die afgelope jare regstreeks tot ’n gekombineerde styging van meer as 50% in aandeelhouerswaarde bygedra het. King Price se kultuur het nogal die onderwerp van bespreking geword in ’n bedryf wat voorheen…

Die droogte van ’n paar jaar gelede het boerdery erg benadeel, maar toe dit weer goed reën het dit die bedryf op ’n stewige grondslag geplaas, en ’n sterk oes verlede jaar sal na verwagting vanjaar deur nog ’n sterker oes gevolg word. Hierdie verbetering sal boere bevoordeel vanweë die hoër produksie, en in sommige produkte, soos mielies, sien ons die eienaardige situasie dat die pryse nie daal nie, hoewel ’n buitengewone oes verwag word. Sommige boere sal dus dubbel beloon word. Hierdie buitengewone seisoen sal tot groter besteding deur boere lei, en dit behoort Kaap Agri wat in die koring-en sitrusgebied in dieWes-Kaap bedrywig is, te baat. Kaap Agri is ’n kleinhandelsonderneming met ’n brandstofafdeling (wat sleg vaar) en graanhantering. Die halfjaarresultate tot einde Maart sal waarskynlik beskeie wees,…

tesla is in Desember2020 in die S&P500-indeks ingesluit. Die aandeelprys het ’n astronomiese opbrengs getoon tot en met ’n dag voor die insluiting wat effektief die 21 Desember was. Sedert die insluiting het die prys met ’n verdere 9% gestyg. Die aandeelprys het dus sedert die begin van 2020 amper sewe keer in waarde toegeneem. Wat beteken hierdie indeksinsluiting vir’n aandeel en is dit die moeite werd as daar so ’n geleentheid is om jou blootstelling in die aandeel te vergroot? Hou in gedagte datTesla in die motormarksegment en in energieopwekking enopberging handel dryf. Die motorsegment sluit die ontwerp, ontwikkeling, vervaardiging en verkoop van elektriese voertuie in. Die energie-opwekking-en-opbergingsegment sluit die ontwerp, vervaardiging, installering, verkoop en verhuring van stilstaande energie-opbergingsprodukte en sonkragstelsels in asookdie verkoop van elektrisiteit wat deur die…

van beleggers gaan 2021 moeilike besluite verg, te oordeel na die ontledings en voorspellings wat tradisioneel in Januarie die lig sien. Lê daar ’n blomtydperk vir die wêreldekonomie vooras sake weer na “normaal” terugkeer vanweë die einde van die koronaviruspandemie en die opgedamde vraag losgelaat word? Of gaan die herstel maarflou wees ongeag die grootskeepse geldskepping deur owerhede? Net in Amerika is 25% van alle dollars die afgelope sowat nege maande geskep. Die nuwe Biden-administrasie sal na verwagting voortgaan met die volopgeld-beleid om ’n ernstige resessie af te weer. Sedert Alan Greenspan, voormalige voorsitter van die Amerikaanse Federale Reserweraad, vorige krisisse afgeweer het deur nuwe geld in die stelsel te pomp om die tradisionele marksiklus te wysig, is dit nou ’n wêreldwye praktyk. Dit is egter nie net van owerheidskant…

vir langer as 100 jaar was die Johannesburgse Aandelebeurs (JSE) die enigste beurs in Suid-Afrika, behalwe vir enkele mededingers oor die jare heen wat óf ondergegaan het (die Union Exchange in 1951) of deur die JSE oorgeneem is (die SA Termynbeurs in 2001). Só is die JSE se de facto-monopolie op sowel primêre as sekondêre kapitaalmarkte oor’n verskeidenheid van sekuriteite heen – van aandele tot afgeleide instrumente en skuldmarkte – verseker. Makelaars was daarom hoofsaaklik op die JSE aangewese om vir kliënte die beste moontlike resultate te behaal wanneer hulle namens hul kliënte sekuriteite verhandel het. Sedertdien is die JSE se monopolie egter uitgedaag en in onlangse tye weereens ontwrig, met die koms van nuwe mededingende beurse soos A2X Markets, 4AX, ZARX en die Equity Express Securities Exchange. Dié groter…

