Innholdsfortegnelse for Issue 18 (Apr 2022) i Avontuur Afrika

Pure opgewondenheid en afwagting vir die naderende avontuur het in my geborrel… En sjoe – dit was voorwaar al die opgewondenheid werd! Ek was geensins teleurgesteld in my heel eerste Bush Run nie en ek tel reeds die slapies af tot die volgende een. Die drie provinsies – Mpumalanga, die Vrystaat en KwaZulu-Natal – ontmoet mekaar op ‘n hoogte van 2 200m in ‘n gebied plaaslik bekend as die “Versamelberge”, ongeveer 12km suidwes van Volksrust in die oorgangstreek tussen die Hoëveld Grasvelde en die noordelike uitlope van die Drakensburg-bergreeks. Op die eerste dag van ons avontuur het ons tot na donker die plaas-grondpaaie wat vanaf Volksrust na die Waterval Plaas lei, waarop die 3 Provinsies 4x4 Avontuur kampeerterrein en kothuise geleë is, aangedurf. 14 Land Rovers vanuit vier verskillende provinsies…

Die Nasionale Krugerwildtuin word dikwels as die “beste plek op aarde” beskryf en as selferkende Kruger-verslaafdes stem ons heelhartig saam. Albei van ons het al baie gereis en was selfs bevoorreg genoeg om vir tye in ander lande te woon. Ons was mal oor elke avontuur wat daarmee gepaard gegaan het. Suid-Afrika – en veral die land se kroonjuweel, die Kruger – lok ons egter keer op keer terug. “Drie dae in die park is te kort,” sê Anton toe ons begin beplan. “Dertig dae sal vir jou te kort wees,” spot ek en dadelik sien ek die bekende verlange in sy oë. Herinneringe aan vervloë dae, toe sy ouers die VW Mikrobus en die Ventertjie tot barstens toe vol gepak het en vir tot drie weke lank die park…

Die Sprite Tourer SP is die perfekte klein karavaan wanneer jy verkies om die agterpaaie na jou bestemming te vat. Hierdie stewige karavaan is die kleinste in die Sprite Tourer reeks, maar sal stof in die oë van menige groter karavane skop as dit by hantering op die grondpaaie van Suider-Afrika kom. Sy stywer veerstelsel laat jou toe om redelike rowwe terrein en selfs ‘n bietjie 4x4 en veldry met hom agter jou voertuig aan te durf – ideaal vir die paaie van die Kgalagadi of selfs die kaplyne van Suidelike Afrika. Om dit op te stel is relatief vinnig en maklik en die stewige bene gee gemoedsrus dat jou karavaan gelyk sal wees waar jy dit ook al parkeer. Die eerste ding wat jy van die Tourer SP opmerk,…

Dis geen geheim dat die kompakte oorkruis sportnutsvoertuig-mark die vinnigste groeiende segment binne die plaaslike voertuigmark is nie. Daarom was niemand juis verbaas dat Chery dit as platform vir die hertoetrede van die handelsmerk tot die Suid-Afrikaanse mark gekies het met die bekendstelling van die Tiggo 4 Pro teen die einde van verlede jaar nie. Wat egter wel ‘n verrassing was, was die kwaliteit van die Chery-voertuie wat onder die “nuwe en verbeterde” handelsmerk-belofte nou vir die Suid-Afrikaanse mark beskore is. Chery het nie juis ‘n goeie reputasie in die plaaslike mark nie. Lesers sal oninspirerende voertuie soos die oorspronklike Tiggo en die Chery QQ – wat gekritiseer is vir hul algemene gebrek aan kwaliteit en verfyning, sowel as berigte van swak naverkoopondersteuning as gevolg van ‘n baie klein handelaarsnetwerk…

Deur sy Instagram-kanaal “verkoop” Ismail Suder en sy vierwiel vennoot, Stallion, die droom van avontuur. Toe Suzuki Suid-Afrika in 2018 aangekondig het dat die Gen 4 Suzuki Jimny plaaslik bekendgestel sou word, het Ismail Suder dadelik geweet dat hy eenvoudig een móés hê. Vroeg in 2019, toe hy die deposito neergesit het, is hy gewaarsku dat hy lank – moontlik tot twee jaar of meer – sou moes wag vir aflewering van sy Jimny. Aangesien hy sy hart op die oulike buksie verloor het, het hy geen ander keuse gehad as om maar die maande, weke en dae af te tel nie. “Al wat ek kon doen was om te droom oor die avonture waarop ek en die Jimny in Suider-Afrika en selfs verder sou kon gaan,” sê Ismail. In…

