Innholdsfortegnelse for Tuis Verf Dit 2018 i Tuis Verf Dit

Balke toe! In Wilna Rabe en haar gesin se vakansieplek op Hermanus is daar rooi elemente deur die hele huis. Sy het selfs die oop houtbalke in die sitkamer rooi geverf – ’n goeie bewys van “wie nie waag nie, wen nie”! Smelt saam Dié vindingryke muurrak, gemaak van ’n doodgewone houtbadmatjie, is ideaal vir ekstra hangplek langs ’n lessenaar of selfs bo jou bedkassie. Voeg ’n ekstra rak by deur ’n plank wat knus pas horisontaal tussen die latte van die mat in te skuif. Verf alles dieselfde kleur as die muur vir ’n eenvoudige, moderne voorkoms en gebruik S-hake om artikels aan op te hang. Dulux Hot Paprika 1 Dulux Rapture Dulux Chilli Chocolate Dulux Muted Rouge KENNERSRAAD ’n Oulap se rooi Rooi is energiek, warm en positief,…

Wie woon hier? Hannes Stander en DP Ferreira WAAR Rheenendal, Suid-Kaap GROOTTE 150 m² plus 45 m² stoepe Die dorpie Rheenendal, halfpad tussen Knysna en Sedgefield, was jare terug ’n bosboustasie diep in die inheemse woude van die omgewing. Hier woon en werk Hannes Stander, ’n tuinontwerper, en die blomkunstenaar DP Ferreira nou al tien jaar. Hul onderneming, Ecozest, het kliënte regoor die land. Hul blyplek, wat uit 1827 dateer, was oorspronklik ’n houtkappershuis met mure van grondsooie en klei, op plekke tot 80 cm breed. Hoewel daar met die jare aangebou is, is dit knus en gesellig. “In die ou dae het mense net die nodigste vertrekke gebou – soos ’n nes vir die gesin. Die skaal van ons huis se vertrekke, met hul lae plafonne, omvou ’n mens…

Laat ’n rand van sowat 2 cm rondom die ontwerp INKOPIELYS • stensil (laai dit af by tuis.co.za) • A4-vel Priplak (beskikbaar by handwerkwinkels) • wit PVA • nie-permanente aanspuitgom GEREEDSKAP • handwerkmes • snymat • staalliniaal • sponsroller en verfbak • maskeerband So maak jy… 1 Plak die stensil aan die agterkant van die Priplak vas met die maskeerband. Gebruik die handwerkmes om die vorm uit te sny. 2 Spuit gom op die agterkant van die stensil. 3 & 4 Begin nou aan die bopunt van die muur en posisioneer die stensil in die hoek, met sy rand teen die kroonlys. Wend die verf versigtig aan oor die stensil met die sponsroller. Skuif dan die stensil af sodat die bo-rand op die “lyn” lê waar die onderrand pas was.…

WAT JY NODIG HET INKOPIELYS • 9 mm-Supawood, so groot soos jou spatpaneel • Dulux Supergrip-onderlaag • swart Dulux Acrylic PVA • wit Dulux Acrylic PVA • seëlaar met ’n waterbasis (ons het helder Gripseal gebruik) GEREEDSKAP • 2 klein bokhaarrollers en verfbakke • spons • kunstenaarskwas • spuitbottel met water • sponsborsel • tongplankie • sagte verfkwas • kombuispapier • 300-grint-skuurpapier So maak jy … Wenk Vir nog beskerming van jou spatpaneel kan jy die bord met getemperde glas laat bedek.…

’n Lieflike verrassing! Toe die Arendses die ou matte optel, ontdek hulle die mooiste blokkiesvloer daaronder; dis geskuur en verseël met vier lae Dulux Woodgard Floorgard. WAT JY NODIG HET INKOPIELYS • A3-vel Priplak • nie-permanente spuitgom • Dulux Luxurious Silk in die kleur Gentle Kenya uit die Colours of the World-palet GEREEDSKAP • staalliniaal • handwerkmes • snymat • sponsroller en verfbak VERSKAFFERS Chair Crazy 021 465 9991, chaircrazy.co.za MRP Home 0800 212 535, mrphome.com Typo 021 914 5486, shop.cottonon.com/typoshop Woolworths 0860 022 002, woolworths.co.za Die Arendse-gesin het onlangs hul knap dupleks verruil vir hierdie ruim woning, en hulle was baie opgewonde oor al die ekstra ruimte wat hulle nou het. Maar daar het nog baie werk voorgelê voor hulle regtig die huis hul eie kon noem… Die gebou…

