Innholdsfortegnelse for 22-Jul-16 i Landbouweekblad

WEGHOLPERD ’n Bakkie, vyf motorfietse en ’n helikopter is ingespan om ‘n wegholperd by die afgelope Fauresmith-uithourit te soek. Die ruiter, Hendri van Wyk van Rouxville, het skaars 15 km voor dié 204 kmrit se eindstreep van sy 6-jarige Arabierkruising, Shadow, afgeval. Shadow het die Sandymount-natuurreservaat ingevaar. Hendri en Shadow was in daardie stadium sewende in die swaargewig-afdeling. Shadow is die volgende oggend opgespoor. Volgens die ritmeester, mnr. Sakkie Olivier, het verrigtinge andersins vlot verloop.Sien ook bl. 24. VLEISVERWARRING Omstrede nuwe invoerregulasies vir vleis wat uit veral die Namibiese vleisbedryf woedende reaksie ontlok het, is voorlopig teruggetrek ná samesprekings tussen die bedryf en die Suid-Afrikaanse Departement van Landbou, Bosbou en Visserye. Dr. Mpho Maya, verantwoordelike direkteur, het gesê die bedryf kan kommentaar lewer in ’n nuwe konsultasieproses. Daar word reeds…

In ’n hoofberig lewer die Business Day kommentaar op die Tesourie se onlangse beleidsdokument oor die voorgestelde suikerbelasting op koeldrank wat minister Pravin Gordhan in sy begrotingstoespraak in Februarie aangekondig het. Die teorie is dat daardie belasting inkomste uit ’n nuwe bron sal inbring maar ook die koste van epidemiese vlakke van vetsug en diabetes op die Suid-Afrikaanse openbare gesondheidstelsel sal verlig. Die dokument haal internasionale bewyse aan dat ’n belastingkoers van 20% die verbruik van koeldranke, soos Coca-Cola en Pepsi, sal inperk. Business Day reken die gevolge van so ’n drastiese prysverhoging in koeldranke kan onbedoelde gevolge hê, soos werksverliese, swakker wins en belegging in die bedryf. Die koerant is ook krities oor die voorstel slegs geld vir suikerversoete koeldranke – en nie vir sap wat met vrugtekonsentraat versoet…

ARTIKELS & RUBRIEKE ■ Ondernemingsredding: SA landbou se beskermengel ■ Reusetree vorentoe met 84 punt-melktafel ■ Drie beesrasse werk vir dié boerdery ■ Boereplan: Skaapwerk vlot met voerder en wolpers GESIN ■ Boerekos: Van die plaas na die tafel SPESIAAL ■ Wildbedryf BEESTE Opdieoogaflykditonwaarskynlik:DierateltaaiAnkole,diegrootraam-RomagnolaendiebeproefdeSantaGertrudisopeenplaas.Maarmnr. DailvanRensburgvanStellaenDelareyvilleinNoordweskatroldie pryseinensêdiérassevulmekaarmetkruistelinguitstekendaan.…

ZIMBABWE se verbod op die invoer van sekere voedsel- en ander produkte uit Suid-Afrika is “ ’n rooi vlag” vir kleinhandelaars, die logistieke bedryf en mense in die betrokke waardekettings. So sê mnr. Wandile Sihlobo, hoof van ekonomiese en landbou-inligting by die landbousakekamer Agbiz. “Dit plaas hulle in ’n posisie waar hulle nie langtermynbeplanning kan doen nie.” Die verbod verhinder ook ’n vrye mark, waar vraag en aanbod deur die vloei van goedere bepaal word. Dit is volgens Sihlobo nog te vroeg om te bepaal wat die invloed van die verbod op ondernemings is. In Zimbabwe kan dit verbruikers benadeel omdat pryse kan styg. Te midde van dié verbod bly Zimbabwe egter steeds die grootste invoerder van Suid-Afrikaanse onverwerkte graan. Sihlobo sê in die week van die onluste wat in…

LEDE VAN die Suid-Afrikaanse Roofdiervereniging (Sapa) het verlede week op ’n private wildplaas buite Alldays ingegryp waar sowat 250 leeus nou al vier maande lank nie behoorlik versorg en gevoer word nie. “Ek was daar en het die geriewe en die diere behoorlik deurgekyk,” sê mnr. Pat Loots van Sapa, wat ook namens mnr. Walter Slippers, die plaaseienaar, praat. “Hoewel dinge nie so erg lyk as wat dit in die hoofstroommedia voorgehou is nie, was die leeus wel nogal maer. ’n Mens kan sien hulle kry nie genoeg kos nie.” Sapa het reeds 8 ton hoendervleis op die plaas afgelaai en sal binne die volgende week nog 6 ton tot 8 ton vleis soontoe neem om die leeus te voer (foto). “Ons eerste prioriteit is om die leeus weer gesond…

Boere met groot bedrae in uittree-annuïteite moet versigtig wees vir ’n boedelbelastingstrik wat dalk lê en wag. Die Boedelbelastingwet (Wet 45 van 1955) is vroeër vanjaar gewysig, en ek meen ’n moontlike glips van die wetgewer skep nuwe probleme met boedelbelasting en vererwing. Uittree-annuïteite is in die algemeen baie goeie beleggingsprodukte. Dit bied belastingvoordele en beskerm ook die belegging teen skuldeisers. Jy kan byvoorbeeld sedert 1 Maart vanjaar die kleinste van 27,5% of R350 000 per jaar van jou belasbare inkomste tot ’n uittree-annuïteit bydra en van belasting aftrek. By aftrede kry jy ingevolge huidige wetgewing R500 000 van jou toegelate eenderde-onttrekking vry van belasting en op die res word jy belas ingevolge die tweede skedule van die Inkomstebelastingwet (Wet 58 van 1962) teen koerse van onderskeidelik 18%, 27% en…

Die wêreldrekord vir mielie-opbrengs is 33,39 ton per ha, wat laas jaar in Amerika behaal is. Dié opbrengs is waarskynlik baie naby aan die genetiese potensiaal van Suid-Afrika se huidige basters, sê me. Hanlie Geldenhuys en mnr. Corné van der Westhuizen, twee landboukundiges van die saadmaatskappy Pannar. Om dié potensiaal optimaal te ontgin, moet ’n boer sy bestuurspraktyke egter fyn by omgewingstoestande aanpas van groeistadium tot groeistadium. ’n Blote herhaling van praktyke wat voorheen ’n goeie opbrengs gelewer het, gaan nie noodwendig weer goeie resultate oplewer nie, sê hulle. “ ’n Sak mieliesaad het die maksimum opbrengspotensiaal, wat deur die genetiese potensiaal van die betrokke baster bepaal word. “Sodra dié saad in die grond geplant word, word elke pit aan verskeie faktore blootgestel, wat regstreeks die opbrengs beïnvloed en die…