Dié juweel van moeder natuur is slegs drie uur se ry vanaf Gauteng, naby die klein dorpie Volksrust. Dit is ‘n plek wat in oorvloed geseën is met watervalle wat hul weg na die onderste strome vind en swart arende wat in die lug sweef. Die plase, Waterval en Schuilhoek, is aan die einde van die groot Drakensberg platorand, genaamd die “Versamelberge”, geleë. Dis hiér, bo-op ‘n loodregte krans, waar die grense van KwaZulu-Natal, Mpumalanga en die Vrystaat in ‘n skouspel van die natuur bymekaarkom. Bring die hele gesin en geniet een van die skilderagtige 4x4-roetes as ‘n daguitstappie of spandeer ‘n naweek – of langer – en geniet al die opwinding, uitdagings en prettige gesinservarings wat aangebied word. Buiten die talle 4x4-roetes (daar is altesaam sewe, wat wissel in…

Normaalweg is groot bussies geneig om duur en dors te wees – en boonop moeilik om te maneuver. Met die Kia Carnival was ons egter aangenaam verras. Die Carnival SX Limited wat ons getoets het was ‘n absolute plesier! Dit was dus geen verrassing dat hierdie afgeronde voertuig – met indrukwekkende kapasiteit binne, moderne ontwerp en uitgebreide veiligheidskenmerke – onlangs as AutoGuide se 2022 Gesinsvoertuig van die Jaar aangewys is nie. Die Carnival is ontwerp om enige rit ‘n plesier te maak, of dit nou op die langpad of in die dorp is en die brandstofdoeltreffendheid vir beide is indrukwekkend, inaggenome die grootte van hierdie bussie. Dit het tussen 7-liter/100km op die snelweg tot ‘n skaflike 8.1km/100km in die stad behaal. Met sy brandstoftenk van 72 liter is dit ideaal…

Ek droom al vir jare daarvan om Ponta do Ouro, die kusdorpie op die suidelike grens van Mosambiek, net noord van Kosibaai te besoek om saam met dolfyne in die oop Indiese Oseaan te swem. Hierdie betowerende ervaring het uiteindelik in Maart vanjaar ‘n realiteit geword en ek knyp myself steeds om seker te maak dat dit nie ‘n droom was nie. Ek lees gereeld artikels oor hierdie klein stukkie ongerepte Afrika-paradys, slegs vyf uur vanaf Durban… Blou lug, warm turkoois water, wit sandstrande. Dit is sekerlik net waar in bemarkingsbrosjures, het ek gedink – maar helaas: dit is selfs beter! Baie stoere Ponta-besoekers sal sê dat dit nie meer dieselfde is sedert die paaie vanaf die Suid-Afrikaanse grens geteer is nie. In die “goeie ou dae” het jy ‘n…

Ons vyfde Ben 10 Eco Uitdaging was epies. As avontuur, pragtige natuurskoon en tegniese bestuur jou hart vinniger laat klop, dan was hierdie toer vir jou. Dit het elke dag gereën en die gevolglike modder het almal se bestuursvernuf uitgedaag. Dit het egter ook beteken dat daar geen stof was nie – altyd ‘n bonus! Ses pap bande, menige herwinnings, diep rivierkruisings en baie padbouery het almal op hulle tone gehou. By die eerste inligtingsessie van die Ben 10 toer het ek almal herinner dat hulle vir ‘n “kompetisie” ingeskryf het en dat die volgende paar dae ‘n uitdaging sou wees. Dit sou nie kinderspeletjies wees nie. Hulle sou geïrriteerd en ongeduldig raak en hulle sou begin kla. Maar dis hoe dit altyd gaan. Hierdie is soveel meer as ‘n…

