Innholdsfortegnelse for Issue 22 (Aug 2022) i Avontuur Afrika

Waar begin ek? Watter woorde gebruik ek? Wanneer is die regte tyd om pen op papier te sit? Hoe dra ek die gevoelens wat ek ervaar het oor? Hoekom is dit belangrik om dit te deel? Hierdie is die laatnag gedagtes wat by my spook wanneer ek die herinneringe wat vir ewig in my siel ingeprent is, herdink na ‘n epiese werksiklus by die lodge waar ek tans as gids werk (Elephant Plains in die Sabi Sands Natuurreservaat). Omdat hierdie reservaat deel van die Groter Kruger vorm en ‘n onomheinde grens met die Nasionale Krugerwildtuin deel, weet jy nooit wat op jou kan wag wanneer jy die tweespoorpaadjies vat nie. Ek het my eerste jaar in die Groter Kruger gebied aan die verkenning van die omgewing spandeer – die ontdekking…

Hyundai Suid-Afrika het sy verteenwoordiging in die hoogs mededingende plaaslike marksegment vir kompakte oorkruisvoertuie vergroot met die bekendstelling van die nuwe Creta. Dié nuweling spog met ‘n aantreklike nuwe voorkoms, ‘n lang lys standaardtoerusting en uitstaande riteienskappe. Die nuwe Creta-reeks bestaan uit drie modelle met twee verskillende spesifikasievlakke, naamlik Premium en Executive. ‘n Atmosferiese petroleenheid van 1.5-liter is die enigste enjinopsie en word met ‘n handratkas of ‘n sogenaamde Intelligent Variable Transmission (IVT) gekombineer. Een van die opvallendste kenmerke van die nuwe Creta is sonder twyfel die parametriese juweelpatroon sierrooster, met die hoofligte (halogeen vir die Premium-modelle en LED vir die Executive-modelle) onder sy buiterand. Die ontwerp van die agterkant is ook nuut, en die Creta-naam verskyn in vet chroomletters onder die maatskappy se logo. Van die kant gesien, sluit…

Ford Motor Company of Southern Africa (FMCSA) is al vir meer as 30 jaar aktief betrokke by die bewaring van wild en ekosisteme in Suid-Afrika en Afrika suid van die Sahara. Die Ford Wildlife Foundation (FWF) is in 2014 gestig om hierdie jarelange ondersteuning van bewaringsprojekte voort te sit. Onlangs het dit sy steun aan die Suider-Afrikaanse Stigting vir die Bewaring van Kusvoëls (SANCCOB) in Gqeberha uitgebrei deur R50 000 by te dra tot sy jongste Afrika-pikkewyn redding en rehabilitasiepogings. Sedert Maart vanjaar het Suid-Afrikaanse Nasionale Parke (SANParke), in samewerking met die SANCCOB Seevoëlmonitor gebaseer op Bird Island, noodintervensies uitgevoer na strawwe weerstelsels regoor Algoabaai wat daartoe gelei het dat volwasse Afrika-pikkewyne hul neste verlaat het. “Baie van die neste is óf vernietig óf onder water, en die kuikens sou…

Sedert die geboorte van hierdie tydskrif, sowat twee jaar gelede, het ek en my pa Gonarezhou stewig in ons avontuur-visier gehad. Dit was nog altyd een van daardie “eendag”-uitstappies en alhoewel uiters opgewonde, was ons baie versigtig met die beplanning van hierdie epiese avontuur. Die eerste groot probleem was om akkurate en opgedateerde inligting oor Gonarezhou en die omliggende gebied te vind. Ek het dus die groot kanonne uitgehaal en ons ou reisboeke afgestof om op te lees oor die “plek van die olifant” en het ure by my oupa deurgebring om oor sy reis na die park, sowat twee dekades gelede, te leer. Die terugvoer van beide my oupa en die reisboeke het my uiters skepties oor Gonarezhou gemaak, aangesien albei bronne dit as ‘n dorre woestyn-land, wat deur…

