Innholdsfortegnelse for December 2015 i Weg! Ry & Sleep

Ons het in Junie ’n nuwe Jurgens Safari Xcape gekoop en ’n draai gemaak in die Krugerwildtuin en by ATKV se Eiland-spa. Ons het in Midrand vertrek en Polokwane om na die Phalaborwahek gery. In Phalaborwa self maak ons die kar vol en kry ook hout voor ons by die hek aanmeld. Die besprekingsmense gee ons ’n goeie staanplek in die Letaba-kamp – dis naby die heiningdraad en het ook ’n betonblad op. ’n Bosbokkie binne die kamp kom groet en hiënas en jakkalse kom maak elke aand teen die draad ’n draai om te sien of daar iets te ase is. Ons wil gaan kyk hoe lyk dit by die Tsendze-boskamp en reël met die personeel om ons laaste twee aande se bespreking in Letaba met Tsendze om te…

Ek, my vrou en ons vier kinders hou daarvan om ons fietse saam te ry as ons gaan kamp, maar ek kon nie ’n fietsrak kry met plek vir ses fietse wat jy agter die motor sit nie. Daar was wel rakke met genoeg plek om op die motor se dak of op ’n sleepwaentjie te sit, maar hulle was te duur vir ons. Ek het toe besluit om self een te bou. Ek wou die hele affêre aanvanklik met staal bou, maar het gou besef dit gaan te swaar wees vir die sleepwa. Ek het toe ’n onderste staalraam gemaak wat ek aan ons Venter se deksel vasgebout het en bo-op hom ’n fietsraam met 50 mmplastiekwaterpyp gebou. Die plan werk goed en daar is nou genoeg plek vir…

’n Bietjie verf, opgeknapte ablusieblokke en ordenti like kragpunte is die begin. Lank gelede – min of meer toe die fliek Dirkie in inryteaters gewys het – het munisipaliteite nog begrotings gehad om hulle kampplekke te onderhou. Die snelweg Durban toe was nog net ’n gedagte van Ben Schoeman, die toentertydse minister van vervoer. Op pad see toe het jy iewers langs die pad by ’n munisipale kampplek ingetrek en oorgeslaap. Ek onthou hoe ons gesin van ses vir ons jaarlikse vakansie op Scottburgh met die afryslag by Howick se munisipale park oorgeslaap het. Howick was gewild, want die 111 m hoë waterval was net so vyf minute se stap van die kampplek af. Hier teen 5 nm. was die kampplek stampvol en dan het jy…

Toe die sleepwabouer Barnie Pretorius van Hartbeespoort en sy vrou, Debbie, ná bykans drie dekades van woonwakamp besluit om voortaan die agterpaaie te vat en die boendoes te verken, het hulle vir hulle ’n goeie boswa met ’n daktent aangeskaf. Ná ’n eerste reis van meer as 8 000 km teen die Weskus af en deur die Baviaanskloof het hulle besluit daar moet ’n makliker manier wees om op en af te slaan én in jou kampbed te kom. Terug by die huis het hulle in twee dae die LeBusha Overlanderkampwa – ’n oopslaanwa waarin jy slaap – ontwerp en daarna die prototipe gebou en getoets. In 2013 het die Overlander ’n deel van die produkreeks geword van Barnie se sleepwafabriek in Rosslyn, Pretoria. “Jy moet weet jy is in…

Teks Schalk Jonker Foto’s Verskaf Ons weet hoe dit voel om ’n pak sakdoeke of ’n Soap-on-a-rope vir Kersfees te kry terwyl jy eintlik ’n nuwe Leatherman wou gehad het. Daarom het ons vir ons Facebookvriende gevra om vir ons te sê wat hulle sou koop as hulle self hulle Kersgeskenke kon kies. Daarna het ons ’n klompie bekende buitelewe-handelaars gevra om Kersvader te speel. Die reaksie was oorweldigend en dit is vir ons net die grootste plesier om hierdie gawe geskenke aan ons getroue lesers uit te deel. CTEK ZAFIR 90-HERLAAISTELSEL Gee my krag Elaine van Aswegen sê: Ek wil graag vir my man ’n CTEKherlaaistelsel kry om ons Conqueror se battery te laai terwyl ons ry. Die CTEK Zafir 90 is ’n batteryherlaaier wat…

Die sleeprybewys is lankal nie meer vanselfsprekend wanneer ’n mens vir die eerste keer gaan uitpasseer by die verkeersdepartement nie. Om deesdae ’n woonwa te mag sleep moet nuwe bestuurders ’n spesiale toets aflê wat onder meer vereis dat jy 40m agteruit kan stoot met ’n woonwa. Na raming het minder as ’n duisend slepers die afgelope 15 jaar die toets vir die EB-rybewys afgelê en geslaag. Dit is deels omdat te min mense weet wat die toets behels en te min verkeersdepartemente die toets kan afneem en min, indien enige, ryskole die nodige opleiding kan gee. Dis waarom WegSleep en Campworld kragte saamgesnoer het om die Sleepakademie op die been te bring. In Oktober vanjaar het ons by die ATKVBuffelspoort ’n kampnaweek gehou waar Fanie…

