Innholdsfortegnelse for Issue 17 (Mar 2022) i Avontuur Afrika

Die Ford Raptor is enig in sy soort. ‘n Mens kan met sekerheid sê dat daar geen ander standaard produksiebakkie sal kan kers vashou wanneer dit by hoë-spoed grondpad-hantering kom nie. Danksy die unieke veerstelsel, spesiale skokbrekers en onderstel-aanpassings kom dit redelik naby aan veldry-renbakkie verrigting wat die petrolkoppe natuurlik erg opgewonde maak. Ek het al op baie grondpaaie agter die stuur van ‘n Raptor gesit, maar het nog nooit ‘n geharde avontuur vol modderige tweespoor-paadjies en kilometers se kruip oor rotse aangepak nie. Hier verwys ek na die uitdagende lae-strek goed en aangesien ons op pad was na Lesotho, het ek gou besef dat hierdie ongetwyfeld ‘n vuurdoop sou wees wat vir my “regte” 4x4-avonturier status sal gee. Wel, so het ek in elk geval gehoop! Ek moet bieg…

De Hoop Collection Luukse driesterverblyf in gerestoureerde plaasgeboue waarvan sommige uit die 1700’s dateer. Suites (1 tot 2 persone) by die Opstal beloop R3 400 tot R3 850 per persoon per nag en sluit ontbyt en aandetes in. Selfsorgsopsies vir 1 tot 6 gaste is beskikbaar teen R2 800 tot R4 995 per nag. Die Melkkamer bied drie opsies (Melkkamer, Foreman kothuis en Vlei-kothuis) vanaf R4 350 tot R10 000 per nag. Die Kampterrein rondawels (met slegs braaifasiliteite) is R1 650 per nag en kampeer-/woonwastaanplekke is R495 per staanplek per nag. Aktiwiteite sluit die Eco-bootvaart op die De Hoop Vlei (R375 per persoon), die aasvoël-ervaring (R500 per persoon), natuurrit-ervaring (R375 per persoon), begeleide voëlwandeling (R175 per persoon), interpretiewe mariene wandelinge (R250 per persoon) en begeleide bergfietsroete (R360 per persoon) in.…

Dis ‘n tipiese winderige dag toe ons op ‘n Vrydagoggend in Kaapstad land vir ons “Mommy & Me” verkenningstog. Die opgewondenheid op Sabria se gesig was ‘n vreugde om te aanskou – uiteindelik gaan sy ook nou hierdie fassinerende deel van die wêreld, waarvan ons haar nog net vertel het, self beleef. Ons opgewondenheid het gegroei toe ons ons ryding vir die ekskursie optel – ‘n splinternuwe, helderblou Suzuki S-Presso. Die handelsmerk noem dit hul “baba-sportnutsvoertuig” en dit was die perfekte voertuig om in die Moederstad en omgewing rond te rits. In ‘n japtrap was al ons bagasie in die bagasiebak (wat bedrieglik klein lyk, maar 270 liter kan dra) gelaai en ons kon al die ander luukshede – insluitend ‘n trukamera vir al die moeilike parkeerplekke in Kaapstad –…

Kortliks Volle name: Bruinwaterslang (Lycodonomorphus rufulus) Ander Name: Ivuzamanzi (Zoeloe) | Izilenzi (Xhosa) | Common Brown Water snake (Engels) Klassifikasie: Skadeloos Die bruinwaterslang staan in die Zoeloe-kultuur as die “Ivuzamanzi” bekend en daar word geglo dat wanneer hierdie slang jou pik, jy vanuit die naaste rivier moet gaan water drink – vóór die slang dit doen. Dit is natuurlik nie waar nie en die wetenskap agter die slang vertel ‘n heel ander storie. Hierdie slanke slang is olyfgroen tot bruin in kleur, met uitpeul-oë en ‘n pienkerige tot oranje of liggeel onderkant wat tot op die sye gesien kan word. Dit bereik ‘n gemiddelde lengte van 45cm tot 60cm met ‘n maksimum lengte van net onder 1m (97cm) en die wyfie lê in die somer 6 tot 23 eiers. Die…

