Avontuur Afrika Issue 25 (Nov 2022)

Nog ‘n werksiklus in die bos het tot ‘n einde gekom – en sjoe, wat ‘n siklus was dit nie! Ons het alles van luiperds wat kolhase jag, tot ‘n ietermagog wat die pad reg voor ons oë op ‘n nagrit kruis gesien! Die verandering van die seisoen was niks minder as ongelooflik nie. Na die lekker reën van die afgelope maand of wat, was dit asemrowend om te sien hoe die bosveld van droë yl struike na welige groen ruigtes verander. Dít beteken natuurlik dat wildkyk effens meer uitdagend word, aangesien die diere makliker in die ruigtes kan wegkruip gedurende die natter maande. Dit gesê, was die aantal besigtigings in en om Elephant Plains in Sabi Sands egter niks minder as skouspelagtig nie. Daar was ‘n gemiddeld van 700…

Jy vra – ons antwoord Ek is in die mark vir ‘n nuwe 4x4 en sukkel om te besluit tussen ’n handratkas en ‘n outomatiese opsie. Wat sal julle raad wees? Mason Kruger Ons uitgewer en 4x4-entoesias, Anton Willemse Sr, gee raad: Die keuse van ‘n 4x4-transmissie en wat die beste is, is in ‘n groot mate ‘n kwessie van persoonlike voorkeur. As jy ‘n ervare bestuurder is wat weet hoe om strawwe terrein te hanteer, sal jy ‘n handrat geniet; maar as jy ‘n gladde rit soek – of bloot ‘n bietjie meer veiligheid en gerief verlang – is ‘n outomatiese 4x4 dalk die beste keuse vir jou. Handrat Met ‘n handratkas word die voertuig se ratte met die hand verander, terwyl daar versnel of stadiger gery word. Om…

Oorweeg jy om ‘n Land Rover te koop, maar is nie seker of dit die regte voertuig vir jou is nie? Dan sal jy bly wees om te hoor dat die Jaguar Land Rover Experience in Johannesburg nou sogenaamde Taster Drives, wat potensiële klante meer in-diepte toetsritte gee as wat in by ‘n handelaar moontlik is, aanbied. Elke Taster Drive sluit ‘n inleiding tot die Experience-fasiliteit, ‘n kort inligtingsessie oor voertuigveiligheid en die rit-ervaring self in. In totaal neem dit ongeveer 90 minute. Behalwe vir die nuwe Taster Drives bied die sentrum ook halfdag-, voldag-of pasgemaakte luukse ry-ervarings in ‘n wye reeks huidige modelle, insluitend die nuwe Defender en Range Rover, aan. Taster Drives begin by R1 520 per persoon en word deur Jaguar Land Rover se geakkrediteerde instrukteurs aangebied.…

Jy het al van die Gurkha 4x4-veldryer gehoor, reg? Wel, Force Motors – sy vervaardiger – het ETG Logistics onlangs as sy verspreider in Suider-Afrika aangestel en dit beteken dat dit nie meer lank sal wees voor ons dié ryding op ons paaie sien nie. ETG het bevestig dat ‘n omvattende produk-portefeulje – wat die Gurkha, die Traveller-midi-bus en die Kargo King-bakkiereeks sal insluit – beplan word. Homologasie van hierdie voertuie vir die Suid-Afrikaanse mark is tans onderweg en die eerste voertuie sal na verwagting ons mark gedurende die eerste kwartaal van 2023 bereik. Die Gurkha driedeur-mini-SNV lyk opmerklik baie soos die Mercedes-Benz G-klas. Dis op ernstige veldry-entoesiaste gemik en beskik oor onafhanklik beheerde ewenaarslotte, sowel as ‘n waadvermoë van tot 700 mm en ‘n maksimum hellingsgradeerbaarheid van 35 grade.…

Vanjaar het talle Sjinese produkte die Suid-Afrikaanse mark betree en die jongste toevoeging, die Beijing X55, gaan beslis ‘n opskudding veroorsaak. Hierdie kompakte sportnutsvoertuig is ontwerp om die BAIChandelsmerk se status te verhoog in lande waar dit nie so bekend is nie en spog met al die nuutste tegnologie en luukses wat BAIC bied. Volgens Hugo Hu, die vise-president van verkope en bemarking by BAIC Suid-Afrika, het die maatskappy baie belê in die ontwikkeling van intelligente motors onder ‘n nuwe handelsmerk, Beijing, wat ondersteun word deur samewerkingsooreenkomste met verskeie leiers in intelligente voertuigtegnologie. “Ons bring die beste beskikbare innovasie, ondersteun deur Daimler se tegnologie. Laasgenoemde is al vir jare lank ons hoofvennoot in Sjina en bedryf Mercedes-Benz-fabrieke in Beijing deur die gesamentlike onderneming, genaamd Beijing Benz Automotive.” Wanneer jy die…

Vir die Kerskous Doen dit vir die natuur: Veelsydig en eko-en begrotingsvriendelik, is hierdie 1 000ml staansak die perfekte alternatief vir plastieksakkies vir voetslaners en avonturiers wat kookwater wil gebruik om hul maaltye te verhit of te herhidreer. Met ‘n gewig van slegs 124g, is dit maklik om skoon te maak en is bestand teen skade van uiterste temperature. Kry dit op www.foreverfresh.co.za vanaf R169. Laai dit: As ‘n landreisiger is dit onafwendbaar dat jy jouself een of ander tyd in ‘n kampplek sonder ‘n kragpunt vir jou toestelle gaan bevind. Hiervoor is die Romoss Simple 10 die ideale draagbare kragbank. Dit gebruik ‘n litiumpolimeerbattery met ‘n kapasiteit van 10 000mAh, is versoenbaar met die meeste toestelle en bied ‘n mikro-USB-poort, ‘n Apple Lightning-poort en ‘n Type-C-poort. Kry dit by…