Innholdsfortegnelse for Issue 21 (Jul 2022) i Avontuur Afrika

“The wildlife and its habitat cannot speak, so we must, and we will.”– Theodore Roosevelt Tydens ons reise ontmoet ons baie interessante mense. Mense wat hul droom uitleef, reis en hierdie kontinent van ons verken. Mense wat hul passie nastreef om die natuur te beskerm en daardie passie by ander in te boesem. Mense soos Gabriel Harmer, ‘n veldgids by een van die eksklusiewe lodges wat ons besoek het as deel van hierdie “moeilike werk” van ons. Sy absolute passie vir Afrika se natuurlewe en -bewaring is aansteeklik en sy kennis oor die veld is, om die minste te sê, inspirerend. Hy is een van daardie veldgidse wat werklik trots is op sy werk en alles sal doen om sy gaste die absolute beste ervaring op wildritte en natuurwandelings te…

Daar is min dinge in die lewe wat kan meeding met ‘n vars koppie boeretroos terwyl jy uittuur oor ons kontinent se pragtige landskappe en natuurskoon. Met Protea Coffee is die aroma en smaak van die koffiewinkel nou haalbaar, selfs in die boendoes. Hierdie innoverende fynproewerskoffie word deur die Kaapstadse koffieroosters gebrou en is beskikbaar in espresso-, premium- en ontbytmengsels. Daar is ook nou ‘n kafeïen-vrye opsie beskikbaar. Met elke uitgawe, gee ons ‘n geskenkpak gevul met Protea-lekkernye ter waarde van R500 weg vir lesersbydraes (dit kan stories, briewe, of vrae wees). Stuur joune na: info@4x4afrika.com *Vir meer inligting: www.proteacoffee.co.za…

Met die bekendstelling van die volgende generasie Ranger en Everest wat om die draai is, het Ford onlangs aangekondig dat daar ‘n uitgebreide katalogus van fabrieksgesteunde toebehore en bykomstighede vir die nuwelinge beskikbaar sal wees. Benewens ‘n groot verskeidenheid Ford Genuinebykomstighede, het die maatskappy met vooraanstaande na-verkope maatskappye kragte saamgespan om ‘n reeks Ford-gelisensieerde bykomstighede aan te bied, wat van die begin af ontwerp en ontwikkel is om naatloos met die nuwe Ranger en Everest te integreer. Daar sal iets vir elke smaak en behoefte wees, of jy nou ‘n bakkie benodig wat al jou werkstoerusting kan dra, of ‘n voertuig wat jy aan die einde van die week met kamptoerusting kan laai en die buitelug kan geniet met jou kampkombuis en daktent. Indien jy dus jou voertuig volgens jou…

Die PadlangsZA-visie is om vir hulle gaste ‘n kampervaring te gee wat hulle nie maklik sal vergeet nie. Of dit nou ‘n inleiding tot kamp vir nuwelinge is of ‘n lekker geleentheid vir gesoute kampeerders om net te ontspan, die span streef daarna om jou buitelugavontuur gemaklik, pret en moeitevry te maak. Alle kamptoerusting – van tente, draagbare beddens en individuele selfopblaasmatrasse tot kampstoele en gazebo’s – word deur die PadlangZA-span verskaf en opgerig. Al wat jy moet saambring is jou eie koelboks met drankies en warm beddegoed. Met jou aankoms word jy getrakteer met vars oesters, ‘n glas vonkelwyn en kampvure wat brand. Alhoewel hulle voortdurend op die uitkyk is vir nuwe toere en bestemmings, is die volgende toere tans op die kalender. Maak seker dat jy jou plek…

Ek lees nou die dag dat ‘n tannie soos jou ma is, net cooler! Sinonieme vir tannie sluit wynkop, wyndrinker, joller en lekker mens in. Ek stem heelhartig met hierdie definisie saam, maar ek sal nog ‘n sinoniem byvoeg: vrienGIN. Ons groep tannies is gelukkig om ‘n plek na aan my hart – die Addo Olifant Nasionale Park – op ‘n relatief gereelde basis te kan besoek, aangesien die suidelike Matyholweni-hek slegs sowat 35 minute se ry van ons huise in Port Elizabeth (oftewel Gqeberha) af is. Dit gesê, Addo se enigste kampplek is in die noordelike deel van die park, by Addo se hoofkamp geleë. Die rit van die suide na die noorde van die park is egter altyd ‘n heerlike bederf en ons sien altyd lekker baie wild…

