Avontuur Afrika Issue 21 (Jul 2022)

“The wildlife and its habitat cannot speak, so we must, and we will.”– Theodore Roosevelt Tydens ons reise ontmoet ons baie interessante mense. Mense wat hul droom uitleef, reis en hierdie kontinent van ons verken. Mense wat hul passie nastreef om die natuur te beskerm en daardie passie by ander in te boesem. Mense soos Gabriel Harmer, ‘n veldgids by een van die eksklusiewe lodges wat ons besoek het as deel van hierdie “moeilike werk” van ons. Sy absolute passie vir Afrika se natuurlewe en -bewaring is aansteeklik en sy kennis oor die veld is, om die minste te sê, inspirerend. Hy is een van daardie veldgidse wat werklik trots is op sy werk en alles sal doen om sy gaste die absolute beste ervaring op wildritte en natuurwandelings te…

Om te sien hoe ‘n olifant in die veld geboorte gee, is ‘n besondere, eenkeer-in-‘n-leeftyd ervaring. Om langs ‘n jagluiperd te loop en te sien hoe hy wegspring vir ‘n suksesvolle jag is ‘n droom wat waar word. Of wat van om op ‘n nagrit in die goue oë van ‘n luiperd te staar, só naby dat jy sy wimpers kan tel? Maar hoe naby was jy al te voet aan ‘n Lycaon pictus? Ek is Gabe en ek is ‘n professionele safarigids in die noordelike deel van Sabi Sands. Dit is ‘n plek vol bekoring en verwondering! Jy weet nooit ooit wat om die volgende draai wag terwyl jy op ‘n wildrit is nie. Dít maak natuurlik die Sabi Sands Natuurreservaat een van die mekkas vir luukse safari-toere in…

Briewe van ons lesers Wayne Jacobs skryf: Ek het ‘n gesegde: “Onderhoud kos soms baie, maar geen onderhoud gewoonlik baie meer!” Wat dit beteken is dat as iets op ‘n gereelde basis korrek in stand gehou word, kos dit wel geld; maar wanneer daar geen instandhouding gedoen word nie (veral oor lang tydperke) word dit baie duur om reg te stel. Dikwels word dit selfs te duur om die probleem reg te stel. ‘n Goeie voorbeeld hiervan is “Potholelanesberg”, oftewel die Pilanesberg Natuurreservaat. Hierdie reservaat is in ‘n antieke vulkaniese vlakte gesetel en vandag verskyn die kraters teen ‘n kommerwekkende tempo oral op die park se oppervlakte. Ek besit al 20 jaar ‘n tyddeel by Manyane en elke jaar onderneem ek die groot trek vanaf Kaapstad hierheen – ‘n afstand…

Daar is min dinge in die lewe wat kan meeding met ‘n vars koppie boeretroos terwyl jy uittuur oor ons kontinent se pragtige landskappe en natuurskoon. Met Protea Coffee is die aroma en smaak van die koffiewinkel nou haalbaar, selfs in die boendoes. Hierdie innoverende fynproewerskoffie word deur die Kaapstadse koffieroosters gebrou en is beskikbaar in espresso-, premium- en ontbytmengsels. Daar is ook nou ‘n kafeïen-vrye opsie beskikbaar. Met elke uitgawe, gee ons ‘n geskenkpak gevul met Protea-lekkernye ter waarde van R500 weg vir lesersbydraes (dit kan stories, briewe, of vrae wees). Stuur joune na: info@4x4afrika.com *Vir meer inligting: www.proteacoffee.co.za…

Volkswagen het onlangs die lang-verwagte nuwe generasie Amarok aan die wêreld onthul en beplan om dit gedurende die eerste kwartaal van 2023 plaaslik bekend te stel. Die Aussie-ontwerpte nuweling sal by Ford se Silverton-fasiliteit gebou word en heelparty onderdele met die Ford Ranger deel, maar danksy die unieke voor- en agterstilering en ‘n kenmerkende binneontwerp verseker dat dit pure VW bly. Met ‘n lengte van 5.35m is die nuweling 96mm langer as sy voorganger. ‘n Asafstand wat 173mm langer is, beteken ook verbeterde kajuitspasie. Vier turbo-dieselenjins vanuit die Ford-stal word vir Suid-Afrika oorweeg. Die eerste is ‘n 2.0-liter 4x2 met ‘n vyfganghandratkas, wat 110kW en 350Nm bied. Daar is ook ‘n kragtiger 125kW/405Nm-weergawe van hierdie enkel-turbo 2.0-liter enjin, wat beskikbaar sal wees as 4x2 en 4x4, met sesgang-hand- en outomatiese…

Kia het sy gewilde Sonet-reeks met die bekendstelling van twee nuwe 1.0 T-GDi turbo-aangejaagde modelle uitgebrei. Die nuwe Sonet 1.0 T-GDi is toegerus met Kia se gevorderde 1.0-liter, 3-silinder turbo-petrolenjin gekoppel aan ‘n sewegang dubbelkoppelaar outomatiese ratkas (7DCT). Hierdie nuwe enjin in die plaaslike Kia-stal spog met uitsette van 88kW teen 6 000rpm en 172Nm wringkrag tussen 1 500 en 4 000rpm. Dit is beskikbaar in die middelvlak EX, sowel as in die vlagskip Sonet-model, die EX+. Tipies Kia spog albei met heelwat standaardtoerusting. Die EX het ‘n 8-duim HD-raakskerm inligting- en vermaakstelsel met draadlose Apple CarPlay en Android Auto, Bluetooth met stembeheer, hoogteverstelling vir die bestuurdersitplek, ‘n trukamera en parkeerafstandbeheer, ‘n netjiese leerafwerking vir beide die stuurwiel en ratskakelaar, kunsleer/materiaalkombinasie sitplekafwerking, elektroniese stabiliteitsbeheer en ABS met elektroniese remkragverspreiding. Dubbele…