Innholdsfortegnelse for 5/28/2021 i Finweek - Afrikaans

die Poskantoor se onlangse poging om hom uit die duisternis te sleep sodat hy weer relevant kan wees, sal selfs sy kanniedood ondersteuners dronkslaa Omoptesom: Die Poskantoor (waar jy drie weke wag vir’n brief om van Kaapstad na Johannesburg afgelewer te word) het Postnet en die bedryfsorganisasie wat koeriers verteenwoordig, gedagvaar. Die Poskantoor wil, soos ’n ware Don Quixote, die een of ander verouderde en antimededingende wet afdwing wat hom die alleenreg gee om pakkies wat minder as 1 kg weeg, af te lewer. Dus, sou hierdie stuk verouderde wetgewing afgedwing word, dan sal ons in ’n hipotetiese omgewing maande wag (as ’n mens toenemende volumes deur die posverspreidingsentrums in ag neem) vir enigiets, van dringende regsdokumente tot wegneemete-bestellings, om afgelewer te word. Hierdie beredeneringslyn deurdie Poskantoor is endemies van…

“DIE RISIKO’SVIR DIEEKONOMIE AS FOUTE VAN DIE VERLEDE HER-HAAL WORD, IS DUIDELIK.” – Busi Mavuso, uitvoerende hoof van Business Leadership South Africa, waarsku teen streng inperkings met ’n dreigende derde golf van Covid-19-infeksies in die land. In ’n weeklikse nuusbrief betreur sy hoe sekere segmente van die ekonomie (veral die toerisme-, gasvryheids-, alkohol-en tabakbedryf) ondraaglike koste gely het, wat miljarde rande beloop, weens streng inperkings. Sy het gevra dat “ons verstandig moet wees met die oorwegings van ons beleid om die impak van die derde golf te beperk” en sê dat ondernemings belê het om veilig te werk. “Verkope in markgoeie tyd om tegnologie te koop.” —Salman Baig, multibatebeleggingsbestuurder by die Switserse fondsbestuurder Unigestion, het aan The Wall Street Journal gesê dat markverkope vir baie beleggers ’n geleentheid is om…

curro, wat in 1998 gestig is, is die leidende en grootste private-onder-wysonderneming in Suider-Afrika. Curro, waarvan die grootste aandeelhouer die beleggingsmaatskappy PSG Group is, ontwikkel, verkry en bestuur onafhanklike skole. Curro het in 2019 opvoeding aan 42 000 leerlinge in 175 skole in Suid-Afrika en Namibië gebied. Aandeelprysgeskiedenis Curro is sedert sy JSE-notering in Junie 2011 – toe die aandele teen 550c elk verhandel het – ’n gunstelingaandeel onder kleinbeleggers. Curro se aandeelprys het in 2015 ’n algehele hoogtepunt by 5 000c getoets voordat dit teruggesak het. Die terugsakking het sonder motivering gelyk gegewe die gewildheid van en vertroue in die maatskappy, maar Curro se prys-verdienste-verhouding (p/v) was ’n duur sowat 140, wat moontliktot die afname in koopmomentum gelei het. Die mislukte oorname van sy mededinger ADvTECH het die beleggersentiment…

die toekoms ontvou selde presies soos ons verwag (of gehoop) het dit sal. Dikwels gebeur dinge wat ons laat voel ons maak nie die vordering wat ons verwag het om te maak nie. Dit is iets wat ook grondliggend deel is van die ervaring wanneer ons belê. Die waardes in ons portefeulje daal, of groei stadiger as wat ons gehoop het dit sal, want ons beleggingsidees word anders verwerklik as wat ons verwag het. Dié uitgawe van Kollektiewe Insig handel oor hoe gewone mense én beleggings-bestuurders dié probleem beskou en bestuur. In dié uitgawe rangskik ons die bydraes volgens die perspektiewe op risiko uit dié twee groepe se oogpunt. Die interessante ding is dat as jy die verskillende standpunte vergelyk, jy dalk kan dink jy het met die inwoners van…

