Finweek - Afrikaans 07-sep-17

tien jaar nadat die wêreldwye finansiële krisis begin het, is die wêreldekonomie in ’n taamlik goeie toestand. Vertroue in die eurogebied is die hoogste in ’n dekade; ’n rekordgetal van 153,5 miljoen Amerikaners het werk – wat die werkloosheidskoers ’n byna weglaatbaar klein 4,3% maak; die verbruikersvertroue in China is op ’n rekordhoogtepunt; Brasilië en Rusland is nie meer in ’n resessie nie; Indië, die wêreld se snels groeiende groot ekonomie, brei teen meer as 6% uit. As ’n klein, oop ekonomie is Suid-Afrika se welstand gewoonlik nou met die stand van die wêreld verbind. As sake normaalweg voortgegaan het, sou Suid-Afrika tans teen omtrent 2,5% tot 3% gegroei het – aangedryf deur die groeiende wêreldekonomie, sê Kevin Lings, hoofekonoom van Stanlib. Pleks daarvan is ons in ’n resessie. “Jy…

hoekom is aandelemarkte gewoonlik in die winter bedruk? Hoekom maak beleggers wat emosioneel oorreageer (of onderreageer) gewoonlik minder wins as dié met net die regte hoeveelheid emosie? Hoekom maak handelaars gewoonlik meer geld op dae wanneer hul testosteroonvlakke buitengewoon hoog is? In ’n fassinerende nuwe boek bou Andrew Lo, professor by die MIT Sloan School of Management, op die korpus van gedragswetenskaplike navorsing voort om sy nuwe teorie oor finansiële markte uiteen te sit. Sy uitgangspunt: Homo economicus is dood. Die hiperrasionele mens wat elke besluit optimaliseer, soos veral beroemd gemaak in Eugene Fama se hipotese van doeltreffende markte wat sedert minstens die laat 1980’s finansiële denke oorheers, bestaan nie. Lo se nuwe boek, Adaptive Markets: Financial Evolution at the Speed of Thought, sit sy aanpassendemarkte-hipotese uiteen wat aanvanklik in…

Die vooruitsigte van die metaalen ingenieurswesesektor is onlosmaaklik verbind met die toestand van die plaaslike ekonomie, aangesien ongeveer 57% van die sektor se produksie in die plaaslike mark verbruik word. later vandeesmaand vergader belanghebbendes in die metaal- en ingenieurswesesektor vir die jaarlikse Suider- Afrikaanse Metaal- en Ingenieurswese-indaba, en hulle sal skerp daarop fokus om werkbare oplossings te probeer vind vir die verskillende uitdagings wat die sektor in die gesig staar en om sterk strategieë te ontwerp wat die sektor se groei en langtermynvolhoubaarheid sal verseker. Die uitdagings wat die metaal- en ingenieurswesesektor op die oomblik ondervind, is goed bekend. Dit sluit in ’n oorvloed goedkoop invoerprodukte, onregverdige mededinging van lande soos China waar vervaardiging hoog gesubsidieer word, stygende produksie- en arbeidskoste, asook stagnante ekonomiese groei. Die Staal- en ingenieursbedryffederasie van…

“Vir ons is die grootste en belangrikste ding dat jy nie werkers se geld kan vat en dit aan avonture kan bestee wat nie ’n opbrengs op belegging sal verdien nie.” – Dennis George, hoofsekretaris van die Federasie van Vakbonde van Suid-Afrika (Fedusa), het aan Business Day gesê dat Fedusa “nooit” ’n mosie sou steun as hulle geweet het dat dit sou lei tot die vermorsing van werkers se beleggings nie. George het kommentaar gelewer nadat Malusi Gigaba, die minister van finansies, aan Cosatu se sentrale uitvoerende komitee gesê het hy kan nie die opsie van die tafel verwyder om geld van die Openbare Beleggingskorporasie (OBK) te gebruik vir ’n reddingsboei vir sukkelende ondernemings in staatsbesit soos die Suid-Afrikaanse Lugdiens nie. Die OBK belê namens die Staatspensioenfonds en ander fondse…

Die ‘FOMO’ in FOMO Travel beteken ‘die vrees om iets mis te loop’. FOMO Travel help reisigers basies om ’n voorafbetalingsplan te skep vir ’n skuldvrye vakansie. Wanneer betaling ten volle gedoen is, betaal FOMO die voorsiener en reik dokumentasie uit. mense reis om verskeie redes. Party meen dat dit die gees verruim. Ander wil bloot van alles af wegkom. Maar die vlieg-nou-betaal-later-benadering kan ’n suur smaak in die mond laat, sê die stigter van FOMO Travel, Andrew Katzwinkel. Dié toerisme- entrepreneur weet alles van reisskuld; dit is immers die rede waarom hy ’n spaar-nouen- reis-later-oplossing begin het. “Ek het die persoonlike pynpunt beleef,” sê Katzwinkel. “Ek kon nie ’n vakansie bekostig nie, toe betaal ek met krediet. Ek het die vakansie gate uit geniet, maar met my kop in…

Regter Dennis Davis, die hoof van Suid-Afrika se komitee oor belastinghervorming, het op 21 Augustus gesê dat hy ten gunste is van welvaartbelasting omdat dit ’n belangrike simboliese stap is om ongelykheid te beveg, al sal dit slegs ’n betreklik klein bedrag voorsien om die land se stygende begrotingstekort te bekamp. Hy het erken dat die polemiek rakende korrupsie en staatskaping dit ’n lastige oomblik maak om dié stap te doen, maar het bygevoeg dat hy nie kan toelaat dat “enorme hoeveelhede welvaart vry van belasting” is nie. Sy opmerkings toon dat ’n welvaartbelasting onafwendbaar is, miskien so vroeg as volgende jaar – maar sal dit werklik help om ongelykheid en armoede te verlig? Toe die komitee in April gevra het vir skriftelike voorleggings oor die moontlike instelling van welvaartbelasting,…