Innholdsfortegnelse for Issue 24 (Oct 2022) i Avontuur Afrika

Vier-en-twintig… 24 uur in ‘n dag, 24 karaat in suiwer goud, 24 kleppe op die 1HD-VTE Land Cruiser-enjin, 24 biere in ‘n kas… en 24 uitgawes van Avontuur Afrika! Maar hierdie mylpaal bring ons ook by die sogenaamde terrible two’s – of, in ons geval, selfs meer avontuur, meer bestemmings en lekker stories (want hoe kan enigiets wat jou uit jou gemaksone dwing ooit terrible wees?). Nou kyk, ek kan weer aangaan oor hoe ons hierdie mal perd, om ‘n tydskrif in die Covid-19 pandemie te publiseer, opgesaal het en hoe ons, met hoop en baie gebede, by 24 uitgawes uitgekom het. Maar hoekom sal ek jou wil verveel? Die Avontuur Afrika-span het die afgelope twee jaar soveel avonture en hoogtepunte beleef, maar ons lesersavonture staan veral uit. Die Schuttes…

Na ‘n twee jaar lange onderbreking wat deur die Covid-19 pandemie veroorsaak is, het die Toyota Atlantis 4x4 Pretdag, ‘n hoogtepunt op die veldrykalender, onlangs ‘n welkome terugkeer gemaak. Die geleentheid word deur die Wes-Kaapse tak van die Four-Wheel Drive Club of Southern Africa gereël en Toyota Suid-Afrika is sedert die ontstaan, 17 jaar gelede, ‘n sleutelvennoot. Die sandduine van Atlantis in die Wes-Kaap het die perfekte veldry-speelplek gebied, met agt aksiebelaaide duinhindernisse wat die vaardighede van selfs die mees geharde 4x4-entoesiaste getoets het. Terwyl bestuurders hul vermoëns op die duine ten toon gestel het, het die navigators deelgeneem aan ‘n reeks uitdagings wat gewissel het van ‘n vasvra tot die oplos van kopkrappers. Dit het die mededingende kant van selfs die mees bedeesde deelnemers na vore gebring. Daar is…

NOU gaan ons braai! Geen landreis of kampeernaweek voel reg sonder ‘n vleisie op die kole nie. Maar voordat jy die mopani kan aansteek, het jy eers ‘n geskikte braai nodig. Aangesien pakplek teen ‘n premie kom, hou ons van die GI 50 Stainless Steel opvoubraai deur Anywhere Products. Hierdie opvoubare eenheid is ontwerp vir gebruiksgemak en bied jou werklik die vryheid om basies enige plek te kan braai. Dit is duursaam en kompak en het ‘n magdom ander kenmerke om die lewe geriefliker te maak. Gemaak van 1.5m 3CR12 vlekvrye staal, kan dit heelwat hitte verduur sonder om te buig. Boonop beteken minimale hitte-oordrag dat jy dit kort ná gebruik kan opvou sonder om die risiko te loop om jou hande te verbrand. Die afmetings wanneer dit opgestel is,…

Nadat ons ‘n tweedehandse Land Rover Defender Td5 gekoop het, het ons as groentjies die landreiswêreld betree en om ‘n gevoel daarvoor te kry, ‘n paar kampuitstappies na die Nasionale Krugerwildtuin aangepak. Ons was destyds op ‘n taamlike knap begroting en het hard gewerk in ons besighede en so, na elke reis, sou ons uitvind wat ons nodig het om ons Landy te verbeter. Kort voor lank het ons groter avonture onderneem, na plekke soos die Makgadikgadi-en Nxai-panne in Botswana, die Kgalagadi en Sossusvlei en die weskus van Namibië. Ons het ‘n tweedehandse Howling Moon-daktent gehad en ons sou vir drie of vier nagte in die bos kamp voordat Donna op meer formele verblyf – vir ‘n ordentlike stort en ‘n blaaskans – sou aandring. Hierdie reise het stadig maar…