Ekspedisies van hierdie omvang is nie iets wat ligtelik opgeneem moet word nie, want gedurende die sowat 10 000 kilometer (as jy self ry) sal jy met heelwat moeilike toestande en situasies gekonfronteer word, aangesien Oos-Afrika ‘n perd van heeltemal ‘n ander kleur as die Suide is. Tydsame grensoorgange, afskuwelike padtoestande en vervalle kampeerplekke is maar ‘n paar van die dinge wat ons groep avonturiers in die aanloop tot die “grand finale” van hierdie Ultimate Tanzania Ekspedisie beproef het. Die finale bestemming beloof egter om dit alles in die verre geheue banke te laat verdwyn… Wanneer ek ‘n toer na die Serengeti lei, probeer ek altyd om dit aan die begin nie te veel op te bou nie, aangesien dit vir ons belangrik is om die groep ingestel te hou…

Ons vinnige naweekavontuur het by een van die beste kampplekke in Namibië, Brandberg Whitelady Lodge, begin. Bekend as die poort na Damaraland, is dit slegs ware avonturiers en ontdekkingsreisigers wat hier ronddwaal. Ons het ons eerste nag oor die Brandberg uitgekyk met die rook van die kampvuur wat ons sommer dadelik laat tuisvoel het. Het jy al ooit gewonder waarom hierdie berg rooi word? Buiten die rotsskilderye is die Brandberg-berg ‘n fassinerende plek. As een van die oudste berge ter wêreld, spog dit met argeologiese terreine wat so ver as 500 000 jaar terug dateer. Trouens, die geologiese kenmerke van hierdie gebied kan so ver as 120 miljoen jaar gelede dateer, ongeveer dieselfde tyd dat dinosourusse uitgesterf het. Die granietberg bevat ‘n mineraal wat ‘n rooierige kleur het wat dit…

Toe ons vriende by Eskom fase 5-beurtkrag aangekondig net toe die Julie-skoolvakansie begin het, het ons gedink: “As ons dan nou in die ‘donker eeue’ moet leef, kan ons dit net so wel in ons gunsteling plek doen – die bosveld!” En so het die soektog na iets nie te ver nie, ‘wild’ genoeg begin. Ons was op die punt om tou op te gooi en ons draagbare kragoplossing in die agterplaas op te rig, toe ons op Jabula Bush Camp – ‘n onomheinde kamp in Dinokeng – afgekom het. Aangesien ons gewoonlik vinnig deur Dinokeng ry, op pad na die Rust de Winter 4x4-roete om ons toetsvoertuie deur hul 4x4-passies te sit, het ons nie regtig geweet wat om van hierdie ‘wilde kamp’-ervaring te verwag nie. Ons sou seker…

As jy aan Land Rover dink, sien jy waarskynlik vir Kingsley Holsgate op ekspedisie deur diep, donker Afrika of ander landelike dele van die wêreld in jou geestesoog. Wel, hierdie spesifieke weergawe van die Land Rover Defender is soortgelyk, behalwe dat hierdie Kingsley sy baard by ‘n salon laat skeer, net Gucci dra, in Sandton woon en baie tyd in in die gimnasium spandeer… Want dit is nie jou konvensionele, stylvolle, maar praktiese Land Rover Defender nie. Hierdie is die groot meneer – die R2.5-miljoen, 5.0-liter-aangejaagde V8-weergawe. Hallo mooi ding! Toe ek in die Defender V8 klim, het ek dadelik – soos die Engelsman sou sê – “proper” gevoel. Die nuwe generasie Defender was sedert sy wêreldwye bekendstelling in 2019 vir my ‘n aantreklike voertuig en die V8 het steeds…