Stuur foto’s van jou en jou ryding na: info@4x4afrika.com Elmari Schoeman 2020 Suzuki Jimny “My heldergeel Suzuki Jimny, Honey Badger, is na Afrika se klein, maar vreeslose roofdiere vernoem. Net soos ‘n ratel, ken my Jimny geen vrees nie en sal wat voor hom geplaas word eenvoudig kafdraf en oorwin. Ek is mal oor my Jimny, want dit het alles wat ek nog ooit in ‘n 4x4 wou hê – dit is kompak, bekostigbaar en hy mág maar veldry! Dié voertuig se veldryvermoë beïndruk en verras voortdurend my en my mede-avonturiers en ek was nog nooit spyt oor my keuse nie. Ek dink die Jimny is die perfekte basis om ‘n uiters bekwame landreisvoertuig te bou, aangesien jy baie pret sal hê om dit volgens jou behoeftes aan te pas.…

Enige ontvlugting uit die betonoerwoud is altyd ‘n lekkerte en om in ‘n luukse sportnutsvoertuig (SNV) die pad te vat om die suidpunt van Afrika te verken, terwyl ons in luukse lodges en hotelle bly, voel amper onwerklik. Ons het ‘n propvol reisplan saam met Cape Country Routes – wat ‘n landwye verskeidenheid verblyfopsies en aktiwiteite bemark – uitgewerk en was opgewonde om Kia se splinternuwe vlagskip SNV, die Sorento SXL, se bene te rek tydens hierdie vier-dag lange uitstappie. Ek gaan met die deur in die huis val en bieg: kampeer-en 4x4-avonture is veel eerder my keuse vir vakansies so hierdie luukse avontuur was redelik ver uit my gemaksone. Ek het egter geen probleem gehad om die Prof (soos my lewensmaat bekendstaan) te oorreed om saam te kom vir…

Betowerend. Skilderagtig. Asemrowend. Groen. Damme. Fonteine. Watervalle. Modder. Mis. Nee, ek het nie ‘n woordeboek ingesluk nie. Daar is eenvoudig geen beter manier om die onlangse Wolkberg Bush Run – met 20 Land Rovers wat propvol kamptoerusting en hope energie na Magoebaskloof-area gekom het vir ‘n naweek van rus en ontspanning – te beskryf nie. Geleë in die Haenertsburg-omgewing, in ‘n area wat bekend staan as “die land van die silwer mis”, sal jy die Mountain Fly Fishing Farm op ‘n werkende avokadoplaas vind. Hierdie rustige plek, wat deur David en Josie Pirie besit en bedryf word, bied vyf pragtig ingerigte selfsorgkothuise en ‘n heerlike rustige kampeerplek, naby damme waar vang-en-vrylaat-forelhengel een van die gewilde aktiwiteite is wat aangebied word. Die kampterrein het drie goed ingerigte ablusieblokke met elektrisiteit en…

As jy op soek is na ‘n redelike maklike pas met ongelooflike uitsigte, is Magoebaskloof in Limpopo vir seker die antwoord. Die pas klim 446m meter om by die kruin van 1 400m bo seespieël uit te kom, wat ‘n gemiddelde gradiënt van 1:17 en 1:9 by die steilste gedeeltes veroorsaak. Alhoewel daar talle slaggate is, is die pad geteer en geskik vir enige voertuig. Die R71 teerpad is die oostelike beginpunt van die pas en teen 954m bo seespieël is hierdie die ideale gebied vir die sub-tropiese plantegroei soos broodbome en palms, asook die groot hoeveelhede watervalle. Hierdie welige bergtoneel is enige fotograaf se droom. Danksy verskeie akkommodasie opsies in die omgewing is hierdie ‘n heerlike verkennings-wegbreek, slegs vier uur van Johannesburg af. Halfpad teen die berg op, pronk…