Kleur het ’n groot uitwerking op ons lewe. Dis meer as net ’n hulpmiddel waarmee fokuspunte geskep of ’n dekortema versterk word – dit roep emosies op en beïnvloed dikwels ons besluite. “Ons reageer almal verskillend op kleur as gevolg van ons ervarings, assosiasies of herinneringe,” sê Lien Potgieter, ’n kleurinstrukteur by The Colour Option. Wanneer jy ’n nuwe kleur kies vir ’n vertrek in jou huis, neem jou gevoelens oor en reaksies op verskillende kleure in ag. Besluit wat jy in die betrokke vertrek wil bereik, en oorweeg watter emosies die vertrek by jou moet uitlok. Ons keuses vir verfkleure word ook beïnvloed deur heersende tendense. “Ons leef in onseker tye en in 2018 wil ons ’n treetjie terug gee en ’n koesterende tuiste skep wat die siel voed,”…

Wit sal altyd in die mode wees. Dit word vereenselwig met reinheid, eenvoud, sagtheid en netheid. Die geheim om die regte skakering te kies, is om te verstaan watter ondertoon (warm of koel) jy daarmee wil bewerkstellig. ’n Helder wit skep outomaties ’n skoon voorkoms en gevoel van ruimte – maar die neiging vanjaar is om verskillende skakerings van naaswit te kombineer vir ’n sagter dekorbenadering. Skoon skilderdoek Lauren Shantall van Lauren Shantall Communications het besluit op ’n wit palet met tekstuurryke elemente vir haar tuiskantoor. “Die wit wat ek vir die mure gekies het, is warm – dis effens room sonder perskepienk of beige skakerings. Ek wou nie ’n steriele omgewing hê nie, maar ek wou graag ’n skoon agtergrond skep waar lewendige denke die kleur verskaf!” verduidelik sy.…

Het jy gehoor van die nuwe neutrale kleur – groen? Dit weerspieël ’n liefde vir moederaarde en stel jou in staat om die natuur by jou binneruimtes in te nooi. Dié tekstuurryke neutrale skakering straal warmte uit, en kan enige ruimte verkwikkend en ontspanne laat voel. Ons is dol oor mat weergawes van seldery, ment en avokado. In 2018 is saliegroen voor in die koor. Dié grysgroen is net die regte neutrale skakering wat sag op die oog en uiters veelsydig is. Jy kan dit ook maklik met ander kleure, patrone en teksture gebruik. Organies én gesofistikeerd Blougroen is perfek vir dié sitkamer. “Dis ’n mengsel van gras en lug, wat beteken dis organies, maar omdat dit verskeie lae het, hou dit ook ’n sekere sofistikasie in,” sê Lauren Shantall…

WAT JY NODIG HET INKOPIELYS • wit houtvuller • 220-grint-skuurpapier • 2 m-sierstrook (10 mm) in ’n ontwerp van jou keuse • Alcolin Fast Set Wood Glue • Annie Sloan-verf in die kleure French Linen en Graphite • Dala Metallic Craft Paint in Silver en Pale Gold • verguldpasta in die kleur German Silver • Annie Sloan Clear Wax of Lacquer GEREEDSKAP • 3 sagte kwaste soos Annie Sloan se nr. 8’s • drie 500 ml-plastiekhouers (twee om verf te meng en een vir water) • paletmes So maak jy… KONTAK Chisel & Chalk 021 976 0444 Flower Heart 021 976 6910…

PROJEK #1 Verf ’n gestoffeerde stoel Nie alle soorte lap is geskik vir verf nie – baie sintetiese mengsels gaan dit nie goed absorbeer nie. Die beste raad is om items te kies wat styf oorgetrek is met natuurlike materiaal soos katoen of linne. Dale Niehaus en Marina Smith van die dekorwinkel Chisel & Chalk in Durbanville, Kaapstad, deel hul wenke. WAT JY NODIG HET INKOPIELYS • Annie Sloan-verf in die kleure van jou keuse • Annie Sloan Clear Wax GEREEDSKAP • maskeerband • sagte kwas • stensilkwas • stensil van jou keuse So maak jy … Vooraf Klam die lap eers aan met water uit ’n spuitbottel (dit laat die verf beter intrek). Verdun dan die Annie Sloan-verf met ewe veel water en wend die eerste laag aan. Laat…