JAC Motors se T6-bakkie het sy plaaslike verskyning in 2018 gemaak. Destyds was net een model – met ‘n 1.9-liter dieselenjin – beskikbaar. In reaksie op terugvoer van hul klante en veranderende markvereistes is die T6 2.0-liter VVT petrol dubbelkajuit 4x2 Lux nou by die reeks gevoeg. Die T6 het ‘n reputasie as ‘n robuuste en veelsydige voertuig, met goeie bestuurdergerief, gevorderde tegnologie en ‘n omvattende lys standaardtoerusting. Danksy suinige brandstofverbruik en lae onderhoudskoste verteenwoordig die nuwe petrolenjin groot waarde vir geld in ‘n dubbelkajuitbakkie. Die 1 997cc VVT 4-silinder petrolenjin ontwikkel 108kW teen 6 000rpm en 190Nm se wringkrag tussen 3 000 en 4 500rpm. Die Euro V-kragbron is gekoppel aan 'n vyfgang-handratkas. ’n Lae wringkragkurwe beteken vroeër en minder ratwisseling, wat weer lei tot brandstofverbruik van 10 liter/100km.…

Net 300km noord van Namibië se hoofstad, Windhoek, lê Ohorongo Wildreservaat. Met eindelose landskappe, oerkuns en majestueuse bedreigde spesies bied dit twee tentkampe wat tussen granietberge lê. Elke tent is in outentieke Afrika-styl met antieke meubels en handgemaakte items versier. Die binnenshuise badkamer en stort sal gaste dadelik laat ontspan, terwyl die privaat buitestort ‘n romantiese ervaring onder die Afrika-sterre bied. ‘n Houtdek en grasdak komplementeer elke tentkamp, wat dit die perfekte wegkruipplek tussen die wye oop ruimtes maak. Die lodge bied geriewe vir die hele gesin en ‘n swembad, biblioteek en kroeg is slegs ‘n paar tree weg, wat jou die beste van rustige bosveld en vermaak bied. Ohorongo is volhoubaarheid-en bewaring-georiënteerd en dit huisves verskeie suksesvol bewaarde bedreigde spesies. Dit sluit swart-gesig rooibokke en swartwitpense in. Die reservaat…

Ons Gonarezhou-reis het baie navigasie geverg en ons sou verdwaal het as dit nie vir die Garmin Tread XL Overland Edition was nie. Maar hoe pas die Garmin Tread XL Overland Edition in die mark? En is die stewige prysetiket die moeite werd? Wat is die Tread XL Overland Edition? Verlede jaar het ons die Garmin Overland en die Garmin Tread getoets en albei eenhede het uitsonderlik gevaar toe dit ons deur die agterpaaie van Mosambiek gelei het. Die belangrikste voordele van die Overland is sy algehele grootte, duursaamheid en gebruiksgemak. Die Tread was soortgelyk in werkverrigting, maar was heelwat kleiner as die Overland-eenheid. Dit het egter een groot voordeel bo die Overland gehad: Garmin se InReach-tegnologie wat in die GPS self ingebou is (met die Overland moes jy dit…

Telemetrie, opsporingshalsbande, nagebootste wildehondroepe wat oor ‘n luidspreker gespeel word, ‘n rooibok – reeds gedood – vasgemaak aan ‘n stomp… Alles so klinies, berekend. Selfs onnatuurlik. Ja, baie mense sal die vlak van menslike ingryping wat die Waterberg Wild Dog Initiative (WWDI) se ekotoerisme-projek verpersoonlik kritiseer. Ek was dalk selfs een van daardie mense. Maar dan maak die klein eko-held wat die projek koördineer haar mond oop en die pure passie vir en toewyding aan hierdie spesie borrel oor. Reilly Mooney, die koördineerder van die ekotoerisme-projek, het sowat drie jaar gelede na Suid-Afrika gekom as deel van ‘n navorsingspan wat die gedrag van bobbejane in die Waterbergbiosfeer sou bestudeer. Reilly het ure spandeer om hierdie verlangse neef van homo sapiens op te spoor en het toe eendag die hoogs bedreigde…