MNR. RAIMAR VON HASE WAT IS DIE BESTE BOERDERY-BESLUIT WAT JY AL GENEEM HET? Om ’n Swakarateler te word. HOE GAAN DIT MET DIE SWAKARABEDRYF? Die bedryf is kerngesond, maar maak deel uit van die groter wêreldwye pelsbedryf, wat tans die probleme weens die oorproduksie aan nertspelse en die Russiese ekonomiese insinking te bowe moet kom. WATTER RAAD HET JY VIR NUWE SWAKARAPRODUSENTE? Verdiep nou jou vlak van kennis en skaf nou goeie teelmateriaal teen billike pryse aan. WAT IS DIE SWAKARABEDRYF SE GROOTSTE PROBLEME EN GELEENTHEDE? Die kwessie is om méér pelse te lewer. Die geleenthede is om die status van een van die gesogste pelsartikels ter wêreld verder uit te bou. WATTER TEGNOLOGIE IS ONMISBAAR IN JOU BOERDERY? Ek gebruik selfontwerpte sigbladprogramme vir weidingsbestuur, reënvaldata, finansies en arbeidsbestuur,…

Koedoewors ■ 2,5 kg koedoevleis (ek het binneboud gebruik) ■ 1 kg varkspek ■ 7 ml swartpeper ■ 50 ml fyn sout ■ 15 ml gemaalde, geroosterde koljander ■ 5 ml fyn, geroosterde komyn ■ 2 ml naeltjies ■ 150 ml bruin asyn ■ 50 ml water ■ Varkderms, in water geweek Sny die vleis en spek in blokkies en verkoel tot yskoud. Meng eers die vleis met die sout en speserye, tot goed deurgemeng. Voeg dan die asyn en water by en meng goed deur. Skep die vleismengsel in ’n vleismeul en maal grof. Voeg die asyn en speserye wat in die vleisbak agtergebly het ook by die gemaalde vleis en meng goed deur. (Om te proe of die vleismengsel reg gegeur is, braai ’n klein bietjie daarvan in…

Om boere in die Oos-Kaap aan te spoor om beter opbrengste met mielies te behaal, het mnr. Dirkie Visser van Cradock Saad saam met ’n paar borge drie jaar gelede die 20 ton-kompetisie begin. Dit daag boere uit om met ’n bietjie toewyding, voldoende kunsmis, beter bewerkingspraktyke en beter kultivars 20 ton mielies per hektaar te oes. Vanjaar het 22 boere vir die kompetisie ingeskryf. Die beste hektaar van elkeen is met oestyd beoordeel. Wenners word vir die suidelike en die noordelike produksiestreke aangewys omdat die hitte-eenhede in die gebiede drasties verskil. WENNERS Die doel van die kompetisie is om die hoogste tonnemaat mielies te verbou. Die inskrywings word nasionaal gemeet. Minstens 20 ton mielies moet op een hektaar verbou word, wat reeds ’n bogemiddelde prestasie is. Dit was die…

Dit was in die dae toe hy nog as ’n veldbeampte vir CMW en BKB gewerk het dat die Sussex ’n blywende indruk op mnr. Phillip Darke van Willow Nook, Molteno, gemaak het. Later, toe hy self in hierdie koue wêreld begin boer het, was dié beesras ’n logiese keuse. Dit is ’n besluit waaroor Phillip (50) sowat 15 jaar later nog nie ’n dag spyt is nie. Met ’n onlangse besoek aan Willow Nook (1 200 ha) is die aanvoelbare temperatuur vroegoggend net bo die vriespunt op die werf. Dit is op 1 844 m bo seespieël ’n hanetree van Buffelshoek in die Stormberge waar van die land se koudste temperature al aangeteken is. “Dit is die aanpasbaarheid van die Sussex in die omgewing wat dit vir my die…

4,2% Internasionale voedselkommoditeitspryse het in Junie met 4,2% gestyg, die grootste maandelikse styging in die afgelope vier jaar. Die prysindeks is wel een persent laer as in Junie verlede jaar, met pryse wat vir die vyfde agtereenvolgende maand to dusver gestyg het. Die suikerprys-indeks het die skerpste met 14,8% gestyg weens swaar reën in Brasilië. – Bizcommunity 39 684 118 ton China het verlede jaar ongeveer 39 684 118 ton appels geoes – net minder as die 41 139 903 ton wat die res van die wêreld saam oes. Die naasgrootste produsent is Amerika met 40 81 608 ton – ongeveer ’n tiende van China se produksie. Suid-Afrika is die wêreld se 16de grootste appeluitvoerder en die vierde grootste in die Suidelike Halfrond. – Hortgro 24,8% Trekkerverkope het sedert Junie…

Ons was nooit onder die indruk dat ons oornag skatryk gaan word nie,” MNR. STUART MACKENZIE, stigter van Dairy Day. – Bl. 16 ‘Só ’n benadering sou ook perverse aansporings vir grondeienaars skep om die potensiële waarde van hul grond kunsmatig te verhoog’ WAARNEMENDE REGTER TEMBEKA NGCUKAITOBI, oor die vergoeding wat die Staat in grondeise behoort te betaal. – Bl. 16 ‘ ’n Agripark is niks anders as ’n plaas nie, en dit maak geen sin om in elke distrik ’n produktemark en duisende rande se onnodige infrastruktuur te skep . . . net omdat ’n mens nou ‘n plaas iets anders noem nie.’ MNR. CHARLES ROSSOUW, boer van Mpumalanga. – Bl. 23 ‘Dit plaas hulle in ’n posisie waar hulle nie langtermynbeplanning kan doen nie.’ MNR. WANDILE SIHLOBO, ekonoom…

MNR. PHILLIP DARKE van die plaas Willow Nook, Molteno, het ’n verskuifbare drukgang geprakseer wat net uit vyf hekke en ’n nekklamp bestaan. Dit bespaar hom tyd en moeite. Hy boer met Merino’s en kommersiële Sussexbeeste. Lees op bl. 54 meer oor sy boereplan. VERTEL ONS MEER OOR JOUSELF. Ek is in die distrik Molteno gebore. My pa was ’n melkboer. Ná skool op Queens College op Queenstown het ek ’n landboudiploma aan die Landboukollege Grootfontein verwerf en toe my diensplig in die weermag by Kimberley voltooi. Ek het toe as veldbeampte by CMW en BKB gewerk en is daarna vir vier jaar na Australië waar ek klubrugby gespeel en op plase gewerk het. JY IS ’N KRANIGE SPORTMAN? Ja, ek hou van sport, soos rugby, gholf, krieket en tennis.…

