Innholdsfortegnelse for 6/25/2020 i Finweek - Afrikaans

terwyl die res van die wêreld versigtig uit Covid-19 ontwaak, vind Suid-Afrikaners hulle steeds te midde van die inperkingsluimer. Dit is al bykans drie maande wat ons hierdie bisarre nuwe werklikheid moet aanvaar. En met dieCovid-19-gevalle wat toeneem, gaan ons waarskynlik nog ’n tyd lank met hierdie onsekerheid moet saamleef. Die regering het egter sy deuntjie verandervan die onheilspellende toon van die begin van die inperkingstyd na een van afgemete omsigtigheid. In sy brief van 8 Junie aan Suid-Afrikaners, het president Cyril Ramaphosa dit afgesluit deur ons aan te spoor om nie vreesbevange te wees nie, maar voorbereid. In lig van ons huidige herstelsyfer, is dit nie ’n onbillike versoek nie. Natuurlik saai die sterfgevalle verwoesting – maak nie saak wat die syfer is nie. Daarbenewens staar ’n onafwendbare toename…

lokalisering in Suid-Afrika se mynbousektor is ’n omstrede onderwerp. Die regering vra al hoe meer daarvóór, en verkryging van plaaslike firmas word ’n kenmerk van wetgewing, veral in Mynbouhandves III. Soos die Mynbouhandves tans vereis, moet 70% van alle verkrygings deur SA firmas binne drie jaar plaaslik wees om aan die regulasies van die mynlisensies te voldoen. Die regering gaan selfs sover as om die bemagtigingsvlakwat van verskaffers vereis word, voor te skryf. Die mynbousektor sê hy besef ten volle die voordele van lokalisering, maar dat die teikens te moeilik is. Dit is waar die aangeleentheid nou staan, terwyl die regering en die Mineraleraad wag op die beslissing van ’n hooggeregshofproses wat hoofsaaklik daarop gerig is om te besluit of bemagtigingspogings uit die verlede erken moet word. Maar kan wêreldwye…

Ons plaaslike banke is goed gekapitaliseer, met hul kapitaaltoereikendheidsvereistes wat hoër is as wat deur Basel III vereis word. Die Suid-Afrikaanse Reserwebank (SARB) het ook van dié kapitaalvereistes verslap. Die SARB leen ook R200 miljard aan die handelsbanke, soos onderskryf deur die regering se ekonomiese pakket in antwoord op Covid-19. Vir die plaaslike handelsbanke lê groot uitdagings voor, met slegte skuld wat reeds begin toeneem het en sekerlik verder sal styg soos ondernemings sukkel en sluit. Verbruikers is ook onder finansiële druk. Dit sal banke se verswakkingskoers laat opskiet, waarskynlik tot bo die vlakke tydens die wêreldwye finansiële krisis van 2008-’09. Dit, ondanks wetgewing wat sedertdien die gehalte van hul leningsboeke verbeter het. Banke gaan ook sukkel om nuwe besigheid in te kry, want hulle ontvang minder leningsaansoeke en keur…

dit spreek vanself dat ons op die oomblik ekonomies en andersins ’n moeilike tyd beleef. En miljoene mense beskou hulself as geseënd dat hulle in effektetrusts belê het. Die deursneemens het eenvoudig nie die tyd of die kundigheid om sy persoonlike beleggings elke dag te bestuur, om rente-of dividendinkomste te herbelê of om die derduisende sekuriteite wat in finansiële markte beskikbaar is, te ondersoek nie. Effektetrusts en skansfondse word deur beroepslui bestuur wat ervare is in die belê van geld en wat die opleiding, vaardighede en hulpbronne het om uiteenlopende beleggingsgeleenthede te ondersoek. En net so belangrik, baie van hulle bestuur verskillende fondse en stel ’n mens so in staat om teen ’n geringe bedrag of selfs kosteloos van fondse te verander. Sodoende kan jy jou portefeulje verander in ooreenstemming…

