Innholdsfortegnelse for 19 March 2020 i Finweek - Afrikaans

iewers tussen Rusland en Saoedi-Arabië se olieoorlog, die ineenstorting van markte en die toename in die histerie oor koronavirus is Internasionale Vrouedag gevier. In ’n tyd waarin ons werklikheid amper soos die storie van ’n distopiese roman klink, was dit vir my moeilik om deur dié dag geïnspireer te word. Met die krisis van geslagsgeweld wat die land beleef, is dit duidelikdat Suid-Afrika nog dringende werk het om te doen om geslagsgelykheid te bewerkstellig. Op papier vaar ons goed. Luidens dieWêreld-Ekonomiese Forum se Gender Gap Report 2020 is Suid-Afrika 17de uit 153 lande op dieGeslagsgapingindeks. In Afrika suid van die Sahara is ons derde ná Rwanda en Namibië. Wêreldwyd is Rwanda negende. Dié verslag, wat sedert 2006 saamgestel word, spoordie relatiewe gaping tussen mans en vroue op vier terreine na:…

“JA ASSEBLIEF, REGTER ZONDO, GEE ONS ’N TUSSENTYDSE VERSLAG.” – Adv. Shamila Batohi, nasionale direkteur van openbare vervolging vir die Nasionale Vervolgingsgesag, sê sy besef die druk is groot vir strafregtelike vervolging weens korrupsie en staatskaping. Sy het in Maart by die Daily Maverick se konferensie ‘The Gathering’ gepraat. “Die laaste ding wat ons nodig het, is dat dié enorme hoeveelheid data op ons gestort word wanneer die kommissie klaar is. Dit bekommer ons regtig,” het sy gesê. Die publikasie sê die Spesiale Ondersoekeenheid se ondersoek na munisipale misdrywe het 18 afgehandelde sake opgelewer, 21 dien tans voor die hof en 25 word nog ondersoek. “Ons het ’n risiko vir die vooruitsigte van die ekonomie gesien en gekies om op te tree.” – Jerome Powell, voorsitter van die Amerikaanse Federale…

die tydelike opskorting van produksie by affineergeriewe van platinumgroepmetale (PGM'e) by Anglo American Platinum (Amplats) seWaterval-aanleg in Rustenburg nadat ’n ontploffing daar plaasgevind het – en die tegniese probleme met sy steuneenheid – beteken verskillende dinge vir verskillende maatskappye. Vir Amplats beteken die ontwrigting dat hy in 2020 ongeveer 900 000 onse PGM’e minder sal produseer – wat bestaan uit ongeveer 600 000 onse minder platinum en 300 000 onse minder palladium. Dit sal ’n verlies aan verdienste voor belasting van $1,1 miljard veroorsaak, volgens ’n verslag van RMB Morgan Stanley kort nadat Amplats vroeg in Maart sy aankondiging gemaak het. Die groep, wat deur Anglo American beheer word, word voldoende gefinansier om die toename in bedryfskapitaal te hanteer, wat ontstaan omdat hy nie geaffineerde platinum kan verkoop nie, wat…

Ek verwag dat die mark vir die res van die jaar weens die koronavirus (Covid-19) moeilik gaan wees. Terwyl ek skryf – Maandag 9 Maart voordie markopen – lykdit of die wêreldmarkte 5% laer sal oopmaakomdat die olieprys vermorsel word (sien bl.13). Vir diegene wat in dié wilde markte ’n effense veiligheid soek, bied stewige voorkeuraandele behoorlike opbrengskoerse teen relatief lae risiko. Die opbrengskoers op Grindord se voorkeuraandeel is 11% en dis aan die prima rentekoers gekoppel. Wanneerdie Reserwebank koerse verlaag – soos ekverwag – sal die opbrengskoers daarom daal, maar sal steeds ver bo inflasie bly en sal dit waarskynlik ook in die volgende jaar ver bo die opbrengs van aandele wees. Dié voorkeuraandeel betaal rente gelyk aan 80% van die prima koers. Omdat die aandeelprys veel minderas die…