’N BESLISSING in ’n 12 jaar oue dispuut oor die waarde van ’n stuk grond waarop ’n huurarbeider 20 jaar gelede ’n suksesvolle grondeis ingedien het, is slegte nuus vir grondeienaars wat hoop om munt te slaan uit die restitusieproses. Dit verteenwoordig ook ’n beduidende afwyking van die hemelhoë pryse wat die staat in die verlede met grondeise betaal het Waarnemende regter Tembeka Ngcukaitobi het op 5 Julie in die Grondeisehof beslis die staat hoef net meer as 80% van die grond se waarde aan die eienaars uit te betaal. Dié bedrag, R1,5 miljoen vir 45,86 ha landbougrond, is maar ’n skamele 34% van die R4,36 miljoen wat ’n waardeerder namens die eienaars bevind het die grond werd is. ’n Deurslaggewende faktor in die dispuut was of die grond se…

VERVAARDIGING | Groei straks van korte duur Statistieke Suid-Afrika het verlede week aangekondig Suid-Afrika se kos-en-drankvervaardigingsektor het op ’n jaargrondslag met 2% gegroei in Mei, en 0,5% bygedra tot die 4% algehele groei in die land se vervaardigingsektor. “Die opbrengs van graanmeule en die subsektore vir vleis, vis, vrugte en ander het onderskeidelik met 3,9% en 1,8% gegroei op ’n jaargrondslag. Die verskaffing van melkprodukte het met 1,3% gedaal, en dié van ander kosprodukte met 4,5% op ’n jaargrondslag. Mnr. Wandile Sihlobo, hoof van ekonomiese en landbou-inligting by die landbousakekamer Agbiz, sê die syfers vir graanmeulprodukte ondersteun die organisasie se siening dat die vraag na mielies hoog sal bly ondanks hoër pryse. Hy meen die toename in vleislewering weerspieël die vinniger pas waarteen beeste geslag word omdat boere sukkel met…

1 KENIA | Brexit vreet uitvoer-inkomste Keniaanse varsprodukte-uitvoerders verloor tans nagenoeg $79 000 (R1,13 miljoen) per dag weens die daling in die waarde van die Britse pond teenoor die Amerikaanse dollar ná die Britse referendum-uitslag ten gunste van Brexit. Brittanje is Kenia se hoof-uitvoermark. Keniaanse uitvoerders betaal in Amerikaanse dollar om hul vrugte, groente en blomme na Brittanje te verskeep en word in Britse ponde daarvoor betaal. Die Britse geldeenheid het sedert die uitslag van die referendum met 12% teenoor die dollar verswak. Kenia het verlede jaar produkte, soos roosstamme, groenbone en mango’s, ter waarde van Ksh90 miljard (sowat R12,80 miljard) in ander lande verkoop. – Bloomberg 2 NIGERIË | Eet ons eie eiers Die Nigeriese regering het ’n nasionale eieproduksieskema (NEGRPO) van stapel gestuur ten einde die land selfversorgend…

DIT WAS ’n lang wag vir mnr. Max Bastard, ’n Kokstadse boer, maar vier jaar nadat hy die eerste truffelspore in die grond neergelê het, het hy nou 620 g se peperduur Perigord-truffels om skeptici wat gemeen het hy mors sy tyd om dié lekkerny kommersieel te probeer kweek, stil te maak. Boonop het dié eerste truffel-oes veel vroeër sy opwagting gemaak as wat hy verwag het. Hy hoop dit sal hom help om ander KwaZulu-Natalse boere te oortuig dat dié temperamentele en gesogte swam wel ’n toekoms in dié provinsie het. “Daar was baie mense wat skepties was oor wat ek doen. Hierdie vondse is dus baie bevredigend,” vertel hy. “Veral met al die moeite wat ons ingesit het.” Hy voeg by dat sy eerste vonds baie vroeër was…

Die wêreldhandel in graan en oliesade verander vinnig. Amerika se dominante posisie van die laaste dekades is nie meer dieselfde nie. Afgesien van die oorheersende rol wat Amerika se oesgrootte en uitvoer speel, is Chicago se graanbeurs die belangrikste termynmark vir graan. Dit het intussen met ander instellings saamgesmelt en heet tans die CME. Die wêreld se graanhandel gebruik egter steeds die Amerikaanse termynmarkpryse as riglyne vir transakies. Suid-Afrika se invoertariewe word ook gegrond op Amerika se gehalte en pryse vir mielies en koring. NUWE UITVOERLANDE Verskeie ander uitvoerders van graan en oliesade begin wêreldhandel oorheers. Hulle beïnvloed markpryse danksy hul oesgroottes en goeie weerstoestande. Dié nuwe uitvoerlande, soos Brasilië en Argentinië, lewer hul graan boonop goedkoper as Amerika. Dit geld ook mielies en koring uit die voormalige Russiese republieke…

Australië se Merinokudde verloor tans veld ten gunste van ander rasse. Dié land se nasionale Merino-ooikudde het laas jaar met 12% tot 26,8 miljoen stuks gedaal, terwyl ander rasse, wat dubbeldoelskape, soos Döhnes en Suid-Afrikaanse Vleismerino’s insluit, met 25% tot 12,5 miljoen stuks toegeneem het. Die Australiese buro van statistieke se data wys die totale nasionale skaapkudde het sedert 2011 op gemiddeld 73 miljoen stuks gestabiliseer. Voor dié jaar het die kudde teen ’n relatief snel tempo ingekrimp, namate ál meer boere hul klem van wolproduksie na gewasverbouing, die produksie van prima lamsvleis en ander sektore verskuif het. Meat and Livestock Australia sê die statistieke wys ook ’n styging in die aantal lammers wat jonger as ’n jaar is. Dié bedryfsorganisasie meen die betekenisvolle afname in Merino-teelooie is ’n duidelike…

Dit lyk of boere wat die voordeel wil benut van verminderde bewerking wat skyfplanters bied, gedwing gaan word om die ander beginsels van bewaringsboerdery – bedekking op die grond en wisselbou – ook nougeset te volg. Daar gaan immers nie gou landbouchemiese oplossings kom om onkruid te bestry nie. Mnr. Org Lötter, gebiedsbestuurder van die landbouchemiese maatskappy Bayer in die Swartland, sê dit is moeilik om een antwoord te gee wat vir alle skyfplanters en boerderytoestande geld. “Daar is geringe verskille tussen die verskillende skyfplanters wat betref die mate waartoe hulle die grond versteur. Dit sal ’n rol speel by die keuse van ’n chemiese middel of middels om onkruid mee te bestry. Boerderypraktyke speel ook ’n belangrike rol. Boere moet besef hulle kan nie probeer om die probleem net…

