Innholdsfortegnelse for Issue 25 (Nov 2022) i Avontuur Afrika

Nog ‘n werksiklus in die bos het tot ‘n einde gekom – en sjoe, wat ‘n siklus was dit nie! Ons het alles van luiperds wat kolhase jag, tot ‘n ietermagog wat die pad reg voor ons oë op ‘n nagrit kruis gesien! Die verandering van die seisoen was niks minder as ongelooflik nie. Na die lekker reën van die afgelope maand of wat, was dit asemrowend om te sien hoe die bosveld van droë yl struike na welige groen ruigtes verander. Dít beteken natuurlik dat wildkyk effens meer uitdagend word, aangesien die diere makliker in die ruigtes kan wegkruip gedurende die natter maande. Dit gesê, was die aantal besigtigings in en om Elephant Plains in Sabi Sands egter niks minder as skouspelagtig nie. Daar was ‘n gemiddeld van 700…

Jy het al van die Gurkha 4x4-veldryer gehoor, reg? Wel, Force Motors – sy vervaardiger – het ETG Logistics onlangs as sy verspreider in Suider-Afrika aangestel en dit beteken dat dit nie meer lank sal wees voor ons dié ryding op ons paaie sien nie. ETG het bevestig dat ‘n omvattende produk-portefeulje – wat die Gurkha, die Traveller-midi-bus en die Kargo King-bakkiereeks sal insluit – beplan word. Homologasie van hierdie voertuie vir die Suid-Afrikaanse mark is tans onderweg en die eerste voertuie sal na verwagting ons mark gedurende die eerste kwartaal van 2023 bereik. Die Gurkha driedeur-mini-SNV lyk opmerklik baie soos die Mercedes-Benz G-klas. Dis op ernstige veldry-entoesiaste gemik en beskik oor onafhanklik beheerde ewenaarslotte, sowel as ‘n waadvermoë van tot 700 mm en ‘n maksimum hellingsgradeerbaarheid van 35 grade.…

Met die vordering wat in die ontwikkeling van litiumbatterye gemaak is, is basies enigiets deesdae as ‘n koordlose, battery-aangedrewe opsie beskikbaar. Dit beteken dat die keuses in toerusting wat vir landreisigers beskikbaar is, ook eksponensieel toegeneem het. Nie so lank gelede nie was daar slegs battery-aangedrewe bore beskikbaar – en vandag kan jy alles, van ‘n batteryaangedrewe waaier tot ‘n volgrootte kettingsaag, kry. Ons het onlangs ‘n DeWalt 54V-kettingsaag gekry om op die proef te stel en tot dusver is ons uiters beïndruk. Ons het al in die verlede ‘n battery-aangedrewe kettingsaag op ons avonture gebruik (‘n heelwat kleiner een met ‘n 12.5cm-lem) en die tyd wat ons gespaar het om roetes en paaie oop te sny en skoon te maak, was aansienlik. Die DeWalt 54V-kettingsaag het is egter ‘n…

NV’e het gewoonlik nie veel pakplek nie so vir my maak ‘n dubbelkajuit bakkie meer sin vir vir landreise. Maar as dit ‘n SNV is wat vroulief wil hê, is daar ‘n paar opsies. Front Runner het ‘n reeks dakrakke wat spesifiek ontwerp is vir ‘sagter’ sportnutsvoertuie en selfs kompakte oorkruisvoertuie. Dit sluit ‘n dakrak met ‘n dinamiese laaivermoë van meer as 100kg vir die Kia Sorento in. Dit bied genoeg spasie om ‘n klomp ekstra goedjies op jou reis saam te neem, van fietse tot kano’s of – in ons geval – ‘n paar noodsaaklike bykomstighede vir landreise. Dit is ook relatief vinnig en maklik om te pas. In minder as 40 minute was die dakrak, met al die bykomstighede, bo-op die Sorento gemonteer. Daar was eerlikwaar plek vir…