Dit het my ‘n goeie jaar, miskien selfs meer, geneem om die regte mense te vind om my droom van ‘n Game Vetavontuur vir vroue ‘n werklikheid te maak. Om dit reg te kry, het jy ‘n wild-veearts met die beste ervaring, kontakte, ‘n helikopter en ‘n helikoptervlieënier nodig – dis die eerste stap en reeds ‘n uitdaging om te vind. Selfs meer belangrik is om mense te vind wat die visie en passie deel om die gewone Tina, Dina en Hendrina na die hart van bewaring te bring, wat aan hulle ‘n voorsmakie gee van hoe dit regtig voel om ‘n praktiese verskil te maak. Die essensie vir my was om gewone vroue in staat te stel om wild van naby te sien en moontlik met hulle te kan…

Teen die einde van ons 2022 Ben 10 Eco Uitdaging (wat ons “Die Modder Weergawe” gedoop het) was daar – ja, jy het reg geraai – nóg reën! Die weerstoestande het voortgeduur volgens die nou bekende patroon van bewolkte oggende, met reën wat elke dag om en by middagete begin uitsak. Ons roete het ons vanaf ons aanvanklike basis by die Mountain Shadows Hotel al langs die R56 na Barkly-Oos geneem en toe met ‘n grondpad af na die Kraairivier by Lochbrug. Die rivier het sterk geloop en ons het ‘n geruime tyd spandeer om die geskiedenis van die Lochbrug en die sewende en agtste spoor omkeer-haltes, ‘n entjie verder teen die Tierkranspas, te bespreek. Hierdie pragtige pas is in die kant van ‘n berg ingesny met ‘n afwaartse helling…

Renault se Duster sportnutsvoertuig het in 2013 sy debuut op die plaaslike mark gemaak. Die stilering van daardie oorspronklike Duster het my aan ‘n miskruier laat dink. Stewig en amper koddig, maar taai en sterk. Hy was sonder fieterjasies en gebou om te hou en het my vanuit die staanspoor beïndruk. Natuurlik was daar oor die jare opgraderings en nuwe generasies en die Duster het meer aantreklik geraak, maar al sy beste eienskappe het gebly. Uiteraard deel baie motoriste my sentimente, want 23 000 eenhede van die Duster is tot op hede hier verkoop. Teen die einde van 2021 is die jongste model hier bekendgestel. Die kenmerkende Duster DNS is behou, maar danksy verbeterde genetika is die voertuig beslis meer aantreklik. Die verbeteringe sluit ‘n vars nuwe bakontwerp, ‘n meer…

Volkswagen het onlangs die lang-verwagte nuwe generasie Amarok aan die wêreld onthul en beplan om dit gedurende die eerste kwartaal van 2023 plaaslik bekend te stel. Die Aussie-ontwerpte nuweling sal by Ford se Silverton-fasiliteit gebou word en heelparty onderdele met die Ford Ranger deel, maar danksy die unieke voor- en agterstilering en ‘n kenmerkende binneontwerp verseker dat dit pure VW bly. Met ‘n lengte van 5.35m is die nuweling 96mm langer as sy voorganger. ‘n Asafstand wat 173mm langer is, beteken ook verbeterde kajuitspasie. Vier turbo-dieselenjins vanuit die Ford-stal word vir Suid-Afrika oorweeg. Die eerste is ‘n 2.0-liter 4x2 met ‘n vyfganghandratkas, wat 110kW en 350Nm bied. Daar is ook ‘n kragtiger 125kW/405Nm-weergawe van hierdie enkel-turbo 2.0-liter enjin, wat beskikbaar sal wees as 4x2 en 4x4, met sesgang-hand- en outomatiese…

