Innholdsfortegnelse for Issue 20 (Jun 2022) i Avontuur Afrika

Fill your life with adventures, not things. Have stories to tell, not stuff to show.– Anoniem Terwyl ek die laaste bladsye nagegaan het voordat die tydskrif drukkers toe moes gaan, het ek besef dat daar twee onderliggende temas in hierdie uitgawe is: kompaktheid en reën. Wel, eintlik is daar drie aangesien avontuur nóg een is, maar as ‘n getroue leser weet jy dit reeds. Avontuur beteken verskillende dinge vir verskillende mense, maar vir ons gaan dit daaroor om nuwe dinge te probeer, bestemmings naby en ver te verken, fantastiese verhale van wonderlike ervarings te deel en om jou te inspireer om jou avontuur te vind. Uiteraard is dit nie almal wat daarin belangstel – of dit kan bekostig – om ‘n landreisvoertuig te pak, die gewoel van die stadslewe agter…

Volkswagen het sy plaaslike SNV-reeks uitgebrei met die bekendstelling van die Taigo, wat tussen die T-Cross en die T-Roc in Volkswagen se T-SNV-modelreeks inpas. Daar is nou ses voertuie in die T-SNV-reeks, naamlik die T-Cross, Taigo, T-Roc, Tiguan, Tiguan Allspace en die Touareg. Daar is drie Taigo-modelle, almal met dieselfde enjin en ratkas, maar met verskillende spesifikasievlakke. Die Taigo is baie aantreklik en ontwerp-hoogtepunte sluit ‘n geïndividualiseerde voorkant met netjiese chroom-afwerkings projeksieligte in die buitespieëls en en elegante swart dakrelings in. Standaardkenmerke van die intreevlak Taigo Life 1.0 TSI 85kW DSG sluit LED-hoofligte en -agterligte, ‘n 6.5-duim-inligting-en vermaakstelsel, App-Connect, We Connect Go, middelste armleuning voor met ‘n USB-C-koppelvlak, multifunksionele leerstuurwiel, elektriese opvoubare buitespieëls met verwarmingsfunksie en 16-duim allooiwiele in. Een stappie op is die Taigo Style 1.0 TSI 85kW DSG.…

The Highlander Hotel Dié luukse boetiekhotel en konferensiesentrum in Dullstroom bied ‘n heerlike rustigheid en luuksheid aan gaste. Geleë in die hartjie van die manjifieke forelvissersdorpie, kombineer die Highlander Hotel die tydloosheid van ‘n vervloë era gekombineer met luuksheid, elegansie en ‘n asemrowende omgewing. Die Highlander Hotel is na die Skotse Hooglande vernoem, aangesien die gebied rondom die hotel baie ooreenkomste met dié noordelike land in die Verenigde Koninkryk het en meer as 2 100m hoog is. Die hotel was voorheen bekend as Peebles Country Retreat en is aangewys as die ‘Mees Romantiese Hotel’ tydens die International Luxury Hotel of the Year-toekennings. Om by die romantiese en rustige omgewing van die hotel te hou, het die kamers houtkaggels om die uiterste Dullstroom koue af te weer. Die kroeg by die…

Die oorkruis-revolusie is nie die enigste een wat in die motorwêreld plaasvind nie. Elektriese (EV) en hibriede tegnologieë word al hoe meer gewild. Om verskeie redes word EV’s nie regtig as ‘n heeltemal lewensvatbare opsie in die Suid-Afrikaanse mark beskou nie. Toyota het egter besef dat hibriede tegnologie wél werkbaar kan wees en het die eerste hibriede motor ooit wat op hierdie vasteland vervaardig is teen die einde van 2021 bekendgestel: die Toyota Corolla Cross Hybrid. Die feit dat dit ‘n hibried is, maak dit ‘n bietjie van ‘n buiteperd in hierdie segment. Die Corolla Cross is vir my ‘n mooi voertuig! Anders as die meeste van sy mededingers, lyk dit nie heeltemal soos ‘n SNV nie. Dit is slanker en meer minimalisties, soos ‘n middelslag luikrug. Alhoewel dit kleiner…

