Innholdsfortegnelse for 2019 i Tuis Verf Dit

Metaalverf is ’n bekostigbare alternatief vir bladgoud en ’n goeie keuse vir ’n soliede voorkoms.– Sihan Wiid Glansryk in goud Dié treffende fokusmuur in Barbara en Rob Farrell se huis in die Paarl is sorgvuldig aangebring met klein velle bladgoud. SÓ MAAK JY Sihan Wiid van Mink Interiors verduidelik hoe hulle die muur versier het: • Eers het ons ’n maroen basiskleur geverf. Turkoois, omber en maroen werk goed as ’n onderlaag onder bladgoud, want dit skep ’n verouderde voorkoms wanneer dit deurskyn. Ons het maroen vir dié projek gekies omdat dit ’n warm gevoel aan dié breë gang gee. • Ons het ’n kleefmiddel (verguldpasta) aan die muur gewend en die bladgoud versigtig daaraan vasgesit. Gebruik liefs ’n dun laag plastiek of waspapier bo-oor die bladgoud en ’n fyn…

Sukkel jy om op ’n verfkleur vir jou huis te besluit? Danksy die gratis Dulux VisualizerTM-app is dit nou makliker as ooit om die perfekte keuse te maak! Die VisualizerTM-app is ’n innoverende, gebruikersvriendelike oplossing vir jou slimfoon of tablet. Dis interaktief en help jou om die regte besluit te neem. Kry dit in jou app-winkel, laai dit af en begin droom … Neem ’n foto van die muur wat jy wil verf en speel met die opsies; verander die kleure van die mure so dikwels as wat jy wil. Stoor die foto’s, of deel dit op sosiale media om met jou styl te spog. Dis so maklik om die app te gebruik; sien die stappe onder. 1 LAAI JOU FOTO OP Nadat jy die Dulux VisualizerTM-app afgelaai het (dis…

Ek sien so gereeld hoe verf, die regte kleure en tekstuur die stemming in ’n vertrek totaal kan verander.– Nadine Vosloo Die Jouberts se huis, wat Riaan ’n paar jaar terug self gebou het, was nog altyd stylvol, met ’n neutrale palet – ’n klassieke keuse. Maar tye (en mense) verander en Adri het hier en daar begin kleur inbring. Op ’n dag het sy besef die kombuis met sy swart fokusmuur en kassies in skakerings van room steek darem nou erg af teen die res van die huis. Die een of ander kleur-ingryping was nodig. Dis hoekom sy in November 2018 een van Tuis se krytverf-werksessies bygewoon het. Nadine Vosloo van Tjhoko Paint, wat die sessie aangebied het, onthou: “Adri het ná die tyd na my toe gekom en…

VERFSLIM Die ottoman se pote het ’n verweerde voorkoms gekry met behulp van Annie Sloan-verf in die kleur Original, waarna dit met Clear Wax geseël is. Die imposante kopstuk met sy Franse krulle en draaie is genoeg van ’n fokus vir my.– Dale #1 Begin met die mure Dale en Ruan wou ’n kalm ruimte skep en het verskeie neutrale kleure oorweeg voor hulle op Dulux African Plains besluit het. “Ek wou ’n tydlose kleur hê. Nie wit, naaswit of room nie – dis te eentonig,” sê Dale. Ek het geweet ek sou enigiets by African Plains kon laat inpas.” Haar keuse vir hul slaapkamermure was so in die kol dat sy later hul strandhuis se binnemure dieselfde kleur geverf het. Dale wou doelbewus nie ’n fokusmuur in ’n ander…

GRIEKELAND Sjiek Grieks Griekeland het mense nog altyd geboei. Net die gedagte aan ’n duisend eilande, die swart sand van Santorini en die partytjie-atmosfeer van Mykonos is genoeg om jou na ’n lang vakansie en luilekker eilandlewe te laat smag … >> Ons is almal Grieke. Ons wette, ons letterkunde, ons kuns het alles Griekse wortels.– Percy Bysshe Shelly Engelse digter (1792–1822) KLEURE Vars wit en helderblou skakerings roep dadelik beelde van Griekeland op. Selfs die landsvlag is wit en blou! Vir aksente kan jy kyk na skakerings van groen geïnspireer deur die plantegroei, asook goue en persrooi tone wat herinner aan sonskyn, en blomme soos bougainvillea en wildeorgideë. Klipskakerings verleen verdere diepte aan die neutrale kleurskema. TEKSTURE Vir kleur en tekstuur, voeg matte met blomme, latwerk en klassieke motiewe…