Great Wall Motors (GWM) vier vanjaar sy vyftiende bestaansjaar in Suider-Afrika. Die reuse Chinese maatskappy is in Julie 1990 deur Jack Wey gestig en die eerste voertuig is in 1993 vervaardig. Die Suider-Afrikaanse filiaal is in 2007 gestig, met die eerste besending voertuie wat slegs een model bevat het, beskikbaar in enkelkajuit, dubbelkajuit en sogenaamde multi-wagon. In 2017 het die maatskappy se naam na Haval Motors South Africa verander, met GWM wat ‘n beleggersverandering simboliseer. Sedertdien het dit ‘n gerekende speler op die Suid-Afrikaanse motormark geword en word as een van die land se vinnigste groeiende handelsmerke beskou. Dit kan deels toegeskryf word aan die GWM P-reeks bakkie, wat in Desember 2020 plaaslik bekendgestel is. Met heelwat tegnologie – insluitend draadlose laai, verkeersteken-herkenning, ‘n 360-grade kamera en outonome remming –…

Maak dit reg, die eerste keer Was jy al gestrand in die bos met ‘n stukkende voertuig, wat jy geweet het jy sou kon regmaak as jy net die regte gereedskap by jou gehad het? Wel, nou is daar geen verskonings meer nie – Tork Craft het nét die gereedskapkas vir jou. Die 172-stuk gereedskapkas neem nie te veel spasie op nie (220mm x 470mm), maar is toegerus met alles wat jou plaaslike werktuigkundige groen van jaloesie sal laat. Dit is gemaak van chroom-vanadium vir verhoogde duursaamheid en kenmerke sluit in: • Sluitbaar (slotte uitgesluit) • Dubbel handvatsel • Staalkonstruksie • Bêreplek met ses laaie *Beskikbaar by Takealot vir R4 281. Vir meer inligting oor die produk: www.vermontsales.co.za Skadu op pad Wanneer jy die boendoes aandurf, is skadu dikwels ‘n…

Pilanesberg Natuurreservaat is die tuiste van ‘n baie belangrike renosterbevolking in Suid-Afrika. Albei spesies het uiters goed in die reservaat aangepas en die oormaat van beide spesies word gebruik om nuwe bevolkings regoor Suider-Afrika te hervestig. Die afgelope sewe jaar Die afgelope sewe jaar is die park se renosterbevolking geteister deur stropery (soos oor die hele vasteland die geval was). Gedurende hierdie tydperk is meer as 120 renosters weens stropery in die reservaat verloor. Dit het ‘n aansienlike afname in die renosterbevolking veroorsaak, wat die Noordwes Parkeraad en private ondernemings genoop het om drastiese ingrypingsmaatreëls te tref om hul renosterbevolking te red. Die besluit is geneem om die horings van al die renosters in die reservaat, met die hulp van veeartsenykundige dienste, te snoei. Die span het regdeur die park…

Ek het vir ‘n baie groot deel van my lewe in Bloemfontein gewoon. My passie vir alles met betrekking tot veldry is aangevuur deur die liefde om veldfietse te ry. Ek en my beste vriend het menige naweke en skoolvakansies op die fiets wat sy pa vir ons gebou het spandeer. Ons het geleer hoe om dit reg te maak en te diens en hoe om dit behoorlik te ry. Soos dinge gaan, het die lewe gebeur en hy en sy gesin het na Pretoria verhuis en ons het nie in kontak gebly nie. Daardie passie wat ons gedeel het, het egter nooit verdwyn nie. Ons het jare later weer kontak gemaak toe ek my nasionale diensplig in Pretoria gedoen het, maar hy is ongelukkig oorlede na ‘n ernstige motorfietsongeluk.…

Tot so drie jaar gelede het ek en my vriendin, Amanda, met ‘n Oz-grondtent gekamp. Ons het dié opset en tent baie geniet, aangesien dit maklik is om op te slaan en te onderhou. Wat ons egter nie soveel geniet het nie, was om na elke reis my kar in en uit te pak. Uiteindelik het ek daarin geslaag om vir manlief te oortuig dat ons ‘n sleepwa nodig gehad het om al ons kampgoed bymekaar en op een plek te hou (en nee, ‘n Ventertjie sou NIE deug nie!). Voordat ons ‘n kampsleepwa aangeskaf het, was ek bevoorreg genoeg om saam met ‘n groep vriende na die sentrale Kalahari te reis om daar te gaan kamp. Elke paartjie het ‘n ander opset gehad – daar was ‘n veldwa, ‘n…