Slegs 90 minute vanaf Kaapstad, bied die historiese dorp, Tulbagh, ‘n uitstekende basis vanwaar jy die Kaapse Wynlande en omliggende gebiede kan verken. Dis deel van die Witzenberg munisipale streek en naburige dorpe sluit Gouda, Wolseley, Ceres en Prince Alfred’s Hamlet in. Daar is baie om in die omgewing te sien en te doen. Ceres Zipline Adventures Met agt glybane met ‘n totale lengte van 1.4km, is dit die langste van sy soort in Afrika. Die wonderlike rotsformasies en rivier vorm ‘n perfekte agtergrond vir ‘n prettige, adrenalien-gevulde avontuur. Die glybane wissel in lengte van 110m tot 290m. Die hoogste punt is 40m. KONTAK: +27 78 063 5134 | www.ceresadventures.co.za Buchanan’s Brewery Eienaar en brouer, Rod Buchanan, het sy passie in ‘n florerende klein besigheid, wat bier aan dorstige plaaslike…

Die dag het uiteindelik aangebreek! Ek sou op my eerste uitstappie by die Land Rover-gemeenskap aansluit en om te sê ek was kinderlik opgewonde is om dit sagkens te stel. Omdat ek ‘n nuweling in die broederskap en in enige vorm van 4x4-bestuur was, sou ek gou leer hoekom Land Rover-eienaars voel dat hulle deel van iets spesiaal is… Iets wat vir my moeilik was om te beskryf voordat ek daarby aangesluit het. Lééf dit Nadat ons onsself aan mekaar voorgestel het en ‘n paar besonderhede gekry het van wat ons op hierdie avontuur kon verwag, het altesaam vyf Land Rovers, met 11 ywerige avonturiers, die berge na die Wolkberg Natuurreservaat en die kampterrein, wat by die Serala Bosstasie geleë is, ingevaar. Om die Wolkberg-reeks, wat deel vorm van die…

Dit was skoolvakansie en uiteindelik tyd om die tentpenne en die braaitjops in te pak en saam met my pa te gaan kamp. Omdat ek omtrent elke naweek rugby speel en dus die afgelope tyd nie kon gaan kamp nie, was ek baie opgewonde om tyd saam met die “ouman” te spandeer. Dis geleenthede soos hierdie waarop ons verhouding gebou is. Ons is genooi om by die Kemps te gaan inloer en ons Quickpitch daktent by hulle boskamp, Saxon Rivierkamp – sowat 14km vanaf Albertinia – te gaan opslaan. Die omgewing is prentjiemooi, omring deur massas en massas aalwyne en die mooiste klowe. Die grondpad na die kampplek is in ‘n goeie toestand, so dis maklik bereikbaar vir die meeste voertuie. Die hele kampterrein is met lowergroen grasperke bedek en…

Die eerste gedagte wanneer jy die woord “Mokka” hoor, is koffie (vir my – as selferkende koffieverslaafde – in elk geval!). En baie soos daardie aangename vroegoggend koffiewinkel-aroma wat lei tot ‘n bevredigende koppie java (mokka) en ‘n gevoel van tevredenheid, lewer Opel se nuwe Mokka dieselfde gevoel. Toe hierdie sexy rooi nommertjie vir ons weeklange toets afgelewer is, het dit dadelik ‘n glimlag op my gesig gesit. Terwyl die res van die span in twee geskeur was oor of hulle daarvan hou, aldan nie, was ek onmiddellik gek daaroor. En te oordeel aan die baie waarderende kyke wat dit tydens my daaglikse skoolpendel ontvang het, het die meeste medepadgebruikers met my saamgestem. Ons sê dikwels dat ‘n motor die koppe laat draai, maar in hierdie geval het dit mense…

VOERTUIG: Jeep Wrangler JK Sahara EIENAARS: Peter & Angelica Aigner Peter Aigner is deur die Afrika-gogga gebyt. Maar as Duitser wat in Munich woon, is daar ‘n hele oseaan tussen hom en die wye oop vlaktes van Suider-Afrika. In 2013 het hy ag geslaan op die geroep van Afrika en begin om ons pragtige land in standaard huurmotors te verken. Kort voor lank het die bos-gogga gebyt en hy het halsoorkop op die konsep van landreise verlief geraak. “Ek het in 2015 my heel eerste landreisvoertuig, ‘n Jeep Wrangler JK Sahara – wat ons Big Willy gedoop het – gekoop. Ek het egter, soos baie landreisgroentjies, die fout gemaak om my ombouingsprojek van die grond af te begin in plaas daarvan om van bo na onder te wysig. Big Willy…