Aktiviste wat jare gelede ’n veldtog teen die dra van dierepelse gevoer het, het produsente van Swakara in Namibië en Suid-Afrika groot skade berokken. Mnr. Raimar von Hase sê boere in die suidelike helfte van Namibië en in die Noord-Kaap het gedurende die 1960’s en 1970’s groot welvaart in die pelsbedryf beleef. Aanvanklik het hulle met Karakoelskape geboer, maar later is ’n nuwe ras ontwikkel wat beter pelse lewer. Dit is as Swakara geregistreer. Daar was in ’n stadium ’n poging om Karakoele uit Suid-Afrika weg te hou om dit as ’n eksklusief Namibiese produk te behou, maar weens smokkelhandel was dit nie geslaag nie. Die skape het gevolglik ook vinnig in Suid-Afrika vermeerder. Op sy hoogtepunt was daar 5 miljoen Karakoele – 3 miljoen in Namibië en 2 miljoen…

PLAASINLIGTING LIGGING: Kaart: Swellendam,Wes-Kaap KORTOM ■ Een van die min vroue in Suid-Afrika wat trekkers en stropers bestuur, doen kontrakwerk by ’n boer in die Suid-Kaap. ■ Vir me. Elana Swart is dit ’n manier om nuwe vaardighede aan te leer en ’n inkomste te verdien. Vir die buurman by wie sy plant en oes, is sy ’n bykomende bestuurder in druk tye. As sy die trekker se GPS aanskakel en die planter in die klam grond laat sak, is me. Elana Swart die ene gemaklike konsentrasie. Sommer so in die ry kyk sy of die planter werk, maak ’n vinnige som om te verseker daar is genoeg kunsmis en brandstof in die tenks én kyk wat die skerm vir die digitale kamera in die saadtenk wys. Haar “kantoor” is…

Wanneer het die wildgogga jou gebyt? Tot tien jaar gelede was ek net ’n jagter, maar toe koop ek grond by en begin omtrent alle soorte vlakteen skaars wild teel. Ons het kampe gespan en was van die eerstes in die bedryf om diere passief te vang, pleks daarvan om hulle met ’n helikopter aan te jaag. Hoe wend jy jou vlaktewild aan? Ons het biltongjag gestaak, maar ons laat nog professionele jagte vir oorsese jagters toe wat trofeewild wil skiet. Ons het twee jagkampe en verblyfgeriewe. Is daar potensiaal om wildsvleis te bemark? Dis my volgende stap in dié bedryf. Ek wil ’n klompie boere bymekaarkry om ’n fabriek op te rig en wildsvleis ernstig begin bemark. Ek dink wildsvleis is onderskat en onderbenut. As ons die mark kan…

Beskryf jou onderneming in ’n neutedop. Die reservaat bied aan natuurkamerade die kans om deel te word van ’n pragtige natuurerfenis deur een hektaar grond in die Touwsberg-wild-en-natuurreservaat te besit. Mense kan hul drome van ’n Karoo-huisie en lieflike plaasstoep verwesenlik. Die reservaat is sover moontlik eko-vriendelik en gebruik sonenergie. Ons het ook vars bergwater. Hoe het jy aan die idee gekom? Ons het besef mense wil graag hul eie plasie hê, maar het nie noodwendig die tyd of kundigheid om dit te bestuur nie. Die ontwikkeling het tien jaar gelede begin. Ons wou ons liefde vir mense, die natuur en die Klein-Karoo vir ander wys. Die pas van die hedendaagse lewe versnel en mense herlaai hul batterye in die natuur. Touwsberg bied ’n seldsame geleentheid om die natuur in…

Deur Anina Roux & Samantha McKendrick © xword@xword.co.za Voltooi die rooster sodat elke ry dwars, elke kolom af en elke 3 x 3 kassie die nommers 1 tot 9 bevat. Dis al wat jy moet doen. Geen wiskunde is nodig nie. Die rooster is vol syfers, maar niks hoef bymekaargetel te word nie. Jy los die raaisel met logika en beredenering op. Lees meer by http://en.wikipedia.org/wik/Sudoku Oplossing Nr. 28 Skakel gerus vir Wilhelm Grutter +27 (83) 457 9372 | E-pos: wg@silobags.com | Web: www.silobags.com Jan Dreyer: Sel. +27 (83) 279 3211…

TAFELDRUIFBOERE kon die afgelope produksiejaar nie die rekordoes van 59,4 miljoen kartonhouers (van 4,5 kg) in 2014’ 15 verbeter nie. Die droogte en warm weer het die oes benadeel. Altesame 57,95 miljoen kartonhouers is teen einde April vanjaar geoes, sê mnr. Joseph Lombardt van die Tafeldruifprodusentevereniging (SATI). Van vanjaar se oes is amper 98% uitgevoer. Dit het gesorg dat tafeldruifboere, ongeag die kleiner oes, steeds ’n toename in hul verdienste kon aanteken. “ ’n Tekort aan druiwe op die internasionale mark het die prys van tafeldruiwe laat styg. Dit kon nie op ’n beter tyd gekom het nie, want talle boere moet kultivars en ou wingerde vervang. Boonop het produksiekoste heelwat gestyg,” sê hy. Die Europese Unie (EU), die grootste koper van SuidAfrikaanse tafeldruiwe, het in die afgelope jaar minder…

DIEvolgendeontledingvan grondverkopeinSuid-Afrika handeloordiegrondtransaksiesvirstukkegrondgroter as20hainKwaZulu-Natalen GautengvanApril2015tot Maart2016. InKwaZulu-Natal is306 transaksiesin15distrikte gesluitenaltesame81849ha teenR2,514miljardverhandel. Daarvanwas77(25%) transaksiesvankleur.Transaksiesvankleurisdiétussen individuewatniewitisnie, regeringsaankopeengrond watvirmunisipalegebiede bekomis.Uitdiétransaksiesis29035ha( 35,5%) teenR809miljoen(32,2%) verkoop. Agtdaarvanwas regeringsaankopevanlandbougrond, sesvirdorpsontwikkelingen62deurindividue. Altesame88( 29%)transaksies wasvirgrondgroteras300ha, 67(22%)virgrondvan50ha tot150haen108(35%) vir grondkleineras50ha. InGautengisinligtingin driedistriktesaamgevat.Daar wasaltesame491transaksies, waartydens162024 hateen R3,679miljardverhandelis. Daarvanwas41(8%)ooreenkomstevankleur. Diemeeste transaksies(59%)wasvir grondkleineras50ha,met 18%virgrondvan50hatot 150haen12%virgrondgroter as300ha. Statistieke vir ál die provinsies is op Landbou.com beskikbaar, asook meer besonderhede, soos wie die transaksies aangegaan het. Klik op Plaasverkope.…