C-klas kry ’n A 2007 MERCEDES-BENZ C200 KOMPRESSOR  Krag, gerief en veiligheid is die drie groot vereistes waaraan sy Merc voldoen, sê Willem Petzer van Oos-Londen. Waarmee gaan kamp jy? Ek sleep sedert Mei vanjaar ’n 2004-model Gypsey Romany Blue Series. Voor dit was dit ’n 1984-model Gypsey Caravette 5. Wanneer het jy die Mercedes gekoop? Ek het hom in 2011 tweedehands gekoop vir R235 000. Waarmee het jy voor hom gesleep? Ek het ’n 2,7 l-Nissan Hardbody gehad, maar hy het nie genoeg krag gehad nie. Die moeilikheid was dat die dieselenjin nie ’n turbo-aanjaer gehad het nie, en hoewel dit ’n dierbare ou motor was, kon hy na my mening net nie die mas opkom as sleepvoertuig nie. Wat het jou op die Mercedes laat besluit? Ek wou…

Ons het na aanleiding van die artikel “Kamp tussen die vrugtebome” (WegSleep Junie 2015) plek bespreek by die Silwerstroom-kampoord. Die oord is werklik in ’n pragtige omgewing geleë, die geriewe is skoon en die kampplek lê langs die Pampoenwerfdam. Ons tydjie daar was ’n fees van rus, mooi natuur en vrede – en dit kry jy alles in ’n veilige omgewing. Annelie en Erie de Beer, wat ons hartlik ontvang het, verdien ’n pluimpie vir hulle behulpsaamheid. ’n Mens voel só tuis dat jy langer wil aanbly – dis amper asof jy nie lus is om huiswaarts te keer nie. Die heerlike lemoene en grenadellas uit die pakstoor was ’ n bonus en Annelie se “Pittekou”-likeur ’n treffer. ’n Mens moet dit net nie te vinnig sluk nie, want dan…

Min mense gaan net een keer Sederberg toe. ’n Mens gaan gerééld soontoe, want as jy eers een keer gesien het hoe mooi dié bergwêreld van 700 km 2  is, wil jy weer en weer gaan kyk.Dié stuk aarde is ’n volmaakte kombinasie van verlatenheid en natuurskoon, want die skouspelagtige rotsformasies het enige noemenswaardige ontwikkeling vrygespring. Dis waarom stappers en rotsklimmers in hulle duisende hierheen stroom. Al stap jy egter net yskas toe en al klim jy net in die bed, kan jy maar jou wa haak en vir jou GPS sê om jou in Clanwilliam se rigting te beduie sodat jy by een van dié drie kampplekke kan afsaal. > NUWERUST-RUSKAMP Tussen die koppies Nuwerust lê in die Breëkransriviervallei (Dis nie aldag dat jy drie topografiese…

Die Sorento is Kia se top-model en dié luukse Koreaan kan ’n mens deesdae in dieselfde asem as swaargewigte soos Audi se Q5 en BMW se X3 noem. Met die bou van Sorento se nuutste model – die derde geslag – het omtrent net die wiele van die vorige model oorgebly. Die bakwerk is spik splinternuut, en binne is hy ook vernuwe. ’n Mens kan uit vier modelle kies waarvan die intreemodel die enigste is met ’n kombinasie van ’n petrolenjin en ’n sesspoed-handratkas. Die petrolenjin is effe beskeie as dit by wringkrag kom – 225Nm – maar dit verdubbel bykans met die dieselenjin. Die heel luuksste model, soos die toetsmotor, is selfs toegerus met blindekolsensors, ’n elektriese agterdeur en ’n sondak wat amper die hele dak beslaan. Ons het…

BRAAIBOUD Stadig oor die kole... ’n Skaapboud is nie net vir die pot en die oond nie. Jy kan hom ook smullekker op die kampvuur maak. Jy benodig (genoeg vir 4-6) • 1 skaapboud van 1,5-2 kg, aan die been vir die ketelbraai en ontbeen, oopgesny en effens plat vir die oop vuur• 1 blikkie (85 g) oesters• 6 knoffelhuisies, middeldeur gesny• 12 takkies roosmaryn• 2 eetlepels (30 ml) growwesout• 1 eetlepel (15 ml) gemaalde peper• 2 eetlepels (30 ml) mosterdpoeier• sap en fyngerasperde skil van 1 groot suurlemoen Só maak jy 1 Maak ’n vuur in jou ketelbraai of ander braaiplek en wag tot die kole lekker matig is. ’n Ketelbraai werk die beste vir ’n boud, maar as jy die boud ontbeen, kan jy dit op ’n oop vuur braai. 2 Sny oraloor die boud 12…

