Finweek - Afrikaans 2/18/2021

ons sit met ’n reuse-probleem in die Suid-Afrikaanse ekonomie. Ek sal myself verstout om te sê dis dalk ’n effens groter probleem as wat die minister van finansies het om die staat se boeke te balanseer. Die probleem is dat daar hopeloos te min formele klein en middelslagondernemings in Suid-Afrika is. Moenie my verkeerd verstaan nie: Ondernemings in die informele sektor wat op die oorlewing van die eienaar fokus, is van kardinale belang om armoede teen te werk. Maar formele klein en middelslagondernemings, juis vanweë hul geformaliseerde aard, het ’n groter kans op groei en finansiële sukses vanweë onder meer toegang tot finansiering, versekering en geografiese reikwydte (te danke aan toegang tot vervoer). En dis juis die groei-aspek van formele klein en middelslagondernemings wat so van kritieke belang is om…

inligting is mag, dit weet ons. In die 1340’s het ’n groep sakemanne in die stad van Florence saamgespan om ’n posdiens te stig. Die diens het as Scarsella dei Mercanti Fiorentini bekend gestaan, en die doel daarvan was om gereelde briefwisseling tussen die ondernemings en hul agente in Barcelona, Parys, Keulen en Brugge oor te dra. Dit was ’n eenvoudige idee, maar die impak was ongekend: Dit het kommunikasie skielik betroubaarder gemaak sodat handelaars met gereelde tussenposes die pryse van goedere in verre markte kon bepaal. Ander innovasies het gevolg, soos fakture, vragbriewe en skeepsmanifeste. Dit is grotendeels hierdie innovasies wat die Florentynse handelaars in staat gestel het om meer suksesvol as hul mededingers te wees. Dit was nie lank nie voordat ander handelaars, soos dié in Venesië en…

elke jaar voor die begrotingsrede, vra die minister van finansies, Tito Mboweni, lede van die publiek om wenke met hom te deel oor hoe om begrotingsgeld toe te wys om ekonomiese groei te stimuleer en armoede te verlig. Mboweni, wat later vandeesmaand sy begroting in die parlement ter tafel gaan lê, hoef nie verder te kyk as die onlangs gepubliseerde 2020-hersieningsverslag van die nasionale ontwikkelingsplan (NOP) vir inspirasie nie, in plaas van sy reklamefoefie wat die indruk skep dat gewone burgers se menings deur die regerende elite ter harte geneem sal word. Die hersieningsverslag van 75 bladsye bevat verskeie wenke vir Mboweni oor hoe hy die begroting moet benut sodat dit in sy doelwitte slaag. Dié oorsig, wat deur die nasionale beplanningskommissie (NBK) opgestel is, is ’n eerlike taksering van…

“TELEURGESTELD OM NIE OMMESWAAI TE ERVAAR.” — African Bank het aangekondig dat sy uitvoerende hoof Basani Maluleke ’n dag voor die bekendmaking van die eindjaarresultate gaan vertrek om “ander loopbaangeleenthede” na te streef. Volgens Business Day is Maluleke se bedanking die gevolg van haar “moeilike” werkverhouding met Thabo Dloti, die bank se voorsitter en voormalige uitvoerende hoof van die Liberty-groep. Maluleke sê sy is teleurgesteld dat sy nie die ommeswaai van die organisasie kon deursien nie, terwyl Dloti vinnig gereageer en gesê het dat die transformasie van die bank sedert hy vyf jaar gelede uit kuratorskap gekom het, nie aan enige enkele persoon toegeskryf kan word nie. “Wat is die waarde om hom van intelligensie te voorsien.” – Die Amerikaanse president Joe Biden het aan CBS gesê oudpresident Donald Trump…

DIE GOEIE Ford het aangekondig dat hy $1,05 miljard sal belê in sy SA vervaardigingsbedrywighede, insluitende opgraderings in die produksie van sy Ranger-bakkie. Dit is die grootste belegging wat die Amerikaanse motorvervaardiger in sy 97-jarige bestaan hier in Suid-Afrika gemaak het. Dit sluit in $683 miljoen vir tegnologieopgraderings en nuwe geriewe in sy aanleg in Pretoria, en $365 miljoen vir die opgradering van gereedskap by groot verskaffersfabrieke. Die beleggings is daarop gemik om Ford se vermoë by sy plaaslike aanleg van 168 000 tot 200 000 voertuie te verhoog; dit sal 1 200 werksgeleenthede by sy fabrieke skep en sowat 10 000 nuwe poste oor Ford se plaaslike verskaffersnetwerk heen, het die maatskappy gesê. DIE SLEGTE ‘n Ondersoek deur die Spesiale Ondersoekeenheid na openbare besteding aan die koronavirus in SA…

die finansiële resultate van die mynmaatskappye Glencore, Anglo American en BHP in Februarie , asook die JSE se edelmetaalmaatskappye Sibanye- Stillwater, Impala Platinum (Implats), en Gold Fields sal tot groot geesdrif onder beleggers lei. “ ’n Goeie, stewige dividend wat in die nabye termyn betaal word, kan ’n effense buffer bied teen ’n daling in die prys van kommoditeite as ons ’n regstelling ná die onlangse herstel ervaar,” het RMB Morgan Stanley in Januarie gesê. Nadat Kumba Iron Ore (waarvan Anglo American 70% besit) byvoorbeeld voldoende kontantreserwes opgebou het, sal hy na verwagting al die vrye kontant wat hy in die tweede helfte van sy finansiële jaar geskep het, uitbetaal. Dit sal na Exxaro Resources vloei, wat sy 20%-belang in Kumba se filiaal, Sishen Iron Ore, uitbetaal. Exxaro sal ongeveer…