terwyl Suid-Afrikaners ’n nuwe en hopelik beter jaartegemoet gaan, staan kubermisdadigers nogeens gereed om mense uit hul geld en persoonlike data te probeer verkul. Suid-Afrika het die derde hoogste getal slagoffers van kubermisdaad wêreldwyd en die land verloor sowat R2,5 miljard per jaar weens dié misdaad. Die hoofrede vir dié skoksyfer is dat SA eindgebruikers en sakeondernemings, veral kleinsakeondernemings, “ongelooflik naïef” is, sê prof. Basie von Solms, direkteur van die Sentrum vir Kubersekerheid aan die Universiteit van Johannesburg. Dié siening word in iDefense, ’n Accenturesekuriteitsmaatskappy, se verslag beaam, wat noem dat ons internetgebruikers “onervare en tegnies minder waaksaam” as gebruikers in ander lande is. Ook het SA lankgetalm om wetgewing teen kubermisdaad in te stel en het die land ’n tekort aan beleggings in kuberveiligheid. Volgens iDefense se ontleders beskou…

geskiedkundiges is goeie toekomsvoorspellers. En nie omdat hulle nuwe insig in die toekoms het nie, maar omdat hul tydshorison slim is. Eerder as om oor die volgende paar maande te bespiegel, verkies hulle om die verre toekoms te voorspel. Dit gee hulle meer vryheid en minder kans vir foute. En dít is omdat mense geneig is om verandering op kort termyn te oorskat, maar verandering op die lang termyn te onderskat. Laat ekdus die geskiedkundige se metodiektoepas en nie voorspel waar ons aan die einde van vanjaar sal wees nie, maar eerder hoe die wêreld van 2030 kan lyk. Wat kan oor tien jaar gebeur? Eerstens ruimtevaart. SpaceX sal in 2030 die grootste maatskappy ter wêreld wees, tesame met Amazon se ruimte-filiaal. ’n Permanente kolonie sal op Mars gevestig wees.…

“ONS HET DIE REKENING PERMANENT OPGESKORT.” —Twitter het aangekondig dat hy Donald Trump se rekening permanent van sy platform verwyder het en gesê die risiko bestaan dat die Amerikaanse president dit kan gebruik om verdere geweld aan te hits nadat sy ondersteuners Capitol Hill bestorm het. “Twitter was ’n politieke instrument wat hom gehelp het om verkies te word en ’n digitale houwitser wat hy lief was om af te vuur,” het The New York Times verlede jaar geskryf in ’n artikel oor hoeTrump die presidentskap met twiets hervorm het. Ander aanlyn platforms watTrump se rekeninge heeltemal verwyder of beperk het, sluit onder andere Reddit, Facebook, Instagram, Snapchat en TikTok in. “Baie van dié dinge is onbekostigbaar.” – Dr. Azzar Jammine, Econometrix-direkteur enhoofekonoom, in reaksie op president Cyril Ramaphosa se…

van die meer as twee dosyn Suid-Afrikaanse eiendomsbeleggingstrusts (reits) op die JSE, bied slegs twee – Indluplace en Transcend Residential Property Fund – beleggers spesifieke blootstelling aan residensiële eiendom. Albei spits hulle op die bekostigbare residensiële huursegment toe. Institusionele beleggers het in ’n groot mate die residensiële sektoroor die hoof gesien. As bateklas maak residensiële eiendom minder as 3% uit van die totale genoteerde-eiendomsektor in Suid-Afrika. Maar met Covid-19 wat drukop die kantoor-en kleinhandelsektore plaas waarSuid-Afrikaners hul gesondheid voorop plaas deur na die veiligheid van hul huise te vlug, kan die residensiële bateklas ’n aanlokliker alternatiewe belegging wees. “Die uitwerking van Covid-19 het getoon dat dié residensiële reits ietwat defensiewer is as die tradisionele eiendomsubsektore,” sê Nesi Chetty, senior fondsbestuurder by Stanlib aan finweek. “Indluplace en Transcend het in 2020…

BHP se aandeelprys het aan die begin van die jaar gestyg – nieteenstaande twee belangrike weerstandstendenslyne. Dit lyk asof aandeelhouers tevrede is met BHP se belegging in die Amerikaanse onderneming Boston Metals om minder besoedelende maniere te ontwikkel om staal te vervaardig. Staal is nie net die ruggraat van die nywerheidswêreld nie, maar is ook winsgewend. Dis verantwoordelik vir meer as 8% van die wêreldwye koolstofvrystelling. Elke jaar word 1,9 miljard ton geproduseer om enigiets van vervoerstelsels en wolkekrabbers tot infrastruktuurte bou. BHP se belegging sal gefinansierword deur sy klimaatbeleggingsprogram van $400 miljoen wat verlede jaargevestig is om die sogenaamde vlak-1-, 2-en 3-vrystellings te verminder. Verlede maand het BHP ’n memorandum van ooreenkoms onderteken met die gesaghebbende internasionale staalprodusent, China Baowu, om tot $35 miljoen te belê en om tegniese…