Abrie van Rensburg “Dit was verskriklik interessant. Die goed wat Oom Fanie ons geleer het, soos byvoorbeeld oor banddruk en hoe om jou woonwa reg te pak, is dinge wat die K53 jou nie leer nie. Ek bly uitstel om my rybewys te kry, maar noudat ek gesien het waaroor die toets gaan en wat om te doen, sien ek kans daarvoor.” Malie Lourens “Ek het dit vreeslik geniet en baie geleer, veral omdat ek net gister my leerlingrybewys gekry het. Dis baie lekker – selfs lekkerder as om sonder ’n wa te ry.” Dawie Swart “Dis ’n wonderlike kursus. Ek het gedink ek weet baie van woonwasleep, maar toe vind ek uit hoe min ek eintlik geweet het!” Bernard Bronkhorst “Dis werklik ’n goeie ervaring wat ’n mens kan…

Hengelgerei Slim buksie Hierdie is een van daardie eenvoudige dog slim uitvindsels wat jou laat wonder hoekom jy nie self daaraan gedink het nie. Die Australiër Ross Bain het die Hook-Eze gemaak sodat sy kinders en vrou self hulle hoeke aan die lyn kan vasknoop, maar ook om die hoek veilig te bêre as daar met die visstok gestap of gery moet word. Maar toe word dit ’n sake-onderneming. Die Hoek-Eze het die oggend-TV se advertensieprogramme gehaal en word deesdae deur hengelaars van Amerika en Europa tot hier by ons gebruik. Al wat dit is, is ’n oopknipplastiekhouertjie – dit lyk ’n bietjie soos ’n pilboksie – met ’n draaimeganisme en ’n vlekvryestaalringetjie daaraan. Jy knip die houertjie oop, pas jou hoek of draaispil daarin en knip die houertjie weer…

Ek wil graag die volgende sê nadat ek die artikel van Neels van Heerden oor die grade-ring van oorde in die September-uitgawe gelees het: Ons het in Mei en Junie ’n hele paar kampe in die Krugerwildtuin aangedoen, en tog is van die kampe nie ewe goed uitgelê nie. Ek verkies byvoorbeeld Onder-Sabie teenoor Satara, want by eersgenoemde is die staanplekke netjies uitgelê en jy weet watter kragpunt is joune. In Satara is dit nie die geval nie. Daar gebruik kampeerders lang koorde na sentrale kragpunte wat op sy eie in ’n klein chaos ontaard.…

Sleep-sleep strand toe Ons gaan kamp minstens een keer per maand met ons Jurgens Fleetline en is veral lief daarvoor om see toe te gaan. Ons is gaande oor plekke soos Umhlanga, maar ek is ongelukkig een van daardie mense wat dit verpes om in die sand te sit. Ek hou ook daarvan om alles by my te hê, maar daar is nooit genoeg hande om alles saam te dra nie. Die probleem is as jy twee strandstoele dra, is jou hande vol. Dit is iets wat my vreeslik gepla het, maar aangesien ek en my vrou slepers is, het ons dié plan bedink om die tog strand toe makliker te maak. Ons het twee stelle kinderfiets-kantwieletjies gekoop en dit aan die agterste pote van twee strandstoele vasgesit. Ek het…

Wie slaap in die woonwa en wie slaap in die tent? Ons Facebook-vriende vertel hoe hulle slaapreëlings werk. Elizna Louw Ons kinders is nog klein; dus slaap hulle by ons in die kampwa se bed. Anita Kellerman Die kleintjie slaap by ons en die twee groter kinders slaap in die woonwatent se Add-a-room. Jaco Albasini Ons as kinders het altyd verkies om in die tent te slaap. Om in die woonwa te slaap was beslis nie vir ons nie. Ewert van Vuuren Ons kinders het verlede jaar nog in die woonwa se tent geslaap, maar van nou af gaan hulle in ’n losstaande tent slaap. Jacques Vermaak My kinders slaap in hulle eie aparte tent. Dit is een van die goed wat kamp juis vir hulle so lekker maak. Kom…

Baie van die kampplekke in die Drakensberg is gewild en bekend, maar was jy al in Kamberg? As jy op die N3 van Johannesburg af ry, is Mooirivier sowat 150 km voor Durban, en van hier af staan die Drakensberg afgeëts teen die westelike horison. Op die dorpie Rosetta, digby Mooirivier, draai die pad die berge in en heet ’n padbord jou welkom in die Kambergvallei. In die vroeglente kan jy nog die byt van die winterkoue en sneeu in die geel gras sien, maar dit is prentjiemooi. Ná 40 km se ry omring die Drakensberg jou, met Kamberg se geronde spits sowat 10 km van die pad af aan jou linkerkant. Dit lyk nogal soos die kam van ’n haan. Hier in die Kamberg lê drie taamlik onbekende kampplekke.…