DIEdroogteengroottekortaan voerisdiebelangriksteredevir diesywaartsebewegingvanwildpryse. Sommigewildsoorteis selfsheelwatgoedkopervergelekemetdiehoogtepuntesotwee jaargelede,sêmnr.JohannVosser, besturendedirekteurvan VleissentraalBosveldop Bela-Belawatjaarliksmeeras 70wildveilingsindienoordelike provinsiesaanbied. “Diebedryfisnoggesond, maardiedroogtehetdaartoegeleidattalleboerehulteeltroppe moesverklein.Koperswatself metdiedroogteworstel,siennie kansomdiewildtekoopenditdan teenhoëkostetevoernie.” OorkleurvariantesêVosserdie markhet’npuntbereikwaardie aanbodeninvloedvandiedroogtedievraagoortref.“ Vierjaar geledemoestelersvanweëdie skaarsheidhulhanddiepindie saksteekom’nteeltroptebegin. Noukomdaardieaanteelveeindie mark.Ditisdusniesoseer’ngeval datdaarnouvankleurvariante wegbeweegwordnie,maareerder ’nooraanbodindietyddatweidingsoskrapsis.” Vossersêbuffelsiseenvan dieminwildsoortewathulmarkwaardebehouaangesiendiegetallenoglaagis, daarverskeie protokolleiswatnagekommoet wordmethervestigingendit’n baiegesogtejagwaardehet. Hyverwagnie’noplewingindie markopkorttermynnie.…

JULIE LUTZVILLE 28-30, Skaapkampioenskap; Benede-Olifantsrivierperdekampioenskap. Perde, 083 398 0899. Stalletjies, 083 620 2294. E-pos: jeanetteafox@gmail.com. AUGUSTUS PRETORIA 5–9, (Streek, Gauteng: SA Boerperd). Petro Grové, sel 082 551 3221. BREDASDORP 20-21, Megapark-binnenshuise plesier, Ryperdskou. Mariska Marais, sel 072 535 8158. E-pos: megaeques traincentre@gmail.com. PRETORIA 24-28, Jakarandaskou. Pretoria. Beeste: Pinzgauer, PinZ2yl, Dexter, Simmentaler, Brahman, Afrikaner, Limousin, Braunvieh; perde: Arabier, Walliese Ponie, Miniatuurperd, Nooitgedachter, Fries, Appaloosa; pluimvee, sierduif; konyn, haas; Boerboel. Hester Ingamells, sel 082 691 3019, tel. 012 327 0371. SEPTEMBER MIDDELBURG 2-4, Hartland-landbouskou. Pienaardam, Middelburg. Karkaskompetisie, bulveiling, beesskou, perdespring en meer. Catrien, sel 079 882 5207. E-pos: accom3@pienaardamresort.co.za. PARYS 17-26, Alfa-week (beeste) Brahman. Afridome-skouterrein, Parys. Caroll-Ann Mienie, sel 079 477 4416. Web: www.afridome.co.za. TULBAGH 28 September-1 Oktober, Fries- en Saalperd-streekskou; Walliese Ponie Africa Golden Cup. Elsa Rix, sel 023 230 0189.…

Wanneer ek hoor hoe die grootmanne in die beesbedryf die Sussex in kruisteelprogramme met ander rooi beeste gebruik “om ’n bietjie vleis aan te sit”, weet ek die goeienuus-boodskap van hierdie ras vind tóg inslag. Dit is verblydend as ek sien hoeveel méér wit stertkwaste by voerkraalkalwers deurkom as in die verlede. Die wit stertkwaste kom tipies van Sussexkruise. Hou gerus dop hoe dié speenkalwers 20-30 kg swaarder is as die speenkalwers van ander rasse. ’n Vriend wat met verskillende beesrasse boer en baie ervaring het, sê daar is veral twee redes waarom jy ’n spesifieke ras sou verkies: ■ Jy boer met die ras waarvan jy hou. ■ Dit is lekker om jou met daardie telersgenootskap en sy lede te vereenselwig. Ek stem saam. Onthou net jy moet steeds…

Elke bees het sy plek, maar die Sussex is een van die maklikste beesrasse om mee te boer, sê mnr. Hansie Viljoen van Leeudoringstad in Noordwes. Hy was verlede jaar Landbouskrywers SA se Boer van die Jaar vir Noordwes. Hy boer al van 1987 af, onder meer op die plaas Cyferbult in dié omgewing. Hansie skryf sy sukses aan genade toe. Hy sê die feit dat sy drie seuns daar kan boer, spoor hom aan om met die boerdery aan te hou omdat hy op sy beurt die geleentheid van sy ouers gekry het om te kan boer. Hy het ’n groot voorliefde vir beeste en geniet veeboerdery. Hy bestuur tans ’n gediversifiseerde boerdery en meen die verskillende afdelings vul mekaar goed aan. Sy boerdery bestaan uit ’n graanafdeling, hoofsaaklik…

Harrismith in die Vrystaat is koue wêreld en as jy daar met beeste wil boer, moet hulle die uiterstes van dié omgewing kan hanteer. Dr. Stefan Fourie is ’n geesdriftige nuwe toetreder tot kommersiële beesboerdery. Vir hom lê die antwoord in ’n kruisteelprogram met ’n inheemse ras, soos die Nguni, en ’n Bos taurus-ras, soos die Sussex. Dié tandarts en mnr. Du Toit de Wet, sy vennoot in die boerdery, deel die afgelope vier jaar ’n Nguni-kudde. Daarvan is sowat 80 beeste Stefan s’n. Dit sluit sy Sussexbulle in. “Ons is baie tevrede met die Nguni’s se lae onderhoud. Hulle het min geboorteprobleme en siektes, maar ek het begin navorsing doen oor die waarde wat die Sussex tot ons kudde kan toevoeg,” sê Stefan. INSPIRASIE “Voordat ek op die Sussex…

Dit was iets wat René Stubbs, visionêre geenbewerkingsboer van Karkloof, daar in die prentjiemooi KwaZulu-Natalse Middeland, onlangs gesê het wat my aan die dink gesit het. Hy is deesdae voorsitter van Dairy Day, ’n nuwe boerekoöperasie wat deur die gesamentlike bemarking en verwerking van melk groter bedingingsmag vir boere wil bewerkstellig. “Uiteraard wil ons geld maak met ons boerderye én met Dairy Day,” het René in ’n onlangse onderhoud gesê. “Maar as ons doel bloot was om op kort termyn ’n hoër prys vir ons melk te kry, dink ek nie sou ons die onderneming aan die gang kon kry nie.” Daar is iets groots en optimisties aan ’n visie wat bereid is om pyn op kort termyn te verduur ten einde op die langer duur beter af te wees.…