SÓ MAAK JY Tint met ’n stensil Minder is meer op dié pragtige Cemcrete-vloer (bo). Joanne Sykes van Cemcrete verduidelik die stappe: 1 Posisioneer jou stensil en maak seker dis stewig vasgeplak. Jy kan nie-permanente aanspuitgom soos Bostik Art and Craft Sprayable Adhesive gebruik. 2 Wend Cemcrete se CreteStain (in die kleur/e van jou keuse) aan ’n bestaande Cemcretevloer of enige ander afvlaklaag, mits dit nog nie verseël is nie. Jy kan die CreteStain verdik met CreteStain Gel, wat help keer dat dit onder die stensil inloop. Gebruik soveel lae as wat jy wil, tot jy die gewenste effek kry. 3 Wag tot dit heeltemal droog is, verwyder die stensil en verseël met ’n produk soos CreteSeal Water-Based-verseëlaar. SÓ MAAK JY Skep ’n teël-effek Jy kan die voorkoms van ’n…

PROJEKGIDS Harde werk 5/10 Vaardigheidsvlak 3/10 Tyd nodig Naweek Wat jy nodig het INKOPIELYS • Tjhoko Stencil of Paris (ons het vier 290 ml-potjies gebruik) • muurverf in die kleur van jou keuse GEREEDSKAP • leer • maatband • stensil van jou keuse • maskeerband • waterpas • potlood • verfskraper • 100-grintskuurpapier • wattestokkies • nat lap • langpool-verfroller Stap vir stap… 1 Meet die breedte van jou muur en merk die middel daarvan deur met ’n potlood en waterpas ’n lyn van bo tot onder te trek. Dié lyn is jou merker waarteen jy die stensil gaan posisioneer wanneer jy die Stencil of Paris aanwend. As jy van die middel af buitentoe werk, sal die patroon simmetries wees. 2 Klim op jou leer; begin bo teen die plafon…

PROJEKGIDS Harde werk 1/10 Vaardigheidsvlak 1/10 Tyd nodig Sowat 2 uur vir elke projek Projek 1 Wat jy nodig het INKOPIELYS • ± 30 m tou in twee kleure (ons het geel en wit gebruik, van CD Fox in Kaapstad) • Annie Sloan-verf in White • Annie Sloan Clear Wax GEREEDSKAP • verfkwas • gompistool • aansteker • kruissteekpatroon (sien die skets) • maskeerband • boor en 6 mm-boorpunt • skêr • lap Projek 2 Wat jy nodig het INKOPIELYS • 0,5 m lap in die kleur van jou keuse • opstopsel vir ’n kussing • 2 maatbande (vir die belde) • 2 gespes (16 x 22 x 3 mm) • buisvormige klinknaels (7 mm-skag, 9 mm-kop) • Annie Sloan-verf in English Yellow • Annie Sloan Clear Wax GEREEDSKAP •…

As ’n vrou vir jou sê “my gunsteling-kleur is luiperdvelmotief”, moet jy weet ’n toekoms saam met haar hou nie veilige roomkleure of vervelige dekor in nie. Milan Struwig onthou goed hoe Marina hom met dié stelling verras het kort nadat hulle as Stellenbosse dramastudente verlief geraak het. Marina is deesdae ’n dramaturg en dosent, en Milan ’n digitalebemarkingsbestuurder. Dié twee, nou 27 en 28, is in 2017 getroud. Hulle het hul woonstel in die Kaapse stadskom verlede jaar in Mei gekoop, en met die kreatiewe gebruik van verf en helder aksentkleure die atmosfeer dramaties verander. Die Moederstad wys nie sommer haar vriendelike kant vir nuwe kopers nie, en Milan en Marina was soms erg mismoedig – totdat ’n familievriendin en eiendomsagent, Phyllis du Plessis, namens hulle begin rondbel het.…

