Finweek - Afrikaans 04 April 2019

as die ligte ’n paar weke lank aan bly, is dit regtig nogal maklik om te vergeet dat ons land ernstige kragtoevoerprobleme ervaar. Dan kondig Eskom skielik een oggend fase 2-of fase 4-beurtkrag aan, en die werklikheid tref ons weer. By die werk hou kragopwekkers die meeste van die rekenaars en hier en daar ’n paar van die ligte aan. Koerante plaas stories oor Eskom weer op hul voorblaaie, en rubriekskrywers herinner ons in volle besonderhede presies hoe sleg die krisis is. En hoe lank ons kan verwag dat dit waarskynlik sal voortduur. Kom ek deel ’n ironiese storie. Dis iets waaraan ek dikwels dink in daardie oomblik wat die kantoorligte uitgaan (en voor die kragopwekker inskop). ’n Paar jaar gelede het ek by ’n landboutydskrif gewerk. Ek en die…

in die 1990’s het Paul Krugman, wat later die Nobelprys vir sy werk op handelsgebied gekry het, geskryf: “Daar is niks wat erger lyk as om die kloekmoedige verdediger van ou idees te wees nie, ongeag hoe waar dié idees blyk te wees. Gelukkig is die ortodokse aard van die akademiese ekonome op dié punt ’n groot minderheidsposisie onder intellektuele in die algemeen; mens kan soos ’n dapper rebel lyk wat die huidige gesaghebbers uitdaag, bloot deur die inhoud van ’n standaard handboek voor te hou.” Krugman het geskryf om vergelykende voordeel te verduidelik: die idee dat handel tussen twee lande albei se inkomste verhoog. Dit is ’n eenvoudige en kragtige idee, en is eerste deur David Ricardo voorgestel. Dié konsep was verantwoordelik virdie enorme uitbreiding in wêreldhandel in die…

eskom kan nie reggemaak word nie. Elke belangrike besluit oor Eskom oor die afgelope drie maande het sake waarskynlik vererger. Kom ons begin by die grootste van die (talle) probleme. Geld. Eskom het nie geld nie en die gat word al dieper. Later vanjaar – vir die finansiële jaartot 31 Maart 2019 – gaan Eskom in alle waarskynlikheid sy grootste verlies tot nog toe – tussen R20 miljard en R30 miljard – aankondig (2018: verlies van R4,6 miljard). Die maatskappy sit reeds met toenemende skuld van R420 miljard. In Februarie vanjaar, het Eskom ’n finansiële inspuiting van R150 miljard oordie volgende tien jaar van die staat gekry. Die kortertermyngedeelte, ’n reddingsplan vir die eerste drie jaar vanaf 1 April 2019, beloop R23 miljard per jaar oor die drie jaar. Dis…

“ONS SAL SO BELAGLIK LYK SOOS DIE REPUBLIKEINE TYDENS DIE OBAMA-ADMINISTRASIE ASONS VOORT-GAAN OP ’N PAD OM VIR ’N STAAT VAN BESKULDIGINGTE VRA AS DAAR GEEN GRONDE VOOR IS NIE.” – Colin Strother, politieke konsultant van die Demokrate, nadat die spesiale raadgewer Robert Mueller’n verslag uitgereik het dat geen bewyse gevind kon word van samespanning in die verkiesing van 2016 tussen DonaldTrump, Amerikaanse president, en Rusland nie, soos aangehaal in Business Day. William Barr, prokureurgeneraal van Amerika, sê die verslag bied nie afdoende bewyse om ’n klag teenTrump weens regsverydeling te regverdig nie. Hoewel die verslag nie tot die slotsom kom dat die president ’n misdaad gepleeg het nie, spreek dit hom ook nie vry wat die kwessie van regsverydeling betref nie. The New York Times berig hoeTrump dit in…

twee weke voor sy toetrede tot die openbare mark met sy eerste openbare aanbod op die NewYorkse effektebeurs het die musiekstroomreus Spotify (in Maart 2018) in Suid-Afrika verskyn. Sommige waarnemers het gevoel dié stap was te laat omdat Apple-musiek, Deezer en Google Play Music reeds hul deel van die mark oorgeneem het. Maar Spotify was onmiddellik gewild. Spotify is die grootste wêreldwye musiekstroomdiens en gee gebruikers toegang tot meer as 40 miljoen liedjies, potgooie en ander inhoud van kunstenaars wêreldwyd. Dié diens is in 2008 begin en het maandeliks 207 miljoen aktiewe gebruikers, waarvan 96 miljoen intekengeld betaal. Nie-betalende gebruikers gebruik die diens gratis, hoewel daar advertensies tussen die liedjies is, terwyl gebruikers wat die intekenaarsgeld van R59,99 per maand betaal, geen advertensies kry nie, tesame met onbeperkte oorslaangeleenthede en…

die regering beplan ’n delikate oeufs en cocotte, maar die kanse is goed dat die mynbousektor roereier op sy bord gaan kry. Dis die gastronomiese ekwivalent van die beoogde koolstofbelasting wat deur die Nasionale Raad van Provinsies gevoer moes word in die week wat dié uitgawe van finweek drukkers toe is, en wat op 1 Junie in werking sal tree. Die uitgangspunt is ’n belasting van R120 per ton koolstofdioksied (CO2) in die eerste fase. Sommige aftrekkings van tot 70% van die totale belastingbedrag is toelaatbaar, maar die Mineraalraad van Suid-Afrika beskou dié belasting nogtans as knellend en steun glad nie dié wetgewing, wat amptelik as dieWet op Koolstofbelasting bekend is nie. “Koolstofbelasting is deel van die gereedskapkis vir die hantering van klimaatsverandering, so ons aanvaar dit,” sê Roger Baxter,…