ALTRON Is Netstar die volgende? Altron is ’n interessante aanbod met goeie potensiaal om waarde te ontsluit. Die Bytes UK-transaksie het aandeelhouers goed beloon, en Netstar kan dalkvolgende ontknoop en noteer. Die Netstar-onderneming is omtrent net so groot en winsgewend as MixTelematics, terwyl Cartrack ongeveer 50% groter is. Altron se markkapitalisasie is ongeveer R4,4 miljard, MixTelematics sowat R4,8 miljard, en Cartrack (ná diedenoteringsaankondiging) net meeras R15 miljard. Dit is dus heel moontlik dat Netstar wat op sy eie genoteer is, so groot soos die hele Altron sal wees, en ons kan in die volgende paar maande moontlik nuus hieroor verwag. METROFILE Die gerugte is waar Die aanvanklike denoteringsaanbod vir Metrofile* was in Desember2019 teen 330c per aandeel, maar die pandemie het daartoe gelei dat die koper (Housatonic Consortium) nie Suid-Afrika…

die Suid-Afrikaanse Reserwebank (SARB) beleef politieke en maatskaplike druk om ook ekonomiese groei te teiken wat soms gepaardgaan met ’n aandrang op “volle indiensneming”. Daar kan stellig nie vir die ekonomies vernietigende uitwerking van dieCovid-19-pandemie vergoed word met verdere verlagings in die repokoers nie – wat in ’n mate verklaar waarom die aandrang op veranderinge of die uitbreiding van die Reserwebank se mandaat einde verlede jaar afgeneem het. Oproepe dat die bank se onafhanklikheid prysgegee word, het ook die laaste paar maande afgeneem. Die verandering in die verbruikersprysindeks (VPI) op ’n jaargrondslag was vir die November-maandeinde 3,2%. Dit is binne die SARB se teikenbestek, maar naby die onderste grens is. Dié syfer is in die eerste week van Desember deur Statistieke SA gepubliseer. DieVPI-verandering oor12 maande is sedert minstens 2010…

riaan van Reenen, wat sy loopbaan in 1999 by Discovery begin het, het ’n jaargelede die leisels as uitvoerende hoof van die maatskappy se lewensversekeringsafdeling oorgeneem. Min het mense tóé geweet hoe die uitbreek van die koronavirus in die stad Wuhan in China deur die wêreld sou versprei en ekonomieë op hul knieë sou dwing. En destyds het mense ook nie geweet hoe die dodetal (wat met die skryf hiervan tot bykans twee miljoen mense gestyg het in ’n aangetaste bevolking van 90 miljoen, volgens data van die John Hopkins-universiteit) lewensversekeraars nadelig sou raak nie. In Suid-Afrika het die aangetaste bevolking tot meeras 1,2 miljoen gestyg, terwyl meer as 34 000 mense gesterf het, volgens data van die gesondheidsdepartement. In Suid-Afrika het die besmette bevolking tot meer as 1,2 miljoen…

In Desember het die BMW-groep in Suid-Afrika hul uitvoerende hoof, Tim Abbott, gegroet. Onder Abbott se leiding is BMW se Rosslyn-aanleg omgeskakel vir die produksie van die BMW X3; ’n opleidingsakademie is ook gebou en verder is BMW se lewenstylpark en bosry-opleidingsgerief in Waterval, Midrand, gebou. In Abbott se tyd het BMW verder met Bio2Watt saamgespan om hernubare energie na hul Rosslynaanleg te bring. Bio2Watt voorsien nou in 50% van die aanleg se energiebehoeftes. Abbott se entoesiasme vir bewaring het ook gelei tot BMW SA se samewerking met die Rhino Orphanage. Hy het vir finweek gesê dat dit ’n passie is waaraan hy sal aanhou aandag gee. Ná 18 jaar in die buiteland het Peter van Binsbergen na Suid-Afrika teruggekeer om die leisels as nuwe uitvoerende hoof van die BMW-groep…