dit spreekvanself dat die doel van enige intelligente belegger is om die hoogste opbrengste oordie langste moontlike tydperk uit sy kapitaal te verdien. Die algemene opvatting is dat aandele bo effekte of kontantekwivalente verkieslik is vanweë hul riskanteraard en omdat hulle die hoogste moontlike opbrengste bied. Aangesien effekte tradisioneel as veiliger as aandele beskou word, is die opbrengskoers gewoonlik laer. Maar sommige effekte (dié met hoë opbrengskoerse) bied moontlik buitengewoon hoë opbrengste. In die geval van rommeleffekte kan opbrengste tot byvoorbeeld 50% per jaar lewer, maar hulle het buitengewoon groot risiko’s vir wanbetaling. Die toepaslike toewysing van portefeuljes aan hierdie klasse word tans wêreldwyd en in Suid-Afrika bespreek. Die verskil tussen ons markte en dié elders is groot. Dit is inderdaad nie voor die hand liggend nie. Die keuse van…

maslow se hiërargie van behoeftes beskryf hoe menslike motivering in vyf kategorieë van behoeftes val. Die idee is dat ’n mens eerstens in die basiese behoeftes (soos voedsel, water en skuiling) moet voorsien, voordat jy verder gaan na meer ingewikkelde (en abstrakte) behoeftes wat sekere sielkundige en selfverwesenlikende begeertes behels. Net so kan Suid-Afrikaanse beleggers se behoeftes ingedeel word van die heel basiese, soos om verliese te vermy, tot die ingewikkeldste (en wenslikste) wat die langtermyn-groei van internasionale koopkrag behels. Dis ’n belangrike benadering virdiskresionêre langtermynspaar. In krisistye, soos die huidige Covid-19-pandemie en die gepaardgaande ekonomiese gevolge, word ons gewoonlik gedryf deurdie basiese beleggersbehoefte: moenie geld verloor nie. Maar jy moet gefokus bly op jou werklike teiken, wat vir diegene met langtermynbeleggingshorisonne is om te sorg dat ons swaarverdiende spaargeld…

internasionale reis en toerisme is afgemaai deur beperkings wat ingestel is om die verspreiding van die koronavirus te bekamp, maar die aandag word nou verskuif na hoe en wanneer die sektor kan herstel – wat na raming 200 miljoen werksgeleenthede (’n tiende van die wêreldekonomie), verteenwoordig. Onsekerheid heers saam met kommer oor of daar ’n “tweede vlaag”, of heroplewing van infeksies, sal wees in lande wat hul inperkings begin verslap het – ’n scenario wat dieWêreldgesondheidsorganisasie sê onvermydelik is na aanleiding van hoe vorige pandemies verloop het. Dit laat die moontlikheid ontstaan van ’n herhaling van beperkings totdat ’n doeltreffende entstof ontwikkel word, en reis is die kwesbaarste aktiwiteit, veral omdat dit vir die aanvanklike verspreiding van die virus vanaf die oorsprong daarvan in Wuhan, China, verantwoordelik was. Menings verskil…

die meeste mense met aftreeplanne het seker al daardie e-pos van hul beleggingsbestuurder ontvang; naamlik die een wat met ’n vrolike getingel ingekom het, maar eintlik soos ’n angskreet moes geklink het. Dit is omdat daar nou ’n yslike krater is waar jou aftreespaargeld vroeër was, en dit is te danke aan Covid-19. Selfs voor die virus verskyn het, was daar probleme met die wêreldekonomie, maar nou, met resessies wat oral behalwe in Indië en China verwag word, is die prognose vir die wêreldekonomie swak of erger. “Eerstens dink ek Covid-19 gaan ons almal seermaak,” het Derrick Msibi, uitvoerende hoof van STANLIB, in ’n onderhoud met finweek gesê. “Ek sal baie verbaas wees as dit later nie gesien word as ’n belangrike of bepalende feit in die geskiedenis van die…

harde werk, tyd en moeite is nodig om waardevolle besittings te versamel, en daarom maakdit finansieel sin om hulle teen verlies of skade te beskerm deur hulle te verseker. “Die doel met versekering is om jou in die finansiële posisie te plaas waarin jy net voor die verlies was. Jy kan nie die toekoms voorspel nie, en dis waarom jy versekering moet hê,” sê Ricardo Coetzee, hoof van Auto & General Insurance. Deur ’n maandelikse premie aan ’n versekeringsmaatskappy te betaal, kan jy vir die verlies van versekerde items vergoed word. Die meeste kliënte wat tot die premiepoel bydra, dien nie deur die jaar eise in nie, wat dit vir die versekeringsmaatskappy moontlik maak om kliënte te vergoed wat verliese ly, sê Marius Neethling, onderskrywingsbestuurder vir persoonlike reekse van Santam.…