die lewe sowel as finansiële beplanning sou baie makliker gewees het as ons elkeen ’n etiket gedra het wat ons netjies opsom soos Sneeuwitjie se beroemde dwergies. Die meet van ’n “risikoprofiel” vir ’n belegger in ’n finansiële beplanningskonteks was nog altyd iets wat baie moeilik is en veel te wense oorlaat ten opsigte van die gehalte van ons finansiële advies. Vir die doeleindes van hierdie bespreking kan ons ’n belegger se risikoprofiel beskou as die twee kante van ’n muntstuk. “Kop” hou verband met die persoon se eienskappe en “munt” met sy gewenste uitkoms of beleggingsdoelwit. Die vlak van beleggingsrisiko wat nodig is om sy gewenste beleggingsdoelwit (munt) te bereik, is van kritieke belang, maar dit bly ’n kwantitatiewe oefening wat aan beleggingskundiges oorgelaat word. Die groot probleem vanuit…

ná meer as twee dekades van demokrasie lyk dit of die spaarkultuur van die meeste Suid-Afrikaners nie voldoen aan akademiese ideale vir ’n nasie van ons grootte en inkomste nie. Daar is nie ’n tekort aan idees en inisiatiewe om die situasie te verander nie, maar armoede duur voort, met amper die helfte van volwasse Suid-Afrikaners wat voor die Covid-19-pandemie in armoede geleef het. Dié werklikheid ondermyn voortdurend ons beste pogings om verandering te bewerkstellig sodat Suid-Afrika na die werklike status van ’n ontluikende mark en middelinkomsteland kan oorskakel. Nadat ek ekonomie gestudeer en later gespesialiseer het in sake wat met aftreefondse, hul lede en finansiële verbruikersopvoeding verband hou, het ek gedink dat ek bedrewe is met dié kwessies. Ek het egter gou die gapings in my begrip opgemerk en…

ons klein, mensebreine het fantasties ontwikkel om risiko te verwerk. Dis die rede hoekom ons voorouers lankgenoeg oorleef het vir ons om hier te wees. Maar hulle het risiko nie numeries bestuur nie. As jagter-versamelaars het niemand geweet wat die kans was om deur ’n leeu opgevreet te word nie. Ons weet egter dat daar risiko is en ons vind maniere om te midde daarvan op te tree. Ons verstaan risiko as vertelling. Daar is baie voorbeelde wat wys hoe swak ons risiko’s en waarskynlikhede bejeën. Richard Thaler, ’n gedragse- konoom en wenner van die Nobel-prys, het ’n voorbeeld wat ons twyfelagtige vermoë toon om risiko-opbrengs te verwerk. Thaler het universiteitstudente gevra om hulle te verbeel dat hulle so pas $30 gewen het en toe die kans kry om $9…

ek is vandeesweek gevra om ’n werkswinkel oor “risiko” vir ’n groep nagraadse portefeuljebestuurstudente aan te bied. Ek was tereg bekommerd. Ek was op die punt om die lesingsaal binne te gaan en alles wat hul hoog aangeskrewe handboek (en dosent) hulle probeer leer het, omver te werp. Om eerlik te wees, is die moderne portefeuljeteorie (MPT) – die portefeuljeteorie wat die meeste konvensionele batebestuurspraktyke (en regulatoriese beperkings vir enigiemand wat gepoelde bates bestuur) ten grondslag lê − nie eintlik verkeerd nie. Maar dit is onvolledig. Nog erger, as ons die MPT se beginsel van diversifikasie as die risikoversagter van wisselvalligheid volg, kan ons markrisiko verder vererger. Dit was die punt wat internasionale medewerkers in hierdie handboek beklemtoon het. Dit was uitsonderlike artikels, maar uiters tegnies. Dit was belangrik om…

ASTRAL Mieliepryse éét marges In Astral se resultate virdie ses maande tot einde Maart het inkomste met 7% gestyg, maarwesensverdienste peraandeel was 37% laer. Astral het wel ’n dividend van 300c per aandeel betaal, maar hoë insetpryse vir mielies benadeel die marges. Die aandeelprys het vanjaar ’n bietjie geloop, maar is steeds ver weg van die byna R350-vlak van vroeg in 2018. Vir beleggers is dit ’n geval van wag dat plaaslike mieliepryse laer begin beweeg na die ideale vlak van net meer as R2 000 per ton. Daar maak Astral lekker geld, maar ek verwag nie dat mielies hierdie seisoen veel sal daal nie, dus sal ons virdie volgende plantseisoen moet wag om ’n aanduiding van die mieliepryse te kry. PICK N PAY Apteke-skuifis winsmedisyne Die aankondiging dat Pick…

