Avontuur Afrika Issue 20 (Jun 2022)

Fill your life with adventures, not things. Have stories to tell, not stuff to show.– Anoniem Terwyl ek die laaste bladsye nagegaan het voordat die tydskrif drukkers toe moes gaan, het ek besef dat daar twee onderliggende temas in hierdie uitgawe is: kompaktheid en reën. Wel, eintlik is daar drie aangesien avontuur nóg een is, maar as ‘n getroue leser weet jy dit reeds. Avontuur beteken verskillende dinge vir verskillende mense, maar vir ons gaan dit daaroor om nuwe dinge te probeer, bestemmings naby en ver te verken, fantastiese verhale van wonderlike ervarings te deel en om jou te inspireer om jou avontuur te vind. Uiteraard is dit nie almal wat daarin belangstel – of dit kan bekostig – om ‘n landreisvoertuig te pak, die gewoel van die stadslewe agter…

Briewe van ons lesers Johann Murray skryf: Ek het onlangs een van jul vorige tydskrifte tydens ‘n besoek aan my dokter se spreekkamer opgetel en sjoe, was dit nou lekker leesstof! Baie geluk en dankie dat julle jul wonderlike avonture met ons deel, in Afrikaans nogal! Ek ry ‘n Mercedes-Benz GLC 220d en vertrek binnekort op ‘n drie-week lange reis vanaf Stellenbosch na Pretoria, die Nasionale Krugerwildtuin, KwaZulu-Natal en vandaar terug Kaap toe. Ek het drie jaar in Lesotho se Hooglande gewerk en hoewel ek die sogenaamde “bridal paths” met my destydse Mercedes-Benz ML moes ry om by my projekte uit te kom, het ek nooit die Sani-pas getakel nie. Ek het nie bestuurdersopleiding vir geharde 4x4-roetes nie, maar beskou myself as verantwoordelik en bekwaam, al is ek 78 jaar…

Die wenners van die Suid-Afrikaanse Motor van die Jaar (COTY)-kompetisie is onlangs aangekondig en Toyota het koning gekraai. Dié vervaardiger het vier van die sewe kategorie-toekennings ingepalm, asook die algehele Motor van die Jaar-titel vir die Corolla Cross. Die Corolla Cross was ook die wenner van die Kompakte Familie-kategorie, terwyl die hibriede model (soos elders in hierdie uitgawe verskyn) met die louere in die Nuwe-energie-kategorie weggestap het. Die gewilde Urban Cruiser het die Kompakte Oorkruis-kategorie gewen en die Landcruiser 300 het die kategorie vir Avontuur-sportnutsvoertuie oorheers. Die Nissan Navara is as SA se beste dubbelkajuit 4x4 gekroon. Ander wenners was die Mercedes Benz C-klas in die Middelgrootte-kategorie en die Volkswagen Golf GTI in die Hoëverrigtings-kategorie. Die C-klas is ook aangewys as die wenner van die Juror’s Excellence toekenning, terwyl…

Volkswagen het sy plaaslike SNV-reeks uitgebrei met die bekendstelling van die Taigo, wat tussen die T-Cross en die T-Roc in Volkswagen se T-SNV-modelreeks inpas. Daar is nou ses voertuie in die T-SNV-reeks, naamlik die T-Cross, Taigo, T-Roc, Tiguan, Tiguan Allspace en die Touareg. Daar is drie Taigo-modelle, almal met dieselfde enjin en ratkas, maar met verskillende spesifikasievlakke. Die Taigo is baie aantreklik en ontwerp-hoogtepunte sluit ‘n geïndividualiseerde voorkant met netjiese chroom-afwerkings projeksieligte in die buitespieëls en en elegante swart dakrelings in. Standaardkenmerke van die intreevlak Taigo Life 1.0 TSI 85kW DSG sluit LED-hoofligte en -agterligte, ‘n 6.5-duim-inligting-en vermaakstelsel, App-Connect, We Connect Go, middelste armleuning voor met ‘n USB-C-koppelvlak, multifunksionele leerstuurwiel, elektriese opvoubare buitespieëls met verwarmingsfunksie en 16-duim allooiwiele in. Een stappie op is die Taigo Style 1.0 TSI 85kW DSG.…

Honda het die nuutste generasie van sy HR-V kompakte SNV in SA bekendgestel. Dis ‘n baie praktiese voertuig wat uitsonderlike ruimte, gemak en gevorderde veiligheids-en tegnologiese kenmerke bied, alles saamgevat in ‘n slanke koepeegeïnspireerde ontwerp. Die kontemporêre koepee-SNV-bakwerk van die HR-V gee aan hierdie voertuig ‘n slanke en dinamiese karakter, terwyl dit terselfdertyd die doeltreffende gebruik van spasie bevorder. Dit spreek van hoë en moderne afwerkings word deurgaans gebruik. ‘n Magdom splinternuwe kenmerke wat die bestuurservaring verbeter is ook nou beskikbaar in die nuwe HR-V. Belangrike SNVeienskappe soos laaigerief word versterk deur ‘n handvrye kragagterklap met sogenaamde Walk Away Close-funksie (na gelang van die graad/spesifikasie). Die slimsleutel-nabyheidsfunksie bespeur wanneer die sleutel wegbeweeg van die motor af, om die agterklap outomaties toe te maak. In vergelyking met sy voorganger het die…

Veldpad-entoesiaste sal bly wees om te hoor dat die nuwe Land Rover Defender 130 teen die einde van 2022 in Suid-Afrika beskikbaar sal wees. ‘n Magdom buite-en binne-ontwerpverbeterings en tegnologieë onderskei die nuweling en dit bied ‘n gebalanseerde kombinasie van tradisionele Defender duursaamheid en vermoëns. Die Defender 130 sal plaaslik beskikbaar wees in X-Dynamic HSE en X-spesifikasies, sowel as ‘n First Edition-model. Enjinopsies vir die SA mark sal die P400 hibriede Ingenium sessilinder petrol en die D300 Ingenium sessilinder diesel insluit. Sogenaamde Mild-Hybrid Electric Vehicle (MHEV) tegnologie vorm die grondslag vir Land Rover se sessilinder Ingenium-petrolaandrywingstelsel, wat naatlose reaksies en verbeterde brandstofverbruik bied. Dit gebruik ‘n 48V-gordel-geïntegreerde aansittergenerator (BiSG) wat energie oes wat normaalweg verlore gaan onder remming en vertraging, wat gestoor en later in die reis benut word, terwyl…