Finweek - Afrikaans 13-jul-17

ons by finweek wil altyd verseker dat ons ’n tydskrif lewer wat waarde toevoeg tot u lewe en wat in ’n veranderende wêreld relevant sal bly. Oor die afgelope jaar het ons hard gewerk om ons benadering tot stories te verbeter, sowel as om die aanbieding en uitleg van ons inhoud vir ons lesers toegankliker te maak. ’n Onlangse lesersopname het weer bevestig wat ons lesers van die tydskrif wil hê: artikels wat u help om die regte beleggings- en finansiële besluite te neem, en artikels wat die besigheids- en ekonomiese ontwikkelinge wat ’n impak op u finansies en beleggings sal hê, kontekstualiseer en analiseer. Daarom het ons besluit om ons tydskrif dienooreenkomstig aan te pas. Vanaf Julie sal ons ons fokus op beleggingsadvies, aandelewenke en persoonlike finansies, sowel as…

ek doseer ekonomiese geskiedenis aan die Universiteit van Stellenbosch en moet dikwels aan sakestudente (wat gewoonlik baie min belangstel in die geskiedenis) verduidelik hoekom die verlede vir hulle saak moet maak. Daar is basies twee redes waarom ekonomiese geskiedenis belangrik is. Eerstens verklaar die geskiedenis die hede. Dit sal ongelooflik moeilik wees om opvoeding, werkloosheid en ongelykheid in Suid-Afrika te verstaan – of selfs net te begin regstel – sonder begrip van die historiese oorsprong. Plaaslike werkloosheid is byvoorbeeld ’n probleem van die 1970’s, toe lone veel vinniger as produktiwiteit begin toeneem het – die gevolg van swart onderwys van lae gehalte en die mobilisering van swart vakbonde. Terwyl Suid-Afrika ’n kapitaalgebrek het, het die meeste maatskappye in reaksie besluit op kapitaalintensifisering, wat die loongaping tussen geskoolde en ongeskoolde arbeid…

“ONS HET DIE HORISON BEKYK EN GESIEN DAT MAATSKAPPYE REEDS WERKSGELEENTHEDE BESNOEI... MAAR ONS IS VOL VERTROUE DAT ONS ONS TEIKEN SAL BEREIK.” − Kommissaris van die Suid-Afrikaanse Inkomstediens (SAID), Tom Moyane op 3 Julie in antwoord op vrae of die SAID in dié belastingseisoen meer as R1,265 duisendmiljard gaan in, ondanks die bedrukte ekonomiese klimaat. Met die bekendstelling van die belastingseisoen, het Moyane gesê esourie het in Februarie gesê dat die in van belasting onderpresteer het en van sterk ekonomiese groei afhanklik is. “HIERDIE OUENS IS PIONIERS OP DIE GEBIED. DIS ASOF HULLE ELKE DAG NUWE NUT VIND VIR DAGGA.” − Unum Capital se Rob Pietropaolo lewer kommentaar in vandeesweek se voorbladstorie oor ontwikkelings in mediese dagga in Amerika, wat onderstreep dat dit die moeite werd is om ’n…

FUND INFORMATION TERMYNPROFIEL PRESTASIE (GEANNUALISEER NÁ GELDE) Wat die fondsbestuurders sê: Beleggers wat op soek is na die voordele van ’n aktief bestuurde effektefonds en wat blootstelling nodig het aan effekte as deel van ’n gediversifiseerde portefeulje, sal vind dat die Coronation Bond Fund in hul behoeftes voorsien, sê een van die fondsbestuurders, Nishan Maharaj, hoof van Coronation se vasterente-span. Hy sê die fonds word strategies bestuur om ’n aantreklike opbrengs te verseker deur hoofsaaklik in ’n reeks staats- en korporatiewe effekte te belê. “Dit sal verskillende taktiese posisies behou om voordeel te trek uit die beste geleenthede wanneer hulle ontstaan.” Hy sê beleggings word “nougeset nagevors en onderwerp aan ’n streng risikobestuursproses. Slegs gehalte-instrumente van gerekende instellings word oorweeg. Alle faktore wat dié beleggings kan raak, word noukeuring gemoniteer,…

Die woorde “junior mynmaatskappy” skree risiko noudat mynbou in die algemeen weens hulpbronpryse onder druk verkeer en moontlik ook deur die Mynbouhandves bedreig word. Vir dié wat egter op soek is na ernstige opwinding in hul portefeulje is hierdie straks die beste aandeel op die uiters riskante terrein van junior mynmaatskappye. Sy onlangse resultate toon bykomende koste van sowat R90 miljoen weens sy SEB-transaksie en verkryging van Keaton. Dit bring die wesensverdienste per aandeel (WVPA) op 11,3c te staan teenoor 27,1c in die vorige jaar, maar stroop dié eenmalige koste weg en WVPA het byna verdubbel. So, as ons die eenmalige koste wegstroop en beskeie groei vir die komende jaar byvoeg, behoort Wescoal vir die 2018-boekjaar WVPA van minstens 60c te behaal, wat hom ’n prysverdienste- verhouding (PV) van onder…

Die farmaseutiese groep Aspen, wat hom onlangs die gramskap van reguleerders in Italië en die Europese Unie op die hals gehaal het oor die pryse van sy kankermiddels, verwag om in die volgende 12 maande verdere verkrygings aan te kondig, met ’n fokus op ontwikkelende markte, het Stephen Saad, uitvoerende hoof, op 30 Junie in ’n onderhoud met Bloomberg gesê. Aspen het meer finansiële beweegruimte noudat sterk inkomstegroei en laer kapitaaluitgawes sy balansstaat weer versterk het ná twee verkrygings in 2016. Die aankoop van GlaxoSmithKline en AstraZeneca se portefeuljes vir narkosemiddels vir minstens $885 miljoen het Aspen se leningskuld teen einde Desember laat verdriedubbel tot R35,7 miljard, berig Bloomberg. Saad meen organiese groei in al die maatskappy se bedrywighede behoort dié syfer af te bring. Hy is vol vertroue dat…