Die Craft Braai Bag is na my mening ‘n moet-hê vir enige landreisiger. Dis klein, liggewig en maklik om te bêre, maar steeds groot genoeg vir ‘n rol boerewors of vier braaibroodjies. Die sak is van teflon materiaal gemaak en kan hitte tot 300˚C weerstaan. Die beste deel is dat dit maklik is om skoon te maak. Jy kan dit selfs in jou skottelgoedwasser gooi! *Beskikbaar by Ready4Adventure teen R220: www.r4a.co.za Vind meer uit… Vir meer inligting oor die OppiPanne Musiekfees in Botswana, gaan kyk na hul Facebook-blad: @OppiPanne >> Vir ‘n paar addisionele insigte oor ons besoek aan Botswana en wenke oor roetes en verblyfopsies, skandeer die QR-kode wat jou na ‘n vorige artikel oor hierdie pragtige buurland van ons sal neem.…

Grensoorgange in Afrika kan baie vinnig ‘n heerlike avontuur in ‘n nagmerrie laat ontaard en Zambië is geen uitsondering nie. As jy egter goed voorbereid is en weet wat om te verwag kan die frustrasievlakke redelik in toom gehou word. Vir ons Zambië-toer het ons die magtige Zambezi vanaf Kasane met die Kazungulaveerboot oorgesteek. Hierdie grensoorgang kan nogal oorweldigend wees, veral vir groentjies wat nie gewoond is aan die oënskynlike chaos wat deur die sogenaamde runners en ander wat wil help (teen ‘n stewige prys, natuurlik) veroorsaak word nie. Wat die ervaring nóg meer senutergend maak, is die feit dat jy jouself in vier lande gelyktydig sal bevind, waar die grense van Botswana, Zambië, Namibië en Zimbabwe ontmoet. Dit is heeltemal moontlik om te vergeet in watter land jy nou…

Dit het alles in Kambodja begin, toe ek ‘n Poolse dame met die naam Kinga tydens ‘n onbeplande besoek aan Koh Ta Kiev-eiland ontmoet het. Sy is ‘n ware rugsakreisiger en het, op die ouderdom van 45, reeds 35 lande besoek! Haar visier was volgende op Afrika gerig en ons het aan die gesels geraak. Aangesien my paspoort op die punt was om te verval, het ek planne gemaak om na Suid-Afrika terug te keer, maar ons het kontak behou en oor ‘n moontlike maandlange reis na Suid-Afrika se buurlande te verken, gesels. Hoe sou ons egter met hierdie reis te werk gaan? Moes ons ‘n volledig toegeruste voertuig vir sowat R1 000 per dag huur? Moes ons eerder die maklike ding doen en op ‘n georganiseerde safari gaan? Of…

Na verskeie kort landreis avonture in gehuurde voertuie, het Dave en Nicki Brown presies geweet wat hulle vir hul eie voertuig wou hê (en wat nie sou werk nie!). Na ‘n paar oorwegings het hulle uiteindelik in Julie 2020 hul 2015 Toyota Hilux – wat hulle Wanda gedoop het, as sinspeling op hul ingebore wanderlust – as ‘n gebruikte voertuig gekoop. Hulle het ‘n maatskappy gekry om te help met die ombouing en stadig maar seker het hul droom avontuur-vennoot begin vorm aanneem. Weens die Covid-19 pandemie was daar heelwat vertragings, maar Wanda is binne ongeveer ses maande tussen Januarie en Junie 2021 voltooi. Die wysigings wat aangebring is, sluit ‘n Rival-voorbuffer met ‘n wen-as, lugsluit-ewenaars, onderstelbeskerming, ‘n 140-liter brandstoftenk, Gobi-rotsglyers, ‘n Alu-cab kappie en ‘n Front Runner-dubbeldakrak om die…

