Innholdsfortegnelse for 17-Jun-16 i Landbouweekblad

Werkers behoort nie te betaal vir die krisis waarin die kapitalisme hom bevind nie. Base moet saam met Numsa werk om ekonomiese groei te stimuleer, om bestaande vervaardigingskapasiteit te verdedig en nuwe werk te skep, skryf mnr. Irvin Jim, sekretaris-generaal van Numsa. As werkgewers die kollektiewe bedinging verydel, moet hulle weet ons sal geen ander keuse hê nie as om terug te gaan na ons wortels. In die 1980’s en 1990’s het die afdanking van ’n werknemer aanleiding gegee tot ’n staking in solidariteit. As ons dus ’n staking wil inisieer, sal ons voortgaan soos ons destyds gedoen het deur 48 uur kennis gee sonder om toe te laat dat burokratiese prosesse by Nedlac ons terughou. Numsa vier die hofoorwinning teen die Vryemarkstigting en werkgewers wat probeer om gesentraliseerde kollektiewe…

ARTIKELS & RUBRIEKE ■ Kanola staan sy plek vol as kontantgewas ■ Bekamp hitte, duur voer vir billike wins ■ Nampo: Blinknuwe stropers vertoon ■ Zuurfontein se drie praktiese boereplanne ■ Informele mark is slapende reus GESIN ■ Die Hantam-Karoo se korbeelhuise SPESIAAL ■ Buitelewe, Dierevoeding GRAAN MetElNiñoopsyfelstehetmnr.HandréSchoemanvanIdaindie Noordoos-Kaapdiéproduksiejaarmielieslanknádieaanbevole sperdatumgeplant. Nou,vyfmaandelater,wink’noeswatverledejaar s’nkanoortref. Eenvansygrootstelesseisdatminimumbewerking koningin’ndroogteis.…

INDIEN die handelsliberalisering (die afskaffing van invoertariewe) van goedere plaasvind, moet dit ook deurgevoer word na arbeid, anders wag werkloosheid om die draai. Mnr. Peter Draper, besturende direkteur van TUTWA Consulting, het op die Agbiz-kongres op Somerset-Wes gesê dié beleid moet konsekwent wees. Hy sê dit is in meeste lande gewoonlik die produsente wat die koste van handelsliberalisering moet dra. “Met die pluimvee-kwessie was daar arm verbruikers in townships en landelike gebiede en baie werklose mense wat toegang tot goedkoper hoendervleis gekry het, maar dit was ten koste van die produsente,” sê hy. Die pluimvee-kwessie verwys na Amerika se aandrang dat Suid-Afrika sy teenstortingsheffings op bevrore hoenderstukke uit Amerika moet laat vaar voordat Suid-Afrika voordele kragtens die hersiene wet op groei en geleenthede in Afrika (Agoa) kry. Die eerste Amerikaanse…

AGRI SA se droogterampfonds deel onverpoos hulp uit in droogtegeteisterde gemeenskappe, maar die nood bly druk. “Die skenkings gee die boere hoop, al gaan dit nie baie ver nie. Dit gaan nie noodwendig hul probleme oplos nie, maar hulle sien mense gee vir hulle om en dan skep hulle weer moed.” sê mnr. Doug Stern, voorsitter van Agri Oos-Kaap, oor skenkings wat aan opkomende boere van Lady Grey gemaak is. Mense van die Joe Gqaba-streek in die noordooste van die provinsie kry veral swaar omdat daardie gebied ook einde verlede jaar onder hewige veldbrande deurgeloop het. Volgens mnr. Henk van Wyk, voorsitter van Agri Noord-Kaap, het geen regeringshulp al die boere van Namakwaland, wat as rampgebied verklaar is, bereik nie. “Dit is nie net ’n droogte nie, maar ook ’n…

DIT is uiters belangrik dat die rooivleisbedryf meer verbruikersgeoriënteerd word en ’n meer bevredigende klassifikasiestelsel oorweeg, sê dr. Michael Bradfield, organiseerder van die Vleisbeesskool wat later vanjaar by Aldam in die Vrystaat gehou word. Verskeie kenners gaan op die Vleisbeesskool oor gradering en verbruikersbevrediging praat. “Daar is lankal ’n sterk gevoel dat die rooivleisbedryf homself kan bevorder deur beter in die verbruiker se behoefte te voorsien. Dalk is dit tyd om ’n klassifikasiestelsel sáám met ’n graderingstelsel te bedryf – soos die geval in Australië met ’n vleisstandaard wat veral op groot kettingwinkels van toepassing is. Suid-Afrika het net ’n klassifikasiestelsel wat karkasse volgens vet en ouderdom klassifiseer. Dit is ’n ope vraag of dit werklik in verbruikers se behoeftes voorsien,” sê hy. Hy sê Meat Standard Australia, die Australiese…

’N Kundige sal binnekort in Pretoria by die Departement van Landbou, Bosbou en Visserye op die salarisrekening van die bedryfsorganisasie FruitSA aangestel word om aan uitvoerkwessies aandag te gee. Dít wys hoe sterk die vennootskapsgees tussen die varsvrugtebedryf en die staat al ontwikkel het. “Ons as die vrugtebedryf het besef ons sal met die Regering moet saamwerk as ons marktoegang wil bevorder,” sê dr. Konanani Liphadzi, uitvoerende hoof van FruitSA. “Ons weet die departement het probleme ten opsigte van menslike hulpbronne, wat die ontsluiting en handhawing van sommige markte vir ons vrugte belemmer. Weens besparingsmaatreëls kan die departement nie nóg personeel aanstel of mense rondskuif nie. Dis hoekom ons ons hulp aangebied het. “Dié soort vennootskap is wat die Suid-Afrikaanse ekonomie nou nodig het. “As ’n bedryf kan ons nie…

DIE sitrusbedryf behoort vanjaar goed te vaar. Sitrus word byna heel jaar lank gelewer – van sagtesitrus vroeg in Februarie tot lemoene in November. Die verwagting is inderwaarheid dat sitrusproduksie binne vyf jaar tot 130 miljoen kartonhouers kan styg (sien die GRAFIEKE ) en binne die volgende 10 jaar tot 15 jaar tot 150 miljoen kartonhouers . Suid-Afrika voer ongeveer 75% van die Suidelike Halfrond se sitrus uit. Ons is wêreldwyd die belangrikste produsent van pomelo’s. Die verbouing van suurlemoene en sagtesitrussoorte brei wêreldwyd uit danksy goeie pryse. Daar is ook ’n toenemende bewustheid van sitrus se bydrae tot gesondheid. DROOGTE Sitrusproduksie het wel die afgelope jaar onder die droogte se invloed deurgeloop. Weens die warm weer word verwag dat die nasionale oesopbrengs van sitrus vanjaar tot 111 miljoen kartonhouers…

