Kan jy glo? Seker die eerste keer gediagnoseer in die Skandinawiese lande waar als die hele winter lank toe is onder die sneeu. Dink nou maar: Maande lank net wit waar jy kyk, en dan skielik, eendag, begin die bome bot. Dit kan mense seker ontsenu …
Ek is van nature ’n kommerpot, en te veel goed laat my soms wakker lê. Maar kleur? Nee. Kleur werk vir my. Om kleur te moet kies, ja, dit kan ’n dilemma wees. Maar dat daar kleur moet wees, is ’n uitgemaakte saak.
Die blou van ’n Delft-bord, die heldergeel van ’n suurlemoen in ’n mooi bak op ’n kas. Die skelrooi laaikassie wat ek een aand sonder huiwering gekoop het toe ek eintlik net melk wou kry by die naaste Checkers (die…