Waar is Maputaland? Gaan ons Mosambiek binne? Het ons paspoorte nodig? Is hierdie geleentheid gebaseer op die Camel Trophy? Sal ek my Defender beskadig? Dit is ‘n paar vrae waarmee ek gebombardeer is toe Defender-liefhebbers vir die geleentheid begin registreer het. Die antwoord op al hierdie vrae was ‘n luide en dawerende nee. Die Defender Trophy is ‘n gesinsvriendelike geleentheid vir Land Rover Defender-entoesiaste. Bestuursvaardighede en fiksheidsvlakke speel nie ‘n rol nie. Dis alles goed en wel, maar waar is Maputaland dan? Hierdie ongerepte wildernisgebied, wat ‘n groot deel van Noord-KwaZulu-Natal insluit, strek van die iSimangaliso Vleilandpark in St Lucia in die suide, tot by die Suid-Afrikaanse grens met Mosambiek in die noorde en is die tuiste van ‘n aantal van die provinsie se bekendste reservate. Die naam kom waarskynlik…

Die naam “Nyarhi” beteken buffel. Dit is híér, in ‘n ongerepte area in die wildtuin waar bitter min lede van die publiek ooit uitkom, waar jy drome loop vang. Híér maak die lewe weer sin en hier besef jy die mens se nietigheid in vergelyking met die magtige en pragtige skepping. Ons is op ons gelukkigste in die donker, stil bos, met slegs die helder armmanslamp wat die kamp verlig het. Dit bring ‘n saligheid wat net hier beleef kan word. Dit is dan wanneer jy jou seëninge tel. Jou gedagtes word gekaap en omgedraai. Die liefde vir die natuur maak jou stom. Hier word leemtes gevul. Nie net in jou gedagtes nie, maar ook met die skielike verskyning van ‘n steenbokkie of deur die sagte voetval van een van…

BOTSWANA HUNTERS ROAD – MUD, GUTS AND GLORY 7 – 14 Januarie & 21 – 28 Januarie 2023 | R5 250 per persoon wat deel GONAREZHOU, VUMBA MOUNTAINS AND ZIM RUINS 10 – 21 Februarie 2023 | R12 700 per persoon wat deel MABUASEHUBE WILDSIDE 1 – 7 Maart 2023 | R6 750 per persoon wat deel MAPUNGUBWE, TULI BLOCK & CENTRAL KALAHARI 12 – 24 Maart 2023 | R11 500 per persoon wat deel THE GREAT NAMIBIAN ADVENTURE (CAMPING & GLAMPING) 7 – 18 April 2023 | R12 950 per persoon wat deel KAOKOLAND/NORTHERN NAMIBIA 20 April – 2 Mei 2023 | R9 900 per persoon wat deel FACES OF THE KGALAGADI AND MABUA 9 – 18 Mei & 22 – 31 Mei 2023 | R7 600 per persoon…

Beligting is ‘n belangrike deel van jou kamparsenaal. Glo my, dit is nie lekker om in die donker rond te tas wanneer jy kos voorberei, toilet toe gaan of iets herstel nie. So, watter ligbronne het jy nodig as jy gaan kamp? Wel, vir my val beligtingsoplossings in drie kategorieë: omgewingsbeligting, werksbeligting en persoonlike beligting. Skep die stemming Omgewingsbeligting kan deurslaggewend wees, nie net om die stemming te skep nie, maar ook vir praktiese gebruik. Omgewingsbeligting dien ook as areabeligting vir jou kampplek, wat jou ligring vergroot en sodoende die plaaslike wild wat rondom die kamp rondsluip afskrik. So, watter opsies het jy vir omgewingsbeligting? Die meeste ernstige landreisigers sal waarskynlik omgewingsbeligting in hul voertuig installeer, waarskynlik gekoppel aan ‘n duur dubbelbatterystelsel. Gevolglik is dit nie heeltemal haalbaar vir kampeergroentjies…

Wanneer en waar: Die plek, die seisoen en natuurlik die tyd van die dag sal bepaal wat jy sal kan afneem. Om teleurstelling te voorkom is dit belangrik om navorsing te doen voordat jy na ‘n bestemming vertrek. Die toerusting: Die tipe fotografiese toerusting wat jy het, sal bepaal watter tipe voëlfotografie jy kan beoefen. Lang lense en vinnige sluiters sal jou in die posisie plaas om voëls in vlug af te neem, maar sal nie die drama van ‘n swerm flaminke by sonsondergang vasvang nie. Neem realistiese besluite oor die tipe toerusting wat jy het en konsentreer op die tonele wat sal werk. Stabiliseer: Dit is belangrik om behoorlik te stabiliseer om vlymskerp beelde te kry. Selfs wanneer jy uit die hand skiet, is dit belangrik om stewig en…