Die Gondwana Privaat Wildreservaat se gewilde Eco Camp het onlangs weer heropen. Dit sal dieselfde unieke en praktiese off-the-grid safari-ervaring as voorheen bied. ‘n Drie-of vyfdag bespreking, wat slegs op ‘n Maandag begin, is egter nie meer ‘n vereiste nie. Dit beteken dat gaste op enige dag van die week kan arriveer om in die natuur te ontspan en herlaai. Hierdie gewilde privaat reservaat is in die asemrowende natuurskoon van die Wes-Kaap geleë en die Eco Camp is in die reservaat se fynbos-versierde landskap versteek. Gaste sal nie net ‘n unieke safari-ervaring geniet nie, maar hulle sal ook hul moue kan oprol en en by die reservaat se bewaringswerk betrokke kan raak, deur te help om belangrike data in te samel wat die reservaat se bestuursplan sal beïnvloed. Aktiwiteite waaruit…

Amptelike bemarkingsmateriaal beskryf die nuwe Ford Everest as ‘n mengsel van indrukwekkende vermoëns, uitsonderlike gemak en bestuurdergefokusde tegnologie in ‘n robuuste en verfynde sportnutsvoertuig (SNV) wat hope pret is om te bestuur. Na twee dae agter die stuur van die nuweling tydens die plaaslike media-bekendstelling, kan ek dit alles beaam. Alte aantreklik Die nuwe Everest – beskikbaar as Platinum en Sport – is slank en modern, met ‘n breër en langer asafstand wat ontwerpers in staat gestel het om ‘n meer progressiewe, gespierde voorkoms te skep. Ford se globale ontwerp-DNS word weerspieël in die C-klem-koplampe en sterk horisontale boonste sierroosterbalk. Die voorkant het ook ‘n mengsel van horisontale en vertikale elemente, wat bydra tot die stabiele voorkoms. Van die kant gesien, is daar ‘n sterk skouerlyn van voor na agter,…

Met die Suzuki Ignis se bekendstelling het ek gedink dit is ‘n interessante ontwerp wat eendag ‘n ikoon kan word, te midde van ‘n vervelige oseaan van ekonomiese luikrugmotors. Hierdie buksie se unieke stilering het inderdaad tot goeie verkoopsyfers gelei en hy het ‘n groot aanhang as ‘n stadsmotor wat nie bang is om sy veldskoene aan te trek nie gekry. Dus, toe die geleentheid opgeduik het om agter die stuur van die 2022 GLX-handrat in te skuif, het ek nie geskroom nie en dadelik die Turquoise Blue Pearl neus na die R44 gedraai, op ‘n missie na Tulbagh. Maar nie voordat ek my vrou, Kelly, moes oortuig het nie. “Ek werk môre,” het sy gekla. En sy was reg. Maar die plek wat ek in gedagte gehad het, het…

Ons Weskus avontuur het in die klein kusdorpie van Elandsbaai begin. Met dié dat Noup ongeveer 520km vanaf ons tuiste in Wellington is, was die afstand net te lank vir die twee honde – Pepsi en Mila – wat ons op hierdie avontuur vergesel het. Die bakkie het skaars by Elandsbaai gestop of die honde is by die deure uit. Ons het vinnig kamp opgeslaan en koers gekies strand toe om saam met ons viervoetige vriende te gaan baljaar. Terug by die kamp het ‘n groot Rummikub toernooi begin terwyl die vuur lekker knetter. Die volgende oggend vroeg het ons opgepak en ná ontbyt by die hotel het ons weer in die pad geval. Volgende stop: Noup! By Garies is die bakkie volgemaak (die petrolstasie by Koingnaas sou nie oop…

Daar is iets omtrent die Kgalagadi Oorgrenspark wat ‘n mens weer laat voel soos ‘n mens. Die barre skoonheid van die droë landskap tref jou soos ‘n vuishou. Plotseling besef jy dis genadeland. Daar is iets van díé streek wat die diepte in jou hart bepaal en die lus vir die lewe weer diep in jou siel aanwakker. Hier vind jou siel vrede en jou wese vreugde. Híér is iets van daardie deel se sterre wat mens se hart kos gee. Jy vind iets in die skyn wat vreugde bring. Die rooi sandduine vol wildpaadjies en spoortjies bring ‘n diepe dankbaarheid. Daar is iets in die sonskyn en die dansende gras in die wind, wat vasbyt vra. Daar is genoegdoening in elke dier wat hul weg na die watergate vind.…

