Finweek - Afrikaans 05 March 2020

baie kinders wat in die laat 1980’s gebore is, moes waarskynlik in hul laerskooljare ’n soort entrepreneurskapsdag verduur het. Dit het gewoonlik ’n ouer behels wat deurnag fudge gebak, handwerk gemaak het, of só iets, en die produkte verpak het sodat die kind dit die volgende dag by die skool kon verkoop – net sodat die kind die dag se inkomste kon kry. Dit het op dié dae duidelik geword dat ek nie met ’n entrepreneursgees geseën is nie, maar party kinders hét dit eenvoudig gehad. Nie net kon hulle ys aan Eskimo’s verkoop nie, maar sou iets beters as ys ontwerp het en gewoeker het sonder om ’n ouer te betrek, afgesien van logistieke hulp – sê maar om te help om hul voorraad by die skool en weer…

ek staan nog altyd vroeg op. Dis 04:36 terwyl ek hier sit en skryf, maar ek het ook vroeg gaan slaap, sodat ek my ses tot sewe uur se slaap kon inkry. Dis nie ongewoon virSuid-Afrikaners nie. Volgens Sleep Cycle, ’n selfoontoepassing wat slaappatrone meet, gaan slaap ons vroeër as enige ander land – gemiddeld om 22:46. Maar ons staan ook vroeg op – om 06:08 – tweede naas die Guatemalane. (Blykbaar het Nederlanders die beste slaapkwaliteit; Iraniërs die slegste, terwyl die Grieke, Italianers en Spanjaarde die meeste snork!) Hoewel hierdie syfers aandui dat die gemiddeldeSuid-Afrikaner nagenoeg sewe uur slaap per nag kry, is dit onwaarskynlik dat die steekproef verteenwoordigend is. Sewe uur is boonop naby aan die voorgeskrewe minimum. Een manier om werknemers se gesondheid te verbeter – en…

’n SMS van ’n familielid oomblikke vóór ek dié rubriek begin skryf het, het my effens hoop gegee dat die verrotting in ons munisipaliteitesal begin aandag gekry. Blykbaar het die Valke (die polisie se direktoraat vir prioriteitsmisdaadondersoeke) op die hoofkantoorvan die Kai! Garibmunisipaliteit in Keimoes in die Noord-Kaap toegeslaan om mense weens tenderbedrog in hegtenis te neem. Vroeër vandeesmaand is Buti Piet Molupi, munisipale bestuurder van die Nala-munisipaliteit (Bothaville) in die Vrystaat ook deur die Valke in hegtenis geneem vir beweerde onreëlmatighede met die aanstelling van ’n sekuriteitsmaatskappy, volgens nuusberigte. Om dieagteruitgang te stuit en die bose kringloop van straffeloosheid op plaaslike vlak te deurbreek, moet dielandseleierskorps hul spiere begin bult. Waar talle landsburgers onder die juk van ondoeltreffende en selfdienende munisipale rade deur’n tekort aan basiese dienste geknou word,…

“DEMOKRASIE HET GESEËVIER.” − Ayanda Kota, voorsitter van die Unemployed People’s Movement (UPM), in ’n verklaring ná die uitspraak van die hooggeregshof in Makhanda (voorheen Grahamstad) waarin beveel is dat die Makana-munisipaliteit ontbind en onder administrasie geplaas moet word vir die oortreding van sy grondwetlike mandaat deur te versuim om basiese dienste te lewer. Die aansoek is deur die UPM en ander burgerregte-organisasies ingedien. Die munisipaliteit gaan teen die uitspraak appelleer. “ONS HET NOG NIE BETROUBAARHEID EN VOORSPELBAARHEID IN ONS STELSEL NIE.” − Jan Oberholzer, bedryfshoof van Eskom, het met finweek gesels (voorbladartikel bl.26) oor hoe Eskom die instandhouding van kragstasies prioritiseer om energievoorsiening te stabiliseer. Een van die onmiddellike kwessies is die proses om oorskotkrag oor die netwerk te versprei, wat maatskappye in staat stel om hul oortollige elektrisiteit…

DIE GOEIE Die Suid-Afrikaanse Reserwebank (SARB) gaan voort met die verkoop van sy belang in African Bank. African Bank het in ’n verklaring gesê die sentrale bank het ’n adviseur aangestel om die verkoop van sy 50%-belang in die klein kommersiële finansier te bestuur. Die sentrale bank het sy belang in African Bank aangeskaf toe laasgenoemde uit kuratorskap gekom het, met ’n inspuiting van ongeveer R5 miljard. “Die SARB verwag dat die proses binne 18 tot 24 maande ná die vasstelling van ’n geskikte koper afgehandel sal wees,” lui die verklaring. DIE SLEGTE Voormalige president FW de Klerk het in ’n televisie-onderhoud met die SAUK gesê dat apartheid nie ’n misdaad teen die mensdom is nie, wat kwaai reaksie in die land ontlok het. Die FW de Klerk-stigting het ná…

terwyl wyn al sedert die 1930’s geblik word, het dié soort verpakking nooit werklik gewild geword nie omdat die gehalte van geblikte wyn laer as dié van gebottelde wyn was. Die kategorie geniet egter sedert 2014 ’n herlewing danksy die ontwikkeling van nuwe tegnologie om die gehalte van geblikte wyn te verbeter, saam met millenniërs se gretigheid om met nuwe produkte te eksperimenteer. Die kategorie het die afgelope vyf jaar veral in Amerika jaarliks teen dubbelsyfers gegroei, en het verlede jaar meer as R1,2 miljard opgelewer, volgens Nielsen. Arnold Vlok en Ruan Viljoen het geweet dit was net ’n kwessie van tyd voordat die tendens na Suid-Afrika sou oorwaai, en daarom het die vriende Uncanny in 2018 geregistreer en met die ontwikkeling van hul eie handelsmerk vir geblikte wyn begin.…