jeffrey Laderman, destyds ’n vooraanstaande Amerikaanse kenner van effektetrusts, het tydens ’n besoek van my aan Baltimore 20 jaar gelede gewaarsku dat ’n groot gevaar vir baie mense is dat hulle fondse kies amperasof hulle “wondergeneesmiddels” is. “Jy bel jou dokter en sê: ‘Skryf ’n bietjie vir my ’n voorskrif vir die twee of drie middels wat jy dink die beste is.’ Klink absurd, nè? Te veel mense kies hul beleggings só. Hulle hoor van ’n fonds wat goed presteer met ’n ongewone beleggingsplan en spring in.” Wat eerder nodig is, volgens hom, is om jou finansiële doelwitte te ondersoeken te besluit presies wat jy met jou beleggings probeer bereik. Daarna kan jy ’n sinvolle keuse uit die talle beleggingsgeleenthede doen. Daar is sowat 1500 plaaslik bestuurde effektetrusts slegs in…

terwyl daar verlede jaar nie veel goeie nuus verwag is nie, was die jaar se politieke en ekonomiese gebeurtenisse slegter as verwag. Dis nie verbasend dat negatiewe sentiment omvattend is en die manier beïnvloed waarop beleggers dink en voel nie, maar dit mag dalk nie help nie. Daarom het ons gedink dit sal van waarde wees om terug te staan en te kyk na wat werklik saak maak as jy welvaart wil bou. Bly ingestel op die lang termyn In ’n omgewing verwikkel in vrese rondom Covid-19 (koronavirus) en waarin die JSE in drie van die afgelope vyf jaar slegter as verwag gevaar het – wat baie druk in die stelsel veroorsaak het – kan ’n mens maklik vergeet dat beleggingsuitkomste en ware welvaartskepping oor verskeie dekades plaasvind. Daar is…

in die geval van ’n force majeure, soos die wêreldwye verspreiding van die koronavirus-epidemie, sal ondeurdagte kope of verkope in die mark die norm wees. Maar onder normale omstandighede is die besluit oor wanneer om ’n aandeel te koop of te verkoop ’n belangrike oorweging op grond van berekende feite. Daar is ’n gesegde dat ’n aandeel baie hoër kan styg as waarop gehoop word. Of dat hy langer laag kan bly as wat gevrees is. Grootskaalse verkope verteenwoordig ’n regstelling, met koopgeleenthede. Sommige aandele is gewoonlik oorgewaardeer. Maar baie is ook ondergewaardeer. Plaaslike eiendoms-en kleinhandelaandele kon voor die huidige daling beskou word as oorgewaardeer. Maar nou kan ’n mens sê hulle is byna sekerlik ondergewaardeer. Platinum-en goudaandele het tot oorgewaardeerde vlakke gestyg en in die afgelope jaar soms met…

vir die agtste keer in slegs 22 jaar, het die Amerikaanse Federale Reserweraad (Fed) op 3 Maart rentekoerse buite sy normale vergaderingskedule met 0,5 persentasiepunte besnoei, hoewel Amerikaanse ekwiteitsmarkte daarna steeds met bykans 3% gedaal het. Waarom die besnoeiing? DieCovid-19-virus (of koronavirus). Die Fed se voorsitter, Jerome Powell, het gesê: “Die risiko’s met betrekking tot die Amerikaanse vooruitsig het wesenlik verander”, en “Die virus en maatreëls wat getref is om dit te bekamp, sal sonder twyfel ’n tyd lank ’n uitwerking op ekonomiese bedrywighede hê, hier sowel as in die buiteland”. Covid-19 is ’n menslike kwessie, met ’n geprojekteerde sterftesyfer van ongeveer 2%. Teen 8 Maart was daar105586 bevestigde gevalle van mense wat die virus onder lede het, en die dodetal het op 3584 gestaan, aldus die Wêreldgesondheidsorganisasie. Dit beteken…