Uthando Die isiZoeloe-woord vir dié uitgawe is uthando. Uthando is liefde. O, wat ’n wonderlike, wonderbaarlike en bedwelmende ding is uthando tog. Almal van ons verdien uthando. En raai wat, binnekort gaan ons hope daarvan kry. Ja, dis verkiesingstyd en politieke partye staan gereed om ons met uthando te oorweldig. Ons gaan tot in die grond in liefgehê word. As jou lewe tans miserabel en sonder uthando is, kwel jou nie! Vryers in kleurryke T-hemde gaan jou die hof kom maak, hoor. Jy sal hulle met stokke en swaarde moet weghou van jou af. Ja, slaan hulle. “Hallo, Solly”. Hulle gaan jou omhels (pasop vir Covid), jou bedien, jou trane afvee, jou kos gee en als in hul vermoë doen om jou guns te wen, jou begeerlike ding, jy. En…

ek is mal oor boeke. My ma was ’n bibliotekaris, my pa ’n onderwyser, en ek was bevoorreg om in ’n huis vol boeke groot te word. Die boek word egter bedreig – of só sê party mense. ’n Dekade gelede nog is daar voorspel dat die einde van die boek op hande was, bedreig deur die koms van Kindle en ander e-lesers.Tog is ons hier, in die derde dekade van die 21ste eeu, en gebruik boeke steeds baie soos dié wat Johannes Gutenberg meeras vyf eeue gelede vir die eerste keer gedruk het. Ek het Jeremy Boraine, uitgewer-direkteur van Jonathan Ball Publishers, gevra hoekom e-boeke nog nie gedruktes vervang het nie. En sal dit waarskynlik in die volgende dekade of twee verander? “Ek reken daar is twee redes hoekom…

prieska is ’n dorp met 20 000 inwoners aan die oewers van die Oranjerivier in die Noord-Kaap. Yskor, die voormalige staalvervaardiger, was vroeër hier bedrywig, maar dis meer as ’n geslag gelede dat daar enige mynbou hier plaasgevind het. Vandag is dit die landbou wat die plaaslike ekonomie steun. Die afgelope tyd het Prieska egter ’n brandpunt geword – letterlik blykbaar – vir verskeie private sonenergieprojekte, sowel as ’n internasionale projek deur die Franse energiefirmaTotal, en ook die Australiese firma Orion Minerals, as deel van sy planne om nuwe asem te blaas in Yskor se ou koper-en-sinkmyn, wat ook weer beleggers lok. Die nuwe belangstelling bring egter frustrasie vir die mense van Prieska mee. Volgens Orion se uitvoerende hoof, Errol Smart, het die Prieska-gemeenskap gewoond geraak aan groot aktiwiteit as…

Konstruksie het ’n verlore dekade agterdie rug met talle genoteerde aandele wat sakeredding ondergaan en nie weer die lig gesien het nie. Die rede is dat Suid-Afrika baie min konstruksiewerkgehad het ná die blomtydperk van die 2010-sokkerwêreldbeker. Die maatskappye wat oorgebly het, trektans voordeel uit hernieude tenderbedrywighede. Raubex se uitvoerende hoof, Rudolf Fourie, meld byvoorbeeld dat hy tans meertenders sien wat uitgereikword as in enige ander stadium van sy 30-jaar-lange loopbaan. Onlangse resultate het ’n stewige tweede halfjaargesien met wesensverdienste peraandeel wat op 110c staan vergeleke met ’n verlies in die eerste helfte. Raubex behoort maklik wesensverdienste per aandeel van 300c vir die 2022-finansiële jaar, dalk selfs 350c, te behaal. Die rede hiervoor is dat hulle in die paaiesektor laaste op die terrein is om die teerwerk te verrig. Op…

al het bankaandele sedert Mei 2020 vanaf hul laagste punt in agt jaar met sowat 60% gestyg – sommige ontleders voorspel aandeelpryse kan selfs verderverstewig – lykdie mark nie juis positief oor dié aandele nie. Hiervoor is daar talle redes, waarvan voortslepende onsekerheid, traeekonomiese groei en politieke onbestendigheid nie die minste is nie. Plaaslike banke is swaar getref deur die inperkingsmaatreëls wat weens Covid-19 ingestel is, want dit het betalingsvakansies vir skuld en verhoogde voorsiening vir slegte skuld vereis, wat ’n negatiewe invloed op wesensverdienstes gehad het en aandeelpryse wat gevolglik slae gekry het. Standard Bank, wat totale bates betref die grootste bank in die land is, het verlede jaar byna ’n kwart van sy waarde ingeboet. FirstRand en Absa het met byna 20% teruggesaken Capitec, die derde grootste bank,…