Die feite Volle naam: Gevlekte skaapsteker (Psammophylax rhombeatus) Ander name: Gevlekte grasslang | Gespikkelde skaapsteker Klassifikasie: Matig toksies Psammophylax is die genus naam (soortgelyk aan jou van) van wydverspreide Afrika-slange wat algemeen na verwys word as gevlekteof gestreepte skaapstekers, so genoem as gevolg van die verkeerde oortuiging dat hulle skape pik en doodmaak. Albei spesies het ‘n ligte sitotoksiese gif, wat min bedreiging vir groot diere en verder het hul relatiewe klein slagtande wat redelik ver terug in die kakebeen sit. Dit is dus hoogs onwaarskynlik dat hulle ooit ‘n skaap sou of kon doodmaak. Skaapstekers is egter grasveld-spesies wat tipies sal voorkom in die omgewing waar ‘n skaap as gevolg van ‘n slangbyt dood aangetref word. Dit het natuurlik tot die onverdiende naam gelei, wat dikwels veroorsaak dat hulle…

Stuur foto’s van jou en jou ryding na: info@4x4afrika.com Brad Hunter 2021 Suzuki Jimny “Die vierde-generasie Jimny mag dalk erg onderskat word deur die sogenaamde hardebaarde van die veldry-en landreisgemeenskap, maar dié outjie boks voortdurend bo sy gewigsklas. My “Trooper”, soos wat ek my Jimny noem, pak elke uitdaging gretig aan en verras altyd almal op die 4x4 roetes of in die konvooi. Alhoewel baie mense voel die Jimny is te klein, is dit perfek vir my behoeftes. Verder is die legio bykomstighede wat vir hierdie voertuig beskikbaar is eindeloos, wat verseker dat jy dit kan aanpas om dit die perfekte avontuur-vennoot te maak. Ons voertuie is waarskynlik die belangrikste element in ons landreise en dikwels is ons afhanklik van hulle en al die bykomstighede wat ons aangebring het om…

′n Stel kampstoele op die spel! Hoe om in te skryf: Stuur eenvoudig ‘n foto – minstens 1MB in grootte – van jou en jou voertuig na info@4x4afrika.com (onderwerp: Vierwiel Vennoot). Sluit die volgende inligting in: • Bestuurderbesonderhede• Voertuigbesonderhede (jaar model en variant)• Voertuig se bynaam (indien van toepassing)• Aanpassings en wysigings tot dusver gemaak (en watter daarvan is die nuttigste)• Gunsteling herinnering of reis met die voertuig• Jou droombestemming• Top wenk vir avonturiers en ontdekkingsreisigers• Hoekom jy mal oor jou ryding is Bepalings en voorwaardes: Die beslissing rakende uitgesoekte inskrywing berus uitsluitlik op die Avontuur Afrika-span en geen korrespondensie omtrent die aangeleentheid sal gevoer word nie. | Sou die prysborgskap deur Tentco onttrek word, behou Avontuur Afrika die reg voor om inskrywings te publiseer sonder om enige pryse toe…

Nuwe bussie van Opel Die nuutste Opel Zafira Life veeldoelige voertuig (oftewel MPV) is nou in Suid-Afrika beskikbaar en kom in óf ‘n sewe-óf agtsitplek-opsie. Die Zafira Life Edition bied agt veelsydige materiaal sitplekke, terwyl die Zafira Life Edition spog met leersitplekke en ‘n meer luukse kajuit. In die Lifemodel bevat die tweede en derde sitplekrye elk drie volgrootte sitplekke op relings, met individuele veiligheidsgordels vir elk. Die Life Elegance-model kom met slegs sewe sitplekke – twee daarvan met gerieflike armleunings en ‘n skuifbare opvoutafeltjie in die middel. Die Zafira Life-modelle is toegerus met skuifdeure en die Elegance-model met elektriese handvrye skuifdeurweergawes wat die bestuurder toelaat om die deure met afstandbeheer oop of toe te maak. Albei opsies is toegerus met halogeenkopligte, voorste misligte en outomatiese hoofligfunksie. Die outomatiese hoë-straal…