Die uitbreking van die koronavirus in China sal vanjaar waarskynlik die grootste invloed op die plaaslike toerismebedryf hê. SA se gesondheidsowerhede het teen 11 Maart bevestig dat 13 mense in die land met die virus besmet is. Sewe van hulle was deel van ’n toergroep wat begin-Maart van Italië na Kwazulu-Natal teruggekeer het. “2020 gaan moeilik wees,” sê Tshifhiwa Tshivhengwa, uitvoerende hoof van Tourism Business Council SA. Hy sê die grootste probleem is dat China ’n “groot mark” van oorsese toeriste is. Altesame 93 171 Chinese toeriste het verlede jaar na SA gekom, volgens data van Statistieke SA. Dit was 3,9% minder as in die vorige jaar, toon die data. Intussen verskerp maatskappye soos City Lodge hul waaksaamheid teen die virus, wat al tot die dood van meer as 4…

die wêreldwye uitwerking van die koronavirus (Covid-19) het die kanse op ’n herstel vanjaar in die Suid-Afrikaanse ekonomie hokgeslaan soos dieChinese vraag na die land se uitvoere verswak, die aanbod van belangrike invoere ontwrig word en reise vir plesier en sake wêreldwyd swaar getref word. Ekonome het hul groeiverwagtinge vir 2020 kwaai verlaag, en Moody’s Investors Service het sy voorspelling vir SA van 0,7% tot 0,4% verminder – net ’n kerf bokant verlede jaar se flou groei van 0,2%, wat die laagste sedert die wêreldwye finansiële krisis van ’n dekade gelede is. Die ontwrigting van wêreldmarkte, gepaard met ’n skerp daling in die olieprys, het reeds die rand laat tuimel tot sy swakste vlak in vyf jaar en kan die aanloop wees tot ’n resessie in verskeie lande – insluitend…

die feit dat die Investec Cape Town Art Fair (ICTAF) die grootste kunsmark op die Afrika-vasteland is, groter as dié van Johannesburg, Lagos en Marrakesj, het heelwat bygedra tot die bevinding waarmee ’n Kaapse kunskonsultant onlangs vorendag gekom het: Kaapstad is Afrika se kunshoofstad. Dit is nou nie net meer die Kaapse strande, natuurskoon en wyn wat toeriste lok nie, maar ook kuns. “Dit is iets wat die ICTAF-span op reise wêreldwyd doen,” sê Laura Vincenti, die Kaapse kunsmark se direkteur, “ons tree as nie-amptelike ambassadeurs vir die stad op.” Vanjaar het die ICTAF, die 18de keer wat dié kunsmark aangebied is, van 13 tot 16 Februarie so veel as 22 000 besoekers na die Kaapstadse Internasionale Konvensiesentrum gelok, heelwat van hulle van die buiteland. Dié buitelandse belangstelling is ookgeëggo…

menslike gedrag is moeilik om te voorspel – en selfs moeiliker om te beheer. Ons dink miskien dat ons weet wat om te doen om slegte gedrag te voorkom, maar ons goeie bedoelings kan maklik die teenoorgestelde uitwerking hê en selfs nog slegter gedrag tot gevolg hê. Daarom het ekonome en ander sosiaal-wetenskaplikes al lankdaarop aangedring dat ons ons teorieë van menslike gedrag teen werklike bewyse moet toets. Daar is verskillende maniere om dit te doen. Die maklikste is in ’n laboratorium waar alles dieselfde is, met dit wat jy wil toets die enigste verskil tussen die behandelings-en kontrolegroep. Maar ons kan baie beleidsbesluite nie in ’n laboratorium toets nie. Afgesien van beleid wat groot groepe raak (’n rentekoersverhoging of belastingverlaging), is daar ook individuele gedrag wat ons wil toets,…

