Finweek - Afrikaans 11/26/2020

ek en my man is besig om na ’n nuwe huis toe te trek. Soos baie ander mense wat vanweë die pandemie gelukkig genoeg is om van die huis af te werk, het ons die afgelope tyd baie ure tuis deurgebring en genoeg tyd gehad om deeglik oor ons finansies en behoeftes te besin. Om in jou eie huis te woon, is ’n voorreg; ek wil dit nie onderspeel nie. Daar is egter baie dinge wat ’n mens – met nabetragting – goed moet oorweeg voordat jy dié sprong waag. En, ek moet erken, ons het al frustrasies ervaar wat ons soms laat spyt voel het ons het die verantwoordelikheid van huiseienaarskap aanvaar. In elk geval, nou skaal ons af. Ek het al nagte en naweke deurgebring om te pak.…

teen die einde van Oktoberwas Suid-Afrika seCovid-19-sterftesyfer (bevestigde sterftes gedeel deur die bevestigde gevalle van die siekte) 2,7%. Hierdie syfer toon natuurlik nie die groot verskille in ouderdom nie. Wêreldwyd is die sterftesyfer 0% vir mense jonger as 10 jaar; maar vir diegene ouer as 80 is dit bo 10%. Anders gestel: vergeleke met mense in hul 20’s, is dit nege maal minder waarskynlik dat babas sal sterf. Dis egter agt maal waarskynliker dat ’n 75-tot 84-jarige in die hospitaal sal beland en 220 keer waarskynliker dat hy/sy sal sterf. Hierdie groot verskille lei daartoe dat ekonome ’n belangrike vraag in verband hiermee kan ondersoek: tot watter mate beïnvloed risiko ons gedrag? Die gedragsekonomie in handboeke vir eerstejaarstudente, waarvolgens verbruikers die nut van iets as die belangrikste aspek daarvan beskou,…

“EK SAL SLEGS OPSY STAAN AS DIE TAKKE WAT VIR MY GESTEM HET, MY VRA OM DIT TE DOEN.” − Na sy eerste verskyning in die hof op 21 aanklagte van beweerde korrupsie en bedrog, het die ANC se sekretaris-generaal, Ace Magashule, ’n skare ondersteuners toegespreek en gesê dat hy nie uit sy pos gaan bedank nie omdat hy op ’n konferensie deur die party se takke verkies is. Magashule het tot die verdediging oorgegaan en het gesê daar is ’n politieke heksejag teen hom. Hy het ook sy kritici gedreig dat hy weet van mense se korrupte geheime en dat hy hulle eers sal ontbloot wanneerdie tyd ryp is. Magashule is op borgtog van R200 000 vrygelaat. “Ons respekteer die keuse van die Amerikaners.” – Die woordvoerder van die…

DIE GOEIE Die Covid-19-entstof wat Pfizer en BioNTech ontwikkel het, het meer as 90% van infeksies voorkom volgens ’n studie onder derduisende vrywilligers, wat nuwe hoop aanwakker dat inentings ’n einde sal bring aan die koronavirus-pandemie. “Die goeie boodskap vir die mensdom is dat ons nou weet dat Covid-19 deur ’n entstof voorkom kan word,” het Uğur Şahin, BioNTech se uitvoerende hoof ná die aankondiging gesê. Die maatskappye is die eerste medisyne-vervaardigers wat suksesvolle data van grootskaalse kliniese toetse van ’n koronavirus-entstof toon. Die maatskappye sê hulle het tot dusver geen ernstige veiligheidskwessies gekry nie. Pfizer het gesê hy verwag om in 2021 tot 1,3 miljard dosisse van die entstof te vervaardig (sien ook bl. 22). DIE SLEGTE Ná ’n onverwagte afname in die tweede kwartaal, het die amptelike werkloosheidsyfer…

nadat hy sy eerste korporatiewe werk in 2015 in die navorsings-en ontwikkelingspan van Discovery losgeslaan het, het dr. Thomas Brennan al hoe meer bewus geword van die hindernisse wat Suid-Afrikaners verhoed om hul geld te belê om welvaart te skep eerder as om dit in ’n bank te los waar dit stadiger kan groei weens inflasie. Hy het talle finansiële adviseurs geraadpleeg, maar nie een het aan sy verwagtinge voldoen nie. “As programmeerder wat in masjienleer spesialiseer, het ek die data wat hulle my gegee het, gebruik om simulasies te ontwikkel van hoe hulle voorgestelde beleggings sou presteer, insluitend die deurlopende gelde. Die meeste van hulle het nie eens die moeite gedoen om my te antwoord toe ek hierdie simulasies pere-pos aan hulle gestuur het nie,” sê Brennan. Hy was…

die rehabilitasie van die mynbousektor sedert die donker dae van 2017 – toe die bedryf ’n vyftiende agtereenvolgende jaar van onderprestasie behaal het – was opmerklik. Dit is ’n herstel van oorbesteding en die daaropvolgende chroniese skuld, wat in goud duidelik was. Goudmyngroepe op die Kanadese Scotiabank se radar het sedert September dividendstygings van gemiddeld 70% behaal. Die gemiddelde dividendopbrengs vir gevestigde en intermediêre multibate-goudprodusente is nou 2%, wat die S&P 500 se opbrengs van 1,6% oorskry. Teen dié opbrengs sal goudprodusente meer algemene en inkomstegefokusde beleggers lok. “Die aansienlike verhogings wys goudprodusente het geleer uit hul foute en gaan kapitaaldissipline handhaaf,” sê Scotiabank. “Dit dui ook op produsente se vertroue om suksesvol deur die voortslepende pandemie te kan werk.” Suid-Afrika se goudsektor bevestig dit. Harmony Gold is een van…