sedert die term “kapitalisme” in die 19de eeu geskep is, is dit verkeerd verstaan. Dit is oorspronklik gebruik as kritiek op die toenemende inkomstegaping tussen fabriekswerkers en fabriekseienaars. Maar tot in die vroeë 20ste eeu is dit selde gebruik; Karl Marx het die woord slegs ’n paar keer in sy latere geskrifte gebruik. In 1908 het die ekonoomThorsten Veblen verduidelik dit as ’n sosialistieseterm gebruikvir’n “grootskaalse nywerheidsregime” – nie presies soos ons dit vandag gebruik nie. Die term het in die 20ste eeu ontwikkel om baie dinge vir baie mense te beteken. As ek my voorgraadse ekonomiesegeskiedenisklas moet vra vir ’n definisie, sal ek soveel antwoorde kry as wat daar studente is. Party sal dit omskryf soos die Franse sosialis Louis Blanc dit in 1850 gedoen het: Kapitalisme is die…

Covid-19 het die skuld gekry vir die wisseling in die prys van mangaan − mangaan is belangrik in die vervaardiging van staal omdat dit vir staal se verhardingseienskappe verantwoordelik is. Maar dít is dalk verkeerd, sê ontleders by Morgan Stanley in ’n onlangse verslag. “Die druk op mangaanpryse is verkeerdelik geblameer op SA se inperking,” sê Christopher Nicholson, Jared Hoover en Brian Morgan, ontleders by die bank. “In werklikheid is vandag se hoë pryse ’n funksie van verlede jaar se lae pryse, wat die weg baan vir pryse om weer te daal,” het hulle gesê. Dit was hierdie wip in die siklus wat gelei het tot die ondergang van Kalagadi Manganese, die maatskappy wat deur die bekroonde entrepreneur Daphne Mashile-Nkosi besit word. Die Nywer-heidsontwikkelingskorporasie is ook ’n vername aandeelhouer in…

Telkom verwag om vir die jaar tot einde Maart ’n aansienlike daling in verdienste aan te teken weens verliese rakende Covid-19 en die koste van sy herstruktureringsprogram. Hy verwag sy wesensverdienste per aandeel sal met tussen 65% en 70% daal en basiese verdienste per aandeel sal met 80% afneem vergeleke met verlede jaar. Die dalings is hoofsaaklik weens eenmalige koste van sowat R1,2 miljard rakende sy herstruktureringsprogram, sê Telkom. Selfs met die huidige ekonomiese uitdagings het die prestasie vanTelkom se debiteureboek egter nie agteruitgegaan tussen Maart en Mei nie. Telkom moet sy resultate op 22 Junie uitreik en hy het beleggers gewaarsku sy grootste uitdaging vir die jaar is die afname in vastelyn-steminkomste, wat 22% laer is as verlede jaar. Groei van meer as 50% in selfoondiensinkomste vir die jaar…

die koronavirus-pandemie het talle beleggers die skrik op die lyf gejaag – plaaslik sowel as in die buiteland, soos die wisselvallige op-en afswaaie in die wêreld se ekwiteitsindekse – en selfs Suid-Afrika se effektemark – kan getuig. Plaaslike vrese is verergerdeurSA se trae ekonomiese prestasie en het beleggers met reg laat bevraagteken of hulle hul geld na die buiteland moet verskuif of nie. In hierdie opvolging van my vorige rubriekoor buitelandse beleggings (uitgawe van 4 Junie) kykek steeds na redes waarom beleggers sou besluit om hul beleggings na die buiteland te verskuif en die belangrike oorwegings wat in gedagte gehou moet word voor dit gedoen word. Buitelandse teenoor randgedenomineerde fondse ’n Mens kan in die buiteland belê deur óf deur middel van ’n buitelandse geldeenheid te koop óf deur die…

veel is onlangs gesê oorontluikende goue geleenthede vir beleggers terwyl die kudde weg van die markte vlug. Kokkie Kooyman, ’n direkteur by DenkerCapital en die portefeuljebestuurder van die DenkerGlobal Financial Fund en sy randgedenomineerde voerderfonds, is vol selfvertroue dat sy beleggingsbekeroorloop en dat beleggers dit ernstig behoort te oorweeg. Leon Kok het met hom gesels. Is daar veel voor te sê om tans in globale finansiële aandele te belê? Beslis. Dis waar; ernstige vrese vier tans hoogty in die mark, byvoorbeeld dat banke se netto batewaardes (NBW’s) kwaai afgeskryf gaan word weens slegte skuld. Ons ervaring en navorsing toon dat die mark verkeerd is. Slegte skuld gaan hoog wees, maar ons is vol vertroue dat banke in 2020 winsgewend gaan bly. Daarby glo ons die banksektor gaan ons verbaas en…