Die mure en kleure en kuns gesels alte lekker saam.– Mynhardt Toe ons laas in 2016 by die sjef en entrepreneur Mynhardt Joubert en sy man, Ian Engelmohr, ’n rekenmeester en keramiekkunstenaar (van Patat Ontwerpfaam) se dakwoonstel in SuiderPaarl gekuier het, was die mure ’n besadigde wit geverf. Dit was toe nog ’n nuwe blyplek, maar al klaar ’n treffende ruimte met sy interessante argitektuur, aardse houtvloere en ontblote dakbalke. Nou is daar van dié neutrale kleurpalet geen teken meer nie. Want soos dit mos maar gebeur, het die blyplek ontwikkel, en nuwe lae bygekry. Lae verf! “Ek en Ian het deur ’n persoonlike renaissance gegaan en gevoel dié nuwe era in ons lewe moet saamval met vernuwende kleure rondom ons,” vertel Mynhardt. “Ons het ontslae geraak van al die…

Ons leefruimtes is die hart van ons huis – dis waar ons bymekaarkom om maaltye te deel of net gehaltetyd saam met geliefdes deur te bring. Hoekom nie jou eetarea ’n tikkie welverdiende liefde en aandag gee met Dulux se Kleur van die Jaar, Creme Brulee, en skakerings uit die Colour FuturesTM Considered Luxurypalet nie? Hier het ons ’n ruimte ingerig wat ’n moderne atmosfeer en treffende, verfynde ontwerpe oproep. Ons het ’n muur geverf met Dulux Luxurious Silk in die kleur Creme Brulee – ’n stimulerende skakering wat bekend is vir sy opbeurende uitwerking – aan die onderkant, en Dulux Luxurious Silk in die kleur Brilliant White aan die bokant. Vir definisie het ons ’n 10 cm breë strook tussenin geverf in die Duluxkleur Global Waters. Die blou streepmat…

’n Huis sonder ’n stoep, en dit in die hartjie van die Breëriviervallei? Dit kan mos nie werk nie. Veral in die somer as die son die kraaie laat gaap en ’n mens van vroegoggend af skadu soek buite. Dis waarom Etienne Hanekom, interieurontwerper van Etienne Hanekom Interiors, sy ou huis op Robertson tydens ’n omvangryke opknap omgetower het deur ’n breë stoep agter aan te bou – “vir lang kuiers op soel someraande met koel glasies vonkel en Edith Piaf in die agtergrond,” soos hy dit stel. “Ek het in 2014 toevallig verby die huis gery toe ek een naweek hier by vriende gekuier het,” vertel Etienne. Hy het ’n aanbod ingesit en in 2015 oordrag geneem. “Robertson was nie spesifiek in my visier toe ek ’n huis op…

Wat jy nodig het INKOPIELYS • 600 g- dik karton (ons s’n was 780 x 1 020 mm groot) • 1 liter Dulux Luxurious Silk in die kleur Sea Urchin 3 • 1 liter Dulux Luxurious Silk in die kleur Soft Fauna 5 • 1 liter Dulux Luxurious Silk in die kleur Volcanic Splash 5 • Prestik • 2 rolle maskeerband (48 mm breed) Projeknotas • Vir groter of kleiner seshoeke, sien hexagoncalculator.apphb.com. • Gebruik deurgaans dieselfde breedte maskeerband, want dit vorm die wit rande van die seshoeke teen jou muur GEREEDSKAP • handwerkmes • snymat • waterpas • verfkwaste • verfrollers en -bakke PROJEKGIDS Harde werk 3/10 Vaardigheidsvlak 2/10 Tyd nodig 1 dag Stap vir stap… 1 Teken ’n seshoek op die karton. Trek eers ’n middellyn oor die…