Wie woon hier? Hilindie en Johan Stemmet en hul seun, Sion (4) WAAR Montagu As Montagu se berge jou roep, dan luister jy en trek terug na jou grootworddorp – al is dit heelpad van Londen af. Dit is presies wat Hilindie gedoen het toe sy en haar ou skoolvriend, Johan, nege jaar gelede verloof geraak het. “Ons albei het hier grootgeword en omdat Johan-hulle ’n familie-onderneming het, was dit ’n uitgemaakte saak dat ons hier sou woon,” vertel sy. “In die begin was dit maar moeilik om weer aan te pas op ’n klein dorpie, maar vandag kan ek nie aan ’n beter plek dink om ons kinders groot te maak nie.” Ná ’n jaar van getroude lewe het hulle die eienaars van ’n knus ou woning op die…

Wie woon hier? Janus en Jani Kotze en hul kinders, Kobus (12), Daniël (8) en Ian (5) WAAR Swellendam Kleurslim Hou jy van die blou stoeltjies? Probeer Dulux Icelandic Waters, en vir die kaste Dulux Marianna’s Aria. Toe die Kotzes besluit om hul huis op te knap, was die kombuis hul topprioriteit. “Dis waar ek en my man ons spesiale tyd saam deurbring, kook en ’n glasie wyn geniet – die ou kombuis het net nie die paal gehaal nie!” sê Jani. Die ou kombuis het bitter min werkspasie gehad; die vloerteëls was outyds en die vertrek het persoonlikheid gekort. Die paartjie sou ook graag ’n eiland wou hê. Hulle het besluit om Lisa Spaarwater van Lemon & Lilac Paint Techniques se hulp in te roep. Nie net het sy…

Lisa se kwaste was skaars droog, toe wou die seuns weet: “Mamma, dit lyk sóóó koel, wanneer verf jy al die ander mure ook so?” Lisa se reaksie? “Ek het vir hulle ’n lesing oor fokusmure gegee. Net een muur is nodig! Ek dink ek moet een of ander tyd daai lesing herhaal …” Toe Lisa Spaarwater en haar man, Michael Muller, in 2014 Swellendam toe trek, moes hul seuns, Mich (8) en Christiaan (6), “die koelste slaapkamer ooit” in Kaapstad agterlaat. By hul nuwe huis moes Lisa toe maar haar moue oprol en inspring om die kinders se vaal, nuwe slaapkamer – voorheen die eetkamer – in net so ’n besonderse ruimte te omskep. Sy het op ’n fokusmuur met driehoeke besluit. Dis harde werk, maar skep ’n prettige,…

WAT JY NODIG HET INKOPIELYS • Dulux Rich Matt in Hawaiian Blue 5 • Dulux Rich Matt in Royal Regatta 1 • verwersmaskeerband GEREEDSKAP • potlood • liniaal • waterpas • 2 klein bokhaarrollers en verfbakke • verfkwas • leer So maak jy ……

WAT JY NODIG HET INKOPIELYS • kraakvuller • grondlaag • onderlaag • harde karton • metaalverf (’n paar verskillende skakerings, ook wit) • akrielverf GEREEDSKAP • ronde blikke en bakke • potlood • kunsmessie • maskeerband • sponsies • verfkwas en -roller So maak jy … Berei die muur voor Vul al die gaatjies in die muur met kraakvuller om ’n gelyk oppervlak te verseker. Gebruik ’n gewone roller en bedek die hele muur met die onderlaag; laat dit droog word. Jy kan ook ’n kwas gebruik om al die moeilik bereikbare dele by te kom en te verseker dat die hele oppervlak geverf word. Nou vir die borrels! 1 Gebruik verskillende groottes blikke en bakke om die sirkels op die harde karton te teken en sny dit versigtig met…

Reis, hetsy na ’n tropiese eiland of geliefkoosde bestemming, gee geur aan ons lewe. En met die neiging om “eerliker te leef” en ’n skuif weg van massavervaardigde artikels sonder enige persoonlikheid, kan die inspirasie van eksotiese én inheemse kulture enige ruimte opkikker. [IN DIE MODE] DONKER HOUT Al bly ligte hout en die Skandi-styl gewild, laat donker hout ryk kleure uitstaan, wat die natuurlike skoonheid van die hout uitbring vir ’n meer outentieke gevoel. Vertel die storie Dié solderruimte is ewe lighartig as gesofistikeerd; ’n houtskerm wat die leefarea en slaapkamer skei, vorm ook ’n sterk fokuspunt. Die slaapkamer het ’n neutrale agtergrond en skakerings van oker en blou verskaf warmte, terwyl enkele meubelstukke van donker hout die prentjie voltooi. Die dekor-items is vakansiekopies, erfgoed of het sentimentele waarde,…

