Landbouweekblad 06 October 2022

DIE ANDER SÊ TOE die diamantmyn by Jagersfontein in 2010 heropen het, was inwoners opgewonde omdat hulle geglo het dit sal werk bring, maar vinnig het hulle begin hoes van al die stof in die lug en het bekommerd toegekyk hoe die slikdam se grondwal amper verdubbel het in hoogte. “Ons het aanhou sê: ‘Wat as dit breek?’” sê mnr. Itumeleng Monageng, wie se huis verswelg is toe die dam meegegee het. Inwoners sê hulle het die afgelope jare van tyd tot tyd water deur die damwal sien syfer. Die burgemeester, mnr. Xolani Tseletsele, sê inwoners het hul bekommernisse aan amptenare van die departement van water en sanitasie oorgedra. Maar die bestuurder van die aanleg, mnr. Johan Combrinck, ontken dat daar ooit lekkasies was, of dat werknemers gate in die…

SOMMER SPIEKERIES Die Dormer-ram Spiekeries het op 24 September ’n rekordprys van R510 000 op die 4x4 Dormer-veiling behaal. Die vorige rekord was R350 000. Die veiling is weens bek-en-klouseer aanlyn gehou, maar geregistreerde kopers kon vooraf die diere besigtig. Van links is mnre. Ian Grobbelaar, afslaer, Johnny Forbes sr. en Johnny Forbes jr., kopers, Dano van Zyl van Vleissentraal Bethlehem, en Johan Barnard, verkoper van Johanri Dormers. Vleissentraal Bethlehem het die veiling aangebied en SwiftVee het die aanlyn aanbieding behartig. Lees meer op bl. 19. MISMOEDIGER Die landbou-sakevertroue-indeks het in die derde kwartaal met 7 punte tot 53 gedaal. Die grootste bekommernisse bly hoër insetkoste, wrywing op uitvoermarkte, dieresiekteprobleme, stygende rentekoerse, geo-politieke risiko’s wat aanbodkettings ontwrig, en voortgesette swakhede in munisipale dienslewering. Die subindeks vir algemene ekonomiese toestande het…

45,6% Teen 6,364 miljoen ton was Oekraïne se graanuitvoer tot dusver in die bemarkingsjaar 45,6% laer as die vorige jaar. Die land het in die eerste 19 dae van September 2,07 miljoen ton graan uitgevoer, 29,4% minder as in die ooreenstemmende tydperk in 2021. Weens grondgebiedverliese in die konflik en laer opbrengste verwag die Oekraïnse regering ’n graanoes van 50-52 miljoen ton vanjaar, teenoor 2021 se rekord van 86 miljoen ton. — Reuters 7,2% Koringpryse kan in die komende jaar met tot 7,2% styg weens die oorlog in Oekraïne, volgens navorsing wat in Nature Food gepubliseer is. Dit is indien Rusland se graanuitvoer met 50% verlaag. Sou Europa en Amerika biobrandstofgebruik met 50% verminder, kan die prysstyging tot 3,5% verminder omdat dit die vraag na grane sal verlaag. Indien uitvoer…

Anderkant die reënboog ’n Mens voel nogal uitgelewer aan alles waaroor ons maar min beheer het. Rentekoerse, hoë inflasie (van net mooi alles), bek-en-klouseer, beurtkrag, misdaad . . . Só gaan die lys aan. Sulke hulpeloosheid is iets waaroor jy nie te veel wil tob nie. Konsentreer eerder op die dinge waaroor jy wel beheer het. Jou circle of influence, soos Steven Covey, die gerekende skrywer van die blitsverkoper 7 Habits of Successful People, destyds daarna verwys het. Maar elke nou en dan duik daar iets op wat jou vooropgestelde idees op hul kop draai. Iets wat weer bewys dat ons sáám baie meer kan vermag as wat ons dikwels dink. Die nuwe vaardigheidskool op Struisbaai is een van hierdie seldsame verskynsels (bl. 54). ’n Skool wat uit sy pad…

BOERE BETAAL AL HOE MEER VIR OU KRAGLYNE Marten en Werner Grundlingh skryf in hul brief “Wat maanreise vir ons beteken het” (Die Burger, 14 September 2022) dat maanreise binne ’n kort tyd ’n tegnologiese paradigmaskuif oor die hele aarde teweeg gebring het. Maanreise was die begin van die ruimteprogram wat oor jare ontwikkel het. Die tegnologie het wel astronomies ontwikkel, maar die rede vir hierdie ontwikkeling was die sonpaneel. Satelliete moes krag kry en sonpanele was die enigste moontlike bron van energie. Hoewel die werking van die sonpaneel reeds in 1839 deur Edmond Bequerel, ’n Franse wetenskaplike, “ontdek” is, was daar net eenvoudig nooit genoeg rede om dit te ontwikkel nie – steenkool en olie het goedkoop krag voorsien. Totdat ruimtereise dit noodsaaklik gemaak het. Miljarde dollar is deur…

MNR. KASPAR GÜNZEL en sy vrou, Stefanie, bedryf ’n gemengde boerdery met drie beesstoeterye, kommersiële vleisbeeste en ’n saaiery by Grootfontein in Namibië. Lees die artikel op bl. 38. VERTEL VAN JOU GESIN. Ek en Stefanie het drie seuns – Friedhelm (’n siviele ingenieur), Henner (met ’n ambag in landboumeganisasie) en Volrat (’n masjienmonteur). Al drie werk in Duitsland om verdere opleiding van hoë gehalte te kry. HET JY NÁ SKOOL GESTUDEER? Ja, ek het ’n landboudiploma aan die landboukollege Neudamm verwerf. HET JY ’N STOKPERDJIE? Om tussen my beeste te wees, is my stokperdjie. WAAR HOU JULLE VAKANSIE? Ons gaan min met vakansie, maar geniet die see, hengel graag en toer deur die land. WATTER SPORTSPANNE ONDERSTEUN JY? Ek is ’n trotse Namibiër en ondersteun die Namibiese rugbyspanne. Ek…