Wildstropery is ‘n krisis in Suid-Afrika. Ongelukkig dink meeste mense aan stropery in groter terme, soos renosters, olifante, ietermagô’s en ander meer eksotiese diere wat gewoonlik vir die Asiatiese mark bestem is. Alledaagse onwettige bosvleisen muti-stropery is egter iets wat reg onder ons neuse gebeur, waarvan Jan Alleman nie bewus is nie. In die veldjie naby jou huis, by die spruit waar jy graag bergfietsry, in die oop grond op die aangrensende erf of die onbewoonde erf ‘n paar huise verder in die straat af. Dit is nie net wilde diere soos duikers, wilde hase en ander klein wildsbokke wat slagoffers word nie. Strikke is ook die onoordeelkundige moordenaar van troeteldiere (ja, hier praat ek van huiskatte en honde). Maar soos die spreekwoord lui: slegte dinge gebeur wanneer goeie mense…

Maak seker jy mis nooit uit op jou kopie van Avontuur Afrika nie – teken in en kry 25% afslag. Staan boonop 'n kans om 'n toer saam met ULTIMATE Adventure los te slaam! Waarde van R16 500pp Die Prys: ‘n Toer saam met Ultimate Adventures na die Okavango Delta in Botswana vanaf 10 – 21 Junie 2023. Hierdie gebied – die wêreld se grootste binnelandse delta – was eens deel van die Makgadikgadi-meer, ‘n antieke meer wat meestal deur die vroeë Holoseen opgedroog het, behalwe vir seisoenale oorstromings. Vandag het die Okavangorivier geen uitlaat na die see nie. In plaas daarvan mond dit uit op die sand van die Kalahari-woestyn, wat water na sowat 15 000km² van die woestyn bring. Elke jaar bereik sowat 11 kubieke kilometer water die…

In die vorige uitgawe het ons Tentco se intreevlak-boogtent, die Savannah-reeks, bespreek. Vir ‘n vinnige samevatting: hierdie reeks het drie groottes, naamlik die Savannah 3, 4 en 5, met grootte en geriefsvlakke, in terme van ventilasie, wat die grootste verskille is. Met ‘n beginprys van R3 110 (to R4 480) maak hierdie reeks kampering ‘n aanloklike opsie vir jongmense wat met hierdie leefstyl begin. Vir diegene wat ‘n bietjie meer gerief en luuksheid verkies, sal die volgende tent in Tentco se reeks – die Junior of Senior Wanderer Bow – die perfekte reisgenoot wees. Die reeks spog met twee opsies, naamlik die groter Senior en effe kleiner Junior. Albei tente is van duursame 260gsm safari ripstop seilmateriaal gemaak en het ‘n dikker PVC grondseil as sy jonger broer met ‘n…

Stuur foto’s van jou en jou ryding na: info@4x4afrika.com Mario Nobrega 2020 Suzuki Jimny GLX “Wat is daar om nie gek oor te wees as dit by hierdie sexy rydingetjie kom nie? Peach, ons Suzuki Jimny GLX, is ‘n ware avontuur-vennoot en ek is mal daaroor om tyd op 4x4-roetes en in die natuur saam met haar deur te bring. Ons verras voortdurend die hardebaarde op roetes en wanneer ons die onbekende tydens ons landreise aandurf. Hierdie buksie is betroubaar, gemaklik en super oulik – perfek vir my avonture!” *Volg Mario en Peach se avonture op sosiale media: @peach_overlanding Barco Pretorius 2022 Hilux Legend 2.8 GD-6 “Hoekom is ek gek oor my ryding, vra jy? Want dis Hilux, boet! Hoe kan jy na hierdie pragtige voertuig – veral in hierdie…