PROJEKGIDS Harde werk 4/10 Vaardigheidsvlak 4/10 Tyd nodig 3 uur Wat jy nodig het • 50 mm-verfkwas • 2 stukke kaasdoek • water • 500 ml Tjhoko Paint in die kleur Sherif’s Stone • 500 ml Tjhoko Paint in die kleur Don’s Wash • 500 ml Tjhoko Paint in die kleur Steffan • 250 ml Tjhoko Paint in die kleur Cloud White • wondergom • maskeerband • horlosiestensil (beskikbaar by Tjhoko Paint-verskaffers) • 110 mm-sponsroller Die droëkwastegniek word ingespan om met min moeite en verf die indruk te skep dat die oppervlak liggies tussen verflae geskuur is. In die proses werk jy met ’n amper droë verfkwas waaroor net ’n bietjie verf egalig versprei is. Nadat jy jou kwas in die verf gedoop het, vee jy oortollige verf op ’n…

Daar is min dinge so lekker soos ’n gesellige kuier of al fresco-ete saam met familie en vriende om ’n tafel. Hoekom nie ’n tema byvoeg en dit ekstra spesiaal maak nie? Ons het ’n stoep in drie style opgevrolik, net met kleurvolle bykomstighede en verf. Jy kan dit ook doen; volg net dié maklike stappe… Lekker by die see Skep ’n luilekker vakansiegevoel met mooi plekmatjies, kleurryke glasflesse, prettige papierlanterns en vlaggies. GEVERFDE VLAGGIES WAT JY NODIG HET • krytverf • verfkwas • goiing-vlaggies MAAK SÓ… Gebruik jou kwas en maak eweredige strepe op die vlaggies. Ons keuse: True Blue van Tjhoko Paint en Dulux Cottage White PAPIERLANTERNS WAT JY NODIG HET • PVA-verf • sagte verfkwas • papierlanterns MAAK SÓ… 1 Verdun jou PVA met water: 50% verf…

Die huis waar Bobby en Amanda Craddock in Augustus 2018 ingetrek het, was presies waarna hulle gesoek het – dis nou buiten die kombuis, wat die spreekwoordelike lelike eendjie was. “Die vertrek het gesmeek om ’n nuwe baadjie,” onthou Amanda. Die kaste was oranje, met swart werkblaaie en vlekvryestaal-handvatsels wat so skuins teen die kasdeure vasgesit was. Omdat die vertrek die kern van die huis is en al die ander vertrekke hieruit vertak, was die opknap daarvan vir die Craddocks ’n prioriteit. “Ons wou dit vriendeliker maak – ’n lekker kuierkombuis,” vertel sy. Oor die ruimte vir hulle so ’n seeroog was, het die opknapprojek begin op die dag dat hulle ingetrek het. Amanda is knap met ’n verfkwas, maar kleure kies is ’n ander storie. “Ek het seker ’n…

Lydia en Reuben Fick kon nie besluit op ’n tema vir hul kinders se speelkamer nie; toe kom Isabel Barends van Love Lemon Interiors en die aanbieder van die TV-program My Plek of Joune op VIA, tot hul redding. “Die ruimte was vaal en sielloos, en dit was glad nie vir die kinders lekker om tyd daar deur te bring nie,” sê Isabel. Lydia wou graag ’n vroulike ruimte met sagte kleure hê; Reuben het weer treffende aksente voorgestel. Intussen het Isabel ontdek dat Lizelle en Stefan dol is oor die speletjie Minecraft, waar spelers in ’n 3D-wêreld met blokke kan bou of breek. Dit was haar inspirasie vir ’n groen-en-grys fokusmuur – en die kinders was in hul noppies! SÓ VERF JY … die TV-kas ’n Ou wit melamien-TV-kas…

Dulux se Kleur van die Jaar vir 2019, Creme Brulee, vang die optimisme en vertroue van ’n diep oker vas: ’n kleur wat stimuleer en bekend is vir sy opbeurende uitwerking. Goeie kleure geniet goeie geselskap – en om die heuningkleur van Creme Brulee te kombineer met ’n pragtige komplementêre palet sal die inherente energie en warmte van dié veelsydige neutrale skakering help beklemtoon. Met vier palette vir binne en vier vir buite wat die verfspesialiste by Dulux spesiaal vir jou geformuleer het, was dit nog nooit so maklik om jou gunstelingruimte te versier nie! Op dié stoep, wat reeds getooi is met trendy Marokkaanse teëls, gee ekstra tikkies kleur nuwe lewe aan die andersins wit palet van die ruimte. Dit heet jou welkom en skep ’n gesellige omgewing waar…