Wanneer die daaglikse lewe van twee besige seuns grootmaak vir Henry Jonker te veel raak, weet hy dat die natuur die enigste plek is waar hy weer kan mens word, kan asem skep. “Om hierdie pragtige kontinent en land van ons te verken, is my passie en die rede dat ek kan kop hou in ‘n wêreld wat dikwels dreig om jou in te sluk en sonder veel nadenke uit te spoeg,” sê Henry. Tigger, die gesin se Land Cruiser, is die laaste dekade deel van die Jonker-familie. “Ek het jare gelede verby ‘n volledig toegeruste Cruiser 80 in die Strand gery en geweet ek móét eenvoudig een kry, sonder om te weet dat die 80-reeks Land Cruiser beskou word as een van die Japannese handelsmerk se beste voertuie wat…

Honda het die nuutste generasie van sy HR-V kompakte SNV in SA bekendgestel. Dis ‘n baie praktiese voertuig wat uitsonderlike ruimte, gemak en gevorderde veiligheids-en tegnologiese kenmerke bied, alles saamgevat in ‘n slanke koepeegeïnspireerde ontwerp. Die kontemporêre koepee-SNV-bakwerk van die HR-V gee aan hierdie voertuig ‘n slanke en dinamiese karakter, terwyl dit terselfdertyd die doeltreffende gebruik van spasie bevorder. Dit spreek van hoë en moderne afwerkings word deurgaans gebruik. ‘n Magdom splinternuwe kenmerke wat die bestuurservaring verbeter is ook nou beskikbaar in die nuwe HR-V. Belangrike SNVeienskappe soos laaigerief word versterk deur ‘n handvrye kragagterklap met sogenaamde Walk Away Close-funksie (na gelang van die graad/spesifikasie). Die slimsleutel-nabyheidsfunksie bespeur wanneer die sleutel wegbeweeg van die motor af, om die agterklap outomaties toe te maak. In vergelyking met sy voorganger het die…

Kragoplossings in jou hande Dit kan ‘n redelike moeilike en soms frustrerende oefening wees wanneer jy ‘n dubbelbattery-stelsel opstel en probeer om al daardie drade netjies en veilig te kry – om nie eens te praat van die gesukkel om te verseker dat elkeen ‘n lont het nie! Gelukkig het Ring Automotive die perfekte oplossing in die vorm van die RSU60 12V draadlose skakelstelsel (met afstandbeheer). Hierdie is vir seker die slim manier om krag na bykomende elektriese toestelle te beheer. Die enkele sentrale spilpunt koppel aan die voertuig se 12V-battery, sodat tot agt bykomende elektriese toestelle of produkte na een plek bedraad kan word. Dan, deur unieke sein-paring, kan elke toestel draadloos gemonitor en beheer word deur die skakelaarafstandbeheer. Dit kan tot 45 minute per produkinstallasie bespaar en ook…

Suzuki maak voortdurend opslae in die voertuigmark en die handelsmerk se volgehoue sukses word versterk deur ‘n puik modelreeks wat die uiters gewilde Vitara Brezza insluit. Die Vitara Brezza is vroeg in 2021 bekendgestel en was een van die eerstes in ‘n lang reeks oorkruisvoertuie wat tydens 2021 bekendgestel is. Ons was gelukkig genoeg om hierdie klein kompakte sportnutsvoertuig, wat die mees onlangse bekendstelling is, op ‘n paar avonture van ons eie te neem. Die Suzuki Vitara Brezza kom oorspronklik vanaf Indië, waar dit so goed gevaar het dat die besluit geneem is om dit ook in Suid-Afrika bekend te stel. ‘n Kapitaalalliansie tussen Suzuki en Toyota het beteken dat laasgenoemde sy eie weergawe wou hê. Vandaar die geboorte van die tweeling, die Suzuki Vitara Brezza en die Toyota Urban…

