Finweek - Afrikaans 6/4/2020

sondag 24 Mei het The New York Times sy voorblad aan slagoffers van Covid-19 gewy. Die name van byna 1 000 mense is gepubliseer, tesame met hul ouderdom en iets persoonliks oor elkeen. Dit is ink-gegraveerde grafskrifte wat ruweg 1% van die aangetekende sterftesyfer in Amerika verteenwoordig. Die Amerikaanse president se reaksie op die pandemie bly ’n goeie voorbeeld van hoe gevaarlik swak leierskap in dié krisistyd kan wees. Dié voorblad het verskyn toe die Amerikaanse sterftesyferop pad was na 100 000 en tydens Herdenkingsnaweek in Amerika, wanneer landsburgers gehuldig word wat in oorloë omgekom het. Trump het verkies om dié somber naweekop die gholfbaan en met beledigende twiets en hertwiets aan vroulike politici deur te bring. Hier in Suid-Afrika het ons president hom gereed gemaakom ons oordie volgende fases…

suid-Afrika is een van die mees ongelyke lande ter wêreld. Statistiek soos die Gini-koëffisiënt bevestig wat enige besoeker kan sien: groot verskille tussen die lewenstandaard in die ryk voorstede van Sandton of Stellenbosch en in die behoeftige buitewyke. Voeg daarby die armoede van ’n derde van Suid-Afrikaners wat in voormalige tuislande woon. Hoe om dié gaping nouer te maak, is die afgelope 25 jaar lank ’n brandpunt van bespreking. Maar min vordering is gemaak. Hoewel die aard van inkomste-ongelykheid verander het – ongelykheid tussen swart en wit het verminderterwyl ongelykheid binne elke groep toegeneem het – het die algemene vlak van ongelykheid grootliks dieselfde gebly. Ekonome identifiseergewoonliktwee dinge wat moet help: ekonomiese groei en herverdeling. SA sit egter vas. ’n Dekade van swak ekonomiese groei het die eerste opsie verhinder.…

’n Dag voordat president Cyril Ramaphosa op 23 Maart aangekondig het die land word ingeperkom die verspreiding van die Covid-19-pandemie te stuit, het hy by die Uniegebou met sakeleiers vergaderoor hoe om die siekte se invloed op die ekonomie te versag. Voor die vergadering het Ramaphosa, omring deur ’n hoëvlak sakeafvaardiging, ’n impromptu media-inligtigtingsessie gehou om die land te laat weet hy beraadslaag met leiers in politieke, sake-en arbeidskringe om ’n omvattende reaksie op die dodelike siekte te formuleer. Sedertdien het die virus, tydens skrywe van dié artikel, wêreldwyd 348 322 en in Suid-Afrika 533 lewens geëis. Die verdeeldheid tussen Nafcoc en BBC beteken daar is twee swartsakefasies wat meeding om namens die swart sakewêreld te praat. Die sake-afvaardiging het bestaan uit Martin Kingston, visepresident van Business Unity South Africa…

“SWART EKONOMIESE BEMAGTIGING HET GEEN WAARDETOT DIE SUID-AFRIKAANSE EKONOMIETOEGE-VOEG NIE EN BEHOORTVERVANGTE WORD MET’N MEER GEÏNTEGREERDE SAKE-ONTWIKKELINGSBELEID.” – Die politieke ekonoom Moeletsi Mbeki het tydens ’n dialoog oor breë-gebaseerde swart ekonomiese bemagtiging (B-BSEB) gesê: “SEB was volgens my ’n onguns aan die ekonomie van SA.” Die dialoog is aangebied deurdie transformasiekonsultant BEEnovation, berig Fin24. DieCovid-19-pandemie het die debat oordie wettigheid van die wetgewing laat herleef, insluitende ’n mislukte hofpoging deurdie vakbond Solidariteit en sy mede-aansoeker, AfriForum, wat die toepassing van B-BBSEBbepalings betwis in die verspreiding van R200 miljoen ondertoerisme-ondernemings. (Lees ook Andile Ntingi se ontleding van swart sake-verteenwoordiging, sien bl.6.) Dit is wat ek nie kan onthou nie: die pandemie van 1968-1969. En tog was daar een. Dit is toe die H3N2-virus genoem – of die Hongkonggriep – en dit…

DIE GOEIE Die ondersoekdirektoraat van die Nasionale Vervolgingsgesag (NVG), wat opgerig is om sake van korrupsie te ondersoek en te vervolg, het samewerking van die Verenigde Arabiese Emirate (VAE) ontvang in die soektog na diegene wat na bewering voordeel getrek het uit die Estina-korrupsiesaak, volgens BusinessLive. Dit sluit in die Gupta-familie, wat glo in Dubai woon. Die staat beweer dat ongeveer R250 miljoen wat bedoel is om arm boere op ’n melkboerdery in Vrede, in die Vrystaat, te bevoordeel, aan Gupta-maatskappye oorgedra is. Die publikasie berig dat deel daarvan na bewering gebruik is om te betaal vir ’n uitspattige familiehuwelik in Sun City. DIE SLEGTE AngloGold Ashanti het die wêreld se diepste goudmyn, Mponeng, tydelik gesluit nadat 164 werknemers positief getoets het vir die koronavirus. Dit was kort nadat die…

suid-Afrikaners het dit miskien nie geniet dat hul persoonlike vryheid die onderwerp van staatsvoorskrif word nie, maar die lug is ten minste skoner. Een gevolg van die Covid-19-pandemie is ’n afname in lugbesoedeling in die land. Die vlak van stikstofdioksied het tussen 27 Maart en 20 April met 23% op die Hoëveld gedaal, volgens ’n studie van satellietbeelde wat die WNNR in Pretoria gedoen het. Die verskynsel van laervrystellings is ’n wêreldwye gevolg van minder motors op die paaie, minder fabrieke en minder lugreise. “Dié skoner lug moet nie net tydelik wees nie,” sê Sadiq Khan, burgemeester van Londen in ’n artikel wat in die Britse Guardian verskyn het. “Dus, nadat die huidige noodtoestand iets van die verlede is en ons begin herstel, sal ons uitdaging wees om lugbesoedeling permanent…