Enigeen wat al die gewilde pikkewynkolonie by Boulders Beach besoek het, sal vergewe word wanner hulle dink dat dit goed gaan met hierdie seevoëls. Daar is altyd ‘n magdom voëls op die strand en die oulike donsige kuikens wat hul ouers smeek vir kos is ‘n gewilde toeriste-aantreklikheid. Die werklikheid is egter nie so rooskleurig nie. Die Afrika-pikkewynbevolking het die afgelope 30 jaar met meer as 60% afgeneem, wat beteken dat hulle as bedreig beskou word. Die mees onlangse sensus in Suid-Afrika het ‘n skamele 10 000 broeipare getoon, ver van die 150 000 in die 1950’s en meer as 1 miljoen in die vroeë 1900’s. Die dramatiese afnames wat in die eerste deel van die 20ste eeu gesien is, het gekom as gevolg van menslike uitbuiting. Pikkewyne is geteiken…

Het jy al ooit na die agterklap van jou Toyota Land Cruiser 100 of 200 gekyk en gedink dat dit vermorste spasie is. Sou dit nie wonderlik wees as daardie spasie bruikbaar was nie? Dit is immers hol, so stel jou net voor wat jy daarin kan bêre! Wel, die ouens wat wéét hoe om avonture reg aan te pak, Big Country 4x4, het presies dieselfde gedink en met ‘n hoëgehalte en baie praktiese bergingsoplossing vorendag gekom. Dit is inderwaarheid ‘n redelik eenvoudige oplossing, maar berei jouself voor – daar gaan aan jou ryding gesny en geskaaf word. Die eerste stap is om die mat van die agterklap af te ruk. Vervolgens word die agterklap oopgesny en enige steunbalke word verwyder. Dan begin die skoonmaakproses… en glo my as ek…

Daar is min dinge in die lewe wat kan meeding met ‘n vars koppie boeretroos terwyl jy uittuur oor ons kontinent se pragtige landskappe en natuurskoon. Met Protea Coffee is die aroma en smaak van die koffiewinkel nou haalbaar, selfs in die boendoes. Hierdie innoverende fynproewerskoffie is beskikbaar in espresso-, premium-en ontbytmengsels. Daar is ook nou ‘n kafeïen-vrye opsie beskikbaar. Met elke uitgawe, gee ons ‘n geskenkpak gevul met Protealekkernye ter waarde van R500 weg vir lesersbydraes (dit kan stories, briewe, of vrae wees). *Vir meer inligting: www.proteacoffee.co.za *Hierdie maand se wenners is Kevin Krummeck en sy vrou, Donna, wat hul ongelooflike landreis met ons deel op bladsy 24. Stuur jou bydrae na info@4x4afrika.com…

Niemand kan stry dat Suzuki se Jimny die liefling van baie veldry-entoesiaste en landreisigers geword het nie, heelwaarskynlik vanweë sy kanniedood vermoëns, bekostigbaarheid en astrante stilering. As jy ‘n Jimny besit (of bloot ‘n aanhanger is), haal jou dagboek en ‘n rooi pen uit, want jy sal nie die grootste Suzuki Jimny-byeenkoms in die suidelike halfrond – en moontlik die wêreld – wil mis nie. Die Jimny Safari Town Festival en Jimny Gathering, wat vir 22 tot 24 September 2023 geskeduleer is, sal honderde (indien nie duisende) Jimny-eienaars en aanhangers byeenbring om ‘n rekord op te stel vir die grootste aantal Jimnys op een terrein. Die geleentheid word in Clarens in die Oos-Vrystaat aangebied. Dié dorpie is nie net vir sy skoonheid gekies nie, maar ook vir sy toeganklikheid vanaf…

Toe Nissan die Qashqai vir die eerste keer in 2006 plaaslik bekend gestel het, het dit as’t ware die C-segment vir oorkruisvoertuie geskep. Gevolglik is dit aanvanklik met groot koop-entoesiasme begroet … wat geleidelik vervaag het, namate ander spelers die mark betree het. Nou, met die bekendstelling van die derde generasie van die Qashqai, is Nissan weer op sy stukke en ek is bereid om goeie geld te wed dat daar ‘n behoorlike herrie gaan losbars. Met sy vars en moderne stilering is die nuweling inderdaad baie aantreklik. Die ontwerp is meer robuust en met skerper lyne, terwyl ‘n groter voorsierrooster, sowel as skraal LEDmatriks-koplampe met die sexy nuwe boemerang daglig-ryligte verseker dat die Qashqai hope aandag trek. Kombineer dit met goeie werkverrigting en funksionaliteit, alles saamgevat in ‘n premium…