Weggesteek tussen ‘n paar plase in die Noordwes provinsie is Rust Oord Bosveld Kamp en alhoewel dit slegs so 25km buite Brits is, voel jy wêrelde verwyderd van die stadsgewoel. Ons het veral opgemerk dat daar feitlik geen padgeraas teenwoordig is nie – altyd ‘n bonus as ‘n rustige wegbreek op jou agenda is! Tans beskik die oord oor slegs 16 besonder groot staanplekke met geen selfsorg chalet opsies nie. ‘n Groot lekkerte is die warmwater swembad, met die temperatuur wat daagliks aangepas word om by die klimaat en die kampeerders se behoeftes aan te pas. Die trappie vir die in-en uitklim is egter (veral vir ons oues van dae) ‘n effe van ‘n uitdaging aangesien die trapdeel aan die kleinerige kant is. Volgens die eienaar, Alicia van der Spuy,…

Bruce Cook se kinderjare was gevul met landreis-en kampavonture en alhoewel hy goeie herinneringe het van hoe hulle as gesin hierdie pragtige land in Fugly, die Land Cruiser, verken het, was hy verheug toe hy uiteindelik sy eie vierwiel vennoot kon aanskaf. “Ek was nog altyd beïndruk met die voorkoms en vermoëns van die ‘baba SNV’ soos my pa dit noem,” sê Bruce oor sy Jimny genaamd Phumba. Sedert Phumba deel van die familie geword het, het pa en seun al baie avonture onderneem met ‘n besoek aan Somkhanda Wildreservaat in Pongola, wat as ‘n hoogtepunt uitgesonder word. “Die reservaat het geen teerpaaie nie, slegs ‘n groot verskeidenheid grondpaaie wat jou om die reservaat neem. Die meeste van die paaie is egter heeltemal oorgroei en dit het baie bundu bashing…

Magtige Mitsubishi Mitsubishi het ‘n paar luukse items uit sy huidige generasie Triton-dubbelkajuitreeks verwyder om ‘n GL-model – gemik op vlooteienaars – te produseer. Jeffrey Allison, hoof van bemarking by die Japannese vervaardiger het verduidelik dat aanhangers van die Mitsubishi-handelsmerk ‘n oorweldigende belangstelling in ‘n meer basiese en bekostigbare bakkie getoon het. “Dit is die eerste stap in ons voorneme om groter veelsydigheid in die kommersiële voertuigruimte te bied en ons hoop dat dit meer klante by die Mitsubishi-familie sal aansluit. Die aggressiewe pryspunt op ons dubbelkajuit GL, wat teen minder as R500 000 vir die 4x2 begin, sal ongetwyfeld ook leefstylverbruikers lok weens sy veelsydigheid en kontemporêre stilering,” sê Allison. Die Triton-dubbelkajuit GL beskik oor Mitsubishi se bewese DOHC-tussenverkoelde turbodieselenjin, wat 100kW krag en 324Nm wringkrag ontwikkel. Hierdie model…

Wie sê jy het ‘n hoogs omgeboude 4x4 nodig om te gaan kamp en veldry? Dit is dalk die huidige tendens in die mark en kan sommer vinnig in ‘n kompetisie verander om te sien wie die bes-toegerustevoertuig en die nuutste kamptoerusting het. Dit is egter nie ‘n vereiste om die jongste en nuutste toerusting en blinknuwe voertuig te hê om die natuurskoon van ons land te geniet nie. Om hierdie punt te bewys het ons ‘n paar vriende van Zombie Offroad genader om ‘n nuwe uitdaging aan te pak: om te sien met hoe min ons op ons beplande Weskus avontuur kon klaarkom, om weer te ervaar hoe dit was om in die ou dae te kamp. Die uiteinde? ‘n Eenvoudige voertuig en ‘n basiese kampeeropset, presies soos uit…