Kia het die afgelope paar jare ietwat van ‘n Renaissance beleef. ‘n Handvol nuwe produkte is bekendgestel, sommige van sy bestaande modelle is opgedateer en die Koreaanse maatskappy spog selfs met ‘n splinternuwe logo. Die Seltos was een van die Kia se eerste nuwe modelle wat die begin van hierdie Renaissance in 2019 ingelei het. Dit was bedoel om ‘n bekostigbare kompakte oorkruis sportnutsvoertuig vir die middelklas te wees en dit het vinnig een van die handelsmerk se gewildste aanbiedinge geword. En met goeie rede! Om mee te begin, lyk die Seltos baie goed. As deel van die sogenaamde Kia Renaissance het dit ‘n nuwe ontwerptaal aangeneem wat ‘n skuif na ‘n meer digitale, verfynde era aangedui het. Sommige mis dalk die kenmerkende Tiger Nose ontwerp wat in die verlede…

Die Ruaha Nasionale Park en Selous Wildreservaat (wat nou die Nyerere Nasionale Park heet) het beslis nie teleurgestel nie. Inteendeel – die natuurskoon en wildbesigtiging was asemrowend. Maar dit was nou tyd om ons aandag op die hoogtepunte van die ekspedisie te vestig, met die Ngorongorokrater en die Serengeti Nasionale Park wat gewink het. Die drie dae se ry vanaf Selous na Arusha is veral baie mooi as jy deur Moshi reis en op ‘n helder dag sal jy bederf word met ‘n asemrowende uitsig oor Kilimanjaro. Hierdie skouspelagtige roetes vervaag egter in vergetelheid sodra jy Arusha bereik en die opgewondenheid oor die hoogtepunt van die toer wat al hoe nader kom begin oorneem. Arusha is die poort na die noordelike safariroetes en -bestemmings in Tanzanië, met duisende toeriste wat…

Wat bied die Nyarhi Boskamp? Vir diegene wat voorkeur heg aan ‘n ware ontmoeting in ‘n area sonder heinings of mure, bied die SANParke ereveldwagters ‘n baie besondere drie-nag selfsorg boskamp ervaring in hul Nyarhi Boskamp. Daar is geen elektrisiteit, watertoevoer of permanente akkommodasie geriewe nie (jy kamp in jou eie tent of boswa). Hier geniet jy die natuur te voet en ervaar jy alles wat dit jou bied eerstehands en onverstoord deur die massas. Danksy drie toegewyde veldgidse voel jy voortdurend veilig, hetsy in die kamp of op die daaglikse staptogte. Hierdie gidse deel hul kennis oor boom en bos, diere, spore en ervarings met groot entoesiasme. Die Ereveldwagters sorg dat die kamp deurentyd skoon is, vure betyds aangesteek word en kuier tot laatnag saam met besoekers. Waar is…

Met die afdraai vanaf die R56 na die R392, was ons terug op die grondpad – of eerder modderpad! Die roete suid sou al hoe meer modderig word soos ons in die rigting van Dordrecht beweeg. Die Kraairivier het ons gelok om nog een keer in sy steilkantige kloof af te ry om die redelik nuwe betonbrug oor te steek. ‘n Paar kilometer verder bereik ons Clanville, wat uit een stel plaasgeboue, gevolg deur twee ou ruïnes aan die regterkant, bestaan. Hier is ‘n kruising waar die roete na links ‘n kortpad deur die berge, met ‘n paar uitstekende natuurtonele soos jy op pad is na die R396, bied. Hierdie pad was so modderig soos net ‘n plaaspad kan word. Dinge het egter heel vlot verloop, met geen pap bande…

Dit is nou sowat ‘n jaar sedert Leefek die regte om die handelsmerke wat deel was van Jurgens oorgeneem het – insluitend Jurgens, Jurgens Safari, Sprite en Gypsey Karavane – te bou. Sedertdien is hierdie Gauteng-gebaseerde vervaardiger, bakwerkbouer en uitvoerder hard aan die werk om die volle reeks na die mark terug te bring. Met ons huidige lisensiestelsel het ons twee beduidende verskille vir passasiersvoertuiglisensies: die normale B-lisensie wat jy kry wanneer jy jou voertuiglisensie doen en die EBlisensie. Die beduidende verskil tussen die twee is wat jy agter jou voertuig mag sleep. Die B-lisensie laat jou slegs toe om ‘n sleepwa of karavaan met ‘n BVM (GVM) van tot 750kg te sleep, terwyl die EB-lisensie jou toelaat om ‘n gewig van tot 3 500kg te sleep. As jy dus…