Toe ek verlede jaar as joernalis begin werk het, was ek bevoorreg om deel te wees van ‘n toer deur Suid-Afrika saam met Kia Suid-Afrika – voorwaar ‘n wonderlike geleentheid waarvan menige aspirantreisjoernalis bloot kan droom. Ons sou ‘n massiewe reis deur die land onderneem om sewe stede in sewe dae te besoek. Die doel van die Kia Seven7 Drive – soos hierdie inisiatief genoem word – is om pediatriese onkologie sale te besoek en geskenke vir die pasiënte af te lewer. Die 2021-reis was ‘n mylpaal-oomblik in my lewe en dit het my van die stryd wat hierdie pasiënte, hul families en die gesondheidswerkers wat sy-aan-sy saam met hulle veg bewus gemaak. Ek het my hart op die Seven7 Drive verloor en het myself belowe om die res van…

Len van Onselen het in die beesboer-Kalahari grootgeword. Sommige boere in die omgewing het Jeeps gehad en Len was versot op hulle. Een aand by ‘n plaaslike kuierplek het die manne die meriete van Jeeps en Land Rovers bespreek. Len het verklaar dat hy niks van ‘n Land Rover hou nie, maar ‘n Jeep… wel, hy wou een hê. Een van die vriende het opgemerk dat sy pa ‘n Jeep op sy plaas naby Lydenburg gehad het. Hy wou dit verkoop omdat dit snaakse geluide gemaak het – hy het gedink dis die as. Nog ‘n vriend, Broz, het ‘n 1948 Jeep – ‘n CJ2A – en ‘n groot voorraad Jeep-skroot, insluitend ‘n werkende agteras gehad. So, een Saterdagoggend is Len en Broz Lydenburg toe om die Jeep te gaan…

Hierdie mooi grondpad-pas van 11.8km het die klassieke omgekeerde profiel van ‘n pas wat afdaal in ‘n riviervallei en aan die ander kant opgaan. Die betrokke rivier is die Mkomazi-rivier, ‘n klein maar sterkvloeiende rivier wat ‘n aansienlike gedeelte van die Drakensberg-platorand dreineer. Ten spyte daarvan dat dit ‘n grondpad-pas is – wat deel vorm van die lang en kronkelende Lotheni-pad wat Nottinghamweg in die noordooste met Underberg en Himeville in die suidweste verbind – is dit in ‘n baie goeie toestand en die hellings oorskry nooit 1:10 nie. Die pas is vernoem na die Bucklands-plaas waardeur dit loop. Die Vergelegen-natuurreservaat word ook deur die suidwestelike kant van die pas gekruis. As jy die pas vanuit die noorde wil nader, moet jy wes uit Nottinghamweg op die R103 ry. Draai…

Tentco vervaardig ‘n aantal boogtente, wat wissel in beide grootte en prys, wat beteken jy is feitlik gewaarborg om die perfekte tent vir jou unieke behoeftes te vind. Die bruikbaarheid van hierdie reeds handige Tentco-boogtente kan verder uitgebrei word deur verlengings, waarvan daar vier is: die Junior Baobab, die Senior Baobab, die Senior Deluxe en die Dubbelboog (Double Bow). Hierdie volledige reeks beteken dat Tentco ‘n verlengingsopsie het wat versoenbaar is met die meeste van hul boogtente. Kamp selfs lekkerder Ons het reeds genoem hoe nuttig ‘n tentverlenging kan wees om jou tydelike slaapplek ‘n ware tuiste weg van die huis te maak. Tentco se gewildste boogtentverlenging is die Baobab-reeks, wat beskikbaar is in óf die Junior Baobab óf die Senior Baobab. Die beduidende verskille tussen die twee is hul…

Stuur foto’s van jou en jou ryding na: info@4x4afrika.com WENNER Matthew Hendriks 2009 Land Cruiser 76 “Die eerste vraag wat baie vra wanneer hulle my Cruiser die eerste keer sien, is: hoekom ‘n Land Cruiser – is hulle nie onprakties nie? Die tweede vraag is altyd hoekom die 1HZ enjin en nie die V8 nie? Wel, om die eerste vraag te beantwoord – jy ry ‘n Cruiser omdat jy enige plek wil gaan, gerus in die wete dat jy nie in die steek gelaat sal word nie. Ons ryding heet ‘Frank the Tank’, want ‘n tenk is hy gewis – groot, sterk, taai, robuust en as bonus, maklik om te onderhou. Dit bring my by die antwoord op die tweede vraag. Ek het die HZ1 bo die meer gewilde V8…