ADVENTURE BACTRAX BOSKRIEK BUSHLAPA CARACAMP COASTLINE CUSTOM ECHO EXCLUSIVE GYPSEY JAG (BOSVELD) COOT MAMMOTH OKAPI PANTHER RAPIER ROETE SAND(PAD) SKIPPER STORM TENTCO TRAILVAN VUUR (KAMP) AFRISPOOR BADGER BUSHNEST CARAVETTE COMFYCAMP EXPLORER IMAGINE JAGUAR LEISURE MISKRUIER OKTO RASCAL ROMANY SCAMP SOLAR TRANSFORMER WATER AHA (SLIDE ON) BAOBAB BUSHWAKKA CARNIVAL COMMANDER DESTINATION BRU EXPO EXTREME IMPI JURGENS MOBILODGE ORYX PINNACLE SCHONGOLOLLA SPLASH SURFER TINY UEV BIRD WEEKENDER ANEE BAUER CAMPMASTER CHALLENGER COMPANION DISCOVERER (BUL) GECKO INFANTA MUSKETEER OVERLANDER PZAZZ SCOUT SPORT SWIFT VEE WIEL ARMADILLO BORDER(X) CHEETAH CONQUERER DUINE(RY) ENSUITE GRAVELLOR INFINITY MAIA NOMAD PAD (GROND) QUANTUM REGAL SAHARA SENATA SPRITE SWING TOPAZ (x2) VENTER WILD(KAMP) AVANTE BOS(KAMP) BUSHBABY CLASSIQUE CONTINETAL DUO EVO GT (CAMPER) INVADER MAJOR NYELA PALMA QUATTRO RHINO(MAN) SALUTE SENSATION STEALTH TEARDROP TOURER VOGUE WILK…

Die Goodyear Tire & Rubber Company is nie tevrede daarmee om bloot een van die top bandvervaardigers op ons planeet te wees nie, maar het sy visier op die maan gerig. Die maatskappy het noodsaaklike produkte vir NASA se Apollo-program, insluitend die Apollo 11-sending wat meer as 50 jaar gelede op die maan geland het, verskaf en het nou by Lockheed Martin aangesluit in die ontwikkeling van ‘n maan-mobiliteitsvoertuig. Die twee maatskappye beoog om die eerste te wees wat ‘n handelsvoertuig vir gebruik op die maan ontwikkel. Goodyear maak gebruik van sy bestaande gevorderde luglose bandtegnologie om maan-mobiliteit te bevorder en die uitdagende toestande op die maan te weerstaan. Die maatskappye pas reeds bestaande kundigheid op die projek toe. “Alles wat ons leer uit die ontwikkeling van bande vir die…

Om die Kaap te besoek en nie jouself met wonderlike uitsigte oor die strande deur die voorruit te bederf nie, sal ‘n sonde wees! Jy móét eenvoudig die (meestal langer) skilderagtige roetes neem, veral as jy die tipe is wat van die langpad hou. Natuurlik word jy dan met te veel opsies en kuslyne bederf, veral vanaf ons wegspringplek in Seepunt. Sal ons om die Skiereiland ry? Jy kan dit doen, aangesien dit vol kulinêre lekkernye met uitsigte oor die berg en see is, maar dan geniet ons ook die Weskus, met tientalle vis-en-tjips winkels wat selfs ‘n Engelsman se mond sal laat water. Die nuwe turbo-aangejaagde driesilinder-enjin wat in die Sonet ingespan word, ten spyte van ‘n geringe een liter formaat, is in werklikheid in staat om ‘n skaflike…

Louna Betton en haar man is ywerige landreisigers. Hul eerste reis saam was in 2017 en hulle het sedertdien heelwat eksotiese bestemmings op die vasteland besoek. “My man het landreis in sy bloed en met ons eerste reis saam het ek vir hom gesê dat ek sonder water en elektrisiteit kan klaarkom, maar dat ek daarop aandring om in ‘n daktent te slaap. Ek het die idee van wilde diere wat in die kamp rondloop nogal angswekkend gevind,” onthou sy. “Ek het vinnig geleer dat pak vir ‘n landreis-avontuur ‘n fyn kuns is. Kookware was egter altyd die grootste kopseer. Ons het ‘n gietysterpot nodig gehad om brood in te bak, ‘n braaipan vir ontbyt en ten minste een ander pot vir pap en sous en dies meer,” vertel Louna.…

Vir my is die reis daarheen net soveel deel van die vakansie as die uiteindelike bestemming. Derhalwe hou ek nie daarvan om my reise te haas nie. So, op ‘n koue Julie-oggend het ons vroeg opgestaan om ons beplande winterekspedisie voor sonop te begin. Die idee was om ‘n handvol interessante passe aan te pak om by ‘n paar afgeleë en redelik onbekende wildreservate uit te kom. Ons het vroegdag uit Saldanhabaai vertrek en verby Hopefield en Malmesbury gery voordat ons by die R46 aangesluit het, wat ons met die Michell’s Pas na Ceres sou neem. Die pas is vernoem na Charles Michell, ‘n talentvolle militêre ingenieur, wat die oorspronklike roete deur die Skurweberge en Witzenberge van Tulbagh en Wolseley na Ceres beplan het. Drie historiese passe Ons het vinnig…