*Die span bedank hul vennote en borge: Charlie’s Breweries, Camp & More en Acroyd de Vries. Nuutste nuus: ‘n Spesiale Game Vet-avontuur vir kinders vind van 4 tot 6 November 2022 in dieselfde omgewing onder Cheetah Cubs Conservation Adventures – wat deur Leilani en haar negejarige dogter, Sabria, bestuur word – plaas. Die naweek is vir die hele gesin, maar met die fokus op kinders om hulle betrokke en passievol oor bewaring, natuur en natuurlewe te kry. Afhangende van ouderdom, sal die kinders, vergesel deur ten minste een ouer, die tick balling-ervaring vanaf die helikopter kan ervaar. Slegs ‘n paar gesinne kan geakkommodeer word. Die prys per gesin sal afhang van die aantal kinders en hul ouderdomme, hoeveel familielede in die helikopter wil vlieg, ens. KONTAK: +27 82 779 0602…

As ‘n ou se lyf moeg is, is daar min dinge so lekker as om by ‘n kampeerplek in te trek, kamp op te slaan en net die omgewing te geniet. Melkhout Guest Farm bied lekker kampering langs die mooi Breederivier en bied lafenis vir die siel. Ons het so lekker gekamp, ons het sommer twee nagte gebly! Melkhout Guest Farm is sowat 20km vanaf Bonnievale op Fritz en Lizahn van Zyl se pragtige melkplaas geleë. Elkeen van die vier ruim staanplekke is heerlik privaat en jy het die gerief van jou eie ablusiegeriewe wat bestaan uit ‘n stort (heerlike warm water te alle tye), wasbak en spoeltoilet. Elke staanplek het ‘n houtdek op stelte wat ‘n pragtige uitsig oor die mooi natuurskoon bied. Op die dek is daar ‘n…

Kruger Voëlkyk- en Natuurlewe-uitdaging As jy lief is vir die Kruger en sy besonderse verskeidenheid voëls en wild, wil jy nie die Kruger Birding & Wildlife Challenge – ‘n prettige fondsinsameling vir die bewaring van die wêreld se skaarste voëls, die kritiek bedreigde Witvlerk-vleikuiken – misloop nie. Die weeklange geleentheid vind van 12 tot 19 Februarie 2023 plaas en word gesamentlik deur BirdLife South Africa en Rockjumper Birding Tours aangebied. Europese troupant moniteringsprogram In 2021 het BirdLife South Africa ‘n moniteringsprogram vir die Europese Troupant by drie sleutelterreine, die Krugerwildtuin en twee privaat natuurreservate in KwaZulu-Natal, geloods. Europese Troupante keer elke jaar tydens November terug na Suid-Afrika en vertrek in Maart op hul lang reis. Data word gedurende hierdie tydperk ingesamel met behulp van die BirdLasser-toepassing, om die bevolkingsgetalle en…

Stuur foto’s van jou en jou ryding na: info@4x4afrika.com WENNER Axel Cartwright 2008 Land Rover Defender Puma 110 Station Wagon “Land Rover Defenders is tydlose en klassieke voertuie met hope persoonlikheid en karakter. Dis dan ook nie anders met my Landie, genaamd Elvis, nie. Aangesien ek met Landies grootgeword het, het ek altyd daarvan gedroom om een te besit en dit was vir my ‘n groot oomblik toe ek vir Elvis kon aanskaf. Ek weet Land Rovers is nie vir almal nie – jy is óf gek oor hulle óf jy is nie ‘n aanhanger nie. Ek is mal oor my ryding en geniet dit om nuwe en unieke bestemmings in hierdie pragtige deel van ons wêreld te verken. Ek sou dit natuurlik nie sonder my betroubare avontuur-vennoot kon doen…

