Finweek - Afrikaans 16-aug-18

die meeste ekonome het ’n beter groeijaar vir Suid-Afrika verwag. Dat dit nie gebeur het nie, is kommerwekkend, gegewe die oënskynlike vasberadenheid om korrupsie uit te roei en die land en ekonomie aan die groei te kry, sê Nicky Weimar, senior ekonoom by Nedbank CIB, wat op die Nedbank Investment Summit, ’n onlangse beraad in Sandton, hieroor gepraat het. Die ekonomie is egter besonder langsaam in sy reaksie op goeie nuus, sê sy. In die verlede het Suid-Afrika se vervaardigingsiklus gewoonlik die wêreldekonomiese siklusse nagevolg, en ook byna onmiddellik, verduidelik sy. Maar die huidige wêreldwye groeisiklus het in 2016 begin en Suid-Afrika het nog glad nie gereageer nie. Trouens, Statistieke Suid-Afrika se syfers vir die eerste kwartaal dui op ’n daling van 6,4% vir die vervaardigingsektor, terwyl die mynbousektor met…

dié werklikheid ontglip weinig Suid-Afrikaners: om die trauma van ’n gewelddadige misdaad te ervaar of iemand te ken wat dit ervaar het. Volgens die Suid-Afrikaanse Polisiediens (SAPD) is 19 016 moorde in 2016-’17 in Suid-Afrika gepleeg; dit is 34,1 moorde vir elke 100 000 mense. Vergelyk dit met Afghanistan se minder as 7 moorde per 100 000 mense; Argentinië se minder as 6; Kenia met minder as 5; Indië, minder as 4; Iran, minder as 3; en Ghana, minder as 2. Byna dieselfde getal pogings tot moord is by die polisie aangemeld. ’n Gemiddeld van 109 mans en vroue word elke dag verkrag, en daar is 22 343 voorvalle van huisroof aangeteken, of 61,2 elke dag. Dié syfers verduidelik waarom die meeste Suid-Afrikaners misdaad as hul grootste bekommernis beskou –…

die antieke Griekse wysgeer en wetenskaplike, Aristoteles, wat roem verwerf het as die leermeester van Alexander die Grote, het eens geskryf “ ’n staat sal net goed bestuur word as die middelklas die septer swaai”. Die middelklas vorm jare reeds ’n belangrike, maar politiek sluimerende laag van die Suid-Afrikaanse samelewing, maar die skerp stygende lewenskoste wat dié groep se inkomste wegvreet, maak hulle nou wakker. Van brandstof, voedsel, kleding, medisyne, huurgeld en onderwys, tot elektrisiteit en water, die koste van dié dienste en produkte skiet die hoogte in. Die hoë lewenskoste, ’n ekonomie wat stilstaan en stygende werkloosheid dwing die middelklas om hulle te verset teen regeringsbeleid wat hul finansiële posisie bedreig. In 2016 is die spanning tussen die middelklas en die regering op die spits gedryf in Gauteng, die…

“HIERDIE HELE DING IS PROSESGEWYS ONREGVERDIG, DINK EK.”- Brian Molefe, voormalige uitvoerende hoof van Transnet en Eskom, beweer dat die ondersoekspan wat moontlike onreëlmatighede by die twee ondernemings in staatsbesit ondersoek, nie die regte prosedure volg nie, berig Business Day. Hy het volgens die koerant gesê dat hy sou kon “verduidelik wat werklik gebeur het” as hy genoeg tyd gegun is om dokumente te bestudeer wat met die tesourie se ondersoek verband hou. ’n Konsepverslag is op 27 Julie aan hom gegee en hy sou na verwagting teen 13 Augustus gereageer het, berig die koerant. “Dis nie volgens die reëls gedoen nie,” het hy glo gesê. “DIS NIE DENKBAAR OM ONDER- STEUNING TE VERWAG NIE.”- Nico Muller, uitvoerende hoof van Impala Platinum, oor die regering en vakbonde se reaksie op…

die 17-jarige speletjie-ontwerper Brandon Kynoch het die wêreld aan die praat met sy mobiele speletjie Torus. Die speletjie is 100 000 keer afgelaai tydens sy eerste 24 uur op die App Store vir Apple-toestelle en is wêreldwyd as die Speletjie van Dag gekies in 137 App Stores. Dit maak Kynoch die eerste Suid-Afrikaner om sulke wye blootstelling op die App Store te kry. Kynoch skryf die speletjie se sukses toe aan sy fokus op genot, eerder as om geld te maak. “Ek het my eie speletjie-ontwikkelingsmaatskappy, Hard Craft Studios, in 2017 begin met die uitreiking van my eerste speletjie Blast: A Tank Game, sê hy. “My langtermyndoelwit is om Hard Craft Studios in ’n trippel-A-ontwikkelingsateljee te verander. In plaas van om nou geld te probeer maak, fokus ek daarop om…

“enigeen kan ’n uitvoerende hoof wees – jy kan die uitvoerende hoof van jou kafeetjie op die hoek wees as jy wil,” sê Niël Pretorius, wat nie groente of sigarette verkoop nie, maar uitvoerende hoof is van ’n bogrondse goud-herwinningsmaatskappy, DRDGold. Hy verwys na kritiek vroeër vanjaar oor die besluit om ’n belang in die besigheid vir R1,3 miljard aan Sibanye-Stillwater te verkoop. Leon Esterhuizen, ’n ontleder by Nedbank Securities, het opgemerk dat die transaksie, wat op die grondslag van ’n aandeelverhouding gedoen is, DRDGold onderwaardeer. Sibanye-Stillwater het ook die opsie om sy belang in DRDGold binne twee jaar van die huidige 38% te verhoog tot 50,1% teen ’n diskonto van 10% van die geweegde gemiddelde 30-dagverhandelingsprys van DRDGold-aandele. “Leon is bekommerd dat ons beheer prysgee,” het Pretorius gesê kort…