IT-veiligheidsbeleid • Het die maatskappy ’n privaatheidsbeleid? • Word die aanvaarbare gebruik van IT-toerusting in ’n beleidsdokument omskryf (riglyne vir wagwoorde)? • Het die maatskappy ’n omskrewe beleid vir inligtingsekerheid? • Is daar vertroulikheidsooreenkomste tussen die maatskappy en derdepartyverkopers, -kontrakteurs en-verskaffers? • Het alle rekenaars en bedieners wat aan die netwerk gekoppel is die een of ander teenvirussagteware daarop geïnstalleer? • Is alle gekonnekteerde toestelle opgedateer en is die jongste opdatering van veiligheidsregstellings geïnstalleer? Internet-en netwerksekerheid • Het die maatskappy ’n brandmuur wat indringerware op alle inkomende webverbindings sal opspoor en is dit geaktiveer? • Gebruik die maatskappy VPN (virtuele private netwerk) vir afstandverbindings? • Gebruik die maatskappy die jongste koordlose sekerheidsprotokol soos WPA2 Personal of Enterprise vir koordlose of Wi-Fi-verbindings? Privaatheid of sensitiewe inligting • Is die enkripsie van…

die ANC se bewind van 26 jaar word nou bedreig, maar die gevaar kom nie van sy politieke vyande af nie. Die bedreiging is die gevolg van snelle verstedeliking en dié gedugte mededinger het reeds ’n sterk boodskap aan die regerende party gestuurtoe hy tydens 2016 se munisipale verkiesings die beheer oor drie metropole verloor het. Oral in Suid-Afrika verlaat duisende arm, werklose mense hul dorpe om groener weivelde in die groot stede te soek. Hierdie migrante verlaat hul dorpe as sterk ondersteuners van die ANC, net om na informele nedersettings met swak omstandighede te verhuis. Dis daar waar wrewelrigheid teenoor hul geliefde organisasie aangewakker word. In hul dorpe het dié migrante nooit teen swak dienslewering betoog nie ondanks die onvervulde beloftes van ekonomiese ontwikkeling op die platteland wat politici…

die veel besproke ooreenkoms vir ’n Afrikavryhandelgebied (AfCFTA) het op 1 Januarie vanjaar met heelwat trompetgeskal in werking getree. Afrikalande het teoreties op daardie dag onderdie gunstiger voorwaardes van die verdrag begin handel dryf, die begin van ’n nuwe handelsbedeling wat uiteindelik’n reuse-interne mark sal skep van 54 lande, 1,3 miljard mense en ’n gesamentlike bruto binnelandse produk (BBP) van $3,4 duisend miljard. Van die 55 lidlande van die Afrika-unie (AU) het slegs die afgesonderde nasie Eritrea in die Horing van Afrika nie die AfCFTA onderteken nie, en 34 lande het dit sover bekragtig, ’n noodsaaklike stap vir inwerkingstelling. Daar word nou van lande verwag om tariewe op 90% van goedere oor vyf jaar uit te skakel (10 jaar vir die mins ontwikkelde lande, oftewel MOL’e) en op ’n bykomende…

richemont is die wêreld se tweede grootste luuksegoedere-groep ná LVMH. Al het Richemont sy langtermyn-stygkanaal volgehou, was dit die afgelope drie jaar wisselvallig – en ’n patroon bekend as ’n simmetriese driehoek is gevorm. Vooruitsigte: Richemont se aandeelprys het deur die boonste hang van sy simmetriese driehoek gebreek wat hy binne sy langtermyn-stygkanaal gevorm het. Aanlyn en e-handelgroei is deur die Covid-19-pandemie versnel en Johann Rupert, uitvoerende voorsitter en beherende aandeelhouer, mik daarna om die leier in die veld te wees – en werk daarom met Farfetch en Alibaba van China saam. Op die grafieke: Richemont nader sy langtermyn-stygkanaal se boonste hang. Hy kon al ’n paar keer nie uit dié kanaal breek nie en verdere stygpotensiaal kan daarom beperk wees. Indien wel, kan Richemont se aandeelprys terugsak. Andersins sal…

