Innholdsfortegnelse for Issue 23 (Sept 2022) i Avontuur Afrika

“Die herhalende patroon van kom en gaan of afname en vernuwing.” Ek hou nogal van hierdie idioom, wat na lewe as water verwys. Die hoofgedagte is dat dinge opgaan en dinge daal en voortdurend verander, soos ‘n rivier se eb en vloed. Eb beteken dat die water wegbeweeg van die land af en vloed beteken dat die water styg of land toe vloei. Hierdie uitdrukking is ‘n goeie beskrywing van die huidige fase in die bos. Wat ‘n voorreg om die eb en vloed van die natuur vanuit die voorste sitplek van die betroubare Land Cruiser – wat as’t ware my kantoor is – te kan aanskou. Om dit te deel met mense wat net so passievol soos ek is, is ‘n besliste vloed! En daar is geen beter plek…

Vryheid, avontuur en egtheid bly die kernkonsepte van Jeep se identiteit. Dit blyk duidelik uit die ontwerp van die nuutste Grand Cherokee L, wat inspirasie uit Jeep se eerste groot SNV-aanbieding, die Wagoneer Limited, put. Die syprofiel verklap veral die ooreenkoms met sy voorganger. Die voorkant is uiters aantreklik. Die eerste ding wat jy opmerk, is die sewe-lat-sierrooster, ‘n kenmerk van alle Jeeps sedert die Universal CJ 2A, beter bekend as die universele Jeep. Danksy skerp en aggressiewe lyne het die voorkant dan ook ‘n utilitaristiese gevoel. Die nuweling is die eerste Grand Cherokee met ‘n derde ry sitplekke, wat dit óf ‘n sewesitplek óf ‘n sessitplek maak, afhangend van spesifikasie. Dit beteken dat die nuweling groter as sy voorgangers is. Die asafstand het van 2 915mm tot 3 091mm…

Daar is besliste voordele daaraan verbonde om ‘n daktent te hê. Om mee te begin, is dit makliker om jou tent skoon te hou wanneer jy van die grond af is. As jy byvoorbeeld op sand of stowwerige grond kamp, klim jy eenvoudig op die leer, stof jou skoene af en klim in die tent sonder om als vuil te trap. Nog ‘n voordeel om van die grond af te wees, is dat jy nie in ‘n plas water en modder sal slaap as dit reën nie. Die hoogte beteken ook dat dit makliker is vir ‘n briesie om jou te bereik, so dit sal koeler wees as in ‘n grondtent. Boonop sal jy ‘n beter uitsig hê – amper soos om in jou eie boomhuis te slaap. Om op…

Ons groep van vier voertuie het twee weke vantevore by Motipi, ongeveer 3km voor die Groblersbrug grenspos en reg langs die Limpoporiver, bymekaargekom. Dis die perfekte kampplek, met gerieflike kombuis-en badkamergeriewe en strategies-geplaasde liggies in die bome wat jou sommer vinnig van jou slawelewe in die stad laat vergeet. Dis ook die ideale afskoppunt vir enige Botswana-avontuur en ons veldgidse, Rushada Schutte en Pieter Kruger, moes dáár reeds behoorlik bontstaan om vrae oor die voëls en diere wat ons sou teëkom te beantwoord. Dis altyd lekker om mense saam te hê wat Botswana vir die eerste keer besoek, want dan sien ‘n mens weer al die dinge wat soms – na jare se toere – misgekyk word. Ons eerste bestemming was die gewilde Elephant Sands Lodge, net noord van die…

Reis kan soms so lukraak wees. Om te bepaal waarheen jy volgende gaan reis kan ure, selfs dae se getob behels. Dan, skielik het jy dit. Vir ons het die gloeilamp-oomblik skape behels, of meer spesifiek, ‘n storie oor die tradisie van die skaap-trek wat ons belangstelling geprikkel het. Nou het ons ‘n verskoning gehad. Terwyl ons ‘n unieke museum-uitstalling wat aan hierdie plaaspraktyk gewy is en in die Noord-Kaap se Loeriesfontein geleë is, besoek, sou ons ook by die bekende windpompmuseum ‘n draai kon maak. Gooi plaasverblyf, die streek se blommeseisoen, en ‘n paar dae in die kusdorpie, Strandfontein, in en die reisplan het feitlik homself aanmekaargesit. Die geleentheid om my fiets saam te neem was ‘n onverwagse bonus, aangesien ek nie aanvanklik besef het hoeveel pakplek ek tot…