Met stensils kan jy asemrowende resultate kry sonder dat dit jou sak ruk.– Kim Green KENNERSRAAD Ongelyk mure? Nonkululeku Mcunu, bemarkingsbestuurder by Dulux Suid-Afrika, het dié raad: Mure moet skoon en droog wees voor jy stensil, en verkieslik so glad moontlik, sê Nonkululeku Mcunu, bemarkingsbestuurder by Dulux Suid-Afrika. As jou muur tekstuur het of ongelyk is, wend Dulux Pre-Paint SmoothOver met ’n nat pleistertroffel of soortgelyke gereedskapstuk aan; doen dit in verskeie dun lae pleks van een dik laag. Gee minstens twee uur kans om droog te word voor jy die oppervlak met 100-grint-skuurpapier afwerk tot dit glad genoeg is dat jy kan verf. >> VERFSLIM Gebruik Priplak (te kry by kunsvlytwinkels) om jou eie stensil te maak; dit sal langer hou as karton en is wasbaar. Trouens, ’n X-straalplaat…

1 Getooi in wit en blou Nadat Stanley Cornelius en Candice Theunissen ’n ou wendyhuis uit hul agterplaas laat verwyder het, het hulle ’n wit teëlmuur daaragter ontdek. Candice het besluit om daardie muur, wat nou deel van hul kuierarea uitmaak, in ’n fokuspunt te omskep: Sy het dit versier met stensilpatrone in verskillende skakerings van blou Annie Sloan-verf en agterna verseël met Annie Sloan Clear Wax. 2 Vir ’n wafferse feestafel ’n Gewone hout-tafelblad is omskep met stensils en Annie Sloan-verf in ’n verskeidenheid komplementêre kleure. Eers is die hele blad geverf met ’n mengsel van Napoleonic Blue en Graphite, en afgerond met ’n mooi stensilrand rondom. Toe is verskeie patrone in die middel van die tafel aangebring vir ’n tekstuurryke effek. Die blad is laastens met Annie Sloan…

Met dié deur in die huis… Wie sou kon raai dat ’n ou binnedeur so mooi opgedollie kan word? Sedert ons in 2016 dié pragtige voorbeeld uit Marné Mynhardt se lap-en-mooigoedwinkel Mitat buite Somerset-Wes gewys het, het dit so te sê sterstatus bereik op sosiale media. Marné het die deur versier met krulle van SS Inspired Embellishments. Die goeie nuus is jy kan nou jou eie sierstroke maak met gietvorms van Mouldit. Ons wys jou hoe… naweekprojek SÓ MAAK JY JOU EIE SIERSTROKE … met Casting Stone WAT JY NODIG HET • ’n Mouldit-silikoonvorm • Casting Stone-poeier • water • mengbakkie • ’n houtplank of skinkbord • roomysstokkie 1 Meng 2 dele Casting Stone met 1 deel water om ’n gladde mengsel te vorm. Dit moet vloeibaar wees, maar nie…

Partykeer, veral wanneer ek die nuus lees, onthou ek my dae as laerskoolknapie in die kunsklas. Jy weet, wanneer jy met poeierverf kleure moes meng in die muffinpan-bakkies, en als so ’n vuil persbruin uitgekom het. Nie eens ’n baba wat tande sny kon daardie kleur nadoen nie. En maak nie saak hoeveel poeier van watter kleur ook al jy by die smerige moddermengsel gegooi het nie, die verf was vir niks meer (of minder) geskik as ’n kwashaal uit die eindtye nie; of ’n ekspressionistiese skildery van ’n versla(n)e muskiet. Om die waarheid te sê, alledaagse nuus het my al so oorstuur gehad dat ek eendag op die ingewing van die oomblik al die nuus-apps van my foon verwyder en terstond my Facebookprofiel uitgewis het. Oftewel probeer het, want…