suid-Afrika se aandele-en effektemark het tesame met die rand hul broosheid getoon met die paniek oor die koronavirus, of Covid-19, wat beleggers wêreldwyd beetgepak het. Teen 10 Maart het die FTSE/JSE se indeks van alle aandele sedert die begin van die jaar met byna 11,8% gedaal, terwyl die rand met meer as 11,7% geval het. Oor die naweek van 6 tot 9 Maart het die geldeenheid van R15,67 tot so laag as R16,97 gedaal – sy laagste vlak in byna vyf jaar – voordat hy na R16,24 verbeter het toe die markte op Maandag, 9 Maart, weer geopen het. Die daling van die rand volg die netto verkoop van plaaslik genoteerde aandele ter waarde van R3,6 miljard deur buitelandse verkopers op Vrydag 6 Maart, volgens die JSE. Buitelanders het dieselfde…

Aspen Pharmacare is ’n Suid-Afrikaanse verskafferen vervaardiger van handelsmerk-en generiese farmaseutiese produkte, waaronder babavoeding en verbruikersgesondheidsorgprodukte. Hy is amper170 jaar oud en in 56 lande teenwoordig. Hy het aangekondig dat sy genormaliseerde wesensverdienste per aandeel uit voortgesette bedrywighede in die ses maandetot 31 Desember tot 707c per aandeel gestyg het, vergeleke met die herverklaarde 702,4c in die ooreenstemmende tydperkdie vorige jaar, luidens sy finansiële state vir die tydperk. Aspen het die afgelope jaar niekernbates verkoop om skuld te verminder – wat hy van R53,5 miljard in Desember 2018 tot R38,9 miljard einde Junie verlede jaar verminder het. Hy het in vroeg Maart aangekondig dat hy in Februarie R4,6 miljard uit die verkoop van syJapanse onderneming in Januarie gekry het – wat sy skuld in sy jongste boekjaarresultate met nog 2,8%…

warren Buffett se jaarlikse brief aan aandeelhouers in Berkshire Hathaway is aanlyn beskikbaar en ’n lees werd vanweë die talle juweeltjies daarin. Die eerste juweeltjie vir my was ’n boek wat hy noem waarvan ek nog nooit gehoor het nie: Common Stocks as Long Term Investments deur Edgar Lawrence Smith. Dis in 1924 gepubliseer en is steeds beskikbaar. Vir Buffett is die kerngedagte die mag van behoue verdienste. ’n Maatskappy maak ’n wins en die direksie besluit wat om met daardie wins te doen. Dikwels word ’n deel daarvan as ’n dividend aan aandeelhouers uitgekeer. Afhangend van verskeie faktore kan die dividend ’n klein deeltjie van die wins of ’n beduidende persentasie daarvan wees. Die deel wat deur die maatskappy teruggehou word, is dan “behoue verdienste”. Dit word aangewend om…

ieon Kok het gesels met Dawie Roodt, die hoofekonoom van die Efficient-groep, wat uitgesproke oor die 2020-begroting is. Die onderhoud is gegrond op Roodt se toespraakvoordieVryemarkstigting in Johannesburg. Wat is jou algehele beoordeling van Suid-Afrika se openbare finansies na Februarie se begroting? Die land is in ’n staatskuldspiraal vasgevang en slegs ’n buitengewone poging, of geluk, sal ons daaruit laat ontsnap. Dit is natuurlik hoofsaaklik te wyte aan treurige openbare bestuur, en dit raak al erger en sal onafwendbaar tot groter ellende lei. Ons is sonder twyfel op pad na verdere afgraderings deur graderingsagentskappe. Daar is min in die openbare sektor wat goed werk. Wat is die grootste probleme? ’n President wat onwillig is om die verslegtende situasie aan te pak; regeringsleiers wat nie die mas opkom nie en wat…