Vier punt twee liter. Volgens die Suzuki Celerio se bemarkingsmateriaal, is dit die hoeveelheid brandstof wat jy per honderd kilometer sal verbruik. Neem nou in ag dat sy brandstoftenk 32 liter groot is en jy het ‘n teoretiese reikafstand van 760km. Dis nogal baie kilometers, maar soos ek nou al geleer het is dit nie altyd in die praktyk haalbaar nie. Vervaardigers se brandstofverbruiktoetse word onder ideale toestande uitgevoer: wind-van-agter, meestal ongelaai en bestuur deur ‘n perdejoggie. Afdraand. In ‘n windtonnel. In my wêreld moet die genoemde klein buksie egter gewoonlik myself en my vrou, plus twee van ons luidrugtige seuns dra. Dit is ‘n allemintige loonvrag van ongeveer 400kg. Ons hou daarvan om die lugversorging volstoom oop te draai, die deuntjies te pomp en ten minste een van ons…

Die meeste landreisigers verstaan die waarde van ‘n dakrak op hul voertuie. Nie net bied dit ekstra spasie om al jou kampgereedskap te pak nie, maar dit dien ook as ‘n platform vir jou daktent. Deesdae is daar ‘n magdom dakrakke op die Suid-Afrikaanse mark beskikbaar – so, hoe kies jy? Prys is natuurlik altyd ‘n belangrike oorweging, maar vir die meeste landreisigers gaan dit grotendeels oor die robuustheid van die rak en bykomstighede wat beskikbaar is. Vir baie is die grootste deurslaggewende faktor die keuse tussen ‘n modulêre of ‘n volledig gelaste dakrak. Ek sal byvoorbeeld altyd ‘n ten volle gelaste dakrak kies, bloot omdat die kans dat iets loskom en begin ratel kleiner is as daar minder skroewe is om mee rekening te hou. Ons herbou projek, oftewel…

Die Tiggo 7 Pro is die derde model in Chery se reeks sportnutsvoertuie. Soos sy stalmaats, die Tiggo 4 Pro en Tiggo 8 Pro, het dit omtrent alles wat oop-en toemaak in terme van standaardspesifikasies. Elektriese sitplekke, elektriese vensters, klimaatbeheer, ‘n inligting-en vermaakstelsel l met stembeheer, panoramiese sondak, allooiwiele … noem dit en dis daar! Ek jok nie as ek sê ek was werklik beïndruk nie. Ek is ‘n sucker vir goeters en geite en elke keer as ek agter die stuurwiel ingeklim het, het ek nóg ‘n handige kenmerk ontdek wat ek nie voorheen opgemerk het nie. As ek die amptelike literatuur gelees het, sou ek van dit alles geweet het. Maar dis mos waarvoor ek ‘n tienerseun het … om vir my te verduidelik hoe alles werk. Daar…

Laat na werk, op ‘n Vrydagaand in Augustus, het ons padgevat Harrismith toe. Nadat ons die laaste drie jaar al aan 11 Land Rover Bush Runs deelgeneem het (sonder om een te mis), het ons besluit om ons Xtreme 4x4 SA, te breek en die DVR Rocks & Valleys 4x4 Adventure naweek saam met Dirk van Reenen en sy span van Xtreme 4x4 SA aan te pak. Blykbaar staan die roete ook bekend as die Blommetjies Kyk 4x4 van die Oos-Vrystaatse Drakensberge, so ons het na ‘n lekker ontspanne familie-naweek saam met vriende uitgesien. Met ‘n verwagte koue naweek in die berge, het ons onsself vir oulaas met ‘n nagrus in ‘n gastehuis bederf voordat ons Saterdagoggend vroeg in die pad geval het om die res van die groep by…