my eerste blootstelling aan ’n risikoprofielvraelys was jare gelede toe ek as ’n jong finansiële adviseur een vir elke kliënt moes invul. Ek het heelwat tyd aan die kliënt se risikoprofielvraelys bestee, omdat die maatskappy daarop aangedring het. Ek onthou dat ek kliënte dikwels moes “help” met die beantwoording van sommige van die vrae, want dit was nie regtig op hulle van toepassing nie en hulle het geen idee gehad watter opsie hulle moes kies nie, amper asof hulle bang was om die verkeerde antwoord te gee. Natuurlik het my hulp die oefening basies van nul en gener waarde gemaak en in plaas van ’n objektiewe risikoprofiel van die kliënt het dit ironies genoeg ’n “groepantwoord” geword en dus nie heeltemal akkuraat nie. ’n Punt is toegeken wat die risikoprofiel…

Die bevindinge in Statistieke SA se jongste verslag oor kinderarmoede is skrikwekkend: • Meer as ses uit elke tien kinders (62,1%) word as meerdimensioneel arm geïdentifiseer.• Kinderarmoede in Suid-Afrika is multisektoraal, met die meeste kinders (0-17 jaar) wat tegelyk in verskeie opsigte verwaarlosing ervaar.• Swart Afrika-kinders (68,3%) het die grootste persentasie meerdimensionele armoede, vergeleke met dié in ander bevolkingsgroepe.• Meerdimensionele armoede het die grootste voorkoms onder dubbele weeskinders (77,3%) en weeskinders sonder ’n pa (75%), teenoor nieweeskinders en weeskinders sonder ’n ma.• Meer as twee keer soveel kinders in landelike gebiede (88,4%) beleef meerdimensionele armoede as kinders in stedelike gebiede (41,3%). Die hoogste koerse van meerdimensionele armoede is onder kinders in Limpopo (82,8%) en die Oos-Kaap (78,7%). Gauteng en die Wes-Kaap is die beste daaraan toe, met 33,6% en 37,1%…

omgewings-, maatskaplike en bestuurskwessies (OMB) het deel geword van die keuringsproses wanneer beleggers maatskappye ontleed en hul beleggingsbesluite grond op hoe dié maatskappye OMB-faktore naas finansiële faktore oorweeg wanneer hulle sakebesluite neem. Omgewingsmaatstawwe het te make met die manier waarop ’n onderneming reageer op kwessies soos klimaatsverandering, kweekhuisgasvrystellings, waterbewaring en die volhoubare gebruik van natuurlike hulpbronne. Maatskaplike maatstawwe fokus op sakeverhoudinge en hoe die maatskappy die uitdagings hanteer van aangeleenthede soos dataprivaatheid, gesondheid en veiligheid, belanghebbendes se belange, hoe werknemers behandel word, en diversiteit. Bestuursmaatstawwe het te make met hoe sakeondernemings deursigtigheid in hul kommunikasie en finansiële verslagdoening, maatskappyaansporings en sleutelprestasieaanwysers hanteer. Hoekom maak OMB saak? Dat soveel maatskappye die afgelope tyd misluk het, laat ’n mens toenemend besef watter uitwerking dit op reputasies en finansies het as OMB-kwessies nie…

welvarende Amerikaners het heel voorspelbaar negatief gereageer op president Joe Biden se plan om belasting, veral kapitaalwinsbelasting op beleggingsgroei, te verhoog. Biden se voorstelle is heel uitvoerig vergeleke met vorige belastingverhogings, waarvan die jongste in die vroeë 1990’s was. Dit behels effektief die verdubbeling van die persentasie belasting op markkapitaalwins as inkomste bo $1 miljoen styg. Daarby kan die maatskappy-belastingkoers van 21% tot 28% styg. Dié dubbele slag vir die staatskas sal markte dalk knel. Dit lyk of bitcoin reeds ’n vroeë slagoffer is met dié dat dit tot onder $50 000 gedaal het nadat dit op 14 April ’n hoogtepunt van $64 000 bereik het. Dit het intussen ietwat herstel. Aandelemarkte volg tot dusver meestal ’n wag-en-kyk-benadering. Sekere studies dui daarop dat aandelemarkte belastingverhogings in die verlede geïgnoreer het.…