wanhoop en frustrasie oorheers ongetwyfeld tans die plaaslike beleggingstoneel, maar hier is Philip Bradford, Sasfin se beleggingshoof, ’n interessante uitsondering en is hy iemand wat oor ’n bewese vermoë beskik om ondanks moeilike tye goeie beleggingsgeleenthede uit te snuffel. Dit blykduidelik uit die toekennings waarmee sy fondse bekroon word, veral die Sasfin BCI Flexible Income Fund van R3,8miljard, wat die afgelope drie jaar ’n geannualiseerde opbrengs van 11% gelewer het. “Ek is deeglik bewus van die moeilike ekonomiese omgewing, maar ons was in staat om uitstekende laerisikobeleggings op te spoor wat die res van die mark óf miskyk óf ignoreer”, verduidelik hy. “Uit die verlede het ons geleer dat die beste tyd om aandele te koop, is gewoonlik wanneer die vooruitsigte swak is, terwyl die slegste tyd is wanneer vooruitsigte…

SASOL Gatslag vir aandeelhouers Sasol se tussentydse finansiële resultate tot die einde van Desember was erger as verwag, selfs al het die bestuur dit as “bevredigend” beskryf. Dis ’n skop in die maag van aandeelhouers; ’n bietjie besinning oor die verwoesting van die aandeelprys sou waardeer word. Sasol se skuld is hoër as sy markwaarde, dus is die dividend oorgeslaan en gaan nie gou weer terugwees nie. Verdere pyn vir die maatskappy sluit Moody’s se afgradering in (S&P het dit onveranderd gehou). Op die oomblik maak dit nie ’n verskil nie, maar wanneer skuld oorgerol gaan word, sal hulle moontlik hoër rente betaal. Opul se poging vroeg in Maart om Rusland te kry om olieproduksie te sny, het misluk. Gevolglik het Saoedi-Arabië (deur sy staatsoliemaatskappy Saudi Aramco) ’n olie-oorlog met Rusland…

die getal oorsese toeriste in Suid-Afrika het verlede jaar met 2.2% tot 2,61 miljoen afgeneem, vergeleke met 2,67 miljoen in 2018, volgens data van Statistieke SA. Die totale aantal aankomste van buitelanders – wat dié uit die res van die vasteland insluit – het verlede jaar met 2,3% tot 10,2miljoen gedaal, vergeleke met 10,4miljoen die vorige jaar. “Ons het gehoop op herstel,” sê Tshifhiwa Tshivhengwa, uitvoerende hoof van dieTourism Business Council of SA. As ’n mens by verlede jaar se flou toeristesyfer die huidige wêreldwye uitbreking van die koronavirus voeg, is “dit ’n onbekende terrein”, sê hy (lees die kassie op bl.37). Die deel van die bedryf – wat tussen akkommodasie, huurmotors en lugdienste verdeel kan word – wat op die JSE genoteer is, sukkel om behoorlike opbrengs vir beleggers…

Suid-Afrikaners wat plaaslik en in die buiteland reis, verteenwoordig ’n groot mark wat plaaslike toerismespelers kan benut. Terwyl die vooruitsigte vir die bedryf al hoe meer onseker raak, kan een oplossing wees om plaaslike mense wat mal is daaroor om in die buiteland te reis, te oorreed om na plaaslike vakansies oor te skakel. “Suid-Afrikaners bestee R80 miljard om oorsee te gaan,” sê Tshifhiwa Tshivhengwa, uitvoerende hoof van Tourism Business Council SA. “Ons het plaaslike reise nodig om die plaaslike bedryf te onderhou.” Hy sê hy wonder wat sou gebeur as die helfte van die geld wat uit SA vloei in die land kon bly om die bedryf te ondersteun. Die gedempte ekonomiese klimaat – met SA wat in die laaste kwartaal van verlede jaar in ’n resessie verval het…