Swart is die kleur van mag en sofistikasie; dis altyd moeiteloos elegant en sal nooit uit die mode gaan nie. Jy kan dit inspan in ’n glansryke leefruimte, in ’n slaapkamer vir ’n onverwags romantiese en intieme effek, in ’n badkamer vir rustigheid of in die kombuis vir karaktervolle afronding. “Ek is dol oor hoe swart by alles pas,” sê die interieurontwerper Marcia Margolius. “Dit bly ’n staatmaker, net soos die klassieke swart rokkie. Wees dapper en gebruik dit om ’n hele oppervlak te bedek, of kies dit vir aksente hier en daar. Dit sal ongetwyfeld vir drama sorg.” Nooit vervelig nie Kombineer swart met donker olyfgroen vir ’n aardse, moderne aanslag. Danksy die gestoffeerde olyfgroen kopstuk en blommotiewe op alles – van die beddegoed en strooikussings tot die kunswerke…

Blou is nog ’n kleur waarmee jy die natuur binnetoe kan nooi. Dis veelsydig genoeg om as neutraal geklassifiseer te word en werk goed saam met ander kleure. Dit straal vertroue, lojaliteit, verantwoordelikheid en intelligensie uit; huise met blou in die dekor laat mense geborge en veilig voel. Oorweeg jy donker kleure, maar is nog skrikkerig vir swart? Dan is inkblou die antwoord. Dis die perfekte kleur om ’n ontspanne dog elegante ruimte ’n tikkie sofistikasie te gee. Formele aanslag Kies donker kleure as jy ’n knus gevoel wil skep. Hier is Dulux Shutter Blue op twee mure geverf vir ’n fokuspunt. Saam met wit het dié badkamer ’n see-tema wat heelwat formeler voel as ’n strandhuis se loslit atmosfeer. Spieëls en bykomstighede op die leerrak herhaal die kontrasterende kleure.…

WAT JY NODIG HET INKOPIELYS • verfstroper • 100-grint-skuurpapier • Dulux Wood Primer • goue spuitverf • verwersmaskeerband • verf in verskillende kleure (ons het Dulux Acrylic PVA gebruik, want dit het ’n waterbasis en word gou droog, wat die projek heelwat vinniger maak) • Dulux Glazecoat • handvatsels GEREEDSKAP • verfkwaste • potlood • liniaal • permanente merkpen So maak jy … Afronding • Trek dun swart lyne met ’n permanente merkpen tussen party van die strepe. • Gebruik ’n klein kwassie om plekke oor te verf waar die verf deurgesyfer het. [WENKE] • Moenie die verf verdun of te veel op jou kwas sit nie, aangesien dit onder die maskeerband kan deursyfer. • Omdat ons akrielverf gebruik het, het ons die strepe agterna met Dulux Glazecoat, ’n akrielseëlaar,…

KOMBUIS Vaal kombuis nou skitterwit met verf! KINDERKAMER Kreatiewe speelplek vir die kleinspan FOKUSMUUR Paletkopstuk met ’n verweerde voorkoms DOEN DIT SELF Deure met trefkrag MEUBELS Nuwe lewe met bladsilwer TUIN Verf jou vibracrete-muur Spesiaal vir verf-entoesiaste, ywerige selfdoeners en enigiemand wat hou van mooimaak! NETWERK2/+ ALLES OP EEN PLEK Gaan na netwerk24.com en word ’n intekenaar.…

VERSKAFFERS BUCO buco.co.za Builders builders.co.za Petite Rouge petiterouge.co.za The Deckle Edge deckleedge.co.za…

Wie woon hier? Neill en Cornel Strydom met hul kinders, Sebastian (15) en Benjamin (13) WAAR Pretoria GROOTTE 600 m² Hou jy van dié kleur? Dulux Lake of Grey is dalk net die kleur wat jy soek. Neill en Cornel Strydom se huis in Pretoria was eens op ’n tyd ’n mengelmoes van kleur: die sitkamer het helder chartreuse mure gehad, die slaapkamer was houtskoolgrys met ’n pers ondertoon, en die eetkamer en kombuis ’n diep koringkleur. Boonop was hul meubels ook in helder kleure geverf. Maar ná ’n wegbreek by hul vakansiehuis met sy neutrale dekor op St Francisbaai was Cornel vol inspirasie om hul permanente woning se kleurskema te verander. “Ek wou daardie kalm gevoel wat ons by ons vakansiehuis het, hier namaak,” sê sy. “So, al die…

