Landbouweekblad 22-Jul-16

WEGHOLPERD ’n Bakkie, vyf motorfietse en ’n helikopter is ingespan om ‘n wegholperd by die afgelope Fauresmith-uithourit te soek. Die ruiter, Hendri van Wyk van Rouxville, het skaars 15 km voor dié 204 kmrit se eindstreep van sy 6-jarige Arabierkruising, Shadow, afgeval. Shadow het die Sandymount-natuurreservaat ingevaar. Hendri en Shadow was in daardie stadium sewende in die swaargewig-afdeling. Shadow is die volgende oggend opgespoor. Volgens die ritmeester, mnr. Sakkie Olivier, het verrigtinge andersins vlot verloop.Sien ook bl. 24. VLEISVERWARRING Omstrede nuwe invoerregulasies vir vleis wat uit veral die Namibiese vleisbedryf woedende reaksie ontlok het, is voorlopig teruggetrek ná samesprekings tussen die bedryf en die Suid-Afrikaanse Departement van Landbou, Bosbou en Visserye. Dr. Mpho Maya, verantwoordelike direkteur, het gesê die bedryf kan kommentaar lewer in ’n nuwe konsultasieproses. Daar word reeds…

4,2% Internasionale voedselkommoditeitspryse het in Junie met 4,2% gestyg, die grootste maandelikse styging in die afgelope vier jaar. Die prysindeks is wel een persent laer as in Junie verlede jaar, met pryse wat vir die vyfde agtereenvolgende maand to dusver gestyg het. Die suikerprys-indeks het die skerpste met 14,8% gestyg weens swaar reën in Brasilië. – Bizcommunity 39 684 118 ton China het verlede jaar ongeveer 39 684 118 ton appels geoes – net minder as die 41 139 903 ton wat die res van die wêreld saam oes. Die naasgrootste produsent is Amerika met 40 81 608 ton – ongeveer ’n tiende van China se produksie. Suid-Afrika is die wêreld se 16de grootste appeluitvoerder en die vierde grootste in die Suidelike Halfrond. – Hortgro 24,8% Trekkerverkope het sedert Junie…

‘LAAT EK VERDUIDELIK’: Jack du Toit (5) van Middelburg (OosKaap) was die jongste deelnemer aan die plakkaatsessie op die Weidingsvereniging van SuiderAfrika se 51ste konferensie op Wildernis. Hier vertel hy aan me. Nekulilo Uunona (middel) en mnr. Nabot Mbeeli, albei studente van Namibië, watter plaasdiere in droogte vars populierblare (skape, varke en perde) en droë populierblare (beeste en springbokke) sal vreet. Kalwers en hoenders het nie juis belang gestel nie. Jack se broer, Max (8), het ook ’n plakkaat gemaak. Max en Jack se ouers is mnr. Justin du Toit, spesialiswetenskaplike by die departement van landbou, bosbou en visserye op Middelburg, en me. Freyni du Toit, organiseerder van die konferensie.…

In ’n hoofberig lewer die Business Day kommentaar op die Tesourie se onlangse beleidsdokument oor die voorgestelde suikerbelasting op koeldrank wat minister Pravin Gordhan in sy begrotingstoespraak in Februarie aangekondig het. Die teorie is dat daardie belasting inkomste uit ’n nuwe bron sal inbring maar ook die koste van epidemiese vlakke van vetsug en diabetes op die Suid-Afrikaanse openbare gesondheidstelsel sal verlig. Die dokument haal internasionale bewyse aan dat ’n belastingkoers van 20% die verbruik van koeldranke, soos Coca-Cola en Pepsi, sal inperk. Business Day reken die gevolge van so ’n drastiese prysverhoging in koeldranke kan onbedoelde gevolge hê, soos werksverliese, swakker wins en belegging in die bedryf. Die koerant is ook krities oor die voorstel slegs geld vir suikerversoete koeldranke – en nie vir sap wat met vrugtekonsentraat versoet…

Ons was nooit onder die indruk dat ons oornag skatryk gaan word nie,” MNR. STUART MACKENZIE, stigter van Dairy Day. – Bl. 16 ‘Só ’n benadering sou ook perverse aansporings vir grondeienaars skep om die potensiële waarde van hul grond kunsmatig te verhoog’ WAARNEMENDE REGTER TEMBEKA NGCUKAITOBI, oor die vergoeding wat die Staat in grondeise behoort te betaal. – Bl. 16 ‘ ’n Agripark is niks anders as ’n plaas nie, en dit maak geen sin om in elke distrik ’n produktemark en duisende rande se onnodige infrastruktuur te skep . . . net omdat ’n mens nou ‘n plaas iets anders noem nie.’ MNR. CHARLES ROSSOUW, boer van Mpumalanga. – Bl. 23 ‘Dit plaas hulle in ’n posisie waar hulle nie langtermynbeplanning kan doen nie.’ MNR. WANDILE SIHLOBO, ekonoom…

Dit was iets wat René Stubbs, visionêre geenbewerkingsboer van Karkloof, daar in die prentjiemooi KwaZulu-Natalse Middeland, onlangs gesê het wat my aan die dink gesit het. Hy is deesdae voorsitter van Dairy Day, ’n nuwe boerekoöperasie wat deur die gesamentlike bemarking en verwerking van melk groter bedingingsmag vir boere wil bewerkstellig. “Uiteraard wil ons geld maak met ons boerderye én met Dairy Day,” het René in ’n onlangse onderhoud gesê. “Maar as ons doel bloot was om op kort termyn ’n hoër prys vir ons melk te kry, dink ek nie sou ons die onderneming aan die gang kon kry nie.” Daar is iets groots en optimisties aan ’n visie wat bereid is om pyn op kort termyn te verduur ten einde op die langer duur beter af te wees.…