Toe die huidige weergawe van die Ford Everest in 2016 plaaslik bekendgestel is, was dit – danksy sy goeie voorkoms en merkwaardige enjin – ‘n onmiddellike treffer. Tesame met die Ford Ranger bakkie het dit Ford se voorneme om die stryd teen Toyota aan te vat, baie duidelik gemaak. Dié bakkie/SNV-duo het selfs by geleentheid daarin geslaag om die Hilux en Fortuner uit die nommer een verkoopposisie te lig. Die 3.2-variant is so gewild dat dit steeds in vertoonlokale landswyd beskikbaar is. Die groot vraag is egter hoe goed hierdie voertuig verouder het en of dit wys is om een te koop wat 100 000km of meer op die klok het? Ons het dus ‘n plaaslike handelaar gekontak en ‘n 2018 Ford Everest Limited 3.2 met 91 000km op die…

Die instruksies van ons spanleier, Mary Willemse, was duidelik: “Ontmoet ons by ons huis in Kempton Park, vanwaar ons almal saam sal vertrek om die res van die groep by Alzu, op die N4, oos van Middelburg, te ontmoet.” Ek is nie goed met instruksies volg nie, so ek was laat. Ek het met ‘n groot gejuig by die Willemses aangekom en het my vasgeloop in ‘n fronsende Mary en ‘n stapel bagasie wat ‘n groot koelboks, geskenkpakkies, versnaperinge, kameratoerusting en ander toebehore ingesluit het. Gelukkig is Anton Willemse Sr ‘n gesoute – en indrukwekkend vinnige – pakker, so ons was gou op pad. Genadiglik het ons wel eerste by Alzu aangekom. Dit het op pad begin reën en dit het nou behoorlik gesous. Dit was koud en goor en…

Sommige van ons ouer lesers mag dalk nog ‘n nederige klein motorhandelsmerk genaamd Datsun onthou. Hierdie handelsmerk het bekend geword vir sy pikante 1400-bakkie, wat die groot Amerikaanse brandstofvreters tydens die brandstofkrisis van die 1970’s vervang het. Nou, ongeveer 50 jaar later, bevind ons onsself te midde van nog ‘n brandstofkrisis. En hier, om ons weer van die groot brandstofvreters te red, is nog ‘n nederige Japannese voertuig, die Nissan Magnite. Die Magnite is egter nie ons enigste redder nie. Die hele oorkruissegment bied berusting gedurende hierdie uitdagende tyd. Dit is egter ‘n uiters mededingende omgewing, so om sy merk te maak moet ‘n produk uitstaan bo die res. Uiterlik doen die Magnite presies dit. Die toonaangewende (die woord space-age kom by my op) stilering is gewaagd en anders, wat…

Hyundai het die eerste helfte van die jaar op ‘n hoë noot begin met die bekendstelling van ‘n magdom nuwe produkte. Die nuwe Grand Creta mag dalk ‘n bietjie bekend lyk en jy kan dit selfs misgis met ‘n opgedateerde weergawe van die huidige Creta, maar dit is ‘n heeltemal nuwe produk. Wat is dan die groot verskille tussen die Creta en die Grand Creta? Om mee te begin, is die Grand Creta hoër en langer as die Creta, wat beteken dat dit die enigste voertuig in sy afdeling is wat ‘n derde ry sitplekke het. Ja, jy het reg gelees. Die Grand Creta is ‘n kompakte oorkruis SNV met sewe sitplekke. So, ‘n mens kan redeneer dat dit ‘n nuwe afdeling is wat slegs deur hierdie nuwe speler in…