Wmie awokone hoievr? Gert en Lizana Watson en hul kinders, Damian (11) en Sebastian (9) WAAR Kloof, Durban Gert en Lizana Watson was nog altyd gefassineer deur Marokko, en verlede jaar het hulle uiteindelik ’n vakansie in dié bekoorlike land in Noord-Afrika beplan. “Maar omdat ons nie die kinders na ’n land wou neem wat nie altyd kindervriendelik is nie, het ons op die nipper kleinkoppie getrek,” sê Gert. Tweede prys was om Marokko huis toe te bring! Gert, ’n dorpsbeplanner en omgewingskundige, en Lizana, ’n choreograaf, danser en onderwyser, werk albei van die huis af; daarom was dit vir hulle belangrik om ’n gemaklike, opgewekte ruimte vir hul gesin in te rig. Die sitkamer Die paartjie was reeds besig met opknappings aan hul huis en het besluit om hul…

Wie woon hier? Philip en Winnifred André WAAR Witbank, Mpumalanga Toe Philip en Winnifred ses jaar gelede by dié huis intrek, het hulle die blou volvloermat in die gasteslaapkamer vervang met ’n gelamineerde vloer, die oudmodiese beddegoed verruil vir nuwe spierwit linne en die wit diefwering ’n neutrale skakering geverf. En vir ’n ruk was dit goed genoeg. Maar toe Winnifred verlede jaar hoor hul agtjarige kleindogter, Wynonah, kom in die skoolvakansie by hulle kuier, het sy besluit die kamer moet oorgedoen word. “Skielik het dit gevoel alles in die kamer het aandag nodig,” sê die trotse ouma. En ná ’n paar maande was die kamer uitgetof in helder kleure met blommotiewe en Oosterse detail; amper alles het ’n gedaantewisseling ondergaan met verf. “Ek hou van hoe opgewek die ruimte…

WAT JY NODIG HET INKOPIELYS • Dulux Rich Matt in die kleur Night Jewels 1 • Dulux Supergrip-onderlaag • verwersmaskeerband • nuut gekoopte rame, of hergebruik oues (almal moet ewe groot wees) • dadoreling • No More Nails-kleefmiddel • houtvuller • skuurpapier GEREEDSKAP • verfroller en -bak • kwas • waterpas • maatband • potlood • figuursaag So maak jy … Dis moeilik om te glo ’n projek so eenvoudig soos dié een kan soveel trefkrag hê – en boonop met net een verfkleur! – Shelly…

Projeknotas • As die bestaande verf teen die muur nie in ’n goeie toestand is nie, wend twee lae PVA-verf van goeie gehalte in die kleure van jou keuse aan. • Wanneer jy met ’n stensil werk, begin by die sigbaarste deel van die muur. Ons het links bo begin, want waar die patroon in die hoek by die toilet afsny, sal dit agter die gordyn wees. WAT JY NODIG HET INKOPIELYS • Tjhoko Paint Stencil of Paris (1 x 290 ml-pot per m2) • stensil in die ontwerp van jou keuse (kies een van goeie gehalte wat taamlik stewig is) GEREEDSKAP • kwas van goeie gehalte (50 mm–75 mm) • kwas van goeie gehalte (50 mm–75 mm) So maak jy … Wenke • Indien die Stencil of Paris smeer,…

Grys is hier om te bly. Dis modern dog klassiek en kan maklik met ’n verskeidenheid skakerings gebruik word – en moenie van greige vergeet nie! Dié neutrale kombinasie van beige en grys in allerlei verskillende tone kom veral tot sy reg in moderne ruimtes. Sagte, warm groen-grys skakerings is trendy as agtergrond of op kombuiskaste en ander aksentstukke. Grys as fokus… Met ’n fokusmuur in grys is dié romantiese ingang die ene Franse flair. Die donkerder kleur lok besoekers in die vertrek in, terwyl antieke ware in skakerings van goud warm, verwelkomend en weelderig voel. Die meer kontemporêre liggrys teen die ander mure skep tonne atmosfeer en gee dié ou huis ’n moderne kinkel. … en aksentkleur Teen ’n neutrale agtergrond gee grys aksente op die deur en boekrak…