in die middel tot laat 2000’s en toe meer onlangs sedert Januarie 2015 kon Suid-Afrikaanse beleggers in die geldmark belê en ’n aantreklike reële opbrengs met min kapitaalrisiko verdien. Die meer onlangse tydperkvan positiewe reële geldmarkopbrengs het saamgeval met ’n tydperk van teleurstellende opbrengs uit groeibates (aandele en eiendom), met die gevolg dat al hoe meer beleggers hul blootstelling aan groeibates na kontant omgeskakel het. Ná die onlangse ineenstorting van die aandelemark het dit eenvoudig toegeneem. ’n Paar waarnemings Dis duidelik dat SA se terugkoopkoers die belangrikste instrument vir monetêre beleid is wat die SA Reserwebank (SARB) het om inflasie te beheer. Wanneer inflasie styg (of te verwagte is), reageer die SARB deur die terugkoopkoers te verhoog, en wanneer inflasie daal (of, weer, as dit verwag word), reageer die bank…

RAUBEX Hy bly bou Raubex is een van die min oorblywende konstruksieaandele op die JSE. Hy het einde Mei behoorlike resultate vir die jaartot 29 Februarie gepubliseer, en het gesê hy het die laaste paar maande ’n toename in tenderaktiwiteit ondervind. Raubex is ook goed geposisioneer om voordeel te trek uit die 2019-geïntegreerde hulpbronplan, wat die kabinet in Oktoberverlede jaar goedgekeur het, maar waarvoor tenders nog nie aangevra is nie. Nog ’n geleentheid is die infrastruktuurbesteding wat die regering waarskynlik beplan om die ekonomiese uitwerking van die pandemie te versag. Gevolglik kan daar weer ’n bietjie werk in die sektor wees. Die probleem is egterdat daar ná jare van min aktiwiteit in die kontruksiebedryf beslis ’n ooraanbod van potensiële bieërs vir enige werk is, en dit beteken hoogs mededingende bieëry…

Soos die besit van ’n huis of motor kan troeteldiersorg duur word. “Die ooglopende kwessies waaraan mense altyd dink, is waar ’n toeteldier se eienaar die versorging moet verswak of selfs hul troeteldier moet laat doodgaan omdat hulle nie die veeartsrekening kan bekostig wat op ’n operasie of behandeling sou volg nie,” sê Ansu Clarke, bemarkingsbestuurder van Dotsure. Clarke sê aan finweek dié versekeraar het al byna 150 000 troeteldierversekeringspolisse verkoop en het reeds meer as R80 miljoen se eise aan Suid-Afrikaanse troeteldiereienaars uitbetaal. “Veeartsuitgawes neem nie af nie, want die medisyne en masjinerie wat hulle gebruik, is dikwels selfs komplekser en meer gesofistikeerd as dié wat mensedokters gebruik. Ons wil net hê dat veeartse en troeteldiereienaars nie deur die kostefaktor teruggehou word nie,” sê Clarke. Clarke sê die meeste…

eloftes is die soetste leuens, lui ’n inskrywing op my dogter se WhatsApp-profielfoto. Sy is net 14, maar dié boodskap het my getref – iets by dié introverte tiener wat my verras het. Die boodskap het my laat dink aan ’n reeks verbreekte beloftes deur ons verkose politici onderdie dekmantel van breedgebaseerde swart ekonomiese bemagtiging, wat in die verskeie weergawes daarvan in die afgelope 26 jaar net ’n piepklein swart keurgroepie met politieke bande bevoordeel het terwyl die ongelykheid grotergeword het tussen dié mense wat dit veronderstel was om te bevoordeel. Die beleid se mislukking om die belofte te verwesenlik om swart ekonomiese deelname radikaal te vergroot, word ’n bron van frustrasie en ontnugtering onder die bedoelde swart bevoordeeldes. Gevolglik begin ’n teenoorgestelde siening ontstaan dat bemagtiging heeltemal hersien of…