Kia het sy gewilde Sonet-reeks met die bekendstelling van twee nuwe 1.0 T-GDi turbo-aangejaagde modelle uitgebrei. Die nuwe Sonet 1.0 T-GDi is toegerus met Kia se gevorderde 1.0-liter, 3-silinder turbo-petrolenjin gekoppel aan ‘n sewegang dubbelkoppelaar outomatiese ratkas (7DCT). Hierdie nuwe enjin in die plaaslike Kia-stal spog met uitsette van 88kW teen 6 000rpm en 172Nm wringkrag tussen 1 500 en 4 000rpm. Dit is beskikbaar in die middelvlak EX, sowel as in die vlagskip Sonet-model, die EX+. Tipies Kia spog albei met heelwat standaardtoerusting. Die EX het ‘n 8-duim HD-raakskerm inligting- en vermaakstelsel met draadlose Apple CarPlay en Android Auto, Bluetooth met stembeheer, hoogteverstelling vir die bestuurdersitplek, ‘n trukamera en parkeerafstandbeheer, ‘n netjiese leerafwerking vir beide die stuurwiel en ratskakelaar, kunsleer/materiaalkombinasie sitplekafwerking, elektroniese stabiliteitsbeheer en ABS met elektroniese remkragverspreiding. Dubbele…

Toe die Mahindra-handelsmerk 18 jaar gelede sy eerste Suid-Afrikaanse verskyning (toevallig ook by Gerotek) gemaak het, het nie baie mense werklik notisie geneem nie. Op daardie stadium was daar baie ‘onbekende’ handelsmerke wat die plaaslike mark betree het en hoewel Mahindra se aanbiedinge glad nie sleg was nie, het die mark nie verwag dat die handelsmerk so bestendig sou groei as wat dit het nie. Dis nou byna twee dekades later en baie min mense besef presies hóé groot hierdie Indiese motorvervaardiger werklik is. Dit is sedert 2010 die wêreld se grootste vervaardiger van trekkers en ná Tata en Suzuki is dit die derde grootste motorhandelsmerk in Indië. In Suid-Afrika het die handelsmerk positiewe groei in veral die hoogs kompeterende bekostigbare passasiers-, sportnutsvoertuig- en bakkiemark getoon. Trouens, Mahindra se bekwame…

Ek kan dit hoor…Die gedoef, doef, doef kom nader…My ore spits,Waar kom die geraas vandaan?Ek voel ‘n skerp steek in my boud…Hulle het my!My kop begin draai…Ek kan nie my voete voel nie!Vreemde figure storm na my toe…Omsingel my, steek goed in my ore, blinddoek my.Maar ek voel nie haat nie.Ek voel liefde.Hulle is hier om te help! Toe Toyota ons nooi om by hulle aan te sluit op ‘n renoster onthoring-inisiatief, sou ek nooit kon raai wat ek gaan beleef nie! Trane, stof en meer emosies as wat ek kon hanteer. Dit was vroeg op ‘n Donderdagoggend toe ek by Toyota Suid-Afrika se hoofkantoor in Sandton aankom, sonder om té veel te verwag van wat die uitnodiging “Toyota's Rhino Initiative” genoem het. Kort voor lank het my avontuur-vennoot, die…

Ek volg al ‘n geruime tyd die PadlangsZA-manne op sosiale media en kry altyd ‘n erge aanval van FOMO (oftewel Fear Of Missing Out, vir diegene wat nie die term ken nie) as ek na hul platforms kyk… Dit wys die mees asemrowende plekke, pragtige sonsondergange en etes wat altyd so watertand lyk dat ek steeds oortuig is daarvan dat hulle ‘n professionele sjef en volledig toegeruste kombuis iewers in hul Fortuner wegsteek! Die “Bolandse Boytjie”, Sergio Opperman (ook bekend as die Kuier-leier), wat onlangs by PadlangsZA op ‘n kampeeruitstappie na Tietiesbaai aangesluit het, vertel: “Ek het, net soos jy, op PadlangsZA se Instagramprofiel afgekom en verlief geraak op dit wat ek daar gesien het. Dit het mos nou soos ‘n regte jol gelyk om in ‘n groep saam met…