Met die Covid-19-pandemie was ons almal heeltemal te lank in ons huise gekluister, met ons 4x4’s wat veels te skoon gelyk het vir hul eie beswil. Dus, om die WC 4x4 & DL Mystery Rally weer op dreef te hê vir 2022, ná ‘n twee jaar lange onderbreking, was die beste nuus wat ek in ‘n lang tyd gehoor het. Dit is al vir baie jare my gunsteling 4x4-byeenkoms in die land, en 2022 sou eenvoudig nie volledig voel daarsonder nie. Die saamtrek begin gewoonlik by die West Cape Brake and Clutch Centre in Brakenfell, waar spanne bymekaarkom, groet en ‘n broodnodige vroegoggend koppie koffie geniet voordat hulle hul soektog aanpak. Dit is hier waar organiseerders vir jou die koördinate gee om in jou GPS te voer en dan is…

Brandkop, Nieuwoudtville Brandkop is bekend vir sy jaarlikse bergfiets-en roete-drafkompetisie, asook die restaurant, kampgeriewe en kothuise op die aangrensende plaas van Pieter en Elizna Louw. Brandkop self was vroeër ‘n klein nedersetting, maar het verdwyn en die huise is verlate gelaat. Dit is eens tydens die verfilming van die 90’s TV-reeks, Die Manakwalanners, gebruik. www.nieuwoudtville.com The Cabin, Doringbaai Doringbaai is weer in die nuus danksy die opknapping van The Cabin-restaurant, wat die sjef, Bertus Basson, in die TVprogram In die Sop onderneem het. Die gehuggie het ‘n verbasende aantal eet-opsies, met The Cabin en Fryer’s Cove se jetty-bistro wat sonder twyfel die botoon voer met heerlike kos en manjifieke seeuitsigte. The Cabin bied ‘n klein verskeidenheid standaardopsies sowel as sy “fees”-spyskaart. Besprekings vir laasgenoemde word vereis, met twee dae kennis.…

Die Hekpoortpas is op die R563 tussen Hekpoort in die noorde en Krugersdorp in die suide geleë, en is ver bo die nasionale gemiddeld in terme van lengte, op 9.2km. Die pas bied steil opdraandes van 1:10 naby die kruin. Vir naweek-avonturiers is dit een van die gewildste roetes oor die Witwatersberge tot in die Magaliesburg-omgewing. Van die dorpie Hartbeespoort na die suide van die bekende Hartbeespoortdam, ry wes op die R512 vir 10km en draai links op die R560 by die T-aansluiting. Bly op die R560 – in ‘n suidwestelike rigting – vir 21km en neem die Hekpport-pad na links, gemerk as die R563 (GPS S25.887646 E27.611020). Dit is die noordelike begin van die pas. Die eerste 6.7km van hierdie poort is ‘n baie maklike en skilderagtige rit met…

Kampsleepwaens het ver gekom sedert die eerstes in die vroeë 1990’s hul verskyning op die plaaslike mark gemaak het. Die destydse modelle was basies omskep vanaf – of gebaseer op – die ou veldkombuise wat tydens die grensoorlog deur die Suid-Afrikaanse Weermag gebruik is, aangesien baie van die vervaardigers hul ontwerpe na kampsleepwaens verander het toe die konflik geëindig het. Hulle was groot en swaar en die meeste van die sleepwa-tente was niks meer as standaard boogtente wat bo-op platforms opgeslaan is nie. Sedertdien het die mark vir kampsleepwaens ontplof en in Suid-Afrika is daar tans byna 50 variante beskikbaar. Toe Rudu du Plessis, van Outdoor Campers, ons nooi om na die Metalian-reeks – en spesifiek die Parthian-model – te kom kyk het ons die geleentheid om ‘n beter begrip…

Puntenerig, met ‘n oog vir selfs die fynste detail. Dit is hoe jy Richard Kiggen, eienaar van All In 4x4, sal beskryf as jy na sy Isuzu – ‘n pasgemaakte en ongelooflik goed toegeruste ryding waaroor menige landreisigers sal kwyl – kyk. Alhoewel hierdie bakkie ongetwyfeld die koppe laat draai, gaan dit vir Richard oor veel meer as estetika. “Ek hou daarvan om soveel tyd as moontlik in die boendoes deur te bring om ons pragtige land en kontinent te verken. As sodanig het ek eerstehands geleer wat werk en wat nie wanneer dit by landreis kom,” sê hy en voeg by dat sy doel met sy eie voertuig – en dié van sy klante – is om dit so funksioneel moontlik te maak, sonder om luukshede in te boet.…