Statistieke Suid-Afrika (Stats SA) het twee van drie “golwe” aanlyn peilings gedoen sedert president Cyril Ramaphosa op 23 Maart die nasionale ramptoestand afgekondig het. Dié peilings meet die impak wat die landwye staat van inperking, wat op 26 Maart begin het, op die SA samelewing het. Een van die peilings in die eerste ronde (Golf 1) “het op gesondheidsverwante kwessies gekonsentreer, spesifiek op gedrag, kennis en persepsies rakende Covid-19”. Dataversameling vir Golf 2 was op werkverskaffing, inkomste en hongerverwante kwessies toegespits en het tussen 29 April en 6 Mei 2020 in die sesde week van die landwye staat van inperking plaasgevind. Sommige van die resultate van dié peiling is in die grafieke aan die linkerkant te sien. Die tweede golf van Stats SA se peiling oorCovid-19 se impak op die…

famous Brands, wat plaaslike franchises soos Steers en Wimpy besit, het laat in Mei verbeterde wins virdie jaartot Februarie verklaar. Die uitwerking van die Covid-19-pandemie en inperkings in Suid-Afrika en Brittanje het die groep se inkomste sedertdien verklein. Hy het het sterk opgetree om besighede vaartbelyn te maak, koste te sny, en kontant te bewaar. “Dit sluit in die opskorting van bedryf-en kapitaalbesteding, verligting virfranshisenemers in die vorm van die tydelike uitstel van betalings (van skuld voor die inperking) en verminderde tantieme en tariewe ná die inperking, onderhandelings met banke en eiendomseienaars, tydelike strategiese buitediensstelling van dele van die onderneming wat nie in die inperkingbeperkings mag werk nie, en ’n beperkte uitdiensstelingprogram waar alle anderopsies uitgeput is," volgens sy finansiële state. Vooruitsigte: Famous Brands het in Augustus 2017 deur sy…

ná hul ineenstorting in Maart het markte plaaslikén wêreldwyd verstewig. Aan die voorpunt was die Nasdaq met ’n styging tot nagenoeg sy hoogste vlakke ooit, terwyl die S&P 500 terug is op bokant 3 100, goed op pad na sy allerhoogste vlak van 3 386. Albei indekse het in Februarie rekordhoogtepunte aangeteken. Die plaaslike FTSE/JSE top-40-indeks verhandel by die skryf hiervan net onderkant 49 000, teenoor 51 500 begin vanjaar. Die top-40 se allerhoogste vlak was kort onderkant 54 000 in November 2017. ’n Kykie na dié vlakke kan ’n mens met reg laat vra: watter pandemie? Waardasies is tot op rekordvlakke oorspanne. Die verwagte prys-verdienste-verhouding (p/v) van die S&P 500 is duurder as ooit tevore, op twee uitsonderings ná: tydens die dotcom-oplewing van 2001 en die krisis van 2008.…

dis begryplik dat Suid-Afrikaanse beleggers ná die skerp verkope op finansiële markte wêreldwyd weens die koronaviruspandemie oor hul portefeuljewaardes besorg is. Ondanks die voortgesette markwisselvalligheid en onsekerheid oortoekomstige ekonomiese groei meen ons by Prudential egter dat dit nou ’n baie goeie tyd is om in goed gediversifiseerde gebalanseerde fondse te belê, veral vir langertermyn-beleggers wat sterk opbrengs soek wat inflasie klop. Selfs al is beleggers dalk huiwerig om weens hul onlangse historiese onderprestasie te belê, moet hulle dit des te meer oorweeg. Ons ontledings toon dat baie slegte nuus reeds op ons markte by pryse ingereken word – wat ’n seldsame geleentheid bied om op baie aantreklike vlakke tegelyk in verskillende bateklasse te belê. Plaaslike aandele, effekte en inflasiegekoppelde effekte verhandel baie goedkoop. Dit geld ook plaaslike genoteerde eiendom is…

die Covid-19-pandemie het groot veranderinge in beleggersentiment teweeggebring. Alhoewel talle beleggingsrisiko’s ongetwyfeld ná die pandemie sal voortduur, is daar ook groot waarde te vind. Is effekte aantreklik genoeg om aan beleggers ’n veilige toevlugsoord teen koronavirus-vrese te bied, en indien wel, waar lê die geleenthede? “Suid-Afrikaanse effekte prys genoeg slegte nuus in om aantreklik te wees, en bied rentekoerse wat meer as dubbel die inflasiekoers is,” sê Londa Nxumalo, portefeuljebestuurder by Allan Gray. Die swak prestasie van effekte oor die afgelope jaar kan grotendeels teruggevoer word na Maart 2020: Effekte is op groot skaal verkoop, en in een stadium was opbrengskoerse na aan 13,7%. Nxumalo sê dis nuttig om die agtergrond waarteen effekte oor die afgelope jaar presteer het, te verstaan voordat jy inspring en belê. “Die swak prestasie van…