Die nasionale genomika-projek vir vleisbeeste het binne sy eerste jaar veel meer sukses behaal as wat aanvanklik beoog is. Altesame 2 293 diere is sedert dié projek se aanvang in April 2015 gegenotipeer. Dr. John Becker, bestuurder van die Afrika-sentrum vir genetegnologie, sê hulle het verwag dié syfer gaan maar sowat 500 wees. Hy het die vleisbeesbedryf op Stamboek se Elite-teeltsimposium in Bloemfontein geloof vir sy oorweldigende steun aan die projek. Veral die Bonsmara-ras het ’n betekenisvolle bydrae gelewer. Die projek is ’n samewerking-inisiatief tussen die vleisbeesbedryf en die Regering. SA Stamboek en die Lewendehawe Registrerende Federasie (LRF) neem daaraan deel. Dit mik om bestaande BLUP-teelwaardes met genomiese data te verryk. Die nasionale tegnologie-innoveringsagentskap (TIA) verskaf amper R30 miljoen se finansiering. Die geld word oor ’n tydperk van drie jaar,…

Die uitvoer van lewende hawe en teelmateriaal is in 2011 gestaak ná die uitbreking van bek-en-klouseer in Suid-Afrika, wat die plaaslike veebedryf verlam het. Die Nasionale Landboubemarkingsraad het die daaropvolgende verlies aan landbouinkomste op R4 miljard geraam. Hoewel die verbod op die uitvoer van lewende hawe na die Europese Unie ingestel is, het ander lande, soos Australië, ook gevolg. Mnr. Attie Westraad, rasdirekteur van die Dorper-skaaptelersgenootskap van Suid-Afrika, sê dieregesondheidsvereistes van die Australiese owerheid is van die strengste ter wêreld. “Suid-Afrika het wel daaraan voldoen. Tans is die Australiese staatsdepartemente nie heeltemal oortuig daarvan dat Suid-Afrika se siektestatus intussen herstel is nie. Dit is ondanks die verklaring deur die internasionale organisasie vir dieregesondheid (OIE) vroeër dat Suid-Afrika bek-en-klouseervry is,” sê hy. Attie glo binnelandse druk van Australiese telers kan daartoe…

Sy oorlede oupa aan vaderskant, na wie hy vernoem is, was ’n stoere Merinoboer, sê mnr. Zeiss Jordaan. Vandag loop daar net Dohne-Merino’s op Zuurfontein. Die stoetery is 23 jaar gelede deur sy pa begin. Dink hy nie sy oupa sal in sy graf omdraai nie? Destyds het Merinotelers maar min goeie woorde vir die Dohne gehad . . . Zeiss lag. “Nee wat, ek dink Oupa sou trots gewees het.” En hoekom nie? Op vanjaar se veiling in Februarie, waar kopers van die Oos- en Suid-Kaap en die Vrystaat opgedaag het, kon Zeiss al 64 ramme wat aangebied is, teen gemiddeld R8 400 stuk verkoop. Dit was R1 200 meer as op die vorige veiling. Hy skeer op 12 maande gemiddeld 4 kg wol, met ’n gemiddelde veseldeursnee van…

WEN R1 000 MET JOU BOEREPLAN! BOER MET ’N PLAN Nog ’n inskrywing in ons kompetisie vir boere-planne en -patente wat werk. ’n Wenner word elke maand aangewys en hy of sy wen ’n kontantprys van R1 000. PLAASINLIGTING LIGGING: Riversdal, Wes-Kaap NAAM: UitkykenKlipdrif GROOTTE: 1400ha EIENAARSKAP: Geldiaan-trust VERTAKKINGS: Skape(Merino’senDormers)en graan(koring,hawer,korogenkoljander) GRONDTIPE VELDTIPE: Baiesanderigtot gruisleem,metafvalkloweenkliprantebedekmet renosterbos,peperbos,oulandsgrasenriet GEMIDDELDE REËNVAL:450mmperjaar KORTOM ■ Dié eenvoudige dipstelsel kan deur drie of vier mense bedryf word en tot 1 000 skape kan per uur gedip word. ■ Dit is doeltreffend en gebruikersvriendelik en geen skaap het nog seergekry nie. Die dipproses gaan met feitlik geen stres vir die dier gepaard nie. ■ Die dipstelsel is met ou materiaal op die plaas gebou. Sement en sand om die betondipkanaal te bou is al wat aangekoop moes…

Paul Truter Boer: Koring, kanola, weiding, wyndruiwe, skape, Angusse Eerste indruk “Vir my is hy nie lelik nie. Hy lyk stewig, bulky.” Die kajuit “Hy sit baie lekker. Die kopruimte is 100%. Ek hou van die klein voorruit – dis minder son wat jou bak. Binne-in lyk hy goed, behalwe die aanboord-rekenaar, wat lyk of dit net opgeplak is. Die hoeter klink maar Japannees! “Die Bluetooth is darem baie lekker vir ’n boer. ’n Kar kan nie meer sonder dit nie.” Op die grondpad “Hy’s baie stabiel en sag deur die knikke. Die ou Hiluxe was nie so nie. Ons ou harde-as-Hilux se bynaam was Massaging parlour.” In die veld “Hy het lekker torque. Ek het aspris in eerste en tweede teen die opdraandesgaanstilhoumethom – die wringkrag en vastrapbeheer werk…

BOETIEK-JENEWER BY BLAAUWKLIPPEN verras dié Stellenbosse landgoed met ’n nuwe produk, of dit nou Zinfandel, grappa of vonkelwyn is. Dié keer betree hy die jenewermark, iets wat saam met vlytbier ál gewilder in SuidAfrika raak. Blaauwklippen se Triple Three Gin word by die landgoeddistilleerdery in ’n koperkolompotketel gestook. Dit is 100% handgemaakte jenewer in drie geure: sitrus (waarvoor sonryp lemoene van die OosKaap en organiese suurlemoene uit Stellenbosch gebruik word), botaniese geure (met onder meer gedroogde boegoe en rooibostee) en jenewerbessie. Dit smaak op sy beste met ’n bietjie ys (vir die brawes), maar Rolf Zeitvogel, besturende direkteur, raai ’n mens aan om dit met ’n skeut kinawater met ’n lae suikerinhoud te geniet sodat die suiker nie die jenewer se smaak oorheers nie. Prys: R300 per 750 mlbottel HONDERD…

As kenners en spesialiste in die afslaersbedryf lê Clive Gardner Afslaers graag die ekstra myl vir sy kliënte af. “Ons toewyding aan puik kliëntediens is die dryfveer agter ons daaglikse sakebesluite en ons handhaaf die hoogste standaarde,” sê mnr. Hendrik Nel van Clive Gardner Afslaers. “Ons adverteer veilings op ’n baie hoë vlak. Ons prestasierekord sluit ’n wye verskeiden heid veilings in wat suksesvol uitgevoer is. Kyk gerus na die groot databasis van suksesvolle veilings op ons webwerf by www.plase.co.za.” Danksy Clive Gardner Afslaers se sukses is die maatskappy die keuse van vooraanstaande boere. Die maatskappy behartig oral in SuidAfrika veilings en verkope. Dit sluit ook veilings in wat namens groot name in die bedryf uitgevoer word. “Ons doen sake met voor aanstaande boere, soos mnre. Jan le Roux, Boetie…