In die 1970’s was die Beatles groot nuus. Die VSA het troepe na Viëtnam gestuur, terwyl die mense tuis gepleit het vir vrede en om liefde – eerder as oorlog – te maak. Hiermee saam is ‘n wêreldwye tendens, wat Vanlife genoem is, gebore. Dit was algemeen om VW-kombi’s, versier met vredestekens en blomme, te sien. Hierdie bussies is in volwaardige tuistes omskep, met mense wat voltyds daarin gewoon het, die natuur eerstehands ervaar het en elke oomblik voluit geleef het. Dié tendens het egter nooit regtig vastrapplek in Suid-Afrika gekry nie, wat nogal ‘n jammerte is aangesien ons land se natuurskoon en oop paaie ideaal daarvoor is. Die besluit om uit ‘n bussie te leef sit gewis nie in enige Jan Rap en sy maat se broek nie, maar…

Hibriede Suzuki Grand Vitara op pad na Suid-Afrika As jy een van die duisende plaaslike aanhangers van die Suzuki-handelsmerk is, spits jou ore! ‘n Splinternuwe Grand Vitara sal in die eerste kwartaal van 2023 in Suid-Afrika bekendgestel word. En asof daardie nuus nie genoeg is om jou opgewonde te maak nie, is dit onthul dat dit ook as ‘n hibried beskikbaar sal wees. As die juweel in Suzuki se model-kroon sal die Grand Vitara met 'n magdom nuwe tegnologië en ‘n nuwe vlak van luukse aan kopers beskikbaar wees. Onder sy vele nuwe en toonaangewende kenmerke is Smart Hybrid Vehicle by Suzuki (SHVS) tegnologie, asook Suzuki se AllGrip Select vierwielaandrywingstelsel. Hibriede doeltreffendheid SHVS bevat ‘n geïntegreerde opwekker vir die aansitter wat die konvensionele alternator vervang en ontwerp is om bykomende…

In die skadu Die Ostrich Wing van Big Country 4x4 is een van die gewildste sonskerm afdakke op die Suid-Afrikaanse mark. Ongelukkig maak die 2.55m lange rugplaat dit te groot vir die daklyn van sommige van hierdie land se gunsteling voertuie, soos die Suzuki Jimny. Goeie nuus is dat Big Country 4x4 die Ostrich Wing Junior Awning bied, met ‘n rugplaat van 2m, wat dit die ideale oplossing vir kleiner sportnutsvoertuie maak. Die Junior is gemaak van 320gsm skeurbestande seildoek en word deur verskeie aluminium rame ondersteun. Hierdie produk sal jou in minder as 30 sekondes van 7m² skaduwee voorsien. Dit neem slegs een persoon om dit oop te maak en kan ook sonder steunpale gebruik word. Die aluminium rame is uit doelgemaakte ekstrusies gebou, ontwerp as ‘n stut en…

Dirk van Reenen is die eienaar van Xtreme 4x4 SA. Hy bied 4x4-toere in die Drakensberge en omgewing aan. Dit wissel van blommetjies-kyk roetes wat vir families geskik is, tot die Ysbeer en Rowwe Blixem toere vir spesiaal-aangepaste 4x4-voertuie. As jy dink jy kan, is Dirk die man om mee kontak te maak. Hy is hoogs ervare en ken die berge soos die palm van sy hand. Sy span is uiters bekwaam en solank jy sy instruksies volg, sal jy veilig aan die ander kant uitkom. Dis werklik ‘n eens-in-‘n-leeftyd ervaring. Die legendariese Rowwe Blixem vind van 24 - 27 November vanjaar plaas. Tans op die kalender vir volgende jaar: • Rocks & Valleys: Maart 2023 • Ysbeer: Junie 2023 • DVR Falls: September 2023 • All Balls: Oktober 2023…