Beproef interessante kombinasies in warm, aardse kleure. Dié ingang verwelkom besoekers in kalm skakerings van rooi, grys en blou. Die skaakbord-mosaïekvloer trek die aandag en lei die oog na die apploustrekker in die ruimte: die blou deure. Die wynrooi muur verleen diepte en anker die blougrys op die ander mure, terwyl die houtpaadjie na die voordeur warmte verskaf. Alles saam skep ’n rustieke, speelse atmosfeer. Moenie huiwer om ’n stelling te maak nie! Daar is talle maniere om spatsels kleur in ’n ruimte te bring. KENNERSRAAD Voeg ’n spatsel kleur by met meubels. “Dis nou hoogmode om helder, sterk kleure te kies; dis as’t ware ’n terugkeer na die tagtigerjare,” sê die interieurontwerper Marcia Margolius. Kleurblokke is baie gewild. Dis meer as net soliede kleure teen mure en grafiese detail;…

WAT JY NODIG HET INKOPIELYS • suikerseep/terpentyn • ou lap • 35 mm-maskeerband • verf in die kleure van jou keuse. Ons het Tjhoko Paint in dié 7 kleure gebruik: Jane’s Jade (blou), Rose (pienk), Gracious (liggroen), Kaylee’s Candy (pers), Pebble Shadow (sagte blou), Cloud White (wit) en Matt Black (swart). GEREEDSKAP • skuurpapier • kombuissponsies So maak jy… Begin deur alle ou verf of vernis van die lessenaar af te skuur. Was dan die lessenaar goed met suikerseep of vee dit met ’n terpentynlap af om te verseker dat die oppervlak skoon en olievry is. 1 Merk die patroon met die 35 mmmaskeerband deur dit diagonaal van links onder na regs bo oor die hele blad van die lessenaar te plak, 35 mm uit mekaar. Plak nou twee stroke…

WAT JY NODIG HET INKOPIELYS • bedkassie (ons het ’n oue opgedollie) • houtvuller • kleurafdruk van ’n foto (ons s’n is by The Printing Press gedruk) • podge • kryfverf in die kleur van jou keuse • deurknoppe • Rust-Oleum-spuitverf in die kleur van jou keuse GEREEDSKAP • skraper • potlood • handwerkmes • snymat • verfkwas • boor en 6 mmboorpunt So maak jy … VERSKAFFERS The Printing Press 021 685 6930, theprintingpress.co.za Tjhoko Paint 073 206 3104, tjhokopaint.co.za…

WAT JY NODIG HET INKOPIELYS (vir een stoeltjie) • een 2 400 x 450 mm-gelamineerdedennehoutplank (dikte 20 mm), soos volg gesaag: vier 330 x 450 mm-panele (kante) een 350 x 350 mm-paneel (sitplek) • 150-grint-skuurpapier • houtvuller • vier en twintig 6 mm x 40 mmspaanderbordskroewe GEREEDSKAP • potlood • maatband • winkelhaak • koordlose boor en 3 mm-boorpunt • 35 mm-plaatboorpunt • figuursaag • 102 mm-gatsaag • skuurmasjien Rond nou jou stoeltjie(s) speel-speel af met verf en/of ’n stensil. Hout verskaf deur VERSKAFFER EN KONTAK Cape Boards 021 981 0152, capeboards.co.za Deon de Goede 084 589 5026, deondmc@gmail.com Projeknotas • Onthou om gidsgate te boor. • Laat saag die panele klaar op maat by jou naaste houthandelaar; dit sal jou taak aansienlik vergemaklik. naweekprojek//doen dit self…

Die teoloog Reinhold Niebuhr se bekende “Serenity Prayer” lui onder meer: “Grant me the serenity to accept the things I cannot change.” O, heiden. Daardie woorde rol met moeite oor my lippe. Maar soms verbaas ek myself, soos nou die dag in die polisiekantoor. Ná ’n sim swap is geld uit my bankrekening gesteel en ek moet ’n saaknommer kry vir al die papierwerk wat die bank vereis. “It was a cybercrime,” sê ek vir die konstabel agter die toonbank. “What was the address?” vra hy. “Space,” sê ek. “Cyberspace.” Met ’n vriendelike engelgesiggie. Die konstabel frons, ek glimlag voort. “Street?” vra hy. Ek wil sê “corner of nowhere and everywhere”, maar hou my in (hoe lui daai gebed om kalmte nou weer?) en rammel die sin af wat die…