ekonomies gesproke was ons nog selde in ’n groter gemors as nou. Trouens, die finansiële stelsel is broser as wat aan ons gesê word en kan nog skrikwekkend vinnig uitrafel. Die enigste ander keer wat ek van so iets in Suid-Afrika weet, was toe die Hertzog-regering in die vroeg-1930’s hardkoppig geweier het om van die goudstandaard af te stap en die land ál dieper in die Groot Depressie laat verval het. Dit lyk of ons nou in ’n soortgelyke bootjie is, veroorsaak deur ’n stompsinnige ANC-regering wie se enorme ekonomiese stimulus van R500 miljard tot ’n inkrimping van tussen 7% en 12% in ons ekonomie kan lei. Veral ’n groot probleem is dat die SA Inkomstediens reeds gesê het dat belastinginvordering vanjaar met tot R250 miljard kan tuimel weens die…

“Remgro se doel is om voortreflike opbrengste by wyse van volhoubare dividend-en kapitaalgroei aan aandeelhouers te verseker op lang termyn.” ’n Rits ontknopings uit beleggingsmaatskappye oor die afgelope paar jaar het die vraag by menige belegger laat ontstaan of dié maatskappye, tesame met die afslag op hul netto, of selfs intrinsieke netto batewaardes, nog enigsins die moeite werd is om in te belê. Een van die grootste beleggingsmaatskappye in Suid-Afrika is ongetwyfeld Remgro met sy belange in private gesondheid, voedselverwerking, optieseveselinfrastruktuur en die bankwese – om maar ’n paar te noem. Ondanks die maatskappy se oënskynlik sterk onderliggende maatskappye, verhandel sy aandeelprys teen ’n stewige afslag teenoor sy intrinsieke netto batewaarde. Laasgenoemde is ’n maatstaf wat deur Remgro ingespan word om sy onderliggende waarde te bepaal. Oor die afgelope paar…

Darth Kitchens, ’n donker (of spook-) kombuis in die hartjie van Kaapstad, het die afgelope jaar agt handelsmerke ontwikkel en bekendgestel. En hoewel die grendeltyd voedselafleweringsyfers in Suid-Afrika beïnvloed het, glo Tom Shackle, uitvoerende hoof van Darth Kitchens, die model van aflewerings alleenlik, soos gegrond op die konsep van die virtuele kombuis, sal gewilder raak. “Die mark vir voedselaflewering in dié land groei vinnig. Die inperking het die syfers beïnvloed, maar met dié dat aflewering deesdae een van ons enigste keuses is, bied dit aan die klant ’n vinnige en maklike opsie om kos te kry terwyl hulle gerieflik tuis bly. Gegewe die behoefte aan gerief in die mark, volg voedselaflewering in SA ’n soortgelyke trajek as die tendense wat ons internasionaal gesien het. Ek voorsien dus dat die gewildheid…

Cathy Mohlahlana @CathyMohlahlana Kan iemand asseblief verduidelikwaarom Tupperware-diewe altyd die deksels los? Acab @leonardcowalski Gholfbane is soos hondeparke waarheen jy jou pa kan neem om saam met ander pa’s rond te hardloop, te speel en hulle te geniet. John Fritchey @johnfritchey Kanada moet sekervoel of hulle in ’n woonstel bokant ’n meth lab woon. Lucie Steiner @TheSteinbag Al die kroegmanne wat ek al ontmoet het, kan konflik beter as die polisie de-eskaleer. Tim Siedell @badbanana Aan die positiewe kant spaarek baie geld omdat ek net die voorkant van my werkshemde hoef te laat droogskoonmaak. David Burr Gerrard @DBGerrard Geskiedkundiges van die toekoms sal gevra word in watter kwartaal van 2020 hulle spesialiseer. Dan Skinner @danielrskinner “Ek spesialiseer in die vroeë Covid-19-tydperk, met spesifieke kennis van Februarie 2020.” Iain S. Thomas…