Vanjaar het talle Sjinese produkte die Suid-Afrikaanse mark betree en die jongste toevoeging, die Beijing X55, gaan beslis ‘n opskudding veroorsaak. Hierdie kompakte sportnutsvoertuig is ontwerp om die BAIChandelsmerk se status te verhoog in lande waar dit nie so bekend is nie en spog met al die nuutste tegnologie en luukses wat BAIC bied. Volgens Hugo Hu, die vise-president van verkope en bemarking by BAIC Suid-Afrika, het die maatskappy baie belê in die ontwikkeling van intelligente motors onder ‘n nuwe handelsmerk, Beijing, wat ondersteun word deur samewerkingsooreenkomste met verskeie leiers in intelligente voertuigtegnologie. “Ons bring die beste beskikbare innovasie, ondersteun deur Daimler se tegnologie. Laasgenoemde is al vir jare lank ons hoofvennoot in Sjina en bedryf Mercedes-Benz-fabrieke in Beijing deur die gesamentlike onderneming, genaamd Beijing Benz Automotive.” Wanneer jy die…

Terwyl die son op die horison gesmelt het, die lug oorspoel met pienk en goud, het ek myself agter die stuur van die gewildste buksie op die 4x4-voertuigmark bevind. Die maniese lirieke van ‘n Talking Heads-liedjie het by my opgekom. Trouens, dit was asof David Byrne reg langs my was en uit volle bors gesing het: “This is not my car. This is not my beautiful wife. How did I get here?” Dit was, om die waarheid te sê, nie eens my land nie… en ook nie sy sonsondergang nie. Dit was Botswana. En die kar het aan Suzuki behoort, want ons was hul gaste op ‘n heerlike Suzuki Safari. Dit was egter wél my vrou wat hierdie wonderlike avontuur saam met my sou geniet. In die parkeerterrein van Maun…

Vir my is ‘n groot en swaar veldrywa ietwat oorbodig. Ek wil iets hê wat klein en maklik is om te sleep en op te slaan. Buitendien, wat het jy eintlik regtig nodig as jy in die bos gaan kamp? ‘n Kombuis? ‘n Gemaklike bed of twee? Oorgenoeg pakplek? Die Vagabond Rogue, wat by Outdoor Campers beskikbaar is, bied dit alles en selfs meer. Ons het gekies om nie die bykomende kamer saam te neem nie, aangesien Roger in my OZtent RV5 geslaap het. Die 60 liter-watertenk was ook meer as voldoende vir ons albei. Hierdie klein sleepwa spog met ‘n volledig geïntegreerde kombuis wat ‘n 12V/220V 50-liter SnoMaster-yskas, ‘n tweebrandergasstoof, kraan en wasbak, ‘n kruideniersware-en toebehorekas en ‘n ammunisiekas insluit. Daar is selfs ‘n mikrogolf… nie dat ons dit…

Soms wonder ek of ons werklik waardeer hoe bevoorreg ons is om op ‘n kontinent te woon waar avontuur op almal se drumpel en om elke hoek en draai is. Gelukkig vir my en my vrou, is ‘n liefde en waardering vir die buitelewe van kindsbeen af by ons albei ingeboesem. Kamp, visvang, jag, landreis, strandvakansies, staproetes en selfs so nou en dan ‘n bederfvakansie by ‘n lodge… dit was asof ons ouers saamgespan het om ons vir mekaar groot te maak. Daar is egter ook die realiteit van die lewe en ‘n mens moet die tering na die nering sit. Dit maak dit vir meeste mense onmoontlik om heeltyd hulle harte te volg en dikwels word ons deur die spreekwoordelike werklike wêreld verteer. Gelukkig het ons avontuurlustigheid, gemeng met…

Dag 1: Harare – Karoi – Magunje – Gache Gache Dit was wonderlik om uiteindelik aan die gang te kom. Hierdie was een van die langste dae op ons reisplan, maar dit was nodig aangesien ons gretig was om die Zambezivallei te bereik en ons veldry-avontuur te begin. Ons roete het 55km se teer vanaf Magunje ingesluit. Alhoewel die pad in ‘n redelike goeie toestand was tot by Gache Gache, was daar ‘n paar baie slegte dele. ‘n Mens moet veral versigtig wees as jy ‘n waentjie sleep en op die uitkyk wees vir motorfietse en voertuie wat uit die vallei uit aankom. Ons het 'n heerlike aand by 'n wonderlike kampplek deurgebring. Die geriewe moet nog voltooi word, maar die warm storte en spoeltoilette wat daar reeds is was…

