Avontuur Afrika Issue 17 (Mar 2022)

As daar een ding is wat ons uit geselsies met die industrie en besoekers aan die onlangse Caravan Show wat by Gallagher Estate gehou is geleer het, is dit dat Suid-Afrikaners opgewonde is om weer te begin reis. Na twee jaar van vakansies en avonture uitstel, is ons mense reg om die boendoes in te vaar (of bloot by ‘n nabygeleë oord, lodge of hotel te gaan uitspan). Die skou was elke dag stampvol en uitstallers het almal groot belangstelling in hul produkte gerapporteer en bestellings het ingestroom. Ons het met van die sleutelrolspelers in die bedryf gesels en uitgevind dat 4x4 Mega World, byvoorbeeld, ‘n baie positiewe skou beleef en veral heelwat toebehore soos yskaste verkoop het. Dit is vir seker positiewe nuus aangesien dit wys dat kampeerders en…

BREINKRAG Soek die volgende bome van Suider-Afrika in die blokraai. Woorde kan horisontaal, vertikaal of diagonaal en in enige rigting wees. Kappies en deeltekens word nie gebruik nie. *Woorddele in hakkies word ter wille van spasie weggelaat, maar bly in die leidrade vir duideliheid. AKASIA BAOBAB BLINKBLAAR WAG N BIETJIE ESSENHOUT HUIL(BOOM) KAMEELDORING KIEPERSOL KORAALBOOM KURKBOS MANGO MSASA NOTSUNG PALM RAASBLAARBOOM ROOISTAM SESAMIE SUIKERBOS TEER(HOUT) TRANSVAAL KATJIEPIERING VAN WYKSHOUT WATERBESSIE WILDEVY WITSTINKHOUT ANABOOM BASBOOM HAAK EN STEEK HUILBOERBOON KAREE KINABOOM KREMETART LALA MANKETTI NABOOM OLIENHOUT PLATKROON SAFFRAAN (SAMBOK) SIPRES SWARTKLAPPER TOLBOS VLAM(KLIMOP) WATTEL WILGER(BOOM) WONDER(BOOM) APPEL(BOOM) BIETOU DROLPEER HALFMENS JAKKALSBESSIE KEUR(BOOM) KOKERBOOM KREUPELHOUT LEKKERBREEK MAROELA NATALSE WILDEPIESANG OUTENIEKWA POMPON ROOI ESSENHOUT PEUL SOETDORING TAAI(BOS) TRANSVAAL BOEKENHOUT TROS(VY) WATER(VY) WILDEKASTAIING WISPEL WORSBOOM APPELBLAAR EBBE(BOOM) HARDEKOOL JASMYN KIAAT KOORSBOOM KRINK(BOOM) MAHONIE MOPANIE…

Magtige Mitsubishi Mitsubishi het ‘n paar luukse items uit sy huidige generasie Triton-dubbelkajuitreeks verwyder om ‘n GL-model – gemik op vlooteienaars – te produseer. Jeffrey Allison, hoof van bemarking by die Japannese vervaardiger het verduidelik dat aanhangers van die Mitsubishi-handelsmerk ‘n oorweldigende belangstelling in ‘n meer basiese en bekostigbare bakkie getoon het. “Dit is die eerste stap in ons voorneme om groter veelsydigheid in die kommersiële voertuigruimte te bied en ons hoop dat dit meer klante by die Mitsubishi-familie sal aansluit. Die aggressiewe pryspunt op ons dubbelkajuit GL, wat teen minder as R500 000 vir die 4x2 begin, sal ongetwyfeld ook leefstylverbruikers lok weens sy veelsydigheid en kontemporêre stilering,” sê Allison. Die Triton-dubbelkajuit GL beskik oor Mitsubishi se bewese DOHC-tussenverkoelde turbodieselenjin, wat 100kW krag en 324Nm wringkrag ontwikkel. Hierdie model…

Almal se Everest Soortgelyk aan die ontwikkeling van die volgende generasie Ford Ranger, was klante se insette sentraal tot die ontwikkeling van die bakkie se SNV-boetie, die Everest. Dit lyk beslis sportiewer en heelwat aantrekliker, maar spesiale sorg is ook geneem om ‘n veilige en gerieflike binneruim vir beide bestuurder en passasiers te verseker. Robuust, dog verfyn Ford se globale ontwerp-DNS word in die C-vormige hoofligte gesien en ‘n horisontale voorste sierrooster gee die nuweling ‘n meer progressiewe en uiters aanvallige voorkoms. Boonop het die breër spoorwydte ‘n meer dramatiese boog oor die wiele tot gevolg, wat ‘n selfs sterker SNV-profiel skep. ‘n Luukse kajuit met sagte materiale, premium afwerkings en sagte, dog effektiewe beligting, tesame met dramaties verminderde geraas-en vibrasievlakke, onderskei hierdie gewilde sportnutsvoertuig van sy bakkie eweknie. Die…

Hou dit gelaai Cat® Power Tools bied ‘n wye reeks 18V koordlose gereedskap, insluitend hul nuwe borsellose reeks en as bonus gebruik al die produkte dieselfde batteryformaat. So, as jy vooruit beplan het en jou koordlose skroewedraaier of saag raak halfpad deur ‘n taak pap, kan jy dit maklik met ‘n spaarbattery omruil sonder om te wag dat dit herlaai. Dit is veral handig wanneer jy in die boedoes en ver van ‘n 220V herlaaipunt is. Cat® verskaf hul 18V litium-ioon spaarbatterye in 2.0Ah of 4.0Ah weergawes en albei beskik oor ‘n netjiese 220V geïntegreerde vyf-LED laaistatus-aanwyser, sodat jy met ‘n oogopslag weet hoeveel werktyd nog oor is. Vir gemoedsrus verskaf Cat® ook ‘n 220V blits-laaier met ‘n 20 minute herlaaityd, teen R999. *Batterye is beskikbaar by Cat® vanaf R999…

Wie sê jy het ‘n hoogs omgeboude 4x4 nodig om te gaan kamp en veldry? Dit is dalk die huidige tendens in die mark en kan sommer vinnig in ‘n kompetisie verander om te sien wie die bes-toegerustevoertuig en die nuutste kamptoerusting het. Dit is egter nie ‘n vereiste om die jongste en nuutste toerusting en blinknuwe voertuig te hê om die natuurskoon van ons land te geniet nie. Om hierdie punt te bewys het ons ‘n paar vriende van Zombie Offroad genader om ‘n nuwe uitdaging aan te pak: om te sien met hoe min ons op ons beplande Weskus avontuur kon klaarkom, om weer te ervaar hoe dit was om in die ou dae te kamp. Die uiteinde? ‘n Eenvoudige voertuig en ‘n basiese kampeeropset, presies soos uit…