Deur Anina Roux & Samantha McKendrick © xword@xword.co.za Voltooi die rooster sodat elke ry dwars, elke kolom af en elke 3 x 3 kassie die nommers 1 tot 9 bevat. Dis al wat jy moet doen. Geen wiskunde is nodig nie. Die rooster is vol syfers, maar niks hoef bymekaargetel te word nie. Jy los die raaisel met logika en beredenering op. Lees meer by http://en.wikipedia.org/wik/Sudoku Oplossing Nr. 23 Skakel gerus vir Wilhelm Grutter +27 (83) 457 9372 | E-pos: wg@silobags.com | Web: www.silobags.com Jan Dreyer: Sel. +27 (83) 279 3211…

DIE nie-regeringsorganisasie wat die staat al jare lank met hofstappe probeer dwing om aan huurarbeiders se grondeise aandag te gee, is versigtig optimisties dat die nodige wil nou uiteindelik by die Regering bestaan. Die Association for Rural Advancement (Afra) het die Grondeisehof in Randburg gevra om ’n spesiale meester aan te stel om toesig te hou dat die Departement van Landelike Ontwikkeling en Grondhervorming die sowat 20 000 uitstaande eise afhandel. Regter Seena Yacoob het egter op 17 Mei beslis die twee partye moet oor ’n memorandum van verstandhouding ooreenkom. Die departement moet ook ’n senior bestuurder aanstel. Me. Laurel Oettle, direkteur van Afra, sê die departement het aangedui hy is bereid om te praat oor hoe ’n nasionale program in werking gestel kan word om die eise af te…

BETER as verwagte opbrengste in die oostelike deel van die land se produksiegebied het meegebring dat die Oesskattingskomitee sy jongste raming van die nasionale sojaboon-oes met 5% verhoog het. Dié skatting is nou 728 650 ton. Dit is nogtans weens die rekord-droogte aansienlik minder as die 1,07 miljoen ton bone – die grootste Suid-Afrikaanse sojaboon-oes in die geskiedenis – wat verlede jaar afgehaal is. Plaaslike sojaboon-pryse het die afgelope twee maande konstant gestyg, vanaf R5 687/ton teen einde Maart tot R7 742/ton op 3 Junie. Dit was in pas met Amerikaanse en Argentynse uitvoerpariteitpryse se beweging. Graan SA verwag wel afwaartse druk op die internasionale sojaboon-mark op die lang termyn weens relatief groot opgehoopte voorrade. Die Internasionale Graanraad skat in sy jongste raming altesaam 320 miljoen ton sojabone kan in…

ONDANKSongunstigevoorspellingswatdieinvloedvanEl Niño-verskynselopdieproduksieveilingsvandieDohne-Merino indieherfsgaanwees,hetditbo verwagtinggoedgegaan.Opdie 18veilingswatsedertdiebegin vandiejaaraangebiedis,hetprysemetbykans8% verbetervergelekemetdieooreenstemmende tydperkverledejaar,sêdr.Kobus Delport,rasdirekteurvandiegenootskap. Diegemiddeldeprysvir1044 rammewasR8046stuk. Delport sêhoewelpryseopdieeerstedrie veilingsinJanuariewisselvallig was,sakeveranderhetnamate goeiereëngevalendiewolmark weensdieverswakkingvandie randskerpgestyghet. Vandieveilingswatuitstekendepryseopgelewerhet, wasdié vandiestoeteryeHencilDohnes opBarkly-OosenCruxDohnes opEdenburg.Oplaasgenoemde veilingisR50000vir’nrambetaalwatookdiehoogsteprysdie seisoenwas.DiestoeteryVlakkloof, Bredasdorp,hetdiehoogstegemiddeldeprysvanR9600 stukvir46rammebehaal. Dielenteverkooptydbeginvandeesmaand.“ Metkleinveewat skaarsraak,voortgesettegoeie wol-envleispryseen’nverwagtematigewinter, behoortdieopwaartseneigingvoortteduur,” sê Delport. NAVRAE: Dr. Kobus Delport , tel. 043 683 1330,e-pos:manager@dohnemerino.org.…

JUNIE PARYS 27 Junie–2 Julie, (Nasionaal: SA Boerperd) Afridome, Parys. Petro Grové, sel 082 551 3221; Caroll-Ann Mienie, sel 079 477 4416. Web: www.afridome.co.za. JULIE PARYS 6, Beefmaster, Caroll-Ann Mienie, sel 079 477 4416, Afridome-skouterrein. Web: www.afridome.co.za. 15-17, Boran. Caroll-Ann Mienie, sel 079 477 4416, Afridome-skouterrein, web: www.afridome.co.za. AUGUSTUS PRETORIA 5–9, (Streek, Gauteng: SA Boerperd) Petro Grové, sel 082 551 3221. BREDASDORP 20-21, Megapark-binnenshuise plesier, Ryperdskou. Mariska Marais, sel 072 535 8158. E-pos: megaeques traincentre@gmail.com. PRETORIA 24-28, Jakarandaskou, Pretoria. Beeste: Pinzgauer, PinZ2yl, Dexter, Simmentaler, Brahman, Afrikaner, Limousin, Braunvieh; perde: Arabier, Walliese Ponie, Miniatuurperd, Nooitgedachter, Fries, Appaloosa; pluimvee, sierduif; konyn, haas; Boerboel. Hester Ingamells, sel 082 691 3019, tel. 012 327 0371. SEPTEMBER MIDDELBURG 2-4, Hartland-landbouskou, Pienaardam, Middelburg. Karkaskompetisie, bulveiling, beesskou, perdespringkompetisie en vele meer. Catrien, sel 079 882 5207. E-pos:…

0,6% Dit is met hoeveel die kredietgraderingsagentskap Standard & Poor’s voorspel dat Suid-Afrika se bruto nasionale produk vanjaar gaan groei – beduidend laer as die 1,6% wat hy in Desember voorspel het. Hy skryf die laer verwagtinge toe aan die droogte, lae myn- en nywerheidsproduksie en “strukturele” beperkinge. Die BNP het in die eerste kwartaal met 1,2% gekrimp. — S&SP 2% Suid-Afrika het teen druktyd nog net 22 260 ton, of 2%, van die geprojekteerde 1,1 miljoen ton wit mielies ingevoer wat nodig is om in dié seisoen se vraag te voorsien. Daar moet vir die res van die bemarkingsjaar gemiddeld 23 000 ton per week ingevoer word – vergeleke met die huidige weeklikse gemiddelde van 4 500 ton – om in die vraag te voorsien. — Agbiz 16,9 Die…