die Suid-Afrikaanse regering bevind hom tussen ’n fiskale hamer en ’n ekonomiese aambeeld, waar staatskuld die hoogte inskiet en die ekonomie tot stilstand knars. Om gate in die staat se beursie asook dié van openbare ondernemings soos Eskom, Transnet en ’n horde ander toe te stop, het die nasionale tesourie nou Suid-Afrikaners se aftreegeld in die visier. Die tesourie beoog naamlik die herinstelling van ’n omstrede en hoogs aanvegbare batebestuursbeleid van voorgeskrewe bates, waarvan in die laat 1980’s afgesien is. Die beleid van voorgeskrewe bates is in 1956 vir die eerste keer in SA ingestel, toe daar van aftreefondse vereis is om meer as die helfte van hul bates in staatseffekte en die effekte van staatsondernemings (SOE’s) te belê. Om voor te skryf waar bates belê moet word, was ’n…

die tweede golf van die huwelikseisoen in Suid-Afrika is nou in volle swang. Die getal huwelike is geneig om ’n tweede keer ná Desember ’n hoogtepunt te bereik, in Maart of April, afhangend van die maand waarin die Paasvakansie in enige spesifieke jaar val, het Statistiek SA in sy laaste opname oor huwelike en egskeidings in 2016 gesê. Hoewel dit ’n nogal onromantiese proses is vir enige paartjie wat op die punt staan om te trou, is die keuse van die soort huweliksgoederebedeling – wat voorsiening maakvirdie opstel of afwesigheid van ’n huweliksboedel of -verbintenis – van baie groot belang as jy enige onaangename situasies verder langs die paadjie van die huwelikslewe wil vermy (dit is met ander woorde virdiegene wat ’n saamwoonooreenkoms gaan aangaan). “Vir die meeste bruide en…

“jou hinterland is dáár,” lui die inskrywing onder ’n standbeeld van die kolonialis Cecil John Rhodes wat – ondanks die vurige Rhodesmoet-val-beweging – nog in die Kompanjiestuin in Kaapstad staan met sy linkerarm omhoog terwyl hy noord kyk. Dis ietwat ironies, maar dit kon amper president Cyril Ramaphosa gewees het wat daar staan. En dít sê. Hy is die kampvegtervirdie Afrika-unie (AU) en Nepad se noord-suid-korridor vir paaie, spore en verwante infrastruktuurwaarvan die doel is om die “Kaap en Kaïro” te verbind. Dit was natuurlik ook Rhodes se groot droom. Ramaphosa se droom is natuurlik om die hinterland met Suid-Afrikaanse uitvoere te oorstroom, nie met oorwinnende Britse soldate nie, al sal sommige mededingerlande op die vasteland ongetwyfeld die twee kwaadwillig wil vereenselwig. Sy instrument is die kontinentwye vryhandelgebied in Afrika…

Vanselfsprekend kan vroue nie als so goed soos hul manlike eweknieë in die mynboubedryf doen nie, byvoorbeeld soos om swaar toerusting te hanteer. Aan die ander kant is vroue beter as mans daarmee om betyds op te daag vir werk; hulle breek ook nie die groot gelede vragmotors waarmee hulle werk, soos mans nie. Só sê Deshnee Naidoo, uitvoerende hoof van Vedanta Zinc International en lid en direksielid van die Minerale Raad van Suid-Afrika. Sy is die stukrag agter die organisasie se witskrif, wat ten doel het om vroue se rol in die bedryf te bevorder. Daar is hope inligting wat wys om vroue in die mynboubedryf te betrek, is nie slegs ’n teken van ’n regverdige en moderne samelewing nie, maar ook ’n goeie sakestrategie. Fortune 500-maatskappye met minstens…