Ultimate Adventures word bestuur deur Simon en Desiree Steadman. Hulle bied topgehalte selfryavontuurtoere regdeur die kontinent en is veral trots op hul uitstaande spyseniering te danke aan ‘n sjef wat elke reis vergesel. Hul reise is geweldig gewild en die 2023-kalender is gevul met wonderlike bestemmings: Ultimate Botswana Adventure: 8 – 17 Februarie 2023 Iceland Arctic Trucks Experience: 4 – 11 Maart 2023 Ultimate Kalahari Adventure: 19 – 31 Maart 2023 North to South Luangwa Expedition: 13 – 30 April 2023 Okavango Delta Adventure: 14 – 25 Mei 2023 Ulitmate Tanzania Expedition: 10 – 13 Julie 2023 Kafue National Park Adventure: 29 Julie – 10 Augustus 2023 Mana Pools Adventure: 20 Augustus – 2 September 2023 Morocco Sahara Desert Experience: 30 September – 9 Oktober 2023 Ultimate Madagascar Adventure: 16 – 25…

Die naam Kalahari is afgelei van die Tswana-woord “Kgala”. Wat ‘die groot dors’ beteken, of “Kgalagadi”, wat ‘die waterlose plek’ beteken. Dit is ‘n groot, semi-droë sanderige savanne in Suider-Afrika wat oor 900 000 vierkante kilometer strek en ‘n groot deel van Botswana, Namibië en Suid-Afrika dek. Die Kalahari-woestyn, soos dit bekend staan, is egter nie woestyn in die ware sin nie van die woord nie. Dit is ‘n semi-woestyn. Die droogste gebiede ontvang 110 tot 200mm reën per jaar en die natste dele kan meer as 500mm tydens nat seisoene kry. Tradisioneel word ‘n gebied as ‘n woestyn geklassifiseer as dit minder as 250mm reën jaarliks ontvang. ‘n Meer akkurate definisie van ‘n woestyn is ‘n streek waarin die verdampingstempo twee keer so groot soos die neerslag is. Dit…

As ‘n kampplek se inkomtyd op ‘n Vrydag 10:00 en jou uitgaantyd eers teen 17:30 op die Sondagmiddag is, moet jy weet dat dié kampeienaar die kampeerder se beste belange op die hart dra. Só is dit dan ook met Bergenwater, ‘n pragtige intieme kampplek teen die water op Boer Altus en Monique Smith se plaas. Hulle deel graag hierdie stukkie mooi met kampeerders. Bergenwater is op ‘n werkende wynplaas, net buite Rawsonville geleë. Aangesien dit slegs ‘n uur se ry vanaf die Kaap is, is dit ideaal vir ‘n vinnige wegbreek. Waar ons kamp opgeslaan het vir die twee dae se kuier by Bergenwater, het ons die mooiste uitsig oor die rivier en die omliggende berge gehad – vandaar dan ook die gepaste naam vir hierdie kampterrein. Ek kan…

My eerste indruk – en waarskynlik joune ook – indruk van die Kia Sorento was dat dit fantasties lyk. Dit is ‘n massiewe afwyking van sy voorganger op die beste moontlike manier. Ek het egter baie respek vir die vorige generasie Sorento gehad. Dit was ons eerste toetsvoertuig toe ons hierdie tydskrif amper twee jaar gelede in 2020 begin het. Toe het ons dit na Mapungubwe geneem, waar die vermoë op veral die grondpad ons beïndruk het. Die jaar daarna was dit die hoofvoertuig op ‘n landreis deur Suid-Afrika wat ek bygewoon het. Dit was nooit ‘n behoorlike veldryer nie, maar ek het altyd gevoel dit is ‘n uitstekende alternatief vir die Toyota Fortuner en Ford Everest. Dus, as ‘n aanhanger van nie net die Sorento nie, maar die Kia-handelsmerk,…

Stuur foto’s van jou en jou ryding na: info@4x4afrika.com Jon G 2020 Toyota Hilux GD-6 Auto 4x4 “As jy so na hierdie Hilux en Metalian Maxi-veldrysleepwa kombinasie kyk, kan jy nie anders as om verwonderd te wees nie. Ek glo dat ek ‘n redelik unieke ryding geskep het met al die modifikasies, wat wissel van ‘n opgegradeerde veerstelsel en verbeterde bande tot die dakrak. Al my wysigings is gedoen om ons landreise so gemaklik as moontlik te maak. My ryding is ‘n belangrike deel van ons avonture en ek moet weet dat dit altyd sal presteer soos ek verwag – en tot op hede het dit my nog nooit teleurgestel nie!” *Vind vir Jon op sosiale media: @empire_overland Adriaan Zulch 2012 Toyota Fortuner D-4D “Ek droom al vir jare daaroor…