DR. JOHN PURCHASE, uitvoerende hoof van Agbiz, oor eiendomsreg. Bl. 16 ‘As jy die invoer van goedere liberaliseer en tariewe laat vaar, maar jy verslap nie die beperkinge in die arbeidsmark ook nie, waarheen moet die arbeid gaan?’ MNR. PETER DRAPER van Tutwa Consulting oor die teenstrydighede tussen Suid-Afrika se liberale handelsbeleid en konserwatiewe arbeidsbeleid. Bl. 16 ‘Trekkerverkope het afgeneem, voer is peperduur en daar is 19 000 plase op die mark. Hoe kan enigiemand verwag dat wild dié neigings moet systap?’ MNR. BARRY YORK oor dalings in wildpryse. Bl. 23 ‘Hierdie is nie net ’n droogte nie, maar ook ’n humanitêre kwessie. Hier is mense wat honger ly, regtigwaar.’ MNR. HENK VAN WYK, president van Agri Noord-Kaap. Bl. 18 ‘As ’n bedryf kan ons nie bekostig om net vingers…

DIE WINTERREËN bly weg en kommer laai op oor die kritiek lae vlakke van besproeiingsdamme in die westelike dele van die Wes-Kaap. Die Theewaterskloofdam het teen druktyd op 28,1% gestaan, die Voëlvleidam op 20,6%, en die Clanwilliamdam op 15%. Mnr. Anton Bredell, die Wes-Kaapse minister van plaaslike regering, omgewingsake en ontwikkelingsbeplanning, het gesê daar is wel in die meeste gebiede genoeg water vir die afsienbare toekoms. Kommer heers egter oor die komende somer as die reën wegbly. Die Wes-Kaapse regering het reeds R6,2 miljoen aan drie munisipaliteite oorhandig om boorgate vir noodgevalle te sink en het ook aansoek gedoen om ’n verdere R8 miljoen van die Departement van Water en Sanitasie, maar wag steeds op die geld. Die Witzenberg-munisipaliteit is as hidrologiese droogtegebied verklaar, en die Ceresdam is slegs 15,1%…

‘Êrens moet ’n mens die streep trek oor wat aan die staat behoort en wat individuele eiendomsregte is.’ KLARIGHEID is dringend nodig oor wat private eiendom is en wat aan die staat behoort, want individuele eiendomsregte is die kern van welvaartskepping in ’n samelewing. Dit was dr. John Purchase, uitvoerende hoof van Agbiz, se boodskap op dié organisasie se jaarkongers op Somerset-Wes. Purchase is veral bekommerd oor die moontlikheid dat voorgestelde aanpassings aan die wysigingswet op private sekerheid deurgevoer gaan word. Die hersiene wet op groei en geleenthede in Afrika (Agoa) is nog onderhewig aan of die wysigingswet bekragtig gaan word of nie. Dit lê al geruime tyd in pres. Jacob Zuma se kantoor. “As dit onderteken word en wet word, sal Amerika ons uit Agoa skop. Hulle het dit…

AMPER die helfte meer plase was einde Mei op die mark vergeleke met Februarie verlede jaar, maar nie almal meen dis weens die droogte nie. Op 27 Mei vanjaar was daar in Suid-Afrika 19 280 plase op die mark, vergeleke met 13 254 op 2 Februarie verlede jaar – ’n styging van sowat 45%. Dit is volgens data op die Plase-platform vir plaasverkope op Landbou.com. ’n Beduidende aantal van dié plase is in die boerderyprovinsies Limpopo (2 225), Noordwes (2 817) en die Vrystaat (1 358). Kenners verskil egter oor die redes agter dié styging. Mnr. Johannes Bester, agent by Farm Expert Properties op Vryburg, sê dit is nie alleen weens die droogte nie, maar dat die invloed van die droogte eers nader aan die einde van die jaar gesien…

Die Suid-Afrikaanse sitrusbedryf het verlede jaar R14,2 miljard uit uitvoer verdien, sê mnr. Deon Joubert, spesiale gesant vir marktoegang en EU-sake van die Suid-Afrikaanse Sitruskwekersvereniging (CGA). Dit is sowat R5,2 miljard meer as die gewone jaarlikse uitvoer van nagenoeg R9 miljard. Van die R14,2 miljard rand se uitvoer was R500 miljoen se sitrus vir versapping en ’n verdere R500 miljoen s’n het na Afrikalande gegaan. Joubert sê Suid-Afrika se sitruskwekers presteer ongelooflik goed ten spyte van die vereistes wat die Europese Unie, Suid-Afrika se grootste uitvoermark, ten opsigte van swartvlek vir boere stel. “Ons boere pas onmiddellik aan by enige nuwe vereistes, soms selfs vinniger as wat die EU nuwe beleid aan sy kant in werking kan stel.” Suid-Afrika wag byvoorbeeld nou vir die EU om uitsluitsel te gee oor…

My seun sê ek is darem nog nie oor die muur nie, maar ek het reeds ’n goeie uitsig van die ander kant. Ouderdom beteken deesdae iets anders – 50 is die nuwe 35 en 65 die nuwe 40. Ons gaan lank leef; langer as ons ouers. Nuwe navorsing van die Universiteit van Oxford in Engeland dui aan lewensverwagting styg elke dag met vyf uur. Sanlam se inligting dui aan daar is ’n 50%-kans dat jy of jou gade 94 jaar oud gaan word as jy nou 65 is. Dit beteken aftreebeplanning behoort ook nou heeltemal anders te lyk. Met aftrede wat nou ’n minimum van 30 tot 35 jaar gaan wees, kan jy nie eers tien jaar voor aftrede daarvoor begin beplan nie. Die termyn wat jy het om…

Deense navorsers span miere in om appelen peerboorde op ’n natuurlike manier teen plae te beskerm. Die wetenskaplikes, verbonde aan die Aarhus-universiteit, verskuif mierneste uit die land se dennewoude na appelboorde in die bergagtige laaglandskiereiland Djursland, berig die webtuiste www.freshfruitportal.com. Die mikpunt is om die kweek van organiese vrugte, waarvan daar ’n tekort in dié land is, te bevorder. Die miere vreet larwes, wat ’n enorme hoeveelheid blare en bloeisels op appelbome kan verorber en so vrugteproduksie inkort. Die woudmiere vreet ook wintermotte, wat in die lente ’n ernstige plaag in appelboorde is wanneer hulle op blare teer. Die klein, groen motlarwes broei uit terwyl dit nog koud is en daar min predatore is wat hulle vreet. Die voëlsoorte wat hul natuurlike predatore is, broei nog in die vroeë lente,…

PLAASINLIGTING LIGGING: Cradock,Oos-Kaap NAAM: Zuurfontein GROOTTE: 8 000haeiegrond,4 000hahuurgrond. Daarvanis160 haondergravitasie-besproeiingen 28 haondersonkrag-besproeiing.Op80%vandie grondwordlusernverbou. DRAKRAG:1GVE/12ha HOOGTE BO SEESPIEËL:1 500m VERTAKKINGS:SneeubergDohne-Merino-stoetery (1 000ooie),3 200kommersiëleDohne-Merino-ooie envleisbeeste REËNVAL: 450 mmperjaar KORTOM ■ Met die aanbring van gravitasie- en sonkragbesproeiing het dié Oos-Kaapse boer sy boerdery-inkomste verdubbel. ■ In teenstelling met vloedbesproeiing wat sy pa gedoen het, kom hy drie keer verder met dieselfde hoeveelheid water. ■ Danksy die besproeiing kon hy beter in die droogte beplan. Dit verg groot oorreding om mnr. Zeiss Jordaan (44) van Zuurfontein in die distrik Cradock sover te kry om ja te sê vir ’n artikel oor sy sonbesproeiingstelsel wat hy ’n paar maande gelede in gebruik geneem het. Beskeie gooi hy wal met die gebruiklike: “As mens vóór in Landbouweekblad verskyn, is die kans goed dat jou…