Kransaasvoël Top ID-wenk: Wanneer dit kom by die identifisering van kransaasvoëls, is dit nuttig om die verskil tussen jong en volwasse voëls te ken. Jong voëls is medium-bruin met ligter strepe onder – let op die rooi kolle op hul bors en nekke. Die vlerk-en lyfvere van volwasse voëls is ‘n baie ligte bruin, die vliegvere en die stert is swart en die vel van hul nek is ‘n blougrys kleur. Die oë, wat donker is by jeugdiges, word heuningkleurig met ouderdom. Marakele Nasionale Park: Met sowat 800 broeipare is dié nasionale park se kolonie van bedreigde kransaasvoëls nie net een van die grootstes ter wêreld nie, maar ook een van Marakele se gewildste besoekers-aantreklikhede. Om te kyk hoe die aasvoëls bo die Waterberge sweef, kies met Lenongrylaan koers na…

Op die laaste dag van ons epiese Eco Uitdaging – grappenderwys as “Die Modder Weergawe” gedoop – het ons by vroegdag vertrek. Daar het ‘n veeleisende dag op ons gewag, met vier groot passe wat deel van die uitdaging uitmaak wat voorgelê het. Dit sou ‘n lang, moeilike dag wees en ek moes sommige van ons groep onverskrokke ontdekkingsreisigers daaraan herinner dat dinge moeilik gaan raak, veral teen die einde van die dag, maar dat dit alles op die ou einde die moeite werd sou wees. Eerstens moes ons teruggaan tot by die Wartrail Country Club, wat as ons eerste gemakspouse vir die dag gedien het. Vandaar het ons die pad langs die Funnystone-rivier gevat. Hierdie rit, met hoë rye Lombardi-populiere en rustige plase, is besonder aangenaam. Kort voor lank…

Soos met alle dinge in die lewe, is daar meer as een manier om iets te doen en as sulks is daar verskeie prosesse om jou voertuig se enjin te herprogammeer, karteer of ‘n prestasie-gedrewe naverkope skyfie te installeer. Daar is baie instellingsmaatskappye (oftewel tuners, soos die Engelsman sou sê) en produkte wat op prestasie-verbetering gemik is op die mark. Ons het egter besluit om ons toets saam met Dastek en sy immergewilde en bekende Unichip te doen. Ons proefkonyn vir die projek was ‘n 2016 Land Cruiser Prado met sy bewese 3.0-liter D4-D turbo-aangejaagde viersilinder-enjin. Ons het by Cornel Jonker, algemene bestuurder van die Dastek-groep en een van die meesterbreine agter Unichip, aangeklop om meer uit te vind oor die proses. Wat is herprogrammering? Om herprogrammering te verstaan, moet…

Te midde van die grendeltyd tydens die Covid-19 pademie het John Yazbeck homself vir die eerste keer in sy volwasse lewe sonder wiele bevind. “Wel, tegnies het ek ‘n voertuig gehad, maar dit was in die werkswinkel vir herstelwerk en my ma het ons ander motor afgeskryf, wat beteken het dat ons effens gestrand was,” vertel hy. “So, eendag het ek toevallig na die klein winkeltjie in ons klein plattelandse dorpie, Bathurst, gestap. Ek onthou die dag goed: dit was ‘n pragtige helder wintersoggend, met geen van die berugte en onaangename Oos-Kaapse kuswinde nie. ‘n Perfekte dag. En dit was op hierdie dag in Julie 2020 dat ek die herboude 1995 Defender 300Tdi wat buite een van die klein kuns-en handwerkwinkels geparkeer was opgemerk het – met ‘n Te Koop-bordjie…