die Capitecaandeelprys het die afgelope vyf jaar meer as 320% gestyg. Op 9 Maart het die bank gesê hy verwag sy wesensverdienste per aandeel vir die jaar tot 29 Februarie sal tussen 18% en 21% hoër as dieselfde tydperk verlede jaar wees. Hy beplan om sy finansiële resultate op omtrent 14 April uit te reik. Vooruitsigte: Capitec beleef sedert Desember 2019 groot weerstand op sy rekordhoogtepunt van 149 500c per aandeel en behou sedert verlede Desember sleutelsteun op 132 500c. Met beleggersentiment tans gedemp, sal sy winsvooruitskatting ’n potensiële afvlakbeerformasie vermy? Die grafiek: Capitec vorm dalende hoogtepunte en het gdurende die laaste week van Februarie deur sleutelondersteuning op 132 500c per aandeel gebreek toe die hele mark weens die uitbreking van koronavirus gedaal het. Hy het deel van dié verliese…

by die skryf hiervan het Maart pas aangebreek ná ’n Februarie só vol negatiwiteit dat ek seker is ons almal sal dit so gou moontlik wil vergeet. Hulle sê as die nood op sy grootste is, is die redding altyd naby, en al is dit dalk nie die antwoord wat beleggers wil hê nie, is dit die beste advies oor wat om nie noodwendig nou te doen nie. Soms is dit beterom na daardie bekommerde stemmetjie in jou kop te luister wat jou waarsku om nie die trop te volg nie. Let wel dat ek nie sê die ergste is verby nie. Wat ek voorstel, is dat jy die verlede bekyken hoe die geskiedenis jou kan help om mooi te dink voordat jy alles in paniek verkoop. ’n Wonderlike instrument…

prudential het nog altyd na korporatiewe krediet as ’n kernbateklas in die wêreld van vaste-inkomstebeleggings gekyk, omdat dit waarde aan ons kliënte se portefeuljes kan toevoeg deur die ekstra opbrengs (of spreiding) wat dit bied – maar slegs waar dit gepas is vir die gepaardgaande risiko. Ons is trots op ons deeglike proses van kredietnavorsing wat ons al vir bykans 20 jaar lank toepas. Ons was sedert die ontstaan van die plaaslike kredietmark in die vroeë 2000’s aktief daarin betrokke en het die wêreldwye finansiële krisis van 2008 en ander moeilike finansiële tydperke tot vandag toe met sukses aangepak. Daar heers tans onsekerheid of Suid-Afrika se swewendekoers- korporatiewe krediet (in die vorm van swewendekoersnota’s of FRN’s) te duur geword het, veral vir hoërgehalteuitreikers. Dit sou beteken dat die opbrengs wat…

na ’n rekord-lange bullopie in Amerikaanse aandelemarkte, word daar verwag dat die wêreldwye ekonomiese groei in 2020 beduidend sal afneem. ’nToenemende getal onverwagse en negatiewe gebeurtenisse, ergerwordende geopolitieke spanning en handelson-sekerheid kom al hoe meer in wêreldmarkte voor. Met die toekomstige omvang van onsekerheid wat nie binnekort gaan kwyn nie, blyk dit dat dit nou noodsaakliker is om ’n groter deel van ’n beleggingsportefeulje aan veiligehawe-bates toe te wys. Goud Goud kan vir beleggers ’n veilige hawe of ’n soort versekering teen gure ekonomiese weer bied. Die huidige ekonomiese klimaat gaan gepaard met al hoe meer onsekerheid, met die groeivooruitsig wat vanjaar beduidend versleg het en geopolitieke spanning wat wag om weer vlam te vat. Koronavirus en ekonomiese groei Aangesien die handelsoorlog tussen Amerika en China aan die begin van…