Na 20 jaar se ontwikkeling het die Kia Sorento ver gevorder van die Generasie 1 in 2002, tot die huidige Generation 4. Dit beskik oor ‘n splinternuwe ‘groot SNV’-platform en die nuutste Smartstream-weergawe van die 2.2-liter CRDi-turbodiesel enjin, met 148kW krag en 440Nm wringkrag. Dit is gekoppel aan ‘n nuwe agtgang-dubbelkoppelaar-ratkas en op-aanvraag vierwielaandrywing. Premium-kenmerke sluit 'n 12.3-duim bestuurder se TFT-instrumentgroepering en groot sentrale raakskerm in. Sewe USB-laaipunte is beskikbaar oor drie rye sitplekke en spog met ‘n volledige veiligheidspakket en ‘n legio bestuurdershulpmiddels. Dit sluit van aanpasbare spoedbeheer tot baanbystandbeer in, wat dit sonder twyfel ‘n uiters veilige en gepoleerde keuse as ‘nn gesinsavontuurvoertuig maak. Die Sorento word verkoop met ‘n 6-jaar/90 000km diensplan en 5-jaar/onbeperkte kilometer waarborg en is geprys vanaf R809 995 vir die tweewielaangedrewe EX+-graad. Ons…

Skandeer en kyk hoe ons die renoster geteken het. Die Corolla Cross is nie die eerste voertuig wat by jou opkom as jy daaraan dink om ‘n renosteromlyning op grondpaaie in ‘n wildreservaat te probeer teken nie. Hier by Avontuur Afrika is ons egter nie bang om “alle perke te oorskry” (soos die handelsmerk se bemarkingsveldtog lui) nie. Toe ons die TV-advertensie teen die einde van verlede jaar by die bekendstelling van hierdie nuwe oorgangsportnutsvoertuig sien, het ons dadelik gedink ons wil dit doen… net effens anders! Ons het dus met ons vriende by Mapesu Privaat Wildreservaat in Limpopo gesels, die Toyota PR-span oortuig om vir ons ‘n Corolla Cross vir ‘n naweek te gee en vertrek om ons eie “kuns” te gaan skep. Met die bekendstelling van die Corolla…

Lank voordat sosiale distansiëring ‘n vereiste was, het baie van ons gereeld ontvlugting van die beskawing gesoek en derhalwe het landreis en wild kampering die afgelope dekade baie gewild geword. Alhoewel dit wonderlik is om uit die gewoel van die betonoerwoud te ontsnap, beteken dit beslis nie dat jy al jou gerief en gemak hoef in te boet nie. Met ‘n goed geboude daktent kan jy toegang hê tot ‘n slaapplek wat byna net so gemaklik soos jou slaapkamer by die huis is. Ons het met ons vriende by Tentco gesels om uit te vind wat jy moet weet voordat jy jou op ‘n daktent besluit en – soos mens te wagte kan wees van die leiers in alles wat tentverwant is – het die span vir ons ‘n kundige…

Jy het sopas jou nuwe Jimny gekoop en moet besluit of jy dit standaard gaan laat óf die vermoë wil verbeter deur ‘n paar modifikasies aan te bring. Nadat ons met ‘n paar entoesiaste gesels het, was ons oortuig dat die modifikasies nie net daar is om cool te lyk nie, maar meestal weldeurdag is om veral die veldryvermoë te verbeter. Die vervaardigers verkies uiteraard dat eienaars hul voertuie so standaard as moontlik hou, omdat hulle van mening is dat die modifikasies nie addisionele vermoëns byvoeg nie en natuurlik is daar die netelige kwessie van waarborgimplikasies. Hul siening is dat ‘n standaardvoertuig die meeste uitdagings of struikelblokke wat jy in die veld of op jou landreise sal teekom, met gemak sal kan hanteer. Om hierdie teorie te toets, het ons…