DROOGTEHULP VAN R1 MILJARD VIR SA BOERE? R1 miljard se droogtehulpgeld is glo deur die Global Association of Billionaires and Millionaires (GABM) vir Suid-Afrikaanse boere ingesamel. Die groep sê hy het $70 miljoen, oftewel sowat R1 miljard, as droogtehulp vir Suid-Afrikaanse boere ingesamel. Daar is egter opskortende voorwaardes verbonde waarsonder dié geld nie beskikbaar gemaak sal word nie. Dit behels onder meer dat die Suid-Afrikaanse Regering teen die einde van die werksdag van 6 Julie vanjaar ’n amptelike brief van bevestiging aan die GABM moes verskaf. (Dit het intussen nie gebeur nie, en dit is onseker wat nou gaan gebeur.) MAGIEL JONES skryf: Baie dankie aan die skenkers. Hulp sal verwelkom word. FANIE BRINK skryf: Iets sê vir my dat Agri SA nie die hulp sonder sy voorwaardes wil aanvaar…

PLUIMVEEPRODUSENTE ding mee teen goedkoop ingevoerde pluimveeprodukte van ’n laer gehalte uit die Europese Unie (EU). Pluimveeprodukte word teen uiters mededingende pryse uit die EU (ook Brittanje) ingevoer. Die bedryf is besig om die Regering se guns te probeer wen ten einde groter tariefbeskerming te kry. Die EU-verbruiker verkies wit hoenderborsiesnitte. Die premie wat op wit hoenderborsievleis verdien word, stel die EU in staat om die rooi snitte met been in teen heelwat laer pryse uit te voer. Die meeste Suid-Afrikaanse verbruikers verkies dié snitte. Gevolglik is die Suid-Afrikaanse mark die grootse uitvoermark vir rooi hoendersnitte uit die EU ( GRAFIEK 1 ). Suid-Afrika voer tot 57 000 ton hoendervleis per maand uit die EU in vergeleke met die jaarlikse kwota van 65 000 ton wat aan Amerika toegestaan is.…

ME. ANNELIZE Crosby, regs-enbeleidsraadgewer by Agri SA, sê dié organisasie aanvaar dat die Grondwet billike en regverdige vergoeding voorskryf en dat markwaarde nie die enigste faktor is nie. “Markwaarde is egter die enigste maklik vasstelbare faktor waarmee ’n mens redelik objektief ’n waarde kan bepaal. Ons stem saam met regter Antonie Gildenhuys dat markwaarde die vertrekpunt moet wees. “Dit is egter belangrik om te onthou dat grondhervorming in nasionale belang is en dat alle belastingbetalers daaraan moet help betaal. Dit sal nie regverdig wees om individue te penaliseer en die finansiële las van grondhervorming net op individue te plaas wat ’n bepaalde beroep beoefen nie, in dié geval boere.” Crosby sê wat haar oor die uitspraak bekommer, is dat dit lyk asof die regter se standpunt is dat omdat die…

DIE hoendervleisprodusent Country Bird Holdings (CBH) wil sy mededinger Sovereign Food Investments koop om ’n onderneming te skep wat hul gesamentlike potensiaal in die mark beter kan ontsluit en koste kan spaar. Só sê mnr. Marthinus Stander, uitvoerende hoof van CBH, oor CBH se aanbod aan Sovereign op 4 Julie. As dit slaag, sal die groter maatskappy volgens hom ’n sterk status in die bedryf hê – die derde grootste in die land – en sowat 2,5 miljoen hoenders per week slag, teenoor Rainbow se 4,4 miljoen en Astral se 5 miljoen. “Wanneer albei partye se beste markte en klante saamgevoeg word, sal die gesamentlike produkmandjie standhoudender en winsgewender wees. Dit sal volhoubaarheid nou en in die toekomstige moeilike tye in die bedryf aansienlik verbeter en help om koste te…

DIE PRYSE van kleurvariante het nou goed gestabiliseer en dit lyk of die pryse effens beter is as wat dit twee maande gelede was, het mnr. Lood Bester van Wildswinkel na afloop van die Golden Breeders-wildveiling by Castle de Wildt op Modimolle gesê. Met ’n totale omset van R34 506 000 het dié telersgroep, wat hulle hoofsaaklik op kleurvariante toespits, gewys daar is nog skop in die kleurwildmark. Die goue wildebeesbul Othello, met horings van 29”, is teen R1,3 miljoen deur dr. Peter Oberem van die Dabchick-natuurreservaat opgeraap. Die goue bul Atlas het R600 000 behaal. Goue gespletegeen-wildebeeskoeie het tot R500 000 behaal en deelgeen-verse wat dragtig is van ’n goue koningswildebeesbul R800 000. Een gespletegeen-koei met ’n koningskalf is teen R900 000 verkoop. Daar was ook gesonde belangstelling in…

DIE Nasionale Landboubemarkingsraad (NLBR) hoop dat ’n nuwe voerkraal in die Dutywastreek as grondslag kan dien vir veeboere wat in dié afgeleë voormalige tuislandgebied meer professioneel wil raak. Die voerkraal, naby die dorpie Sundwane 30 km noordoos van Dutywa, is teen R1,9 miljoen deur die Departement van Landbou, Bosbou en Visserye opgerig, en kan altesaam 500 diere aanhou. Die NLBR het die gerief onlangs aan boere oorhandig. “Met die voerkraal wil ons boere help om ontslae te raak van ou en onproduktiewe diere en ook jong mense in veekunde oplei,” sê dr. Xolile Ngetu, voorsitter van die Nasionale Rooivleis-ontwikkelingsprogram. “Ons wil ook hê die voerkraal moet as bemarkingskanaal tussen die boere en die formele mark dien.” Hy hoop dat die ontwikkelingsprogram vanjaar kursusse in kunsmatige inseminasie en tussenrasteling sal aanbied.…

Die olie in dadelpitte kan gebruik word om ’n hardnekkige gifstof uit besmette water of grond vas te vang om só daarvan ontslae te raak. Dioksien, oftewel 2,3,7,8-tetraklorodibenso-paradioksien, is ’n besoedelende stof met ’n lang nawerking. Dit kan probleme met reproduksie en ontwikkeling, asook kanker by mense veroorsaak en hul immuunstelsels beskadig. Dioksien is ’n ongewenste neweproduk van nywerhede, soos prosesse waardeur papierpulp gebleik word en die vervaardiging van sekere onkruid- en plaagdoders. Natuurlike prosesse, soos vulkaniese uitbarstings en bosbrande, kan dit egter ook vrystel. Dioksien kom wêreldwyd voor. Hoë vlakke daarvan kan in sekere grond, afsettings en kos, veral suiwelprodukte, asook vleis, vis en skulpvis voorkom. Daar is baie lae vlakke daarvan in plante, water en die lug. Volgens die Britse tydskrif The Economist het dr. Abdulsamie Hanano, ’n…