Toe ons begin het om hierdie toer te beplan, wou ons ‘n ervaring van ‘n leeftyd aan ons gaste bied. Die roete het in die Klein-Karoo begin en by die Stormsriviermond geëindig en omdat ons probeer het om die N2 sover moontlik te vermy, het ons die berge van wes na oos deurkruis. Dit het beide grond-en teerpasse ingesluit, sowel as ‘n Graad 2 4x4-roete om ‘n bietjie adrenalien by die mengsel in te roer. Ons het 4x2-voertuie toegelaat om die toer mee te maak en as sulks was daar ‘n ontsnaproete-opsie op die 4x4-been. Die groep van 12 voertuie – wat Fords, Toyotas, Range Rovers, Suzuki’s, Volkswagens en selfs ‘n Subaru en Honda ingesluit het– het by Rooiberg Lodge bymekaargekom vir die begin van die toer. Almal was só…

Een van die eerste voertuie wat ek as motorjoernalis bestuur het, was die WK2 Jeep Grand Cherokee en die ervaring het my bygebly. Die platform was redelik oud en was al ‘n dekade op die mark, so ek het geen vuurwerke verwag nie. Ek het egter elke sekonde agter die stuur terdeë geniet. Die 3.6-liter Pentastar V6-enjin was seepglad en gekoppel aan ‘n agtgang outomatiese ratkas. En al was dit ‘n tien jaar oue ontwerp, het dit steeds relatief modern gevoel. As sodanig was my verwagtinge hemelhoog vir die vyfde-generasie Grand Cherokee L. Fris en vars Wanneer jy hierdie nuwe Jeep Grand Cherokee L in lewende lywe sien, sal jy besef dat dit nie bloot ‘n opknapping van die vorige model is nie. Alles is nuut. Die eerste ding wat…

Oorweeg jy om ‘n Land Rover te koop, maar is nie seker of dit die regte voertuig vir jou is nie? Dan sal jy bly wees om te hoor dat die Jaguar Land Rover Experience in Johannesburg nou sogenaamde Taster Drives, wat potensiële klante meer in-diepte toetsritte gee as wat in by ‘n handelaar moontlik is, aanbied. Elke Taster Drive sluit ‘n inleiding tot die Experience-fasiliteit, ‘n kort inligtingsessie oor voertuigveiligheid en die rit-ervaring self in. In totaal neem dit ongeveer 90 minute. Behalwe vir die nuwe Taster Drives bied die sentrum ook halfdag-, voldag-of pasgemaakte luukse ry-ervarings in ‘n wye reeks huidige modelle, insluitend die nuwe Defender en Range Rover, aan. Taster Drives begin by R1 520 per persoon en word deur Jaguar Land Rover se geakkrediteerde instrukteurs aangebied.…

Vir die Kerskous Doen dit vir die natuur: Veelsydig en eko-en begrotingsvriendelik, is hierdie 1 000ml staansak die perfekte alternatief vir plastieksakkies vir voetslaners en avonturiers wat kookwater wil gebruik om hul maaltye te verhit of te herhidreer. Met ‘n gewig van slegs 124g, is dit maklik om skoon te maak en is bestand teen skade van uiterste temperature. Kry dit op www.foreverfresh.co.za vanaf R169. Laai dit: As ‘n landreisiger is dit onafwendbaar dat jy jouself een of ander tyd in ‘n kampplek sonder ‘n kragpunt vir jou toestelle gaan bevind. Hiervoor is die Romoss Simple 10 die ideale draagbare kragbank. Dit gebruik ‘n litiumpolimeerbattery met ‘n kapasiteit van 10 000mAh, is versoenbaar met die meeste toestelle en bied ‘n mikro-USB-poort, ‘n Apple Lightning-poort en ‘n Type-C-poort. Kry dit by…