diep in die landelike Oos-Kaap, aan die oewers van die Tsomorivier, lê die dorp Ncora, die tuiste van een van die vele besproeiingskemas in die provinsie wat onderdie jare se onderbelegging ná apartheid gely het. Ncora se grond is so vrugbaaren geseënd met groot waterbronne dat dit maklikSuid-Afrika se broodmandjie kan word. Dit is egter onwaarskynlik dat die gebied een van die belangrikste voedselbronne in ons land sal word, tensy ’n ernstige poging aangewend word om private beleggers te lok om dit ten volle te benut. In die voortdurende debat oor grondhervorming word plekke soos Ncora selde bespreek, hoewel dit die vermoë het om arm landelike gemeenskappe in die hoofstroom van landbouproduksie te bring. Hierdie plekke is ’n verspeelde geleentheid, net soos die kommersiële plase wat die regering by wit…

Famous Brands, een van Afrika se grootste wegneemete-en informele restaurantkonsessiegewers, verwag ’n verlies vir die volle jaar weens ’n groot afname in voetverkeerweens dieCovid-19-inperkings en die periodieke verbod op die verkoop van alkohol. Die maatskappy erken ook sy beleggingsbesluit oordieGourmet Burger Kitchen in 2016 in Brittanje was swak. Daar word verwag dat wesensverdienste per aandeel met tot 97% gaan daal. Hoewel hy dadelik ná die verligting van beperkings in SA en Brittanje begin sake doen het, is sy voorsieningskettingafdeling, die swaarste deur beperkings getref. Die groep was verplig om syGourmet Burger Kitchenrestaurantsaak in Brittanje en Ierland ten volle met R1,3 miljard af te skryf, nadat die onderneming in Oktober 2020 onder administrasiegeplaas is. Famous Brands wag nog op die afhandeling van die administrasieproses. As ons egter na die grafieke kyk,…

die afgelope jaar het dividenduitkerings onreëlmatig geword toe baie maatskappye hul uitkerings laat vaar of verminder het. Sommige, soos banke, is aanvanklik deur die Suid-Afrikaanse Reserwebank se Omsigtigheidsowerheid verhinder om dividende uit te keer (lees ook die artikel op bl. 15). Dié beperking is intussen opgehef. Dividende is ’n belangrike deel van ’n aandeel se opbrengs en vir sommige beleggers is dit selfs belangriker omdat die dividendinkomste vir algemene lewenskoste ná aftrede gebruik word. Dis belangrik om die dividendbeleid te verstaan van die maatskappy of sektor waarin jy belê om insig te hê in die risiko’s van dividende en insig in hoe die onderneming vaar. Eerstens is daar eiendomsbeleg-gingstrusts. Dis eiendomsaandele wat op die aandelebeurs genoteer is en aan die beurs se vereistes vir eiendomsbeleggingstrusts voldoen. Een van dié vereistes…

risikoaptyt, risikotoleransie, risikovermoë en benodigde risiko. Wat op aarde beteken al dié begrippe vir beleggers sowel as vir finansiële adviseurs? Of het die jargon só holrug gery geraak dat die terminologie selfs gesoute beleggers verwar? Wanopvattings oor wat risiko beteken, kom algemeen voor en is werklikwaar gevaarlik. Die wanopvattings maak dinge riskant. ’n Vergelykende scenario kan ons help om dinge beter te verstaan. Kom ons veronderstel Katrien, 45 jaar oud, wil ’n nuwe motor koop. Sy lê besoek af by ’n handelaar en vra om ’n Ferrari te toetsbestuur. Katrien het ’n groot aptyt vir die bloedrooi Ferrari. Nie alleen het Katrien ’n “toleransie” vir die Ferrari nie, maar sal dit vir haar ook ’n lewenslange droom verwesenlik om dié motor te besit. Die handelaar se voorkeur is om aan…