As jy die N2 van Kaapstad af vat oor Sir Lowryspas, is Onrus 114 km ver, maar draai eerder by Somerset-Wes van die hoofpad af see se kant toe en ry met Clarence-kuspad en die Walvisroete (R44 en R43) langs. Dis net 20 km langer, maar met die berg aan die een kant en die see aan die ander is die kans goed jy gaan meer as ’n uur en ’n half ry aan dié 134 km, want jy gaan kyk-kyk en kuierkuier wil ry. Net ná Gordonsbaai is ’n klomp aftrekplekke en uitkykpunte langs die uitgestrekte Valsbaai wat diepblou onder die klipformasies en fynbos van die Hottentots-Hollandberg lê. Die Clarence-pad van Gordonsbaai na Rooi-Els (22km) is al meer as een keer as een van die land se mooiste bergpasse…

Wat sê die boekie? Brandstof: 50 ppm-diesel (of hoër). Enjin: 2,199 l Silinders: 4 inlyn Krag: 147 kW teen 3 800 r.p.m. Wringkrag: 440 Nm teen 1 750-2 750 r.p.m. Ratkas: 6 spoed-outomaties met tikfunksie Aandrywing: Vierwiel met ewenaarslot. Tarra: 1 962 kg BVM: 2 600 kg BKM: 4 600 kg Dravermoë: 638 kg Waaddiepte: Nie beskikbaar nie. Sleepvermoë vir geremde sleepding: 2 ton en die haak – soos op die toetsmotor – is gesertifiseer vir 500 kg meer. Afmetings: 4 780 mm (l); 1 890 mm (b); 1 690 mm (h) Wielbasis: 2 780 mm Spoorwydte: 1 633 mm (voor); 1 644 mm (agter) Grondvryhoogte: 185 mm Brandstoftenk: 71 l Prys (nuut): R635 995 Prys (tweedehands): Onder meer R579 900 vir ’n 2015-model met 8 000 km op die…

Party van ons wens ons kan net een of twee keer meer per jaar kamp. Flip de Wet, ’n afgetrede bankbestuurder, en sy vrou, Tilla, is egter al meer as ’n dekade lank met hulle woonwa op die pad. Ons het hulle uitgevra oor die ABC van langtermynkamp. Die kort van die lank Hoekom langtermynkamp en nie net gereeld weggaan nie? Ons verhuur ons huis en gebruik die huurgeld wat ons verdien om vir die kampplek te betaal. Wie sien om na die huis terwyl julle kamp? Ons het goeie huurders wat al 12 jaar in ons huis bly. Geldsake Wat is die minimumbedrag wat julle vir ’n maand se uitgawes begroot? Ons is twee mense en kom reg met sowat R8 000 per maand. Dit is voldoende as ’n…

Nog ’n Jurgens in die wieg Jurgens Ci, die grootste woonwavervaardiger in die land met handelsmerke soos Gypsey en Sprite onder sy vaandel, het pas die prototipe van sy volgende boswa, die Jurgens Safari XTC, klaar gebou. Die maatskappy bou tans agt boswaens – van die basiese Jurgens Safari XT65 (R24 450) tot by die volledig toegeruste XT160 (R165 600). Jurgens Ci sê die vraag na sleepwagebaseerde woonwaens neem toe, en die XTC is op dié kampeerders gemik. Die XTC het die gerief van ’n woonwa, maar is heelwat meer kompak en neig eerder na die boswasegment van die mark. Die slim gebruik van gewig, grootte en bekostigbaarheid is alles deel van die ontwerp. Die XTC is gebou vir 4 mense en het twee beddens. Die een slaan bo-oor die…

“Ons het onlangs ons Penta aan ons Fortuner gehaak en koers gekies na die Kamdeboo- nasionale park toe. Dit was ons eerste besoek, en wat ’n sielsverkwikkende week was dit nie! Hoe lyk die kampterrein by Kamdeboo? Dis sentraal geleë – hiervandaan kan jy Graaff-Reinet en omgewing maklik verken. Daar is sowat 15 staanplekke wat netjies en skoon is en goed onderhou word. Dieselfde met die ablusieblokke. Die gelyk staanplekke is met gruis bedek en jy kry ’n skoon braaier, tafel en sitplekke. Die sekerheid is baie goed en ’n mens voel veilig in die park. Die staanplekke is tussen die doringbome uitgekap; dus moet jy nie regtig kaalvoet rondloop hier nie. Wat doen ’n mens daar? ’n Mens kom hierheen om jou batterye in die stilte en die natuurskoon…