MET ANDREW WIDEGGER finweek het ’n onderhoud gevoer met Andrew Widegger, uitvoerende hoof van City Lodge Hotels. Hy deel sy sienings van die sektor en die vooruitsigte vir die res van die jaar. Vraag: Hoe het City Lodge verlede jaar die afname in oorsese toeriste (Afrika uitgesluit) in Suid-Afrika beleef? Het dit die kamerokkupasiekoers beïnvloed, en indien wel, met hoeveel? Antwoord: Ons oorsese toeriste het nie verlede jaar afgeneem nie; trouens, hulle het toegeneem. Ons toeristeomgewing is hoofsaaklik die Kaap, en met die negatiewe uitwerking van Dag Zero (die uiters streng waterbeperkings wat twee jaar gelede in Kaapstad en ander dorpe in die Wes-Kaap ingestel is) agter ons en met die positiewe uitwerking van die Barmy Army is ons hotelle in Kaapstad en Port Elizabeth bevoordeel. Die grootste deel van…

Die regering beplan om toerisme na Suid-Afrika met die volgende maatreëls te versterk: ▸ Klem sal daarop geplaas word om die aantal toeriste wat die land binnekom en die gemiddelde hoeveelheid geld wat elke toeris bestee, te vergroot. ▸ Die gemak daarvan om sake te doen, en die beskikbaarheid van toepaslike toerismeinfrastruktuur, veral vervoer, toerismeaanbiedings en -produkte en akkommodasie, sal ’n belangrike rol speel om verskillende soorte toeriste te lok. ▸ Buitelandse saketoeriste wat per lug aankom, genereer die beduidendste vermenigvuldigers. ▸ SA sal as die streek se sake-en inkopiesentrum geposisioneer word. SA kan meer doen om die streek as ’n internasionale toeristebestemming te ontwikkel deur die groter biodiversiteit, kulturele diversiteit, natuurskoon en reeks toerismeprodukte te beklemtoon, en deur dit vir toeriste makliker te maak om tussen lande in die…

Eerder as om aan pensioenfondse voor te skryf in watter bates hulle moet belê, stel Alexander Forbes voor dat aantreklike beleggingsgeleenthede in ontwikkelingsbates gebied word – met geen voorskrifte nodig nie. “Alexander Forbes is gekant teen regulering, ook voorskrywing, wat tot suboptimale beleggingsuitkomste vir beleggers kan lei,” sê Janina Slawski, hoofbeleggingskonsultant van Alexander Forbes Investments. Op ’n skaal van sleg tot uitstekend, sê sy, kan voorgeskrewe belegging in gespesifiseerde ontwikkelingsbates ’n belowende kompromis wees wat “nie te sleg” is nie. David Moore, hoof van alternatiewe beleggings van Alexander Forbes, stel voor beleggers moet verplig word om in nuwe, gespesifiseerde ontwikkelingsbates te belê – byvoorbeeld “in effekte uitgereik deur Entiteit X wie se mandaat dit is om in ontwikkelingsgeleenthede te belê”. Beleggings in toepaslike ontwikkelingsbates sal maatskaplike en ekonomiese ontwikkeling en…

Naval @naval Michael Bloomberg het bewys dis goedkoper om ’n president te koop as om die presidensie te koop. Olwethu Sipuka @osipuka #Koronavirus is hier. Moenie vergeet om @AVBOBSA te betaal nie. Man Mkwanazi @ImanMkwanazi Ek is nie kwaad oor korrupsie nie – dit gebeur wêreldwyd. Ek is kwaad omdat mense 80% steel en 20% vir die land gebruik. Ek sou nie eens agtergekom het hulle steel as die basiese goed reg was nie. Genugtig. Daily Mirror @DailyMirror Prinses Charlotte praat op twee jaar oud reeds twee tale. Nokuthula Mavuso @NoxNonozi Op haar ouderdom ken kinders in Orlando-Oos, Soweto, al vier. James Breakwell, Exploding Unicorn @XplodingUnicorn Vierjarige: *Skryf die alfabet neer* Ek: Jy het ’n paar letters gemis. Vierjarige: Ek het die dommes gelos. Simon Grindrod @SimonPGrindrod Ek het geen…