Hannes Viljoen KOM ONS SÊ ‘WAARSKYNLIKHEID’ Die bepaling van kliënte se risikoprofiel is om die regte rede geskep. Om kliënte se portefeuljes te laat ooreenstem met hul persoonlikheid en karakter en derhalwe die waarskynlikheid te verbeter dat hulle hul sal hou by hul beleggingsplan is ’n edele konsep. Het dit gewerk? Het dit kliënte se uitkomste verbeter? Wat as ons die taal verander van “risiko-gegronde advies” tot “waarskynlikheid-gegronde advies”? Daar is opsies om die waarskynlikheid van die bereiking van beleggingsdoelwitte te verhoog. Beleggers kan hul maandelikse spaargeld verhoog; hulle kan langer spaar of hul doelwitverwagtinge aanpas. Andersins, kan kliënte ’n groter moontlikheid van ’n onttrekking op kort termyn aanvaar (en, belangrik, met hulp, verduur) in ruil vir hoër verwagte opbrengste op lang termyn. Die beginsel is om ’n portefeulje-en beleggingstrategie…

in sy boek The Most Important Thing – Uncommon Sense for theThoughtful Investor, voer Howard Marks aan dat beleggings net te doen het met die neem van besluite vandag oor die toekoms. Ongelukkig het niemand volmaakte versiendheid wat die toekoms betref nie. Derhalwe hou die beleggingsbesluite wat ons vandag neem, die risiko in dat die toekoms nie gaan ontplooi soos daar verwag word nie. Aangesien belegging in wese ’n proses van balansering vanverwagte risiko en verwagte opbrengste is, is die behoorlike bepaling van risiko net so belangrik as die raming van opbrengste vir iemand wat opbrengste in die finansiële markte wil oes. Die kritieke vraag is dus: Is daar ’n universeel aanvaarde mate van risiko? In ’n poging om ’n universele kwantifiseer bare risikomaatstaf te vind, het akademiese teorie besluit…

risiko was nog altyd ’n primêre oorweging vir fondsbestuurders en hul kliënte. Wat die verskillende partye in gedagte het wanneer hulle dink aan risiko en hoe om dit te bestuur, kan egter baie uiteenlopend wees. Duidelike en deeglike kommunikasie oor risiko is daarom ’n wesenlike deel van die ooreenkoms tussen kliënte en fondsbestuurders om die twee perspektiewe soveel moontlik te laat ooreenstem. Een van die hoofbepalers van risiko uit die kliënt se oogpunt is die beleggingsmaatstaf. In die geval van ’n tipiese kleinhandelkliënt kan dit eenvoudig behels om ’n bewuste besluit oor die gewenste opbrengs in die beleggingstydsraamwerk te maak, saam met ’n bewustheid van die moontlike wisselvalligheid van opbrengs wat waarskynlik in dié tydperk sal voorkom. In die geval van ’n institusionele kliënt is die besonderhede van die maatstaf…

ek dink ons almal was al deel van gesprekke waar die woorde, “die mense sê” opgeduik het. “Die mense sê” dat die vervolg van ’n spesifieke rolprent selfs beteras die oorspronklike gaan wees. Of “mense sê” dat die derde vlaag van Covid-19 veel erger as die eerste twee gaan wees. Dit is wanneer dié “mense sê”-praatjies die ronde in die beleggingswêreld begin doen dat dit my belangstelling wek. Twee van die gewildste “die mense sê”-onderwerpe wat op die oomblik die rondte doen, is: Amerika verteenwoordig 58% van die MSCI All Country World Index; dus, as die S&P500 sukkel, sal die FTSE/JSE se indeks van alle aandele ook sukkel; en tweedens: dit maak nie saak hoe aantreklik waarde-aandele is nie, as groei-aandele ineenstort, sal waarde-aandele laer volg. Almal sal eenvoudig die…

die Nifty, ’n nie-tasbare bewys (of NFT), is ’n nuwe digitale bateklas wat nogal ’n opskudding in die kuns-, mode- en musiekwêreld veroorsaak. Beleggers met ’n meer tradisionele benadering flous hulself om te dink dié nuwe bateklas is ’n gier wat sal oorwaai, sê Nigel Green, uitvoerende hoof en stigter vandeVere Group, ’n internasionale finansiële advies- en finansiëletegnologie(finteg-)maatskappy. “NFT’s is miskien op die oomblik ’n nuutjie, maar beslis sinvol as jy dink hoe vinnig die wêreld om ons digitaliseer, wat digitale bates al hoe meer waardevol sal maak.” NFT’s word met behulp van blokkettingtegnologie geverifieer om aan die kopers daarvan sertifikate uit te reik om egtheid en eienaarskap te waarmerk. Hulle produseer unieke, nie-uitruilbare digitale bewyse en kan soos enige ander bate gekoop en verkoop word, maar nie in ’n…