KORTOM ■ Die vraag na keurwyn het baie gestyg. ■ Die toewyding van die selfopgeleide wingerdboukundige Rosa Kruger het aanleiding gegee tot dié oplewing. ■ In Suid-Afrika kos die duurste wyn (R2 500) 100 keer meer as die goedkoopste wyn op die rak; in Amerika is dit 2 000 keer duurder en in Frankryk 10 000 keer duurder. Voorheen het die wynhandelaar Wine Cellar tot 95% van die keurwyne (fine wines) wat hy aanlyn van die hand sit, ingevoer, maar die afgelope ses jaar het dié syfer gedaal tot net 40%. “Dit het hoofsaaklik te doen met die verswakking van die Suid-Afrikaanse rand, maar is ook danksy ’n toename in ware Suid-Afrikaanse keurwyne,” het mnr. Roland Peens, direkteur van Wine Cellar, op die jaarlikse Suid-Afrikaanse Wingerd- en Wynforum dag op…

KORTOM ■ Hou fyn dop watter diere die droogte die beste kon deurstaan en bou voort op dié seleksiemaatstawwe. ■ ’n Vleisbeeskoei wat op natuurlike weiding kan oorleef en elke jaar ’n kalf speen wat 45-50% van haar gewig weeg, moet die doelwit wees. Man, die droogte het ons oë, ore en verstand weer oopgemaak. Hopelik dié keer vir altyd. Ek het ’n vriend, Joe Marais, wat altyd sê ons skrik net nie groot genoeg nie. Baie rokers hou ná ’n hartaanval op rook, en dan twee, drie maande later, wanneer hy of sy beter voel, sien jy hom of haar weer met ’n sigaret in die mond. Dit is ’n bewys daarvan dat ons baie keer nie groot genoeg skrik nie. Ek hoop nie ons gaan ná die droogte…

PLAASINLIGTING LIGGING: Molteno, Oos-Kaap NAAM: WillowNook GROOTTE: 1 200ha TIPE VELD:Suurveld BOERDERYVERTAKKINGS: Merino’s(350ooie)enkommersiële Sussexbeeste(150) GEMIDDELDE REËNVAL: 550 mmperjaar Vraenigebeesboer wat die grootste frustrasie is as beeste gedoseer en gebrandmerk moet word, en sy antwoord is waarskynlik “ ’n vrot drukgang”. Verskuifbaarheid en koste is ’n probleem, want ’n drukgang van spoorstawe en kreosootpale is duur. En as daar wél ’n goeie drukgang op die plaas is, is dit nie altyd naby die kampe waar beeste wei nie. Mnr. Phillip Darke (50) van Willow Nook in die distrik Molteno het albei probleme oorkom deur ’n verskuifbare drukgang te prakseer wat net uit vyf hekke en ’n nekklamp bestaan. Phillip, wat met sowat 150 Sussex-beeste en 350 Merino’s boer, sê aangesien hy net een werker op die plaas het en hy self…

1 Senior grootkampioenhings, Shani Commander. Eienaars: Mnr. Danie en me. Alta Alberts (sel 076 351 7196), Morocco-stoetery, Philippi. Vertoner: Mnr. Abdullah Davids. 2 Senior grootkampioenmerrie, Morocco Barbie Girl. Eienaar: Mnr. Abdullah Davids (sel 082 957 2502), Morocco-stoetery, Philippi. Vertoner: Mnr. Riad Davids. 3 Senior grootkampioen in die enkeltuig, Morocco Masterpiece. Eienaars: Mnr. Abdullah Davids (ook die vertoner), asook mnr. Danie en me. Alta Alberts, Morocco-stoetery, Philippi. 4 Senior grootkampioene in die dubbeltuig, Zelnic Big Boy en Zelnic Rasco. Eienaar: Mnr. Nico Fourie (sel 083 274 2641), Zelnic-stoetery, Kimberley. Vertoner: Mnr. Japie Fourie. 5 Senior kampioenmerries in die dubbeltuig, Chri-Salta Nikita en Chri-Salta Carmen. Eienaar: Mnr. Chris Bredenkamp (sel 082 574 3167), Chri-Salta-stoetery, Bultfontein. Vertoner: Mnr. Sigaret Wittes. 6 Grootkampioen in die siertuig, Westerford Black Prince. Eienaars: O. Davids & Seuns…

Affie Plaas se begin, drie dekades gelede, was nederig – hulle het vrugte aan motoriste verkoop. Nou is dit ’n volwaardige padstal met handgemaakte produkte en vars kos. Almal ken die vriendelike, vrolike hooi-gesinnetjie wat vir motoriste glimlag kort voor jy Robertson van Worcester binnery – die helderkleurige poppe lok jou na Affie Plaas, een van die beste padstalle in die provinsie. Soms kan ’n padstal se voorspelbare aanbod teleurstellend wees, veral as jou sitvlak deurgesit is en karkrieket nie meer die kinders vermaak nie. By Affie Plaas kan jy egter sommer vergeet van die langpad wat voorlê, want tussen die stampvol rakke uitsoekprodukte en smulkos draai jy maklik te lank. Jou mond begin al water wanneer jy al knarsend oor die perskepitte nader stap, want die swart borde beloof…

GELOOF IN KLEIN PORSIES DS. KOBUS VAN DER WESTHUYZEN Verlede week het ons gesels oor geloof in twyfel. Vandag kyk ons na ’n verhaal uit Markus 9:14-29. ’n Pa met ’n kind wat ’n ernstige probleem het, kom na Christus om hopelik gehelp te word. Die kind het waarskynlik aan epilepsie gely. ’n Kind se probleem is gewoonlik ook die ouers se probleem. Die ongelukkige kind was vir etlike jare deel van die huishouding en daar was nie werklik hulp nie. Die moed was laag, maar steeds het hulle na elke strooihalm gegryp. Wie weet, dalk kon dié man, Jesus, hulle help. Wie nie waag nie, kan nie wen nie. Die pa nader vir Jesus met hierdie gesindheid: Voortstrompel in verwagting. Stel jou die toneeltjie voor: ’n Siek kind en…