Ry verder met jou Jimny Dit is geen geheim dat die Suzuki Jimny ‘n gedugte veldryer en ‘n uiters bekwame, bekostigbare landreisvoertuig is nie. Dit ontbreek egter ‘n paar belangrike elemente met betrekking tot landreise en ‘n groot “tekortkoming” is die grootte van die brandstoftenk. Die standaard Jimny kom met ‘n brandstoftenk van slegs 40 liter, wat nie voldoende is vir oorgrens-of plaaslike reise (waar vulstasies dikwels min is) nie. Gelukkig het Opposite Lock nou tot die redding gekom met ‘n langafstand-brandstoftenk vir die huidige en mees onlangse (vanaf 2018) Suzuki Jimny-modelle. Die langafstand-tenk word voor die agterste ewenaar oor die as geïnstalleer en bied ‘n bykomende 40 liter, wat jou brandstofkapasiteit opgradeer na ‘n heel skaflike 80 liter. *Beskikbaar by Opposite Lock teen R29 995: www.oppositelock.co.za Die lewe is…

Tanzanië het reeds in 2012 my hart gesteel toe ek my eerste toer na die Serengeti gelei het en is van toe af my gunsteling landreis bestemming. My liefde vir hierdie pragtige land in Oos-Afrika het met elke besoek oor die afgelope dekade verdiep. Miskien is dit omdat dit ‘n ware ekspedisie is om daar uit te kom, met baie moeisame grenskruisings en burokrasie, of die feit dat daar ‘n groot hoeveelheid wildbestemmings oor die land versprei is. Wat ook al die rede mag wees, kry min ander dinge dit reg om my passie vir toer so aan te wakker soos die aanhoor van name soos The Great Rift Valley, Lake Victoria, Lake Tanganyika, Mount Kilimanjaro en die Serengeti. Juis daarom wou ek ‘n spesiale landreis avontuur in hierdie Tuin…

Ons praat byna nooit van die Porsche Cayenne wanneer ons oor toekomstige klassieke motors praat nie. Miskien is dit die feit dat Porsche puriste steeds ‘n probleem het met dié model se teenwoordigheid in ‘n katalogus wat andersins vol sportmotors is. Dít ten spyte van die feit dat die Cayenne juis die model is wat die Duitse motorvervaardiger se boeke stewig in die swart geplaas het en dit steeds daar hou. Met die 20ste herdenking van die oorspronklike Cayenne in 2022 het ek ‘n onbeheerste behoefte ontwikkel – ek móés eenvoudig een in die hande kry! Die soektog na ‘n “957-onderstel”, in ‘n goeie toestand, het begin. Dit is in wese die opgedateerde weergawe van die oorspronklike voertuig en my gunsteling Cayenne van die lot. Ek het met alles in…

Die oordadige gebruik van die “kans van ‘n leeftyd”-frase het ‘n retoriese middel geword om so te sê enige geleentheid te beskryf. Deesdae is byna álles ‘n kans van ‘n leeftyd, of dit nou ‘n uitstekende werksaanbod, ‘n kans om iemand bekend te ontmoet, of selfs ‘n reis na ‘n wonderlike toeristebestemming is. Dieselfde frase is gebruik om die Swermtog na Marionekspedisie deur BirdLife South Africa – wat aanvanklik beplan was vir einde Januarie 2021, maar uitgestel is as gevolg aan die gewraakte C-woord – te bemark. Alhoewel dit nie die eerste van sy soort was nie (en hopelik sal dit nie die laaste wees nie), het “kans van ‘n leeftyd” weereens na ‘n aanloklike manier geklink om hierdie reis vir passievolle voëlkykers te beskryf. Dit was egter die ware…

Daar is iets spesiaal aan Alfa Romeo. Die Italiaanse handelsmerk was nog altyd die buiteperd van die motorwêreld, wat alles anders – met meer flair en elegansie – doen. Die Stelvio is geensins anders nie en kom beslis die handelsmerk se belofte om die ‘S’ in sportnutsvoertuig te plaas, na. Die luukse, kompakte oorkruis-segment is baie gewild in die plaaslike mark, met ‘n paar uitstaande spelers wat groot aanhang geniet. Die Duitse handelsmerk, BMW, het die pionierswerk in hierdie segment gedoen en Mercedes-Benz, Audi, Jaguar, Porsche, ensovoorts het dit verbreed met hulle aanbiedings. Alfa Romeo het ‘n bietjie laat by die partytjie aangekom en het gevolglik gesukkel om momentum in die Suid-Afrikaanse mark te kry. Tog het die Stelvio onlangs ‘n opdatering ontvang en ons het ‘n kans gehad om…