vir my was een van die voordele van die grendeltyd dat ek meer tyd gehad het om boeke te lees – en al het ek meer fiksie as gewoonlik gelees, kon ek verskeie gunstelinge herlees en ook by enkele nuwes uitkom. ’n Boek waarmee ek die jaar afgesluit het, was The Smart Money Method deur Stephen Clapham. Dis ’n boek oor hoe om jou eie aandele te kies en dikwels is dié soort boeke min werd. Dié ene bevat egter ’n klompie juweeltjies wat sy prys en leestyd die moeite werd maak. Daarby gesê is die strategie egter eerlikwaar vir die deursnee private belegger te veel om te hanteer wat betref die tyd en hulpbronne wat dit vereis. Nogtans het dit my slimmer gemaak, en vir diegene wat by die…

ten tyde van die skryf hiervan was die land in ’n aangepaste vlak--3-inperking geplaas, met ’n verbod op die verkoop van alkohol en die verbruik daarvan op persele, ’n langer aandklokreël en beperkings op byeenkomste, insluitende restaurante, gimnasiums en casino’s. Dit gaan gepaard met die verskyning van ’n tweede vlaag van die koronavirus wat vinnig wêreldwyd posgevat het en groter is as die eerste ondanks die feit dat owerhede reeds entstowwe begin toedien het. Dit sal waarskynlik vanjaardie tendens plaaslik sowel as wêreldwyd wees. Ons sal heel waarskynliktussen verskillende inperkingsvlakke wissel, hoewel ek dinkdat streng vlak-4-of -5-inperkings onwaarskynlik is. Dit is omdat die eerste entstowwe al vandeesmaand in Suid-Afrika verwag word. Dit sal natuurlik vir gesondheidswerkers wees; die algemene bevolking sal baie langer moet wag. Na verwagting sal selfs ontwikkelde…

as daar een ding is wat die koronaviruspandemie ons verlede jaar gewys het, is dit dat verskillende streke se ekonomieë verskillend op die gevolge gereageer het. ’n Streeksvergelyking van beleggingsbestemmings is gevaarlik in ons geglobaliseerde wêreld waar goedere en selfs dienste omtrent enige plek ter wêreld “versend” of verkoop kan word. Aangesien lande se wette en regulasies verskil oor alles van belasting tot die manier waarop goedere vervaardig word, sal streeksvooruitsigte vir beleggers van sleutelbelang bly totdat eenvormige, wêreldwye reëls bestaan en toegepas word. In die hoofartikel van ons voorbladpakket bekyk Petri Redelinghuys van die hooftemas wat vanjaar verwag word. Ons verskuif nou die aandag na ’n paar streeksvooruitsigte spesifiek vir aandele. Asië Soos in die res van die wêreld was e-handelaandele groot wenners tydens die pandemie toe mense se…

Die snelle stap om meer kliënte digitaal te bedien, weens die koronaviruspandemie, het die rol om finansiële advies persoonlik te gee onder die soeklig geplaas. Gaan robo-advies, ondersteun deur kunsmatige intelligensie, een van die blywende gevolge van die pandemie wees? Of sal mense se behoefte aan interaksie met ander mense hierdie tendens uitbrei of verminder? Dit is ’n kwessie van ingewikkeldheid. Die unieke behoeftes van welgestelder kliënte sal steeds persoonlik deur finansiële adviseurs voorsien word, hoewel die adviseurs se administratiewe las deur tegnologie verlig sal word. Die Covid-19-pandemie het die digitalisering van finansiële advies versnel, en ons het swaar daarin belê, sê Riaan van Reenen, uitvoerende hoof van Discovery Life. Hierdie beleggings sluit onder meer kwotasies in wat deur kunsmatige intelligensie en virtuele onderskrywing verwerk is. Laasgenoemde maak dit ook…

Liefde met gevoel Die isiZulu-frase vir hierdie uitgawe is abantu abadala, wat “grootmense” of “seniors/stamoueres” beteken. Selfs al is jy ’n grootmens (umuntu omdala), verwys jy steeds na jou seniors as abantu abadala. Die sleutelwoorde is abantu (mense) en abadala (wat oud is). Umuntu omdala is die enkelvoud. In ons era van fopnuus stuur abantu abadala sommer iets opWhatsApp na hul familiegroepe aan sonder om die feite na te gaan. Ek skat hulle kom uit ’n eerliker tydperken dus verstaan hulle nie hoe mense soveel tyd daaraan kan afstaan om ’n spul vals inligting saam te slaan nie. Goed, hulle kom dalk nie uit so ’n eerlike tyd nie, want dis hulle wat uitgevang word dat hulle jokop Utatakho – die oorspronklike ontmaskeraar van fopnuus. uTatakho is ’nTV-program wat abantu…