PLAASINLIGTING LIGGING: Montagu, Wes-Kaap NAAM:JanLootsrivier, LocarnoenRietrivier GROOTTE: 777ha EIENAARSKAP: Maatskappy (LocarnoBoerderyEdms.Bpk.) VERTAKKINGS: Perskes,appelkose,pere,tamaties, wingerd,skape,beesteenlusern GRONDTIPE: Skalie VELDTIPE: Karoobossieveld GEMIDDELDE REËNVAL: 200-300mmperjaar KORTOM ■ ’n Familieboerdery van Montagu het ná swak graderings vir droëvrugte by die SAD besluit om produkte self te verpak, te bemark en te versprei, en baie meer winsgewend geraak. ■ Probleme in die bedryf is onder meer arbeid, die regte bemesting en besproeiing. ■ Met hul eie bemarkingsnetwerk lewer hulle wyer en verder as voorheen, en die toekoms lyk rooskleurig mits boere self produkte droog en bemark. Locarno Droëvrugte in Montagu is deesdae een van die grootste produsente en verskaffers van droëvrugte in die Wes-Kaap. Dit is ’n onderneming wat mnr. Coenie Burger van die plaas Locarno, buite Montagu, bedryf saam met sy twee seuns, S.W. en…

WATTER TEGNOLOGIE IS ONONTBEERLIK OP DIE PLAAS? My slimfoon. WAT IS DIE BESTE RAAD WAT JY NOG ONTVANG EN TOEGEPAS HET? Pasop om ander skynbaar suksesvolle boere se lewenstyl te begeer of na te jaag. Hulle boeke is baie keer ook maar duister. Konsentreer op jou eie besigheid en leef binne jou vermoë. EN DIE GROOTSTE FOUT WAT JY AL GEMAAK HET? Boere maak nie foute nie: Hulle neem net partykeer verkeerde besluite. Jy ding mos met die natuur mee en as jy dit kan reg lees, is jou besluite gewoonlik reg – en andersom ook. WAT HET DIE GROOTSTE IMPAK OP JOU BOERDERY GEMAAK? Toe ek van konvensionele na minimumbewerking oorgeslaan het. WAT IS JOU BESTE BOERDERYBESLUIT? Om my seuns eers vir die veeboerdery lief te maak, en daarna…

LIGGING Gobabis,Namibië Enige pad in Afrika stel groot eise aan ’n voertuig en plaasbakkies werk nóg harder wanneer hulle vragte op onbegaanbare terrein dra. Die groot bakkievervaardigers bou hul voertuie ekstra-taai om dié aanslae te kan weerstaan. ’n Boerseun van Namibië het egter besluit om sy eie weergawe van ’n ekstra-taai bakkie te bou: Die Namib Spider. Mnr. Johan Human, ’n motorwerktuigkundige met sy eie besigheid, Spares Link CC, op Gobabis in Namibië, is in hierdie woestynland gebore en getoë. Hy weet dus alles van rowwe paaie af. Hy is ná skool Kaapstad toe, waar hy hom aan die Tegniese Kollege WP as werktuigkundige bekwaam het en toe daar aan die suidpunt van die vasteland gewerk het. Sy hart het egter altyd met ’n punt na Namibië getrek en in…

SA HACKNEYS 1 Grootkampioen in die siertuig, Shanie Commander. Eienaars: Mnr. Danie en mev. Alta Alberts (sel 076 351 7196), Morocco-stoetery, Philippi. Vertoner: Mnr. Abdullah Davids. 2 Grootkampioen in die enkeltuig, Hero. Eienaar: Mnr. Waleed Dirk (sel 082 556 9673), Dirk Bros.-stal, Kaapstad. Vertoner: Mnr. Kassiem Jacobs. 3 Senior kampioenpaarkarperde, Morocco Miss World en Morocco Miss Dreamgirl. Eienaar: Mnr. Abdullah Davids (sel 082 957 2502), Morocco-stoetery, Philippi. Vertoner: Mnr. Riad Davids. 4 Junior kampioen in die enkeltuig, Morocco Masterpiece. Eienaar en vertoner: Mnr. Abdullah Davids, Moroccostoetery, Philippi. WALLIESE PONIES 5 Senior kampioen in die enkeltuig, Spirit. Eienaar en vertoner: Mnr. Abdul Jacobs (sel 072 044 2403), Lalita-stoetery, Kaapstad. 6 Kampioene in die dubbeltuig, Bioci Banti en Bioci Predator. Eienaar: Mnr. Wessel Swart (sel 072 461 3413), Bioci-stoetery, Bredasdorp. Vertoner: Mnr.…

Om natuurlike hulpbronne uit die omgewing in te span was al vele landbouers se oorlewingsmeganisme. ’n Uitstekende voorbeeld daarvan is die skaapdip op die plaas De Hoop naby Steynsrus in die Vrystaat, wat uit soliede sandsteen gekap is. Die ronde gedeelte is diep genoeg om ’n skaap met ’n mikstok te onderdompel sodat die dipvloeistof oral deurweek. Die reguit deel het trappies, wat ook uit sandsteen gekap is. Skape het destyds dié trappe uitgeklim terwyl oortollige dipvloeistof terug na die dip vloei. Toe mnr. Nicolaas (Klasie) Grobler die plaas De Hoop in 1937 gekoop het, was die skaapdip reeds in gebruik, onthou mev. Hanna Muller (98), Klasie se oudste dogter. Tóé al het boere van die omgewing hul skape in die sandsteengat kom dip. TYDSAME WERK Die plaas behoort nou…

Die dae is verby dat veeboere kan probeer om diere van ’n swak gehalte te verkoop. Net die beste is goed genoeg. Mnr. Cobus Oberholster, hoofbestuurder van BKB se afdeling vir vee, afslaers en eiendomme, gee nuttige wenke oor die bemarking van vee. Waarna moet die kommersiële vleisbeesteler kyk wanneer hy beeste bemark? Wanneer ’n veiling onder die vaandel van ’n veilingsmaatskappy aangebied word, is die verkoper verseker sy geld is veilig. Die diere wat aangebied word, moet van ’n hoogstaande gehalte wees. Kopers soek deesdae net diere van topgehalte. Minderwaardige diere behaal swak pryse op veilings. Die verkoper moet ook seker maak hy verskaf die korrekte inligting. Hoe belangrik is volledige inligting in ’n veilingskatalogus? Katalogusse het baie verander en bevat nie meer net ’n lotnommer nie, maar onder…