As enige iemand ooit in my lewe vir my sou sê dat ek ‘n artikel vir ‘n 4x4-tydskrif oor ‘n reis wat ek deur Afrika gaan aanpak sou skryf, sou ek hulle uitgelag het. Ek weet nie eens hoe om ‘n wiel om te ruil nie, wat nog te sê van 4x4 ry! En in elk geval, ek is in die Suid-Afrikaanse musiekbedryf. Ek sien om na die intellektuele eiendom van kunstenaars en reël groot musiekfeeste. Die naaste wat ek aan 4x4 kom is om tydens my feeste en funksies van punt A na punt B met ‘n vierwielmotorfiets te jaag… En tog, hier is ek, besig om presies dít te doen! Tydens die pandemie het ons musiekbedryf tot stilstand gekom. Ek het skielik vrye tyd op hande gehad en…

Stadiger vir sleep Ek sal die eerste wees om te erken dat ek ‘n bietjie van ‘n spoedvraat was voordat ek ‘n #TannieMetnTrailer geword het. Die vrees dat iets verkeerd kan gaan, is wat my laat ag slaan het op die raad van diegene met meer sleepervaring wat glo dat die maksimum sleepspoed tussen 110 en 120km/h moet wees, aangesien dit jou beter beheer gee. Deesdae is ek heel tevrede om teen ‘n gemaklike 100 tot 110km/h te ry, die natuurskoon op pad te geniet en heerlik te kar-karaoke. Beplan jou roete sorgvuldig Om ‘n goeie idee van die paaie waarop jy sal reis en die dorpe waardeur jy sal gaan te hê, help om enige moontlike teëspoed – soos om sonder brandstof te gaan staan, met ‘n vulstasie kilometers…

So, wanneer laas het jy ‘n vlag gehys? Na ons tiende Bush Run avontuur, het ons besluit dat dit tyd was vir ons eie identiteit. Daar word toe summier ‘n vlag gemaak. Hoe kan mens dan nou rondry op ‘n Bush Run sonder ‘n vlag wat wapper? Gedurende ons elfde Bush Run avontuur neem ons ons groep Land Rover-entoesiaste na die Rust de Winter 4x4 ATV Klub se kampterrein, net so ‘n katspoegie buite Pretoria. Wát ‘n groen paradys vir kamp in die winter! Baie opgewonde merk ons toe ook ‘n vlagpaal op – perfek vir ‘n lekker nuwe tradisie: ons daaglikse vlaghys seremonie! Nadat ons uiteindelik die slapies sedert ons vorige avontuur afgetel het, kom die groep – ou en nuwe vriende, almal saamgesnoer deur hul liefde vir Land…

Ek was nog altyd ‘n landreisiger wat daarvan hou om konstant te beweeg en nie sommer vir lang periodes in een kamp te staan nie – daar is net eenvoudig te veel om te sien! Ek is ook nie ‘n groot aanhanger daarvan om iets agter my voertuig te sleep nie en verkies om my kampgoed alles binne in my voertuig te pak. Verder verkies ek ook om eerder op die grond as op die dak van my voertuig te slaap. Gevolglik het ek van kindsbeen af dieselfde skuiling oor my kop gehad vir die meeste van ons avonture – ‘n seildoek boogtent van Tentco. In ‘n vorige uitgawe het ons die vernaamste verskille tussen nylon- en seildoektente in diepte bespreek. Net om weer jou geheue te verfris, daar is…

Alles was haarfyn vir ons opkomende avontuur beplan. Ons het kompakte oorkruisvoertuie, gaste, ‘n wonderlike roete en skouspelagtige verblyf gehad. Wat ons nie gehad het nie, was ‘n ondersteuningsvoertuig. Jy sien, ons gaste het die vervaardigers van genoemde oorkruisvoertuie verteenwoordig en as sodanig sou hulle hul eie voertuie bestuur. Die Avontuur Afrika-span het ‘n stel wiele van ons eie nodig gehad, maar wat? Dis toe dat ek ‘n blink gedagte kry. ‘n Vinnige telefoonoproep na ons vriende by Volkswagen Suid-Afrika later is ons probleem opgelos. Ons sou ‘n Caddy Maxi tot ons beskikking hê. Ek was eintlik heel beïndruk met myself dat ek aan die Caddy gedink het. Dit was perfek vir ons vereistes. Dis prakties, veelsydig, betroubaar, bekwaam en dien sy doel, sonder om ‘n groot ophef te maak.…