DWARS 1. Debakel (6) 4. Visvang (6) 8. Al (5) 9. Moslem-geestelike (4) 10. Plek van oorsprong (8) 13. Handgeweefde tapyt (5) 15. Streng logies (5) 18. Spysvertering (8) 19. Met lug vul (4) 22. Skouerdoek (5) 23. Hottentotsgot (6) 24. Weeklaag (6) AF 1. Pienk kleurige watervoël (7) 2. Bitter medisyne (5) 3. Varswatervis (4) 5. Vetplantagtige struikie (7) 6. Kaartjieskantoor (5) 7. Barlewiet (5) 11. Ovum (4) 12. Profeet (4) 14. Hoenderras (7) 16. Gesnyde bokram (7) 17. Oosterse gereg (5) 18. Mymer (5) 20. Sterf (5) 21. Grassoort (4) OPLOSSING DWARS: 1. Fiasko; 4. Hengel; 8. Reeds; 9. Imam; 10. Bakermat; 13. Kelim; 15. Eksak; 18. Digestie; 19. Pomp; 22. Sjaal; 23. Mantis; 24. Jammer. AF: 1. Flamink; 2. Amara; 3. Karp; 5. Gansmis; 6. Loket; 7.…

Anton Momberg, bekende beeldhouer, gaan vanjaar deur die Vroue-landbouvereniging van Kaapland (VLVK) vir sy bydrae tot die Suid-Afrikaanse kunslandskap vereer word. Momberg is veral bekend vir sy naakte beelde van vroue. Die eerbewys sal op die VLVK se 87ste kongres op 27 en 28 Julie in Port Elizabeth oorhandig word. Bekendes, soos Annelie Botes, bekroonde skrywer, mnr. Bennie Bekker van die onderneming Marina Seesout en Karel Leerink, ’n modekenner, sal die sowat 300 afgevaardigdes toespreek. Die inskrywings van deelnemers aan die masjien-, borduur-, hekel-, brei-, weefwerk-, fotografie-, woorden skilderkuns-kompetisie sal te sien wees. Die produkte van die wenners sal ná die kongres in die Tekstielmuseum op Stellenbosch uitgestal word.…

DIE Flower Valley-bewaringstrust, ’n organisasie wat in die openbare belang in die Kaapse Blommeryk werk, verseker dat wilde fynbos kommersieel benut word op maniere wat bewaring aanmoedig en ekonomiese bemagtiging én maatskaplike ontwikkeling op volhoubare wyse bevorder. Volgens hul webwerf www.flowervalley.org.za is ’n “gereedskapskas” vol programme ontwikkel om die volhoubare oes van veld-fynbosblomme te bevorder. Deur met ander volhoubare verskaffers van fynbos, grondgebruikers, private ondernemings en plaaslike gemeenskappe saam te werk, het hulle die ekonomiese voordele van biodiversiteit wat volhoubaar bestuur en geoes word, getoets. Die “gereedskapskas” sluit kodes vir volhoubare oes- en pakhuispraktyke in, ’n oorsiglys om te help dat fynbosplukkers aan die kode voldoen, asook ’n kwesbaarheidsindeks om te verseker dat bedreigde fynbosspesies nie gepluk word nie. Die kwesbaarheidsindeks word bygewerk namate fynbosspesies se bewaringstatus verander. Die “gereedskapskas”…

BOEREDAE 27 JULIE: Dr.JasperCoetzee: Nuwebeginselsinpresisie-skaapboerdery. Noord-VrystaatSAVM, RooiSkool,Kroonstad.NelinePienaar, sel0824404492. E-pos: Bennieneline@eleo.co.za.Ofsel 0832792375,082 440 4492. 29-30 JULIE: AgriWorks-landbou-ekspo, Trimpark, Potchefstroom. CADEK-media, tel. 021 854 4700. Web: www.agriworks.co.za. E-pos: info@cadek.co.za. GELDINSAMELING 26 JULIE: Veiling van uitsoekwyn by Beyerskloof, Stellenbosch, ten bate van die Elsenburg- finalejaarwynboustudente se oorsese toer. Lorraine Geldenhuys. E-pos: lorraing@elsenburg.com. KONGRESSE 7 SEPTEMBER: TLUSA, algemene jaarkongres.Tema:Kommersiëlelandbou– diesleuteltotstabiliteit. WNNR-konferensiesentrum, Pretoria.LynneKaiser,tel.012804 8031.E-pos:media@tlu.co.za. KURSUSSE 19 JULIE: Ooi/lam.Bloemfontein. PeterMilton,sel0836308868. 20 JULIE: Winsgewende Boerbokboerdery. Potchefstroom. Johan Steyn, sel 072 594 4626. Web: www.boerbokke.co.za. 20 JULIE: Skaapvoerkraal. Bloemfontein. Peter Milton, sel 083 630 8868. 20-21 JULIE: Voedingsbestuur. Krugersdorp. Di Rothman, sel 082 772 1208; Andy, sel 082 770 0480; Lilly, sel 078 546 7985. Web: www.rltsafrica.com. 21 JULIE: Stoetteling. Bloemfontein. Peter, sel 083 630 8868. 22 JULIE: Microsoft: Die verstaan en gebruik vir bestuur. Bloemfontein. Peter Milton,…

KATINKA, VS, SKRYF: Manie, ek is ’n 68-jarige weduwee, 1,46 m, 64 kg, met bruin oë en hare. Ek hou van stap, die plaaslewe, diere en die natuur. Ek hou ook van sport en musiek – countrymusiek is my voorkeur. Ek geniet goeie gesondheid en behoort tot die NGK. Ek rook nie, maar geniet so af en toe ’n drankie. Ek sal graag van mans, 65 en ouer, wat die lewe nog geniet, wil hoor. LOSLAPPIE, N.KP 35 -ja r ige ma n, nooit getroud, selfonderhoudend, 1,72 m, 74 kg, met groen oë en bruin hare. NGK. Hou van die buitelewe, visvang, braai, musiek en alles wat lekker is om te doen. Verlang vroue, 24 tot 38, wat eerlik en opreg is en wat haarself is. BABESIE, NAMIBIË: Hou van…

Die basterkrag wat die Sussex in kruisteling met inheemse beesrasse toon, is reeds in die 1960’s op die plaas Clarenz, tussen Reitz en Kestell, ontsluit. Die gekombineerde voordele van albei rasse is goud werd vir dié kommersiële kudde. Vandag bou die derde geslag met groot sukses voort op die “huwelik” tussen die inheemse Afrikaner en die Engelse Sussexras. Die plaas behoort aan mnr. Nico Kriek. Sy broer, Johan, wat self voorheen geboer het, is sy kuddebestuurder. Die boerdery sluit ’n Dohne-Merinokudde en saaiery in. Hulle verbou ook voergewasse waar Nico stoorlammers en -beeste afrond. “Ons is ten volle ingestel op kommersiële vleisproduksie en probeer om ons vee so doeltreffend moontlik aan te hou. Ons spits ons grootliks toe op speenkalfproduksie met die 430 koeie in die kudde,” sê Nico. STAAN…