ESKOM het die vermoë om genoeg elektrisiteit vir die oprigting en uitbreiding van landbouverwerkingsaanlegte te voorsien, sê mnr. Alwie Lester, hoofbestuurder van Eskom in die Wes-Kaap. Die Wes-Kaapse ministerie van landbou het in Maart aangedui dat die ekonomiese ontwikkelingskema Khulisa van die Wes-Kaapse regering bykomende mikpunte vir landbouverwerking stel. Ingevolge dié skema is die landbouverwerkingsektor geïdentifiseer as ’n platform vir ekonomiese groei met die potensiaal om 100 000 werkgeleenthede te skep. Daarvolgens kan die landbouverwerkingsektor se bruto toename in waarde (GVA) in die volgende vyf jaar van R12 miljard tot R26 miljard verhoog. Lester het aan Landbouweekblad gesê die munisipaliteit waar Khulisa gesetel sal wees, sal aansoek doen vir bykomende elektrisiteitsvoorsiening by Eskom se provinsiale kantoor. Dit word dan in Eskom se kapitaalprogram ingereken. Die nasionale entiteit word dan ingelig…

DIE vyfde plaaslike skatting vir die produksiejaar 2015-’16 dui op ’n katoenoes van 48 414 bale. Dié raming beteken volgens mnr. Hennie Bruwer van Katoen SA ’n daling van 49% teenoor die vorige seisoen en min of meer dieselfde as verlede maand se skatting. Die katoenpluksel beloop na raming 47 814 bale, teenoor die orige 600 bale vesel wat deur die Swazilandse pluismeule gepluis sal word. ’n Verwagte afname van 3% tot 23,6 miljoen ton in internasionale katoenverbruik, ’n afname in die Chinese invoer van dié vesel en ’n toename in die wêreld se katoenproduksie met 6% (alles in 2015-’16) is van die vernaamste ekonomiese aandrywers wat die internasionale mark vir katoen beïnvloed. Volgens die Internasionale Katoenadvieskomitee (ICAC) sal die invoer deur China na verwagting in 2016-’17 met 12% afneem…

DIE Wildswinkel-groep het in Mei sy eerste Karoo-handelsmerkveiling op die plaas Tzamenkomst by die Gariep Eco-reservaat, naby Colesberg, gehou. ’n Omset van ongeveer R28 miljoen is behaal. “Dit is die eerste keer dat ’n veiling in die Karoo gehou is vir die kleiner boer wat nie noodwendig deel vorm van ’n groter groep nie,” sê mnr. Lood Bester, uitvoerende direkteur van die groep. “So ons het ’n platform daargestel vir die boere vanwaar hul diere behoorlik vooraf bemark is. ’n Katalogus en infrastruktuur was gereed vir die veiling.” Die beste pryse is betaal vir Spikes (op foto) ’n gemsbokbul met horings van effens meer as 43 duim van mnr. Koos du Plessis van De Aar, wat teen ’n rekordprys van R1,3 miljoen aan dr. Johan Kriek van Kimberley verkoop is.…

WATERRAAD Toe die Sesdaagse Oorlog in 1967 tussen Israel en die Arabiese state Egipte, Sirië en Jordanië uitgebreek het, was die Israeli’s voorbereid. Vegter-bomwerpers het Egipte netjies van 07:00 tot 8:30 op die eerste dag aangeval, net toe tam radar-operateurs skofte gewissel, vegvlieëniers ontbyt geëet en senior offisiere in Kaïro se spitsverkeer gesit het. Egipte se lugmag is binne ure so te sê uitgewis. Sonder lugruimbeheer was die Egiptiese weermag kwesbaar in die oop Sinaiwoestyn. Binne ses dae was alles verby. As algehele uitwissing jou in die gesig staar, kan jy nie bekostig om kanse te waag nie. Die Israeli’s het dieselfde benadering tot water. Vir hulle is daar geen vriendelike buurstaat — soos Lesotho — wat water voorsien nie. Óf jy maak ’n plan óf dors is jou voorland.…

MNR. ZEISS JORDAAN (44) boer op die plaas Zuurfontein in die distrik Cradock met Dohne-Merino’s en vleisbeeste. Sedert hy ses jaar gelede na gravitasie- en sonkragbesproeiing oorgeskakel het, het hy sy boerdery-inkomste verdubbel. Lees die artikel op bl. 38. VERTEL ONS VAN JOU GESIN. Ek is die afgelope sewe jaar ’n enkelouer wat toesig oor my twee seuns, Willem (11) en Zeiss (9), het. My ma, Dora, leef nog en ek het ook ’n jonger broer en suster. WAT DOEN JY VIR ONTSPANNING? Ek bring tyd tussen my vee deur. Ek geniet ’n goeie aksiefliek en het nie ’n enkele episode van Megaboere op kykNET misgeloop nie. WATTER RUGBYSPAN ONDERSTEUN JY? Gelukkig of ongelukkig die Blou Bulle. MNR. KEN NIEUWENHUIZEN, direkteur van transformasie en ontwikkeling by die Sondagsrivier-sitrusmaatskappy, is aan…

Naasgrootste mielie-invoer nóg verwag Die jongste raming wys Suid-Afrika se mielie-invoer kan in die bemarkingsjaar tot einde April volgende jaar nagenoeg 3,3 miljoen ton beloop. Dit sluit ’n verwagte 1 miljoen ton wit mielies en 2,3 miljoen ton geel mielies in. As dit wel ’n werklikheid word, sal dit die naasmeeste hoeveelheid mielies wees wat tot nog toe ingevoer is. In 1992-’93 moes Suid-Afrika net minder as 4 miljoen ton mielies invoer. Die twee ander groot invoerjare was 1983-’84, toe sowat 2,4 miljoen ton mielies ingevoer is, en 1984-’85, toe Suid-Afrika sowat 2,08 miljoen ton mielies in die buiteland moes gaan koop. Die jongste verwagte 3,3 miljoen ton is nogtans amper 0,4 miljoen ton minder as die vorige maandskatting van die vraag-enaanbodkomitee van die Nasionale Landboubemarkingsraad. Dit volg op die…

SAKEVERTROUE |Droogte en ekonomie knou sentiment Die landbousakekamer Agbiz se jongste sakevertroue-indeks was in die eerste kwartaal van vanjaar nóg laer as in die laaste kwartaal van verlede jaar. Dit was die laaste vier opeenvolgende kwartale onder 50 punte, wat op ’n inkrimping in bedrywighede dui. Agbiz sê sulke neigings het ook in die droogtejare van 2003 en 2005, en die wêreldwye finansiële krisis van 2008 en 2009 voorgekom. Op ’n jaargrondslag het vertroue in ekonomiese groei met 74% gedaal, omset met 21%, netto bedryfsinkomste met 19% en kapitaalbelegging met 14%. Die sub-indeks vir ekonomiese groei het op ’n kwartaalgrondslag met 90,5% gestyg. Mnr. Wandile Sihlobo, hoof van ekonomiese en landbousake-inligting by Agbiz, sê dit is egter teen die agtergrond van spesifieke gebeure in die laaste kwartaal van verlede jaar,…