As ons die nuwe Kia Carnival van naderby bekyk, is daar talle uitstaande kenmerke wat tussen verskeie modelle verdeel is. Buiten die estetika, is die mees prominente hiervan die binneruim. Dit het nie net sitplek vir sewe mense nie (met die opsie om ‘n agtste sitplek by te voeg), maar alles vou ook weg om genoeg ruimte te laat vir enigiets van fietsrytoerusting tot ‘n kragopwekker. Sitplekke kan ook herrangskik word sodat passasiers van aangesig tot aangesig kan sit, plus daar is sitplekverwarming en verkoelingsventilasie. Die ekstra spasie beteken egter nie minder lig nie. Benewens groot syvensters, is die Carnival toegerus met twee sondakke. Toegangshoogtepunte sluit die elektriese skuifdeure aan weerskante van die voertuig in, sowel as die agterdeur, wat met die druk van ‘n knoppie oopgemaak kan word. Die…

Die voormalige presidentsvrou van die VSA en politieke aktivis in eie reg, Eleanor Roosevelt, het eenkeer gesê dat die doel van die lewe tog is om dit ten volle te lééf… om ervarings tot die uiterste te beproef en om gretig en sonder vrees uit te reik na ‘n nuwe en ryker ervaring. Ek en Karen Richards, ‘n hoërskool-vriendin, het tydens ons onlangse kort, maar besige wegbreek na die Middellande, beslis hierdie raad ter harte geneem. Ons het waarlik die Middellande omarm en ten volle ervaar – van die vars produkte by die magdom padstalletjies en deli’s tot heerlike wyne en uiteindelik oor die Karkloof woude ge“vlieg” en my verlammende hoogtevrees oorkom… Daar kom ‘n tyd wanneer ‘n ma eenvoudig ‘n vakansie vir haarself móét neem… Geen snotneusies om af…

Noah Plaaskamp is ‘n klipgooi van Wolseley af geleë en is dus nie te ver vir kampeerders wat vir ‘n naweek uit Kaapstad wil ontsnap nie. Daar is egter net drie staanplekke beskikbaar, so as jy by hierdie baie gewilde kampterrein wil gaan kuier, moet jy maar vroegtydig ‘n bespreking maak. Al drie die staanplekke het hul eie privaat ablusiefasiliteite en dis juis een van die talle redes waarom kampeerders vir Noah ‘n vyfster gradering gee. Daar is letterlik geen koste of moeite om die geriewe in puik toestand te kry ontsien nie. Ek kan regtig nie gestand doen aan hoe mooi en prakties die ablusiegeriewe uitgelê is nie. Gelukkig kan die foto’s wat ons geneem het getuig van die gehalte van die geriewe. In hierdie geval spreek ‘n prentjie…

Gedurende die afgelope paar maande het ons Tentco se boogtent-reeks onder die loep geneem. Ons het begin met die intreevlak Savannah-reeks, wat met ‘n beginprys van slegs R3 110 ‘n baie bekostigbare opsie vir diegene met ‘n knap begroting is. Ten spyte van die prys is hierdie steeds ‘n goeie kwaliteit produk, alhoewel dit nie oor sommige van die luukses wat op die duurder opsies beskikbaar is beskik nie. Na die Savannah het ons Tentco se gewildste boogtente, die Junior en Senior Wanderer, bekyk. Met ‘n prys van R4 320 vir die Junior en R5 120 vir die Senior, bied hierdie reeks waarskynlik die beste waarde vir geld en is ‘n goeie kombinasie van bekostigbaarheid en gerief. Als in ag genome is dit beslis ‘n goeie keuse. Tentco het egter…

Tydens my kleuterjare, het my oupa sy eerste veldryer aangeskaf, met die doel om Afrika te verken. Nadat hy verskeie produkte – van Land Rovers tot Land Cruisers – uitgetoets het, het hy uiteindelik op die ietwat onkonvensionele opsie, ‘n Mitsubishi Pajero, besluit. Na sy eerste Pajero het hy verskeie ander Pajero’s aangeskaf en menige kilometers oor die stofpaaie van ons buurlande kafgedraf. Aangesien hy nooit enige terugslae beleef het nie en slegs met die grootste lof oor die handelsmerk praat, het ek besef dat Mitsubishi’s bietjie van ‘n underdog is wanneer dit by landreis kom. En wie hou nie van ‘n underdog nie! Nodeloos om te sê, ek het daarna uitgesien om een van my gunstelingbakkies op die mark, die Mitsubishi Triton, onder hande te neem. Eerste indrukke Kom…