Partytjie op die Makgadikgadi-panne! Hoekom? Sal dit nie hierdie baie sensitiewe ekosisteem vernietig nie? Dit was maar net ‘n paar van die vrae wat ek gehad het. Ek bedoel – kan jy jou voorstel dat mense oral op die panne doughnuts doen? Wel, om die waarheid te sê, het ek dit nie eens een keer sien gebeur nie! En as enigiemand dit sóú probeer het, sou hulle vir seker ‘n behoorlike uittrap gekry het! Ons het by familielede van die OppiPanne-fees gehoor, toevallig dieselfde familielede wat met die voormalige Stormers-rugbyspeler, Joe Petersen en Bok van Blerk saamgespan het om die geleentheid te laat plaasvind. So, ons het besluit om self te gaan kyk. Kia Suid-Afrika was gaaf genoeg om vir ons die onlangs bekendgestelde nuwegenerasie Sorento vir die reis te…

Toe my pa sy eerste dubbelkajuitbakkie in 2015 gekoop het, het hy op ‘n Toyota Hilux D-4D Legend 45 besluit. Die eerste ding wat hy gedoen het, was om die bande te vervang met General Grabber AT3’s, wat destyds erg onderskat is. Dit was ‘n goeie keuse en sedertdien beveel ons dié handelsmerk wyd en syd vir landreisigers aan. Jy kan jouself dus indink hoe opgewonde ek was toe ek gehoor het dat die Avontuur Afrikaspan na General Tire se #AnywhereIsPossible-avontuur – geoormerk om die nuweling deeglik te toets – na Transkei genooi is. ‘n Vlug na die onbekende Ek en ‘n paar mede-joernaliste het laatmiddag ‘n vlug na Oos-Londen gehaal, opgewonde oor wat voorgelê het. Ek was nog net een keer vantevore in die Oos-Kaap en was nog nooit…

Die Khakies is besig om uit die suide nader te kom. Manne, ons sal moet plan maak.” Dít was die opdrag van generaal Ben Viljoen nadat die Engelse met die grootste mag wat ooit onder die imperialistiese vaandel oorlog gevoer het, die kommando begin bedreig het. Dit was naby aan die huidige Biyamiti kamp. Ná die loesings wat die boere die Engelse op verskeie slagvelde toegedien het, is meer as 60 000 soldate ontplooi om hulle te probeer uitoorlê. Dit het Genl. Viljoen genoodsaak om die ammunisie en die Long Tom kanonne wat nog in hul besit was, te vernietig om te verseker dat dit nie in die Engelse se hande beland nie. Die historiese gedenkplaat is net suid van Biyamiti steeds sigbaar. Biyamiti was vir baie jare ‘n uitspanplek…

Om ‘n buffel te vind wat om mediese redes gepyl moes word, het my vir ‘n geruime tyd ontwyk. Maar soos altyd het God die regte mense… en buffel… op die regte tyd gestuur. Om die Bush Babes in behoorlike voetsoldate te omskep sou natuurlik ‘n massiewe uitdaging wees, maar om hulle ‘n regte boots-on-the-ground teen-stroping veldwagter ervaring te gee, was wel doenbaar. My idee was om ‘n stroperysimulasie op te stel en die Babes per helikopter na die toneel te laat ontplooi, met ten minste een K9 van die anti-stropingseenheid wat hulle op die vlug vergesel. Ek het geweet dat ek op Anke Kruger, die anti-stropingsbestuurder van die Hoedspruit K9-bewaringseenhede, se knoppie sou kon druk. Ons het saam aan ‘n vorige avontuur gewerk en sy was perfek vir hierdie…

Kleine Windpompie is sowat 6km vanaf Barrydale op die R62 op pad na Ladysmith geleë. Hierdie werkende plaas bied asemrowende uitsigte oor die omliggende berge en die Karoo landskap. Behalwe vir die kampplek, is daar ook ‘n verskeidenheid van pragtige selfsorg opsies beskikbaar. Maar vir nou vertel ons meer van die lekker kampplek waar ons gekamp het. Daar is slegs twee privaat kampplekke. Die een wat ons gebruik het heet Botterboom en spog met sy eie ablusiegeriewe, onderdak braaiplek en kombuisie. Die braai area bied beskutting en het ‘n heerlike taverne-tipe tafel en bankies waar jy tot ounag toe kan sit en kuier terwyl jou vleisie op die kole braai. Nodeloos om te sê, het ons baie ure daar deurgebring. Die kombuisie is met ‘n wasbak, gasstofie, ketel en ‘n…