LEDE van die Suid-Afrikaanse afvaardiging wat Zambië onlangs besoek het, is versigtig optimisties oor boerderygeleenthede in dié land, maar het nog nie planne om daar te belê of permanent daar te gaan woon nie. Die besoek, onder leiding van Agri All Africa, ’n onderneming wat beleggingsgeleenthede vir boere in Afrikalande help soek, is deur sowat 25 leierboere en voormalige wenners van die Suid-Afrikaanse Boer van die Jaar-kompetisie meegemaak. Onder dié boere was mnre. Charl Senekal van Noord-Kwa-Zulu-Natal (suikerriet, vee en wild), Alfonso Visser van Hartswater (die grootste verwerker van pekanneute en grondbone in Suid-Afrika), Louis de Kock van Barkly-Wes (uie), en BP Greyling van Wakkerstroom (wol, beeste en graan). Tydens die besoek is hulle deur mnr. Given Lubinda, Zambiese minister van landbou, en mnr. Edgar Lungu, staatspresident, te woord gestaan.…

1 KENIA | SA knel melkbedryf Goedkoop melkinvoer uit Suid-Afrika en die Europese Unie maak Keniaanse melkprodukte onmededingend op die uitvoermark in Afrika. ’n Woordvoerder van die Keniaanse melkverwerkersvereniging sê heelwat meer Europese melk word nou ingevoer weens die lae melkpryse. Daarby styg invoer uit Suid-Afrika na Kenia se tradisionele markte. Dit kos in Kenia van R2,35 tot R2,60 om ’n liter melk te produseer, vergeleke met R1,45 in Uganda. Keniaanse melkboere hoop om te vergoed vir dié verlore markaandeel deur verwerkte melkprodukte op die plaaslike mark te verkoop. — AllAfrica 2 NIGERIË | Hoop teen ‘tamatie-ebola’ Nigerië wil binnekort ’n entstof teen die verwoestende tamatieplaag Tuta absoluta aan boere beskikbaar stel. Die land se nasionale navorsingsinstituut vir chemiese tegnologie sê ’n entstof is al ontwikkel en word tans gesertifiseer.…

Die Suid-Afrikaanse ekonomie is in ’n daalsiklus is. Die verwagting is dat Suid-Afrika in die laaste deel van die jaar die onderste draaipunt van die daalsiklus sal ervaar en dat die ekonomie stadigaan vanaf 2017 weer in ’n groeifase sal inbeweeg. Die dilemma is natuurlik dat nie net die Suid-Afrikaanse ekonomie nie, maar die wêreldekonomie in ’n ongemaklike fase is. Die ontwikkelde lande het die normale beleidsinstrumente wat ingespan kan word, reeds benut. Rentekoerse kan kwalik verder verlaag word. In sommige Europese lande is dit reeds negatief op deposito’s. Regeringsbesteding (om groei te stimuleer) is met groeiende staatskuld gefinansier. Daar is nie ruimte om nog skuld te gebruik nie en belastings is reeds te hoog. Al ander opsie is dat lande hul beleid grondig moet verander, soos buigsamer arbeidsbeleid en…

Leer alles oor die teelmateriaal en genomika van vleisbeeste op die Amerikaanse voorligting-webtuiste www.eBeef.org. Dié diens word deur ’n span van ses wetenskaplikes en voorligting-spesialiste van verskeie universiteite bedryf. Spesifieke projekte sluit in voeromsettingsdoeltreffendheid, reproduksie en hul nasionale konsortium vir vleisbees-evaluasie. Die webtuiste is sedert sy ontstaan verlede Junie met ’n omvattende reeks hulpbronne vir vleisbeestelers verryk. Dit sluit inligtingsblaaie, video’s, artikels en die jongste nuus op die genetika-front in, asook antwoorde op vrae wat gereeld gevra word – van basies tot ingewikkeld.…

PLAASINLIGTING LIGGING: Bloemfontein, Vrystaat KORTOM ■ ’n Reusevraag uit onder meer China en Rusland stroom in oor Suid-Afrikaanse Dorperteelmateriaal. ■ Een van die voordele van die gebruik van Dorperramme by swakker moederlyne is ’n verdubbeling in vleisproduksie. ■ ’n Groot stok in die wiel is die afhandeling van die uitvoerprotokol; die RPO wil moontlik ’n veearts finansier om die proses te bespoedig. Die vraag na Dorperteelmateriaal uit veral China gaan die “verstand te bowe”, sê mnr. Dries Wiese, voorsitter van die Dorper-skaaptelersgenootskap van Suid-Afrika. “Die buitelandse belangstelling was eers ’n druppel, maar dit verander in ’n straal en ’n stroom,” sê dié ervare Dorperboer. Syfers van embriospoelings van tot 150 000 embrio’s per jaar word nie uit die lug gegryp nie, en dit is allermins grootpraat van die Chinese, sê…

LIGGING Addo,Oos-Kaap KORTOM ■ Die Sondagsriviersitruskoöperasie doen bemagtiging op ’n eiesoortige manier en gee uitstekende ondersteuning. ■ Die mikpunt is dat swart boere binne ’n dekade 25% van maatskappy se vrugte lewer. ■ Naas produksie en bemarking gee die koöperasie aandag aan opleiding. Mnr. Ken Nieuwenhuizen (63) lyk gemaklik in sy stoel. Die direkteur van transformasie en ontwikkeling by die Sondagsrivier-sitrusmaatskappy (SRCC) by Kirkwood tree oor twee jaar af, maar voor dít gebeur, wil hy nog ’n paar belangrike sake afhandel. Die belangrikste daarvan is om te sorg dat Wildemansplaas by Sunland wat verlede jaar vir R15,2 miljoen aangekoop en nog nie ontwikkel is nie, in die wegspringblok kom. Staatsfinansiering vir projekte van dié aard het opgedroog. Die SRCC het daarom sedert 2007 verskeie kere ingespring om nie net die…

KLOP WURMS NUWE TEENPARASITIESE MIDDEL Sudox (reg.no. G4096, Wet 36 van 1947), Bayer se nuwe teenparasitiese middel teen rondewurms en lewerslak by beeste en skape, is nou by Hinterland-takke beskikbaar. Dit het ’n langdurige werking teen haarwurm, haakwurm en knoppieswurm. Dit is doeltreffend teen parafilaria (valskneusing), suigende luise, bytende luise, skurfmyte, sandtampans, spykerwurms en bloubosluise by beeste en brandsiektemyte, jeukmyt en neuswurm by skape. Die aktiewe bestanddele is ivermektien (0,5% m/v) en klosantel (12,5% m/v). Die dosering behels 1 ml per 25 kg lewende gewig. Prys: R820 (BTW ingesluit). NAVRAE: Me. Annelize Boonzaaier van Hinterland, tel. 018 464 7165. GROEIMEDIUM MENGSELS LEI TOT STERKER WORTELS SunPerl Vermikuliet is ’n steriele groeimedium wat op sy eie of saam met ’n ander natuurlike mineraal, perliet, in groeimengsels gebruik kan word. Albei minerale…

Karamelpiesangpoeding Sous ■ 125 ml goue- of esdoringstroop ■ 250 ml sagte bruinsuiker ■ 310 ml water Piesanglaag ■ 100 ml sagte bruinsuiker ■ 4 kleinerige piesangs ■ 30 ml vars suurlemoensap Beslag ■ 150 g sagte botter ■ 250 ml suiker ■ 2 eiers ■ 500 ml bruismeel ■ 180 ml melk ■ 10 ml vanieljegeursel Voorverhit die oond tot 180 °C en smeer ’n oondbak met botter. Verhit die bestanddele vir die stroop stadig tot die suiker gesmelt is. Verhit tot kookpunt en prut vir 1 minuut. Hou eenkant. Sprinkel die bruinsuiker egalig op die boom van die bak. Skil die piesangs en halveer in die lengte. Pak die piesangs op die suikerlagie en sprinkel die suurlemoensap bo-oor. Verroom die botter en suiker goed en klits die eiers…

Kom ons gesels oor twee mooi vroue vir wie “mooi” meer as uiterlike skoonheid was. Die eerste was ’n voortreflike rolmodel van vroulike waardigheid en selfrespek, en die tweede ’n jong meisie wat met fyn balans tussen slim berekendheid en waaghalsigheid haar volk van uitwissing kon red. Ons begin met Vasti. Sy word in die Bybelboek Ester as mooi – baie mooi – beskryf. Sy was Ahasveros, koning van die magtige Persiese ryk, se vrou. As koningin was sy in ’n baie bevoorregte posisie, maar terselfdertyd onderhewig aan die koning se gesag. Sy woord was wet. As die koning egter gedink het hy het besitreg oor haar vrouwees, sou hy agterkom sy is ook ’n ander soort mooi: Innerlik mooi, gevul met die karakter van waardig vrouwees. Toe die koning…

African Wildlife Auctions (AWA) is wyd bekend daarvoor dat hy telers van kleiner wildsoorte sowel as telers van skaars wildsoorte onder sy vlerk neem. Gevolglik het die maatskappy vinnig gegroei, ’n puik reputasie opgebou en hy spog met meer verkope. Dit sluit in meer as 2 500 vlaktediere wat op ’n maandelikse grondslag verkoop word. GESKIEDENIS AWA is in 2014 gestig. Dit was ’n gesamentlike onderneming van twee groot belanghebbendes in die Suid-Afrikaanse veilingsbedryf, naamlik Aucor en Wildlife Auctions. AWA het vinnig opgang gemaak in die aanlyn-wildveilingsbedryf, terwyl hy steeds wildshokke in Vaalwater behou vir tradisionele veilings. Dié hokke is in 2014 gekoop en intussen verbeter om te voldoen aan die internasionale standaarde wat die aanhou van wild reguleer. Aucor se aandele is in Februarie 2016 oorgeneem deur Wildlife Investments…

Internasionaal: Die prys van mielies het gestyg met 2,8%, of $4,44/t (R69,05/t), tot $162,09/t (R2 521/t). Op ’n jaargrondslag is dit 15,3%, of $21,54/t (R334,99/t), hoër. Plaaslik: Die Safex-prys vir wit mielies het met 2,9%, of R142/t, tot R4 809/t gedaal. Die prys van geel mielies het met 2,5%, of R93/t, tot R3 765/t gestyg. Op ’n jaargrondslag is wit mielies 76,3%, of R2 082/t, hoër, terwyl geel mielies 54,9%, of R1 335/t, duurder is as in die ooreenstemmende tyd verlede jaar. Verwagte witmieliepryse: Julie – R4 850/t, September – R4 905/t, Desember – R4 949/t, Maart 2017 – R4 547/t. Verwagte geelmieliepryse: Julie – R3 805/t, September – R3 863/t, Desember – R3 900/t, Maart 2017 – R3 785/t. Internasionaal: Die gemiddelde prys van koring het met 1,9%, of…

DIE koste van veral plastiekverpakking kan in die komende jaar styg nadat oliepryse vanjaar bo die vlak van $50 dollar per vat gaan draai het. Boonop doen die wisselvalligheid van die rand ook nie plaaslike vervaardigers van plastiekverpakking geen guns nie omdat grondstowwe teen invoerpariteitspryse gekoop moet word. Mnr. Charles Muller, uitvoerende direkteur van die Verpakkingsraad van Suid-Afrika (Pacsa), sê die prys van verskillende verpakkingsmateriale het oor die afgelope jaar redelik stabiel gebly. “Die belangrikste stowwe waaruit verpakking vervaardig word, naamlik glas, papier en karton, metale en plastiek, se pryse het verlede jaar nie noemenswaardig gestyg nie – grootliks weens ’n olieprys wat nie skerp wipplank gery het nie. Die prentjie lyk egter anders as ’n mens na die toekoms kyk met die wisselvallige rand en oliepryse wat rekordhoogtes toets.…

BOEREDAE JULIE: Inligtingsdag:Vleisbeeskuddeseleksie. FoxintheHills (tussenParysenPotchefstroom). JeanvanderMerwe,sel082719 7521. E-pos:jean@blackhills.co.za. Web:www.blackhills.co.za. 27 JULIE: Dr.JasperCoetzee: Nuwebeginselsinpresisie-skaapboerdery. Noord-VrystaatSAVM, RooiSkool,Kroonstad.NelinePienaar, sel0824404492. E-pos: Bennieneline@eleo.co.za.Ofsel 0832792375,sel 082 440 4492. KURSUSSE 16-17 JUNIE: Snuffel vir wildesampioene by Delheim, Stellenbosch. Voorafbespreking is noodsaaklik, geen groepsbesprekings word aanvaar nie. Tel. 021 888 4607, sel 079 735 3257. 16-17 JUNIE: Boerbokke, junior en senior. Sentraal-Binneland-Boerbokklub, Hoopstad. Retha Calitz, sel 082 928 0700. 20-22 JUNIE: KI. Krugersdorp. Di Rothman, sel 082 772 1208, Andy, sel 082 770 0480, Lilly, sel 078 546 7985 . Web: www.rltsafrica.com. 23 JUNIE: Dragtigheidswaarneming, beeste.Krugersdorp.DiRothman, sel0827721208,Andy,sel 0827700480,Lilly,sel078546 7985. Web:www.rltsafrica.com. 23 JUNIE:Fynproewer-sampioenverbouing, kleinskaal,Oos-Londen.(Alternatiewelikvia rekenaargesteundeonderrig.) Dr.AdriaanSmit,sel0827498553. 23-24 JUNIE:Kommersiële fynproewer-sampioenverbouing. Oos-Londen.(Alternatiewelikvia rekenaargesteundeonderrig.)Dr. AdriaanSmit,sel0827498553. E-pos:restaurant@delheim.com. 24 JUNIE: Kalfgrootmaak. Krugersdorp. Di Rothman, sel 082 772 1208, Andy, sel 082 770 0480, Lilly, sel 078 546 7985. Web: www.rltsafrica.com. 4-6 JULIE: KI, skape…